Segurtasun Saila

Informazio bilketa 2011ko urriaren 26tik azaroaren 4ra bitartean egin zen -biak barne-, banakako elkarrizketen bidez eta egituratutako galdetegi itxia erabiliz; etxez etxe egin zen, Euskal Autonomia Erkidegoko (EAE) Lurralde bakoitzari dagokion biztanleriaren lagin adierazgarri baten arabera.

Lagina 18 urteko edo gehiagoko biztanleei zuzenduta zegoen eta honela banatu zen: 504 pertsona Araban, 1.134 Bizkaian eta 616 Gipuzkoan; beraz, guztira, 2.254 pertsona elkarrizketatu ziren. Hautaketa egiteko, etapa anitzeko prozedura geruzatua erabili zen, ausazko ibilbideei jarraituz; guztira, 161 lagin-puntu hartu ziren oinarritzat eta, norbanakoak hautatzerakoan, sexua, adina eta lan-egoera hartu ziren kontuan. Gero, emaitzak haztatu ziren, 2011ko Batzar Nagusietarako Hauteskundeetan emandako botoaren oroitzapenean eta biztanlerian oinarrituta.

Prospekzio Soziologikoen Kabinetea izan da ikerketaren diseinua , emaitzen analisia eta txostena egin duen a. Informazio bilketa Ikertalde enpresak egin zuen. Enpresa horren egoitza Lurra eraikinean dago: Txingurri Pasealekua 28-30, 2, 20017 Donostia-SanSebastian.

2.254 pertsonak osatutako laginaren errorea , lagina guztiz ausazkoa den kasu teorikoan egotzi lekiokeena, ± %2,11koa da EAE osorako, eta %95,5eko konfiantza maila du eta p=q=0,5. Lurralde bakoitzari dagokionez, laginaren errorea ±% 4,45koa da Arabarako, ±% 2,97 Bizkairako eta ± %4,03 Gipuzkoarako.

Inkesten %59,6 telefono bidez kontrolatu dira eta etxez etxeko kontrola egin zaio inkesten %14,7ri.