Sare sozialetan Konpartitzea
Konpartitu
Nabarmenduak
Egutegiak
Egutegi orokorra: (egutegi honetako datatik datako epeak beti biak barnekoak dira)
Hauteskunde-deialdia
| Gertaerak | Egutegia | Lege - Oinarria |
|---|---|---|
| Deialdiko dekretua egitea | 2015eko urriaren 26a | HAOLO, 42.1 eta 2 |
| Hauteskundeen deialdia BOEan argitaratzea | 2015eko urriaren 27a | HAOLO, 42.1 eta 2 |
Hauteskunde-administrazioa: hauteskunde-batzordeak
| Gertaerak | Egutegia | Lege - Oinarria |
|---|---|---|
| PHB eta EHBen hasierako eraketa: bokal judizialak. | 2015eko urriaren 30a | HAOLO, 14.1 |
| Bokal judizialak ordeztea. | 2015eko urriaren 31tik azaroaren 3ra | HAOLO, 14.2. |
| PHB eta EHBen osaera LHAOetan argitaratzea. | 2015eko azaroaren 4a | HAOLO, 14.3 |
| Hautagaitzen ordezkariek bokal ez-judizialak izendatzeko elkarrekin egindako proposamena. | 2015eko azaroaren 23tik abenduaren 3ra | HAOLO, 10.1.b) eta 11.1.b) |
| Hautagaitzen ordezkariak adostasunera iritsi ezean, bokal ez-judizialak izendatzea PHBari edo EHBari dagokio. | 2015eko abenduaren 4a | HAOLO, 10.1.b) eta 11.1.b) |
Barrutiak sailkatzea: hauteskunde-atalak eta -mahaiak
| Gertaerak | Egutegia | Lege - Oinarria |
|---|---|---|
| HEBPOk LHAOetan argitaratzea hauteskunde-atalen, hauteslekuen eta hauteskunde-mahaien kopurua eta muga. | 2015eko azaroaren 2a | HAOLO, 24.2. |
| Hautesleek mugapen horien aurkako erreklamazioak aurkeztea PHBen aurrean. | 2015eko azaroaren 3tik 8ra | HAOLO, 24.3. |
| PHBek mugapenei buruzko erreklamazioak ebaztea. | 2015eko azaroaren 9tik 13ra | HAOLO, 24.3. |
| Hauteskunde-atalen, -mahaien eta hauteslekuen behin betiko zerrenda argitaratzea udaletxeetan eta INEren webgunean. | 2015eko abenduaren 10etik 19ra | HAOLO, 24.4. |
Erroldaren erakustaldia, hauteskunde-aldiko zuzenketak eta errolda-txartelak
| Gertaerak | Egutegia | Lege - Oinarria |
|---|---|---|
| Indarrean diren hautesle-zerrenden erakustaldia, udaletxeetan eta kontsuletxeetan. | 2015eko azaroaren 2tik 9ra | HAOLO, 39.2. |
| HEBPOn aurkeztea: 1.- Hautesleek erreklamazioak egitea, hautesle-zerrendan sartu edo ez sartzeagatik. 2.- Hautagaitzek erreklamazioak egitea, udaleko hautesle-erroldako hautesle-kopurua arrazoirik gabe asko handitu delako. | 2015eko azaroaren 2tik 9ra | HAOLO, 39.3. eta 4. |
| HEBPOk erreklamazioak edo inpugnazioak ebaztea. | 2015eko azaroaren 10etik 12ra | HAOLO, 39.6. |
| HEBPOk agintzea zuzenketak jendaurrean jartzeko, eta aldaketa horiek erreklamaziogileei, udalei eta kontsuletxeei jakinaraztea. | 2015eko azaroaren 13a | HAOLO, 39.6. |
| HEBPOren ebazpenen aurkako errekurtsoa administrazioarekiko auzien epailearen aurrean. | 2015eko azaroaren 14tik 18ra | HAOLO, 40.1. |
| Epaileak errekurtsoa ebaztea. | 2015eko azaroaren 19tik 23ra | HAOLO, 40.2. |
| Epailearen epaia jakinaraztea hautesleei, udalari, kontsuletxeari eta HEBPOri. | 2015eko azaroaren 23a | HAOLO, 40.2. |
| HEBPOk hautesleei errolda-txartela bidaltzea. | 2015eko azaroaren 23tik aurrera | HAOLO, 39.7 |
| HEBPOk hautagaitzen ordezkariei eta EHBei hautesle-errolda entregatzea. | 2015eko azaroaren 24tik aurrera | HAOLO, 41.5 |
Hauteskunde-mahaiak osatzeko zozketa
| Gertaerak | Egutegia | Lege - Oinarria |
|---|---|---|
| Udalek zozketa egitea, hauteskunde-mahaietako kideak aukeratzeko. | 2015eko azaroaren 21etik 25era | HAOLO, 26.2 eta 4 |
| EHBk mahaikideen izendapena jakinaraztea izendatutako partikularrei, bai eta eginbeharren eskuliburua ematea ere. | 2015eko azaroaren 26tik 28ra | HAOLO, 27.2. |
| Izendatutako partikularrek EHBren aurrean alegatzea mahaikide izatea eragozten dieten arrazoi edo desenkusak. | 2015eko azaroaren 29tik abenduaren 5era | HAOLO, 27.3. |
| EHBk ebaztea, eta hala badagokio, ordezkapena jakinaraztea lehen ordezkoari. | 2015eko abenduaren 6tik 10era | HAOLO, 27.3. |
| Mahaikideek EHBri jakinaraztea ezin direla kargua betetzera joan. | 2015eko abenduaren 16 arte | HAOLO, 27.4. |
Hautagaitzetako ordezkariak hauteskunde-administrazioaren aurrean
| Gertaerak | Egutegia | Lege - Oinarria |
|---|---|---|
| Alderdiek, federazioek eta koalizioek HBZren aurrean ordezkari nagusiak izendatzea. | 2015eko urriaren 27tik azaroaren 4ra | HAOLO, 168.1 |
| Ordezkari nagusiak HBZren aurrean hautagaitzen ordezkariak izendatzea. | 2015eko urriaren 27tik azaroaren 6ra | HAOLO, 168.2 |
| HBZk PHBei jakinaraztea beren barrutietako hautagaitzen ordezkarien izenak. | 2015eko azaroaren 7tik 8ra | HAOLO, 168.3 |
| PHBen aurrean hautagaitzen ordezkariak aurkeztea, izendapena onartzeko. | 2015eko azaroaren 9tik 10era | HAOLO, 168.4 |
Hautagaitzak aurkeztea eta aldarrikatzea
| Gertaerak | Egutegia | Lege - Oinarria |
|---|---|---|
| Hautaezinak PHB eskudunaren aurrean aurkeztea/dimisioa ematea. | 2015eko urriaren 30etik azaroaren 16ra | HAOLO, 7.1 |
| Hautesle-elkarteen eta aurkeztu nahi duten baina 2011ko hauteskundeetan ordezkaritzarik lortu ez zuten hautagaitzen sinadurak jasotzea. | 2015eko urriaren 27tik azaroaren 16ra | HAOLO, 169.3 |
| Hauteskunde-koalizioaren eraketa jakinaraztea, dagokion PHBaren aurrean. | 2015eko urriaren 28tik azaroaren 6ra | HAOLO, 44.2 eta 169.1 |
| Hautagaitzak dagokion PHBaren aurrean aurkeztea. | 2015eko azaroaren 11tik 16ra | HAOLO, 45 eta 169.1 |
| Aurkeztutako hautagaitzak BOEn argitaratzea. | 2015eko azaroaren 18a | HAOLO, 47.1 eta 169.4 |
| Dagokion PHBak hautagaitzei jakinaraztea aurkitutako edo salatutako irregulartasunak. | 2015eko azaroaren 20a | HAOLO, 47.2 |
| Ordezkariek hautagaitzetan aurkitutako edo salatutako irregulartasunak konpontzeko epea. | 2015eko azaroaren 21etik 22ra | HAOLO, 47.2 |
| Dagokion PHBak hautagaitzak aldarrikatzea. | 2015eko azaroaren 23a | HAOLO, 47.3 |
| Aldarrikatutako hautagaitzak BOEn argitaratzea. | 2015eko azaroaren 24a | HAOLO, 47.5 eta 169.4 |
| Aldarrikatutako hautagaitzei PHBak boto-paperen ereduak entregatzea. | 2015eko azaroaren 24tik 25era | HAOLO, 70.4 |
| Baztertutako hautagaitzek edo hautagaiek administrazioarekiko auzien epaitegian hauteskunde-auziagatiko errekurtsoa aurkeztea. | 2015eko azaroaren 25etik 126a | HAOLO, 49.1 eta 2 |
| Aurkeztutako errekurtsoari buruzko ebazpen judiziala. | 2015eko azaroaren 27tik 28ra | HAOLO, 49.3 |
| Konstituzio Auzitegiaren aurrean babes-eskaera. | 2015eko azaroaren 29tik 30era | HAOLO, 49.4 |
| Konstituzio Auzitegiak babes-eskaera ebaztea. | 2015eko abenduaren 1etik 3ra | HAOLO, 49.4 |
Hauteskunde-aldian botere publikoei ezarritako debekuak
| Gertaerak | Egutegia | Lege - Oinarria |
|---|---|---|
| Aginte publikoei debekatzea publizitateko edo komunikazioko erakunde-kanpainak egitea, salbu eta interes publikoa babesteko eta zerbitzu publikoak egoki egiteko ezinbestekoak diren jarduketak. | 2015eko urriaren 27tik abenduaren 20ra | HAOLO, 50 |
| Aginte publikoei debekatzea lortutako emaitzak edo betetako helburuak ekitaldietan aipatzea, bai eta hautagaitzen adierazpenak edo irudiak erabiltzea ere. | 2015eko urriaren 27tik abenduaren 20ra | HAOLO, 50.2 |
| Aginte publikoei debekatzea obra eta zerbitzu publikoen inaugurazio-ekitaldiak egitea; hala ere, funtzionatzen has daitezke. | 2015eko urriaren 27tik abenduaren 20ra | HAOLO, 50.3 |
Hautagaitzen hauteskunde-aurrekanpaina
| Gertaerak | Egutegia | Lege - Oinarria |
|---|---|---|
| Aurrekanpaina: Hauteskunde-zerrendei debekatzea hauteskunde-propagandako ekintzak egitea karteletan, merkataritza-euskarrietan edo hedabideetan. | 2015eko urriaren 27tik abenduaren 3ra | HAOLO, 53 |
Hauteskunde-kanpaina
| Gertaerak | Egutegia | Lege - Oinarria |
|---|---|---|
| Hauteskunde-kanpainaren iraupena | 2015eko abenduaren 4tik 18ra | HAOLO, 51.2 |
| Hauteskunde-inkesten emaitzak zabaltzeko debekua | 2015eko abenduaren 15etik 19ra | Euskal Autonomia Erkidegoko publizitate instituzionalari buruzko abenduaren 23ko HAOLO, 69.7 |
Hauteskunde-kanpainako propaganda eta ekitaldiak
| Gertaerak | Egutegia | Lege - Oinarria |
|---|---|---|
| Hautagaitzek hauteskunde-propagandarako posta-bidalketak Corresoen uzteko epea. | 2015eko azaroaren 25etik abenduaren 9ra (HBZren erabakia, 2015-10-29koa) | HAOLO, 59 PRE 776/2015 Agindua, 2015eko hauteskundeetan posta-zerbitzuak dituen betebeharrei buruzkoa. |
| Udalek EHBei jakinaraztea kartelak doan jartzeko zer leku erabil daitezkeen. | 2015eko urriaren 28tik abenduaren 3ra | HAOLO, 56.1 |
| EHBek hautagaitzei jakinaraztea zer leku dituzten kartelak jartzeko. | 2015eko azaroaren 25a | HAOLO, 56.3 |
| Udalek EHBri, eta EHBk PHBri jakinaraztea zer lokal ofizial eta leku publiko dituzten hauteskunde-kanpainako ekitaldiak doan egiteko. | 2015eko urriaren 28tik azaroaren 6ra | HAOLO, 57.1 |
| LHAOetan argitaratzea zer lokal eta toki publiko dauden hauteskunde-kanpainako ekitaldiak doan egiteko. | 2015eko urriaren 28tik azaroaren 11ra | HAOLO, 57.2 |
| Hautagaitzen ordezkariek EHBri egitea lokal eta leku publikoak erabiltzeko eskaera. | 2015eko azaroaren 12tik 26ra | HAOLO, 57.2 |
| EHBk lokal eta leku publikoak hautagaitzei esleitzea, eta hautagaitzen ordezkariei jakinaraztea. | 2015eko azaroaren 27a | HAOLO, 57.3 |
Egoitza espainian dutenek botoa posta bidez emateko
| Gertaerak | Egutegia | Lege - Oinarria |
|---|---|---|
| Botoa posta bidez emateko eskaera egin behar da | 2015eko urriaren 27tik abenduaren 11ra (2015-12-09ko HBZren Erabakiaren arabera epea luzatu egin da) | HAOLO, 72.a) |
| Erroldan inskribatuta daudelako ziurtagiria eta botoa emateko hauteskunde-dokumentazioa bidaliko die HEBPOk hautesleei. | 2015eko azaroaren 30etik abenduaren 14ra (2015-12-09ko HBZren Erabakiaren arabera epea luzatu egin da) | HAOLO, 73.1 eta 2 |
| Hautesleek (botoa postaz emango dutenak) dokumentazioa bidaliko diote mahaiari. | 2015eko azaroaren 30etik abenduaren 18ko 14 ordu arte (2015-12-15eko HBZren Erabakiaren arabera epea luzatu egin da) | HAOLO, 73.3 |
Gaixo dauden edo desgaitasunak dituzten espainiako egoiliarrek botoa posta bidez emateko
| Gertaerak | Egutegia | Lege - Oinarria |
|---|---|---|
| Gaixorik dagoen edo desgaitasuna duen pertsonak botoa posta bidez emateko eskaera egitea, notario bidez baimendutako pertsona baten bitartez. | 2015eko urriaren 27tik abenduaren 11ra (2015-12-09ko HBZren Erabakiaren arabera epea luzatu egin da) | HAOLO, 72.c) |
| PHBak egiaztatuko du ea botoa posta bidez emateko eskaeretan lehen adierazitako baldintzak betetzen diren. | 2015eko urriaren 27tik abenduaren 10era | HAOLO, 72.c) |
| PHBak, lehen adierazitakoak egiaztatu ondoren, dagokion HEBPOra itzuliko dira eskaerak . | 2015eko abenduaren 14a arte | 605/1999 ED, 8.3 artikulua |
| HEBPOk erroldan inskribatuta izatearen ziurtagiria eta botoa emateko dokumentazioa igorriko ditu hautesleak adierazitako helbidera. | 2015eko azaroaren 30etik abenduaren 14ra (2015-12-09ko HBZren Erabakiaren arabera epea luzatu egin da) | HAOLO, 73.1 eta 2 |
| Botoa posta bidez mahaira bidaltzea. | 2015eko azaroaren 30etik abenduaren 18ko 14 ordu arte (2015-12-15eko HBZren Erabakiaren arabera epea luzatu egin da) | HAOLO, 73.3 |
Atzerrian aldi baterako bizi diren egoiliarrek posta bidez bozkatzeko (oporrengatik, ikasketengatik, negozioengatik kanpoan badira eta, betiere, baldin eta Espainiako egoiliarren hautesle-erroldan ageri badira)
| Gertaerak | Egutegia | Lege - Oinarria |
|---|---|---|
| Kontsuletxeko matrikula-erregistroan "ez-egoiliar" gisa inskribatuta egon behar dute. | 2015eko urriaren 27tik azaroaren 21era | HAOLO, 74 eta 1621/2007 ED |
| Botoa posta bidez emateko eskaera egin. | 2015eko urriaren 27tik azaroaren 21era | HAOLO, 74 eta 1621/2007 ED |
| HEBPOk botoa posta bidez emateko dokumentazioa bidaliko die atzerrian aldi baterako dauden egoiliarrei. | 2015eko azaroaren 24tik 30era (1) | HAOLO, 74 eta 1621/2007 ED |
| Atzerrian aldi baterako dauden egoiliarrek botoa posta bidez bidaliko dute mahaira. | 2015eko azaroaren 24tik abenduaren 16ra | HAOLO, 74 eta 1621/2007 ED |
Itsasoan diren langileek botoa posta bidez emateko
| Gertaerak | Egutegia | Lege - Oinarria |
|---|---|---|
| Botoa posta bidez emateko eskaera egin behar du, erradiotelegrafia bidez. | 2015eko urriaren 27tik abenduaren 10era | 605/1999 ED, 9.2, 3 eta 4 artikuluak |
| HEBPOak dokumentazioa bidaliko dio, itsasoan den pertsonak adierazitako portura, armadoreari, kontsignatarioari edo itsasontzira. | 2015eko azaroaren 30etik abenduaren 13ra | 605/1999 ED, 9.5 |
| Itsasoan den pertsonak posta bidez bidaliko du botoa mahaira, estatuko edozein portutatik. | 2015eko azaroaren 30etik abenduaren 16ra | 605/1999 ED, 9.6 |
Iraunkorki atzerrian bizi direnek botoa emateko
| Gertaerak | Egutegia | Lege - Oinarria |
|---|---|---|
| HEBPOak AEHZn inskribatutako hauteslearen helbidera igorriko die botoa eskatzeko inprimakia. | 2015eko urriaren 27tik azaroaren 21era | HAOLO, 75.1 |
| Hautesleek HEBPOari igorriko diote botoa eskatzeko inprimakia. | 2015eko urriaren 27tik azaroaren 21era | HAOLO, 75.1 |
| HEBPOak hauteslearen helbidera igorriko die botoa emateko dokumentazioa. | 2015eko azaroaren 24tik 30era (2) | HAOLO, 75.2 eta 3 |
Boto hori entregatzeko erak:
| 2015eko azaroaren 25etik abenduaren 15era 2015eko abenduaren 16tik 18ra | HAOLO, 75.4 HAOLO, 75.5 eta 6 |
| Kontsuletxeko bulegoek Kanpo Arazoetako Ministeriora bidaliko dituzte hautesleek hautetsontzian sartutako gutun-azalak (betiere abenduaren 18ra arte jasotakoak), baita kontsuletxeko funtzionarioak emandako akta ere. | 2015eko abenduaren 19a | HAOLO, 75.8 |
| Kanpo Arazoetako Ministerioaren Bulegoak PHBetara bidaltzea hautesleek kontsuletxeetako hautetsontzietan sartutako gutun-azalak eta kontsuletxeetan jasotako posta bidezko botoak. | 2015eko abenduaren 20tik 22era | HAOLO, 75.10 eta 11 |
Iraunkorki atzerrian bizi diren baina hauteskunde-prozesuaren aldian aldi baterako espainian diren egoiliarren posta bidezko botoa
| Gertaerak | Egutegia | Lege - Oinarria |
|---|---|---|
| Espainiako edozein posta-bulegotan posta bidezko botoa eskatzea. | 2015eko urriaren 27tik abenduaren 10era | HAOLO, 72.a) |
| HEBPOk erroldan inskribatuta izatearen ziurtagiria eta botoa emateko dokumentazioa igortzea hautesleak adierazitako helbidera. | 2015eko azaroaren 30etik abenduaren 13ra | HAOLO, 73.1 eta 2 |
| Hautesleek dagokien PHBari bidaltzea posta bidezko botoa, hauteskunde dokumentazioarekin. | 2015eko azaroaren 30etik abenduaren 16ra | HAOLO, 73.3 |
Artekariak eta ahaldunak izendatzea
| Gertaerak | Egutegia | Lege - Oinarria |
|---|---|---|
| Hautagaitzaren ordezkariak artekaria izendatzea. | 2015eko azaroaren 24tik abenduaren 17ra | HAOLO, 78.1 |
| EHBak taloitegiko 3. eta 4. orriak bidaltzea udaletxeetara, bozketaren egunean hauteskunde-mahaietan banatzeko. | 2015eko abenduaren 18tik 19ra | HAOLO, 78.2 |
| Hauteskunde-mahaietako ahaldunak izendatzea. | 2015eko azaroaren 24tik abenduaren 20ra | HAOLO, 76 |
Hauteskunde-administratzaileak, diru-laguntzen aurrerapena eta diru-laguntzen eguneratzea
| Gertaerak | Egutegia | Lege - Oinarria |
|---|---|---|
| Alderdi politiko, federazio eta koalizioen ordezkari nagusiek administratzaile orokorra izendatzea HBZren aurrean. | 2015eko urriaren 27tik azaroaren 6ra | HAOLO, 174.1 |
| Alderdien ordezkari nagusiek hautagaitzetako administratzaileak izendatzea PHBaren aurrean. | 2015eko azaroaren 11tik 16ra | HAOLO, 174.2 |
| Administratzaile orokorrak eta hautagaitzakoak HBZri eta PHBari jakinaraztea irekitako kontu korrontearen zenbakia. | 2015eko urriaren 27tik azaroaren 19ra | HAOLO, 124.1 eta 2 |
| Hauteskunde-gastuen diru-laguntzaren % 30 aurreratzeko eskaera. | 2015eko azaroaren 17tik 19ra | HAOLO, 127bis. 1 eta 2 |
| Eskatutako aurrerapena ordaintzea. | 2015eko azaroaren 25etik abenduaren 3ra | HAOLO, 127bis.4 |
| Lortutako boto eta aulkien arabera hauteskundeetako diru-laguntzen zenbatekoak eguneratzea, bai eta hauteskunde-propaganda postontzietan banatzeko ere. Eta hautagaitzen hauteskunde-gastuaren muga finkatzea. | 2015eko urriaren 28tik azaroaren 1era | HAOLO, 175.4 |
Bozketa, boto-zenbaketa eta hautetsiak aldarrikatzea
| Gertaerak | Egutegia | Lege - Oinarria |
|---|---|---|
| Bozketa | 2015eko abenduaren 20a | HAOLO, 84.1 |
| EHBak boto-zenbaketa orokorra egitea. | 2015eko abenduaren23tik 26ra | HAOLO 103.1 / 107.2 |
| Hautagaitzetako ordezkari eta ahaldunek PHBan erreklamazioak eta kexak aurkeztea. | 2015eko abenduaren 27a | HAOLO, 108.2 |
| PHBk ebazpena eman eta hautagaitzetako ordezkari eta ahaldunei jakinaraztea. | 2015eko abenduaren 28a | HAOLO, 108.3 |
| Hautagaitzetako ordezkari eta ahaldunek PHBren ebazpenaren aurkako errekurtsoa jartzea. | 2015eko abenduaren 29a | HAOLO, 108.3 |
| PHBk espedientea eta txostena bidaltzea HBZri. | 2015eko abenduaren 30a | HAOLO, 108.3 |
| PHBk ebazpena bidali duela jakinaraztea hautagaitzetako ordezkariei, eta HBZren aurrean agertzeko deitzea. | 2015eko abenduaren 31a | HAOLO, 108.3 |
| HBZk audientzia ematea hautagaitzetako ordezkari eta ahaldunei. | 2016ko urtarrilaren 1etik 2ra | HAOLO, 108.3 |
| HBZk aurkeztutako errekurtsoen ebazpena ematea eta PHBri jakinaraztea, hautetsien aldarrikapena egin dezan. | 2016ko urtarrilaren 3a | HAOLO, 108.3 |
| PHBak hautetsiak aldarrikatzea. | 2016ko urtarrilaren 4a | HAOLO, 108.4 |
| HBZk BOEan Kongresurako eta Senaturako hauteskundeen emaitzak argitaratzea, barrutiaren arabera. | 2016ko urtarrilaren 26tik aurrera | HAOLO, 108.6 |
Ikusmen-desgaitasuna dutenentzako boto irisgarria
| Gertaerak | Egutegia | Lege - Oinarria |
|---|---|---|
| Ikusmen-desgaitasuna duenak Barne Ministerioari telefonoz jakinaraztea, boto irisgarriaren prozedura erabiltzeko. | 2015eko urriaren 27tik azaroaren 24ra | HAOLO, 87.2 eta 1612/2007 ED |
| Barne Ministerioak ikusmen-desgaitasuna duenari baiestea jaso duela jakinarazpena, eta gaitasuna ematen zaiola, NANa aurkeztuta, bozketa-egunean dagokion mahaian Braillez idatzitako dokumentazioa jasotzeko. | 2015eko urriaren 28tik azaroaren 25era | HAOLO, 87.2 eta 1612/2007 ED |
| Horretarako jarrita dauden Barne Ministerioaren webgunean —formatu irisgarrian— eta Barne Ministerioaren doako telefonoan, aldarrikatutako hautagaitzak eta haietako kideak kontsultatzeko aukera. | 2015eko azaroaren 24tik abenduaren 20ra | HAOLO, 87.2 eta 1612/2007 ED |
| Barne Ministerioak, udalen bitartez, hauteskunde-mahaietara bidaltzea ikusmen-desgaitasunak dituztenek botoa eman ahal izateko beharrezko Braille dokumentazioa. Hauteslekuetan gune irisgarri bat prestatuko da, dokumentazioa botoaren isilpekotasuna bermatzeko moduan erabiltzeko. | Azken eguna 2015eko abenduaren 19a | HAOLO, 87.2 eta 1612/2007 ED |
| Boto-txartela aukeratuta eta gutun-azalean sartuta, hautesle den mahaian emango du botoa. | 2015eko abenduaren 20a | HAOLO, 87.2 eta 1612/2007 ED |
Hauteskundeekiko auzi-prozesua
| Gertaerak | Egutegia | Lege - Oinarria |
|---|---|---|
| Hautetsiak izendatzeko ekitaldia dela-eta, PHB eskudunaren aurrean auzi-errekurtsoa jartzea. | 2016ko urtarrilaren 5etik 7ra | HAOLO, 112.1 eta 2 |
| Justizia Auzitegi Goreneko administrazioarekiko auzietako salaren epaia. | Azken eguna 2016ko urtarrilaren 25a | HAOLO, 113.1 |
| Interesdunei epaiaren berri ematea. | 2016ko urtarrilaren 26ko ez beranduago | HAOLO, 114.1 |
Diputatuen kongresua eta senatua eratzea
| Gertaerak | Egutegia | Lege - Oinarria |
|---|---|---|
| Hautetsiekin Diputatuen Kongresua eta Senatua eratzeko data. | 2016ko urtarrilaren 13a | HAOLO, 112.1 eta 2 |
(1) y (2) Hautagaitzak deuseztatzeagatik inpugnaziorik egonez gero, epea 2015eko abenduaren 1era arte luzatu daiteke
Laburdurak:
BOE = Estatuko Aldizkari Ofiziala
LHAO = Lurralde historikoko aldizkari ofiziala
CER = Espainiako Egoiliarren Hautesle Errolda
CERA = Atzerriko Egoiliar Absenteen Hauteskunde Errolda
HEBPO = Hautesle Erroldaren Bulegoaren Probintzia Ordezkaritza
HBZ = Hauteskunde Batzorde Zentrala
PHB = Probintziako Hauteskunde Batzordea
EHB = Eskualdeko Hauteskunde Batzordea
PRE Agindua = Ekonomia eta Ogasun Ministerioaren agindua.
HAOLO = Hauteskundeen Araubide Orokorrari buruzko Lege Organikoa
ED = Errege Dekretua
KA = Konstituzio Auzitegia
Araubide Juridikoaren, Zerbitzuen eta Hauteskunde Prozesuen Zuzendaritza Azken aldaketa 2018/01/19
» Lege informazioa © 2012 - Eusko Jaurlaritza - Gobierno Vasco
- Diputatuen Kongresuan, indarrean den hauteskunde-legeak finkatua du hauteskunde-langa bat; hura gainditzen duten hautagaitzen artean banatzen dira aulkiak. Egungo langa, barruti bakoitzean emandako baliozko botoen % 3 da (baliozko botoak = hautagaitzei emandako botoak + boto zuriak). Hala ere, Senaturako hauteskundeetan araudiak ez du hauteskunde-langarik ezarri, Senatuan hautagaiak aukeratzen baitira (probintziako hiru hautagai, gehienez), eta ez hautagaitzen zerrenda itxiak eta blokeatuak, Diputatuen Kongresuan bezala.
- Diputatuen Kongresuan parlamentuko talde bat eratzeko, beharrezkoa da 15 diputatu izatea, edo bestela 5 izatea eta hautagaitza aurkeztu den barrutietan botoen % 15 lortu izana.
- Diputatuen Kongresurako eta Senaturako hauteskundeetan jarlekuak banatzeko hauteskunde-sistema ezberdina da. Diputatuak hautagaitza bakoitzak lortutako botoen proportzioan banatzen dira, D’Hondt sistema proportzionala erabiliz. Eta senatarientzat, gehiengoaren sistema erabiltzen da, hau da, boto gehien lortzen dutenak hautatzen dira, harik eta barruti bakoitzeko senatarien kopurua osatu arte.
- Kongresurako diputatu-kopuruaren esleitzeak, 2015eko hauteskundeetan, ez du aldaketarik izan Araban 1977ko lehen hauteskundeez geroztik. Hala ere, Bizkaian 10 diputatu esleitu ziren lehen lau hauteskunde orokorretan, 1977, 1979, 1982 eta 1986; 9 diputatu hautatu ziren 1989, 1993, 1996, 2000 eta 2004ko bost hauteskunde orokorretan; eta 8 diputatu, 2008, 2011 eta 2015eko hiru hauteskunde orokorretan.
- Gipuzkoan, zazpi diputatu esleitu ziren lehen bost hauteskunde orokorretan, 1977, 1979, 1982, 1986 eta 1989; eta sei diputatu, 1993, 1996, 2000, 2004, 2008, 2011 eta 2015eko azken zazpi hauteskunde orokorretan.
- Irlandan bada Senatu bat, lurraldeak ordezkatzeko eginkizuna ez duena eta sufragio unibertsalez hautatzen ez dena, baizik eta sektore ekonomikoen eta akademikoen artean. Gobernuak abolitzea proposatu zuen, erreferendum bidez, 2013. urtean, baina hautesleen % 51,7k arbuiatu zuten neurri hori.
- 2015eko hauteskunde orokorretan, indarrean den hautesle-erroldan inskribatuta dauden, espainiar nazionalitatea duten eta adin nagusikoak diren pertsonak izango dira botoa eman ahalko dutenak eta hautatuak izan ahalko direnak. Horrenbestez, ezin dute botoa eman eta ezin dira hautatuak izan atzerritar adin nagusikoak, egoitza Espainian dutenak, Europar Batasuneko 27 estatuetakoren batekoak direnak edo Espainiarekin udal-hauteskundeetan bozkatzeko elkarrekikotasun-hitzarmen nazioartekoak dituzten Europar Batasunaz kanpoko herrialdeetakoak direnak.
- Diputatuen Kongresuaren eta Senatuaren multzoari Gorte Nagusiak deritze. Tradizio handiko izena da hori Espainian, penintsulako erresumetako Erdi Aroko biltzarrek gorteak izena baitzuten. Eta izen horixe mantendu zen XIX. mendeko konstituzio gehienetan, eta hainbat autonomia-erkidegotako parlamentuetan hartu dute. Hala egin dute, adibidez, Aragoik, Gaztela eta Leonek, Gaztela-Mantxak eta Valentziak.
- 2015eko udaletako eta biltzar nagusietako hauteskundeetan ez bezala (orduko hartan, hauteskundeetara aurkeztu nahi zuten hautesle-taldeei sinadurak biltzea besterik ez baitzitzaien galdatu), 2015eko hauteskunde orokorretan, aurkezten diren barrutiko hautesleen % 1en sinadurak behar dituzte. Orobat, barruti bakoitzeko hautesleen sinaduren % 0,1 biltzea galdatzen zaie 2011ko hauteskunde orokorretan aurkeztu ez ziren hautagaitzei edota, aurkeztuta, aulkirik lortu ez zutenei.
- 2015eko hauteskunde orokorretan indarrean izango den hautesle-errolda, hauteskunde-deialdiaren aurreko bigarren hilaren lehen egunean itxitakoa izango da, hau da, 2015eko 8ren 1ean itxitakoa. Hala ere, 1986tik 2008ra bitartean egindako zazpi hauteskunde orokorretan, indarrean zen errolda deialdiaren aurreko lehen hilabeteko lehen egunean itxitakoa zen.
- 1931ko Bigarren Errepublikaren Konstituzioak ganbera bakarrak eratutako botere legegilea ezarri zuen. Hori berrikuntza handia izan zen Espainiako konstituzionalismoan, indarrean izan diren konstituzio gehienetan bigarren ganbera bat ere izatea zehaztuta baitzegoen; bigarren ganberari, oro har, Senatua deitu izan zaio.
- 2015eko hauteskunde orokorretan, hauteskunde-legediari jarraituz hauteskunde-propaganda postontzietan banatzearen diru-laguntza jasotzeko eskubidea duen hautagaitzak % 20ko murrizketa izango du diru-laguntza horretan, hautesleei hauteskunde-propaganda zuzenean bidaltzeagatik. Horrek esan nahi du 2011ko hauteskunde orokorretan hautesleko 0,22 euro ordaindu zirela, eta 2015ekoetan hautesleko 0,18 euro ordainduko direla.
- Diputatuen Kongresurako 2011ko hauteskundeetan, 10 hautagaitza aurkeztu ziren Araban eta Gipuzkoan, eta 11 Bizkaian. Hala ere, 2008koetan askoz gehiago izan ziren aurkeztutako hautagaitzak: 20 Araban, 19 Gipuzkoan eta 21 Bizkaian.
- 2015eko Senaturako hauteskundeetan, 208 senatari hautatuko dira, hots, probintziako 4 senatari, uharteetako barrutietan 16, eta 4 Ceutan eta Melillan; ez da aldaketarik izan 1986az geroztik. Hala ere, lehen aipatu senatari hautetsien kopuru horri, 17 autonomia-erkidegoetako legebiltzarrek izendatutako autonomia-senatariak batu behar zaizkio. Autonomia-erkidegoko legebiltzarraren legegintzaldi bakoitza hastean, senatari bat hautatzen dute autonomia-erkidegoko, eta beste bat milioi biztanleko. Zehazki, Euskal Autonomia Erkidegoan, 12 senatari hautatuko dira 2015eko hauteskunde orokorretan, gehi 3 autonomia-senatari, hots, guztira Senatuko 15 kide.
- Hauteskunde orokorretan, ikusmen-desgaitasuna izanik Braille sistema erabiltzen dutenek, beren hauteskunde-mahaian eurek bozkatu ahal izango dute, modu irisgarrian, sistema hori baliatuz. Udaletako eta Batzar / Biltzar Nagusietako aurreko maiatzaren 24ko hauteskundeetan, ordea, itsuek ezin izan zuten Braille sistema erabili, eta bi aukera besterik ez zuten izan: edo postaz bozkatu, edo hauteskunde-mahaira etorrita, beren konfiantzako pertsona baten laguntzarekin.
- 1977ko ekainaren 15ean izan ziren diktadura amaitu ondoren Gorte Nagusietarako lehen hauteskundeak. Orduko hartan, 350 diputatu eta 207 senatari hautatu ziren. Gainera, beste 41 senatari izendatu zituen zuzenean Erregek.
- Diputatuen Kongresurako hauteskundeetara aurkezten diren hautagaitzek gizonen eta emakumeen osaera orekatua izan beharko dute. Hartara, hautagaitzaren zerrenda osoa hartuta, sexuetako bakoitzak gutxienez hautagaien % 40 izango ditu. Senaturako hauteskundeetara aurkezten diren hautagaitzek, zerrendatan taldekatzen direnek, emakumeen eta gizonen arteko proportzioa zenbaki-orekatik albait hurbilena izateko moduko osaera izan beharko dute. Hala ere, 2005az geroztik egin diren Eusko Legebiltzarrerako hauteskundeetan, hautagaitzen osaerako parekidetasuna are asmo handiagokoa da, emakumeak gutxienez % 50 izango baitira, sei izeneko tarte bakoitzean proportzio horri eutsita.
- 2011ko eta 2015eko hauteskunde orokorretan, atzerrian iraunkorki bizi diren egoiliarren botoa erregutua da, hots, modalitate horretan bozkatu ahal izateko, hautesleak atzerritik botoa ematea eskatu behar du. 1986tik 2008ra bitartean egin ziren zazpi hauteskunde orokorretan, ordea, boto-mota hori ez zen erregutua, eta hautesleek atzerriko beren bizilekuan jasotzen zuten bozkatzeko dokumentazio guztia, aurrez eskatu gabe, atzerrian absente zeuden egoiliarren erroldan inskribatuta egoteagatik beragatik.
- Frantziako legegintza-hauteskundeetan Asanblea Nazionalerako 577 diputatu aukeratzen dira izen bakarreko barrutietan. Iparraldek bi barruti ditu eta beste bat Bearnekin partekatuta.
- Diktaduraren ondorengo lehenengo hiru hauteskunde orokorretan (1977, 1979 eta 1982), indarrean zen hauteskunde-araudiari jarraituz, ezin zuten postaz botoa eman atzerrian bizi ziren hautesleek eta ontziratutako langileek, eta gainera ikusmen-desgaitasuna zutenek ezin zuten Braille sistema erabiliz botoa eman.
- Frankismoaren ondorengo lehen hauteskunde orokorretan, 1977an, Espainian bizi zirenek posta bidez bozkatzeko egin beharreko izapideak gaurkoen oso bestelakoak ziren. Izan ere, posta bidezko botoa eskualdeko hauteskunde-batzordeei eskatzen zitzaien, eta haiek zuten eskumena erroldako inskripzioaren ziurtagiria emateko, eskatzailea erroldan ageri zela egiaztatu eta gero. Eskualdeko hauteskunde-batzordeen ardura zen, orobat, eskatzailearen bizilekura bidaltzea postaz bozkatzeko dokumentazio guztia.
- EAEn, Diputatuen Kongresurako Hauteskundeetarako parte hartze handiena 1982an izan zen, %79,37k eman baitzuen botoa. Parte hartzen txikiena, ordea, 2000 urtean izan zen, parte hartzea %63,84koa izan baitzen.