Ebazpena, Kanpo Harremanetarako eta Euskadi Globaleko idazkari nagusiarena, Europako eskualde estrategikoetan (Bavaria, Korsika, Flandria, Gales, Euskal Hirigune Elkargoa eta Akitania Berriko Eskualde Berria) lankidetza teknikoan aritzeko proiektuetarako laguntzen deialdia egiteko, 2025erako

OINARRIAK

Lehenengoa. Xedea.

Ebazpen honen helburua da eskualde estrategikoko (Bavaria, Korsika, Flandria, Gales, Euskal Hirigune Elkargoa eta Akitania Berriko Eskualde Berria) pertsona juridikoekin 2025erako egiteko alde biko jarduketa- eta lankidetza-proiektuak finantzatzeko laguntzen deialdia egitea, honako arlo hauetan jasotako gaietan betiere:

1. Euskadik eta Bavariak 2021eko ekainaren 23an sinatutako Elkar Ulertzeko Memoranduma:

   Digitalizazioa, adimen artifiziala, 4.0 industria.

   Teknologia jasangarriak, garbiak eta ingurumena zaintzen dutenak.

   Ingurumen-babesa (klima-egokitzapenaren eta ekonomia zirkularraren ikuspegitik).

   Barne-segurtasuna eta polizia (delinkuentziaren eta prebentzioaren aurkako borrokan eta polizien prestakuntzan eta hobekuntzan oinarrituta).

   Kultura-lankidetza.

2. Euskadik eta Korsikak 2021eko apirilaren 13an sinatutako Elkar Ulertzeko Memoranduma:

   Euskararen eta korsikeraren hizkuntza-normalizaziorako politikak.

   Atzerrian bizi den diasporarekiko edo gizataldeekiko harreman- eta lotura-politikak.

   Lankidetza garatzea Europako gaien esparruan.

   Interes komuneko esparruetako beste lankidetza batzuk, hala nola kultura, turismoa, politika ekonomikoa edo ingurumena.

3. Euskadik eta Flandriak 2021eko azaroaren 15ean sinatutako Elkar Ulertzeko Memoranduma:

   Ikerketa, garapena eta berrikuntza (industria eta teknologia, osasuna, gizarte-politikak, genero-berdintasuna, sektore publikoaren kudeaketa, azpiegiturak eta garraioa).

   Lan-merkatua eta politika ekonomikoa (lanbide-heziketa, produktibitate- eta lehiakortasun-politikak).

   Ingurumena (klima-aldaketa, uren, materialen eta hondakinen tratamendua, bai eta ingurumenarekin eta energia berriztagarriekin bateragarriak diren teknologiak ere).

   Osasuna (batez ere, zainketa kronikoak).

   Kultura- eta sormena-sektorea.

   Kultura anitzeko gizarte tolerante bat bultzatzea (bakea eratzea eta giza eskubideak errespetatzea).

   Eskualdeek Europan duten zeregina indartuko duten ekimenak eta aliantzak.

4. Euskadik eta Galesek 2018ko uztailaren 12an sinatutako Elkar Ulertzeko Memoranduma (2021eko uztailaren 12an sinatutako akordioaz luzatua):

   Mugikortasuna eta garraioak (batez ere, trenbide-azpiegitura eta -zerbitzuak).

   Ingurumena eta klima-aldaketa.

   Teknologia, berrikuntza eta lehiakortasuna.

   Itsas energiak.

   Nekazaritzako elikagaien industria.

   Hezkuntza eta prestakuntza.

   Zerga-estrategia eta -politika, zerga-administraziorako politika, aurrekontu-kudeaketa eta gizarte-zerbitzuak.

   Osasuna eta gizarte-laguntzarako zerbitzuak, balioetan funtsatutako arreta medikoa eta zahartze aktibo eta osasungarria.

   Negozio-aukerak.

   Kultura anitzeko gizarte tolerantea bultzatzea (batez ere, hizkuntza-politikaren eta kultura-sektorearen sustapenaren arloan).

5. EAEren eta Euskal Hirigune Elkargoaren artean 2019ko urriaren 7an sinatutako lankidetza instituzionalerako memoranduma:

   Mugaz gaindiko mugikortasuna.

   Goi-mailako irakaskuntza, prestakuntza eta ikerkuntza.

   Garapen ekonomikoa eta turismoa.

   Nekazaritza.

   Lurralde-garapen jasangarria.

   Ingurumena eta biodibertsitatea.

   Kultura eta euskara.

6. Euskadiren eta Akitaniaren arteko Lurralde Lankidetzarako Europako Taldearen hitzarmena, 2011ko uztailaren 11n sinatua:

   Eskualde bien arteko komunikazioak hobetzea, bereziki irisgarritasuna erraztuz eta, pertsonak eta salgaiak eramateko, ingurumena errespetatzen duten garraiobideak sustatuz.

   Ikerketa- eta berrikuntza-jarduerak osagarri bihurtzea eta baloratzea, lurralde osoan teknologia-, ekonomia-, eta gizarte-dinamika berri bat sortu dadin gobernantza on batez lagundua.

   Lurraldearen garapen jasangarria sustatzeko proiektuak abian jartzea, bereziki, energia berriztagarrien eta baso-balorizazioaren arloetan.

   Hezkuntzaren eta prestakuntzaren arloan, herritarren erabateko garapena bermatzeko metodoak eta bitartekoak partekatzea;

   Nekazaritzari, elikadurari eta osasunari lotutako gaiak elkarrekin tratatzea eta, ildo horretatik, kalitatearen, jatorriaren eta trazabilitatearen inguruko ekintzak bultzatzea eta lurraldeei balioa emango dieten nekazaritza-praktika jasangarriak garatzea.

   Kultura- eta arte-dinamika sendotzea eta, bereziki, euskara eta euskal kultura sustatzea, sormen horren adierazpenetan txertatutako alderdi berri baten bitartez;

   Elkarren laguntzaz, turismo-baliabideak batera baloratzea, betiere, geografia- eta kultura-identitateak errespetatuko dituen garapen kontrolatuaren esparruan.

   Lurralde-lankidetza, nagusiki berrikuntzaren, ezagutzaren ekonomiaren, ingurumenaren eta arriskuei aurre hartzearen arloan oinarrituta,

   Praktikarik onenak identifikatzeari, eskualdatzeari eta hedatzeari buruzko esperientzien trukeak hiri-garapen jasangarriarekin lotutakoak barne.

   Europar Batasunean garapenerako ardatzei buruzko azterlanekin, datu-bilketarekin, behaketarekin eta analisiarekin lotutako ekintzak.

   Bigarrena. Zuzkidura ekonomikoa.

   Bavaria, Korsika, Flandria, Gales, Euskal Hirigune Elkargoa eta Akitaniako Eskualde Berria Europako eskualde estrategikoekiko lankidetza teknikorako proiektuetarako laguntzen guztizko kreditua 50.000 eurokoa izango da 2025erako, Euskal Autonomia Erkidegoaren Aurrekontu Orokorren kargura.

   Hirugarrena. Dirulaguntzen mugak eta zenbatekoak.

1. Eskatzaile bakoitzak proiektu bakar bat garatzeko laguntza jaso dezake, baina nahi beste eskabide aurkez ditzake.

2. Proiektu bakoitzeko, gehienez ere 5.000 euro emango dira guztira.

3. Laguntzak ematea arautzen duen martxoaren 26ko 47/2019 Dekretuaren 15. artikuluan xedatutakoaren arabera, laguntza horien gehieneko zenbatekoa erakunde eskatzailearentzako proiektuaren kostuaren % 50 izango da, eta ordainketa honela egingo da:

   Lehenengo ordainketa (% 40) dirulaguntzaren onespena sinatu ondoren egingo da.

   Bigarrengo ordainketa (% 60) proiektua amaitu eta gastu guztiak justifikatu ondoren egingo da 2025eko azaroaren 30a baino lehen.

   Laugarrena. Diruz lagundu daitezkeen gastuak.

   Honako kontzeptu hauek jaso dezakete dirulaguntza:

1. Diruz lagundu daitezkeen proiektuen arabera, Bavaria, Korsika, Flandria, Gales, Euskal Hirigune Elkargoa eta Akitaniako Eskualde Berria Europako eskualde estrategikoetara joaten diren EAEko pertsonen bidaia- eta egonaldi-gastuak:

   Proiektu bakoitzeko garraio-gastuak: hegazkin-txartelen benetako kostua (beste edozein garraiobidek ere balio du), 1.000 euro gehienez.

   Ostatu- eta janari-gastuak proiektu bakoitzeko: 180 euro eguneko, gehienez ere 7 egunez.

2. Aldebiko proiektuak gauzatu, sustatu eta zabaltzeko gastuak, proiektu bakoitzeko jaso daitekeen dirulaguntzaren gehieneko zenbatekoa (5.000 euro) osatu arte, deialdi honen 3. artikuluan ezarritakoaren arabera.

   Bosgarrena. Entitate partaideek bete beharreko baldintzak.

   Laguntzak arautzen dituen Dekretuaren 5. artikuluan aipatutakoaz gain, parte hartzen duten entitateek honako baldintza hauek bete behar dituzte:

1. Dirulaguntzen Araubidea Erregulatzeko abenduaren 21eko 20/2023 Legearen 13. artikuluan onuradun-kondizioa lortzea eragozten duten inguruabarretako batean ere ez egotea.

2. Emakumeen eta Gizonen Berdintasunerako eta Emakumeen aurkako Indarkeria Matxistarik gabe Bizitzeko Legearen testu bategina onartzen duen martxoaren 16ko 1/2023 Legegintzako Dekretuan deskribatutako inguruabarretako batean ere ez egotea.

   Seigarrena. Eskabidea.

   Honako obligazio hauek erantzukizunezko adierazpenaren bidez egiaztatuko dira:

1. Azaltzeko badaukan eskatuta edo jasota dirulaguntzarik, laguntzarik, diru-sarrerarik edo bestelako baliabiderik helburu bererako, beste administrazio edo erakunde publiko zein pribatu batzuetatik.

2. Dirulaguntzen Araubidea Erregulatzeko abenduaren 21eko 20/2023 Legearen 14. artikuluan araututako onuradun-kondizioa izatea eragozten duten deskribatutako inguruabarretako batean ere ez egotea, ez eta Emakumeen eta Gizonen Berdintasunerako eta Emakumeen aurkako Indarkeria Matxistarik gabe Bizitzeko Legearen testu bategina onartzen duen martxoaren 16ko 1/2023 Legegintzako Dekretuan deskribatutako inguruabarretako batean ere.

3. Minimis araubidearen mendeko bestelako dirulaguntzak aitortzea, dagokien zerga-ekitaldian eta aurreko bietan jasotakoak, frogatzeko «minimis» laguntza berriak ez duela gainditzen 2023ko abenduaren 13ko Batzordearen 2023/2832 (EB) Erregelamenduak, Europar Batasunaren Funtzionamenduari buruzko Tratatuaren 107. eta 108. artikuluak interes ekonomiko orokorreko zerbitzuak eskaintzen dituzten enpresei emandako «minimis» laguntzei aplikatzeari buruzkoak, agindutako muga maximoa.

   Zazpigarrena. Eskabideak aurkezteko modua eta tokia.

1. Martxoaren 26ko 47/2019 Dekretuan eskatzen diren baldintzak betetzen dituzten pertsonek telematikoki egingo dituzte eskabideak, Euskal Autonomia Erkidegoko Administrazio Publikoaren egoitza elektronikoaren bidez (https://www.euskadi.eus/zerbitzuak/1089609), eta eskuragarri egongo dira kanal elektronikoan nola izapidetu jakiteko zehaztapenak, ereduak eta formularioak.

2. Eskabidea aurkeztu ondorengo izapideak, jakinarazpenak barne hartuta, Euskal Autonomia Erkidegoko Administrazio Publikoaren egoitza elektronikoko «Nire karpeta» atalaren bidez egingo dira: https://www.euskadi.eus/nire-karpeta/web01-sede/eu/

3. Eskabideak aurkezteko epea hilabetekoa izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

   Zortzigarrena. Ebaluazio batzordea.

   Martxoaren 26ko 47/2019 Dekretuaren 11.2 artikuluan aipatutako ebaluazio-batzordea dirulaguntza-eskabideak analizatu eta ebaluatuko dituena, honako hauez osatuta egongo da:

   Batzordeburua: Asier Areitio Ibarlucea, Kanpo Harremanen eta Organismo Multilateralen zuzendaria.

   Batzordekidea: Elena Iturrate Vizcargüenaga, Europako Gaietarako Zuzendaritzako goi-mailako teknikaria.

   Idazkaria: Elena Iturrate Vizcargüenaga, Europako Gaietarako Zuzendaritzako goi-mailako teknikaria.

   Bederatzigarrena. Proiektuak gauzatzeko epea.

   Proiektua laguntza-deialdia egin deneko urte naturalaren barruan 2025ean hasiko da, eta urte bereko azaroaren 30a baino lehen exekutatuko da.

   Hamargarrena. Suntsiaraztea.

   1. Dirulaguntzen Araubidea Erregulatzeko abenduaren 21eko 20/2023 Legearen 21. artikuluan eta Lehendakaritzaren Egitura Organikoa eta Funtzionala Ezartzen duen azaroaren 26ko 388/2024 Dekretuaren 6. artikuluan ezarritakoaren arabera, Kanpo Harremanetarako eta Euskadi Globalerako Idazkaritza Nagusiaren titularrari dagokio eskatutako laguntzak emateko edo ukatzeko ebazpena ematea eta, hala badagokio, esleitutako laguntzen zenbatekoa zehaztea.

   2. Ebazpen horrek administrazio-bidea amaituko du. Haren aurka, berraztertzeko errekurtsoa jarri ahal izango zaio organo berari.

   3. Ebazpena gehienez ere 6 hilabeteko epean eman eta jakinarazi beharko zaie interesdunei, eskabideak aurkezteko epea amaitzen den hurrengo egunetik zenbatzen hasita.

      Hamaikagarrena. Dirulaguntza jasotzen duten entitateen betebeharrak.

   1. Entitate onuradunek, dirulaguntza onartzearekin batera, dekretu honetan ezarritako arau guztiak ere onartu behar dituzte, baita zehapenen erregimenarekin lotuta dauden bermeak ere, hau da, Dirulaguntzen Araubidea Erregulatzeko abenduaren 21eko 20/2023 Legean eta Dirulaguntzei buruzko azaroaren 17ko 38/2003 Lege Orokorrean ezarritakoak.

   2. Laguntzak arautzen dituen Dekretuaren 17.3 artikuluan jasotako obligazio orokorrez gain, erakunde onuradunek Dirulaguntzen Araubidea Erregulatzeko abenduaren 21eko 20/2023 Legearen 14., 27. eta 42. artikuluen ondoriozko obligazioak bete beharko dituzte, bai eta Emakumeen eta Gizonen Berdintasunerako eta Emakumeen aurkako Indarkeria Matxistarik gabe Bizitzeko Legearen testu bategina onartzen duen martxoaren 16ko 1/2023 Legegintzako Dekretuaren ondoriozkoak ere.

      Hamabigarrena. Ez-betetzeak.

      Dirulaguntza ematea eragin zuten kondizioak betetzen ez direla egiaztatzen bada, jasotako zenbatekoak eta dagozkien berandutza-interesak itzuli beharko zaizkio Euskal Autonomia Erkidegoko Diruzaintza Nagusiari, egokitzat jotako gainerako ekintzak gauzatzeaz gainera, Dirulaguntzen Araubidea Erregulatzeko abenduaren 21eko 20/2023 Legean araututakoari jarraikiz.