Arautegia
InprimatuEBAZPENA, 2025eko urtarrilaren 14koa, Giza Baliabideen zuzendariarena, zeinaren bidez iragartzen baita noiz argitaratuko den Enplegu Publikoaren Atarian 2025eko urtarrilaren 14ko Ebazpena, zeinaren bidez xedatzen baita Euskal Autonomia Erkidegoko Segurtasun Administrazioko zerbitzu laguntzaileetako langile lan-kontratudunen enplegua finkatzeko salbuespenezko prozesuetan hautatutako pertsonen kontratuak formalizatu aurreko dokumentazioa aurkezteko faseari hasiera ematea.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Segurtasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 15
- Hurrenkera-zk.: 362
- Xedapen-zk.: ---
- Xedapen-data: 2025/01/14
- Argitaratze-data: 2025/01/23
Gaikako eremua
- Gaia: Ekonomi jarduerak; Administrazioaren antolamendua
- Azpigaia: Industria; Gobernua eta Administrazio Publikoa; Funtzio publikoa
Testu legala
Euskal Autonomia Erkidegoko Administrazio Orokorraren eta haren erakunde autonomoen, Euskal Autonomia Erkidegoko Hezkuntza Administrazioaren eta Euskal Autonomia Erkidegoko Segurtasun Administrazioko zerbitzu laguntzaileen 2022rako Enplegu Publikoaren Eskaintza onartzen duen Erabakiarekin (Jaurlaritzaren Idazkaritzako eta Legebiltzarrarekiko Harremanetarako zuzendariaren maiatzaren 24ko 53/2022 Ebazpenaren bidez argitaratua) eta Euskal Autonomia Erkidegoko Segurtasun Administrazioko zerbitzu laguntzaileetako enplegua finkatzeko ezohiko prozesuetarako oinarri orokorren 16. apartatuarekin (oinarri horiek Jaurlaritzako lehenengo lehendakariorde eta Segurtasuneko sailburuaren 2022ko abenduaren 5eko Aginduaren bidez onartu ziren), bat etorriz, hau
Iragartzea 2025eko urtarrilaren 23an argitaratuko dela Enplegu Publikoaren Atarian eta https://www.euskadi.eus/enplegu-publikoa/helbide elektronikoan, Giza Baliabideen zuzendariaren 2025eko urtarrilaren 14ko Ebazpena, zeinaren bidez xedatzen baita Euskal Autonomia Erkidegoko Segurtasun Administrazioko zerbitzu laguntzaileetako langile lan-kontratudunen enplegua finkatzeko salbuespenezko prozesuetan hautatutako pertsonen kontratuak formalizatu aurreko dokumentazioa aurkezteko fasea irekitzea.
Vitoria-Gasteiz, 2025eko urtarrilaren 14a.
(EE: Jaurlaritzako lehenengo lehendakariorde eta Segurtasuneko sailburuak eskuordetuta, 2024ko urtarrilaren 23ko Agindua, 2024-02-02ko EHAA, zenbait eskumen gauzatzea Segurtasun Saileko Giza Baliabideen zuzendariari eskuordetzen diona).
Giza Baliabideen zuzendaria,
MIRIAM ANITUA ARANZABAL.