Arautegia
InprimatuEBAZPENA, 2025eko ekainaren 9koa, Lanbide-Euskal Enplegu Zerbitzu Publikoaren zuzendari nagusiarena, zeinaren bidez argitara ematen baitira 2023rako honako dirulaguntza hauen erakunde onuradunak: langabeen gaitasun digitalak hobetzeko prestakuntza-programazioa egiteko dirulaguntzak, Euskal Autonomia Erkidegoan ekintzailetza eta landa-garapena bultzatzeko eta genero-arrakala murrizteko, Europar Batasunaren NextGenerationEU funtsak finantzatutako Suspertze, Eraldatze eta Erresilientzia Planari lotuta.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Lanbide-Euskal Enplegu Zerbitzu Publikoa
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 120
- Hurrenkera-zk.: 2867
- Xedapen-zk.: ---
- Xedapen-data: 2025/06/09
- Argitaratze-data: 2025/06/26
Gaikako eremua
- Gaia: Gizarte gaiak eta emplegua; Administrazioaren antolamendua; Hezkuntza; Ekonomi jarduerak
- Azpigaia: Lana eta enplegua; Gobernua eta Administrazio Publikoa; Informazio etak komunikazioak
Testu legala
Dirulaguntza publikoak ematean nahitaezkoa den publikotasun-printzipioa betetze aldera, eta langabeen gaitasun digitalak hobetzeko prestakuntza-programazioa egiteko, Euskal Autonomia Erkidegoan ekintzailetza eta landa-garapena bultzatzeko eta genero-arrakala murrizteko (Europar Batasunaren NextGenerationEU funtsak finantzatutako Suspertze, Eraldatze eta Erresilientzia Planari lotuta) 2023ko dirulaguntzen erakunde onuradunak Euskal Herriko Agintaritzaren Aldizkarian argitaratuko dira, baita jaso duten dirulaguntzaren zenbatekoa ere. Lanbide-Euskal Enplegu Zerbitzuko Administrazio Kontseiluak erabaki bidez onartu zuen aipatu dirulaguntzen deialdi hori, 2021eko abenduaren 21ean egindako bilkuran, eta horren 7.10 artikuluan ezartzen da Lanbide-Euskal Enplegu Zerbitzuko zuzendari nagusiaren ebazpen baten bidez ezarriko dela erakunde onuradunen zerrenda EHAAn argitaratzea.
Hori guztia dela eta, honako hau
Euskal Herriko Agintaritzaren Aldizkarian argitaratzea 2023rako honako dirulaguntza hauen erakunde onuradunak: langabeen gaitasun digitalak hobetzeko prestakuntza-programazioa egiteko dirulaguntzak, Euskal Autonomia Erkidegoan ekintzailetza eta landa-garapena bultzatzeko eta genero-arrakala murrizteko, Europar Batasunaren NextGenerationEU funtsak finantzatutako Suspertze, Eraldatze eta Erresilientzia Planari lotuta. Zerrendan, gainera, jasoko dira espediente-zenbakia, erakunde onuradunaren izena eta emandako laguntzaren zenbatekoa, ebazpen honen eranskinean jasotakoaren arabera.
Vitoria-Gasteiz, 2025eko ekainaren 9a.
Lanbide-Euskal Enplegu Zerbitzu Publikoaren zuzendari nagusia,
FRANCISCO PEDRAZA MORENO.
(Ikus .PDF)