Gobernantza Publiko eta Autogobernuko sailburuaren 2022ko abenduaren 12ko Aginduaren bidez, Euskal Autonomia Erkidegoaren eremuan Estaturako gaikuntza duten toki-administrazioko funtzionarioak egonkortzeko prozesuen oinarri orokorrak onartu ziren. Halaber, egun bereko eta organo bereko zenbait aginduren bidez, Idazkaritza azpieskalan (Sarrerako kategoria), Kontuhartzailetza-Diruzaintza azpieskalan (Sarrerako kategoria) eta Idazkaritza-Kontuhartzailetza azpieskalan sartzeko hautaketa-prozesuen deialdiak eta oinarri espezifikoak onartu ziren. Agindu horiek 2022ko abenduaren 16ko Euskal Herriko Agintaritzaren Aldizkarian (239. zk.) eta 2022ko abenduaren 22ko Estatuko Aldizkari Ofizialean (306. zk.) argitaratu ziren.

Hamaseigarren oinarri orokorraren lehenengo apartatuan ezarritakoaren arabera, hautaketa-sistema bakoitzak deitutako lanpostu-kopuruaren barruan, epaimahai kalifikatzaileek Administrazio Publikoaren Euskal Institutuaren bulegoetan eta hamabigarren oinarri orokorrean adierazitako Interneteko helbidean argitaratuko dituzte behin betiko gainditutzat jotako hautagaiak (hautaketa-sistema lehiaketa-oposizioa denean) edo deitutako lanpostu-kopuruan puntuazio handiena duten hautagaiak (hautaketa-prozesua lehiaketa denean), betiere oinarri orokorretan ezarritako betekizunak betetzen badituzte. Zerrenda horiek, oinarrietan aurreikusitako betekizunak eta gainerako inguruabarrak betetzen direla egiaztatu ondoren, Gobernantza, Administrazio Digital eta Autogobernuko sailburuari aurkeztuko zaizkio, praktiketako funtzionario izenda ditzan, hautaketa-prozesuaren parte den hautaketa-ikastaroan parte hartzeko. Ikastaro horrek Euskal Autonomia Erkidegoko foru- edo toki-administrazioren batean praktikaldia barne hartuko du.

Aurrekoaren ondorioz, Administrazio Publikoaren Euskal Institutuko zuzendariaren 2025eko martxoaren 11ko Ebazpenaren bidez (Euskal Herriko Agintaritzaren Aldizkaria, 52. zk.), behin betiko gainditu zuten izangaiei eta deitutako lanpostu-kopuruaren barruan puntuazio handiena lortu zutenei lehen deialdia egin zitzaien.

Ebazpen horrek 5. artikuluan ezartzen duenez, azpieskala batean baino gehiagotan behin betiko gainditutzat jotako izangaiek azpieskala bakar batean praktiketako funtzionario izendatzea eta hautaketa-ikastaroan horietako batentzat bakarrik onartuak izatea aukeratu beharko dute, eta, ondorioz, aukera egin ez duten azpieskaletako hautaketa-prozesuetan lortutako eskubideak galduko dituzte.

Lehen deialdian hutsik geratu ziren lanpostuak betetzeko (bai azpieskalaren aukera egitearen ondorioz, bai proposatutako pertsonek eskaerarik egin ez zuten kasuetan), Administrazio Publikoaren Euskal Institutuko zuzendariaren 2025eko ekainaren 9ko Ebazpenaren bidez (Euskal Herriko Agintaritzaren Aldizkaria, 111. zk.), bigarren deialdi bat egin zitzaien gainditu zuten izangaiei eta puntuazio handiena lortu zutenei aipatutako lanpostu hutsak bete arte. Izangai horiek, aipatutako eskaera egiteko deitu ez bazitzaien ere, hurrengo posizioetan zeuden.

Bigarren deialdian hutsik geratu ziren lanpostuak betetzeko (bai azpieskalaren aukera egitearen ondorioz, bai proposatutako pertsonek eskaerarik egin ez zuten kasuetan), Administrazio Publikoaren Euskal Institutuko zuzendariaren 2025eko ekainaren 9ko Ebazpenaren bidez (Euskal Herriko Agintaritzaren Aldizkaria, 111. zk.), hirugarren deialdi bat egin zitzaien gainditu zuten izangaiei eta puntuazio handiena lortu zutenei aipatutako lanpostu hutsak bete arte. Izangai horiek, aipatutako eskaera egiteko deitu ez bazitzaien ere, hurrengo posizioetan zeuden.

Hirugarren deialdian aurreko paragrafoan azaldutako arrazoi berberengatik hutsik geratu diren lanpostuak betetzeko, laugarren deialdi bat egin behar zaie gainditu duten izangaiei eta puntuazio handiena lortu dutenei, lanpostu hutsak bete arte.

Horregatik, eta hamazazpigarren oinarri orokorrean aurreikusitakoarekin bat etorriz baldintzak betetzen dituztela egiaztatzeko, epaimahai kalifikatzaileak gaitzat jotzen dituen izangaiek, hogei egun balioduneko epean (aurreko apartatuan aipatzen diren pertsonen zerrenda argitaratu eta hurrengo egunetik aurrera), dagokion azpieskalako praktiketako funtzionario izendatzeko eskabidea aurkeztu beharko diote Toki Administrazioekiko Harremanetarako eta Administrazio Erregistroetako zuzendariari, eta eskakizunak betetzen dituztela egiaztatzen duten agiriak aurkeztu.

Horregatik guztiagatik, aipatutako araudia betez, honako hau