Aurkezpena

Ikerketari buruz pentsatzen dugunean, analisi-laborategiak, saiakuntza klinikoak, beste ikerketa zientifiko batzuk eta abar etortzen zaizkigu burura. Hala ere, prebentzio-zerbitzuetako langileek laneko osasunean egindako ikerketa ere erabakigarria da, eta, askotan, gutxietsi egiten da. Osasun-arloko teknikariek eta profesionalek prozesu osagarrietan laguntzen dute, eta, diziplina anitzeko taldeak direnez, lan-ingurunean osasunari eragiten dioten erronkei eraginkortasunez aurre egin diezaieketen hainbat diziplina biltzen dituzte. Diziplina anitzeko ikuspegi horrek bermatzen du lan-osasuneko ikerketatik eratorritako erabakiak eta estrategiak lerrokatuta egotea langileen eta enpresen premiekin, lan-ingurune seguruagoa eta osasungarriagoa sustatuz.

Jardunaldi honetan, lanaren eta lan-osasunaren etorkizunean eragina izango duten gaitasun profesionalen azterketan eta garapenean oinarritutako egungo ikerketa-ildoak aurkeztuko dira. Gainera, prebentzioaren kudeaketan berrikuntzak eta I+G+b-k duten garrantzia nabarmenduko da, prebentzio-praktikak etengabe eguneratuz eta hobetuz.

Laburpena

2025eko otsailaren 21ean "Laneko Medikuntza eta Erizaintzako Ikerketa: landu gabeko gaia" jardunaldia egin zen, Osalanek, Lan Medikuntzaren Euskal Elkarteak eta Bilboko Mediku Zientzien Akademiak antolatua.

Prebentzio-zerbitzuetako osasun-langileei zuzendutako jardueren barruan programatutako jardunaldi hau, 2025ari hasiera eman dion lehen saioa izan da. Bizkaiko Sendagileen Elkargoko Areilza aretoan egin zen, eta 136 pertsona bertaratu ziren, aurrez aurre eta online (100 emakume, 36 gizon).

Kontuan hartuta laneko medikuntza eta erizaintza ez direla soilik osasun-azterketetara eta gaitasun-ziurtagiriak ematera bideratu behar, jardunaldian lan-osasuneko ikerketaren egungo egoerari buruz hausnartu genuen; izan ere, saio honen helburuetako bat izan da prebentzioaren eta osasunaren esparruan, lanean eta lanetik kanpo, ikerketak izan dezakeen ikusgarritasuna eta inpaktua hobetzea. Besteak beste, ondorengo ideia nagusiak nabarmendu ziren:

• Prebentzio-zerbitzuetako langileek egiten duten ikerketari balioa eman behar diogu, eta foroak sortu behar ditugu azterlan horiek behar bezala zabaldu ahal izateko.

• Ezin dugu ahaztu lanpostuak eta haren lan-inguruneak datu-igorle etengabeak direla; datu horiek kontuan hartu eta informazio-iturri oso baliotsu gisa baliatu behar ditugu.

• Datuen bilketa sistematiko eta ordenatuak, azterketak, interpretazioak eta ondorengo dibulgazioak lagundu egingo diote laneko medikuntza eta erizaintzako ikerketari; izan ere, lortutako informazioarekin, egungo arazoen aurrean jarduteaz gain, arazo potentzialak eta hobetzeko aukerak ere detektatu ahal izango ditugu.

Jardunaldian adibide praktikoak eta metodologiak aurkeztu ziren, prebentzio-zerbitzuetako diziplina anitzeko taldeen ikerketa-ildoak eta -jarduerak ezartzeko. Bestalde, laneko erizainen kolektiboak ikerketa-proiektuak gidatzeko duen erronka azaleratu zen. Ikerketa-zentroen eta lan-eremuaren arteko lankidetzaren beharra ere azpimarratu zen, ikerketa-hipotesiak sortzeko eta langileen datuak berresteko. Hori guztia jakintza transferitzen laguntzeko, eta betiere jardueraren helburu nagusia izanik langileen segurtasun- eta osasun-baldintzak hobetzea.

Eskerrak eman nahi dizkiegu prestakuntza-saio honetan parte hartu zuten guztiei, batez ere hizlariei eta jardunaldia antolatzen lagundu zuten langile guztiei.

Ponencias

Ostirala 2025eko otsailak 21, Bizkaiko Medikuen Elkargoa (Bilbao)

• Foro I+D+i: Innovación para Transformar la Prevención en el Ámbito Laboral
• AIS aurkezpenaren bideoa (gastelaniaz)
  Maite Unanue, José Díaz eta Leire Malvar, CFP IN Servicio de Prevención.
• Oportunidades en CIC bioGUNE para estudios en Medicina y Enfermeria del Trabajo
  Mª Luz Martínez Chantar, CIC bioGUNE.

Bideoa

Argazkiak