Arautegia
InprimatuEBAZPENA, 2025eko uztailaren 10ekoa, Langileriaren Kudeaketako zuzendariarena, Hezkuntza Saileko lan-legepeko hezkuntza-langileen lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen zerrenda osagarria argitaratzen duena, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 139
- Hurrenkera-zk.: 3227
- Xedapen-zk.: ---
- Xedapen-data: 2025/07/10
- Argitaratze-data: 2025/07/23
Gaikako eremua
- Gaia: Gizarte gaiak eta emplegua; Administrazioaren antolamendua
- Azpigaia: Lana eta enplegua; Gobernua eta Administrazio Publikoa; Funtzio publikoa
Testu legala
Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Sailari atxikitako lan-kontratuko langileen lan-kategorietako lanpostuak modu finkoan betetzeko.
Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:
Hezkuntza laguntzako langileen kategorian sartzeko merezimendu-lehiaketa.
Transkribatzaile eta material-egokitzaile kategorian sartzeko merezimendu-lehiaketa.
Zeinu-mintzairaren interprete kategorian sartzeko merezimendu-lehiaketa.
Fisioterapeuta kategorian sartzeko merezimendu-lehiaketa.
Okupazio terapeutaren kategorian sartzeko merezimendu-lehiaketa.
Gizarte-langilearen kategorian sartzeko merezimendu-lehiaketa.
Hezkuntza Saileko Langileriaren Kudeaketako zuzendariaren 2024ko abenduaren 26ko Ebazpenak prozesu horietan hautatutako pertsonen eta esleituko diren plazen behin betiko zerrendak argitaratu zituen eta, era berean, hogei egun balioduneko epea ezarri zuen Hezkuntza sailburuaren 2022ko abenduaren 20ko Aginduaren 2.3 oinarrian adierazitako parte hartzeko baldintza orokorrak eta espezifikoak betetzen direla egiaztatzen duten agiriak aurkezteko.
Behin dokumentazioa aurkezteko epea amaituta eta hura aztertuta, oinarri komunen 10. apartatuan xedatutakoaren arabera, Hezkuntza Saileko Langileriaren Kudeaketako zuzendariaren 2025eko maiatzaren 19ko Ebazpenak argitara eman zuen Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar zituzten pertsonen zerrenda, eskatutako dokumentazioa ezarritako epearen barruan aurkezteagatik (aipatutako ebazpenaren I. eranskina), bai eta, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egin gabe pertsonen zerrenda ere (ebazpen horren II. eranskina).
Agindu horren 9.4 oinarrian aurreikusitako osasun-azterketan II. eranskinean zerrendatutako pertsonak ebaluatu ondoren, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen zerrenda osagarria, lortu nahi duten lanpostuko eginkizunak betetzeko gaitzat jo dituztelako.
Horrenbestez, hau
Lehenengoa. Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Saileko hezkuntzako lan-kontratudun langileen kategorietako plazak modu finkoan betetzeko enplegua egonkortzeko salbuespenezko prozesuetan hautatutako izangaien zerrenda osagarria, deialdian eskatutako baldintzak betetzen dituztelako, eta Euskal Autonomia Erkidegoko hezkuntza administrazioaren zerbitzuko lan-kontratuak formalizatzeko epea ezartzea. Pertsonen zerrenda hori eranskinean dago.
Bigarrena. Hautatutako pertsonek (eranskinean zerrendatuta daude) 2025eko uztailetik aurrera sinatu beharko dituzte dagozkien lan-kontratuak.
Kontratu horiek 2025eko irailaren 1etik aurrera izango dituzte ondorioak.
Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko hezkuntza administrazioko lan-kontratudun finko izateko eskubide guztiak, deialditik eratortzen direnak.
Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.
Vitoria-Gasteiz, 2025eko uztailaren 10a.
Langileriaren kudeaketa zuzendaria,
UNAI NIETO MARIJUAN.
(Ikus .PDF)
Gaiarekin lotutako edukiak
Arauaren historia (2)
- Ikus: EBAZPENA, 2025eko maiatzaren 19koa, Langileriaren Kudeaketa zuzendariarena, Hezkuntza Saileko hezkuntzako lan-kontratudun langileen kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen zerrenda argitaratzen duena, langileok deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.
- Ikus: AGINDUA, 2022ko abenduaren 20koa, Hezkuntzako sailburuarena, enplegua egonkortzeko salbuespenezko prozesurako deialdia egiten duena, Hezkuntza Saileko hezkuntzako lan-legepeko hezitzaileen lan-kategorietako plazak modu finkoan betetzeko.