Jeneralak nabarmenduta
Inkestak
El Correo
2014ko maiatzaren 9a
Egilea: CIS
| 2014ko estimazioa | 2009ko ekaina | |||
|---|---|---|---|---|
| % | Jarlekuak | % | Jarlekuak | |
| PP | 33,7 | 20 - 21 | 42,12 | 24 |
| PSOE | 31,0 | 18 - 19 | 38,78 | 23 |
| CIU-PNV-CC | 5,5 | 3 | 5,1 | 3 |
| IU-ICV-EUiA-BA | 9,3 | 5 | 3,71 | 2 |
| UPyD | 5,3 | 3 | 2,85 | 1 |
| EdP-V | - | - | 2,49 | 1 |
| ERC | 3,7 | 2 | - | - |
| Los Pueblos Deciden | 2,1 | 1 | - | - |
| Primavera Europea | 1,2 | 0 | - | - |
| Ciudadanos | 1,2 | 0 | ||
| Vox | 0,5 | 0 | ||
| Podemos | 1,8 | 1 | ||
| Beste batzuk | 2,5 | 0 | ||
| Zuriak | 2,1 | - | - | - |
FITXA TEKNIKOA:
- Esparrua: Estatua.
- Unibertsoa: Europako hauteskundeetan bozkatzeko eskubidea duten biztanleak eta Espainian bizi diren 18 urteko edo urte gehiagoko gizonak nahiz emakumeak.
- Laginaren tamaina: diseinatuta: 4.800 elkarrizketa
- Eginda: 4.737 elkarrizketa
- Esleipena: proportzionala
- Haztapena: ez dagokio
- Laginketa-puntuak: 398 udalerri eta 49 probintzia.
- Laginketa-prozedura: etapa anitzekoa, konglomeratuen arabera geruzatua, laginketako lehen unitateen (udalerriak) eta bigarren unitateen (sekzioak) ausazko hautespen proportzionala eginez eta azken unitateena (banakoak) ausazko bideak eta sexuaren eta adinaren kuotak kontuan hartuz.
Geruzak 17 autonomia-erkidegoen eta habitat-tamaina duten bi hiri autonomoen arteko gurutzaketaz eratu dira, 7 kategoriatan banatuta: 2.000 biztanle edo hortik behera; 2.001etik 10.000ra; 10.001etik 50.000ra; 50.001etik 100.000ra; 100.001etik 400.000ra; 400.001etik 1.000.000ra eta 1.000.000 biztanletik gora.
Galde-sortak etxeetan egindako elkarrizketa pertsonalaren bidez aplikatu dira. - Laginaren errorea: % 95,5eko konfiantza-mailarako (bi sigma), eta P=Q, benetako errorea % ±1,5ekoa da lagin osoarentzat eta ausazko laginketa bakunaren kasuan.
- Noiz egin zen: 2014ko apirilaren 7tik 26ra.
Araubide Juridikoaren, Zerbitzuen eta Hauteskunde Prozesuen Zuzendaritza Azken aldaketa 2014/07/08
» Lege informazioa © 2012 - Eusko Jaurlaritza - Gobierno Vasco
- Europako Parlamentua da, demokratikoki hautatzen direnen artean, Indiakoaren ondoren, jende gehien ordezkatzen duen organo legegilea.
- Batasuneko herrialde gehienetan borondatezkoa da Europako Parlamenturako hauteskundeetan botoa ematea. Dena den, Belgikan, Zipren, Grezian eta Luxenburgon nahitaezkoa da botoa ematea.
- 2014ko hauteskundeetarako, lehen aldiz, Europako alderdi politiko nagusiek-herrialdeetako alderdiek eta pertsonek sortutako erakundeek- Europako Batzorde buru izateko hautagaiak izendatuko dituzte.
- Hauteskundeak maiatzaren 22tik 25era bitartean egingo dira, baina maiatzaren 25a arte, herrialde guztietako hautestontziak itxi ondoren, emaitzak ez dira ezagutuko.
- Europako Parlamentuaren Bruselako egoitzak Parlamentarium izeneko museoa du. Horren bidez Parlamentuaren eta Europar Batasunaren historia azaltzen duen erakusketa ikus daiteke.
- Europako Parlamentuak Kataluniako Scytl enpresa aukeratu du Batasuneko estatuetatik datozen hauteskunde-datu guztiak osotasunean zenbatzeko.
- Une honetan dagoen hautesle-errolda (2.200.000 biztanle inguru) kontuan hartuta, Euskal Autonomia Erkidegoa estatu independentea izango balitz, Parlamentuan 8 jarleku izango lituzke. Esloveniak edo Letoniak duten kopuru bera.
- Europako hauteskundeetan Espainiako Estatu osoa barruti bakarra da. Beste herrialde batzuetan, ordea, lurraldea hainbat barrutitan dago banatuta. Frantzia, esate baterako, 8 barrutitan dago banatuta eta Iparraldeko herritarrek hego-mendebaldeko barrutian bozkatzen dute; non Akitania, Langedoc-Rouseillon eta Midi-Pyrénées biltzen baitira.
- Espainiako Estatuan hautagai-zerrenda batek Europako hauteskundeetan jarleku bat lortzeko behar den kopurua hauteskundeetako parte-hartzearen araberako da. Azkeneko hauteskundeetan, 2009an, % 44,9ko parte-hartzea egon zen eta jarleku bat lortzeko 260.000 boto inguru beharrezkoak izan ziren.
- Hurrengo hauteskundeetatik aurrera Europako Parlamentua izango da Europako Batzordeko Lehendakaria hautatuko duena. Hautaketa Batasuneko estatuburuek edo gobernuburuek aurrez aukeratutako hautagaien artean egingo da, baina aldi berean Europako hauteskundeetako emaitzak kontuan hartu beharko dituzte.
- Batasuneko herrialde gehienetan 18 urterekin bozkatu eta hautagai izan daiteke. Hala ere, Austrian 16 urterekin bozka daiteke eta Italian hautagaia izateko 25 urte izan behar dira.
- Commonwealth delakoaren herrialdeetako herritarrek –hala nola, australiarrak, kanadarrak edo Karibeko uharteetako edo Afrikako estatu batzuetako herritarrak– Europako hauteskundeetan bozka dezakete, baldin eta Erresuma Batuko hautesle-erroldan inskribatuta badaude.
- Europako Parlamentua zuzenean hautatu zen lehenengo hauteskundeak 1979koak izan ziren. Ordura arte eurodiputatuak parlamentu nazionalek hautatzen zituzten.
- Europako Parlamentuan taldea osatu ahal izateko estatu kideen laurdenaren 25 diputatu behar dira gutxienez.
- Lurralde batzuk oso urrun egon arren, badira Europako hauteskundeetan bozkatzeko eskubidea duten biztanleak; adibidez, Guadalupe, Martinika eta Reunion uharteetakoak edo Frantziar Guayanakoak.
- Batasuneko estatuek maiatzaren 22tik 25era bitartean bozkatzeko aukera dute. Gehienek 25ean egingo dute; baina Erresuma Batuan eta Holandan, kasu, 22an eta Txekian 23 eta 24an.
- Ukrainako Parlamentuak, herrialdearen europazaletasuna nabarmendu asmoz, maiatzaren 25ean lehendakaritza-hauteskundeak egiteko deitu du.
- Europako hauteskundeetan Espainian 54 eurodiputatu hautatuko dira. Parlamentuan guztira 751 daude.
- Apirilaren 7an Hauteskunde-mahaien eta Hauteslekuen zerrenda ofiziala argitaratuko da Arabako, Bizkaiko eta Gipuzkoako Aldizkari Ofizialetan.
- Apirilaren 7tik 14ra bitartean udaletxeetan eta kontsuletxeetan hautesle-erroldako zerrendak ikusi ahalko dira.
- Apirilaren 7tik 14ra bitartean hautesle-erroldaren aurkako erreklamazioak egin ahalko dira.
- Apirilaren 26tik 30era bitartean udalek mahaikideak izendatzeko zozketa publikoak egingo dituzte.
- Apirilaren 27tik maiatzaren 3ra bitartean udalek mahaikideen izendapenak jakinaraziko dituzte.
- Apirilaren 28tik maiatzaren 10era mahaian egotea eragozten duten zuribideak aurkeztu ahalko dira.
- Maiatzaren 11tik 15era bitartean Eskualdeko Hauteskunde-batzordeek ebatziko dute aurkeztutako zuribideak onartuko dituzten ala ez.
- Maiatzaren 25ean mahaiko kide izatera arrazoi justifikaturik gabe ez joatea hauteskunde-delitua izan daiteke.
- Hautagai-zerrendak aurkezteko nahitaezkoa da 15.000 hautesleren edo 50 hautetsiren sinadurak biltzea.
- Behin betiko hautagai-zerrendak apirilaren 29an argitaratuko dira Estatuko Aldizkari Ofizialean.
- Hauteskunde-kanpaina maiatzaren 9an hasi eta 23an amaituko da.
- Apirilaren 1etik 15era bitartean botoa posta bidez emateko eskatu ahalko da.
- Maiatzaren 5etik 18ra bitartean hautesleak bere etxean botoa postaz emateko dokumentazioa jasoko du.
- Maiatzaren 5etik 22ra bitartean mahaira posta bidezko botoa bidali ahalko da.
- Apirilaren 2tik 26ra bitartean atzerrian modu iraunkorrean bizi direnek botoa emateko eskabidea bidali ahalko dute.
- Apirilaren 30etik maiatzaren 20ra bitartean botoa atzerritik Espainiako kontsuletxeetara bidali ahalko da. Edo, bestela, maiatzaren 21etik 23ra bitartean botoa kontsuletxeetan eman ahalko da.
- Maiatzaren 28an, emaitzen eta atzerrian bizi direnen botoen kontaketa ofiziala egingo da.
- Europako Parlamentua uztailaren 1etik aurrera eratuko da.
- April 25, 2014
- April 7, 2014
- April 14, 2014
- April 14, 2014
- April 30, 2014
- May 3, 2014
- May 10, 2014
- May 15, 2014
- May 25, 2014
- April 24, 2014
- April 29, 2014
- May 23, 2014
- May 15, 2014
- May 18, 2014
- May 21, 2014
- April 26, 2014
- May 23, 2014
- May 28, 2014
- July 1, 2014