Etorkinentzako Harrera Egiteko Euskal Zerbitzuak, Harreragunek, profesionalei zuzendutako informazio-saio bat antolatu du, familia-berrelkartze prozesuan laguntzeko abian jarritako programa berria aurkezteko.

Familia-berrelkartzea prozesu emozional, sozial eta antolaketazkoa da, bai migratzen duten pertsonentzat, bai beren familientzat. Prozesu horren ondorio psikosozialak eta programaren ezaugarriak azaltzeko, profesionalentzako informazio-saioa egingo da.

Nori zuzendua?

• Gizarte-, hezkuntza- eta osasun-arloetako profesionalei.
• Bilboko etorkinekin lan egiten duten gizarte-eragileei.

Saioaren helburua:

• Familia-berrelkartzeko laguntza-programa aurkeztea.
• Berrelkartutako familien erronkak eta beharrak azaltzea.
• Bilboko baliabide eta zerbitzu eskuragarrien berri ematea.