Arautegia
InprimatuEBAZPENA, 2025eko ekainaren 30ekoa, Langileriaren Kudeaketa zuzendariarena, argitara ematen duena enplegua egonkortzeko salbuespenezko prozesuetan lanpostuak modu finkoan betetzeko hautatu diren Hezkuntza Sailari atxikitako sukaldeko eta garbiketako lan-kategorietako izangaien zerrenda, deialdian eskatutako baldintzak betetzen dituztelako, eta lan-kontratuak formalizatzeko epea ezartzen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 136
- Hurrenkera-zk.: 3151
- Xedapen-zk.: ---
- Xedapen-data: 2025/06/30
- Argitaratze-data: 2025/07/18
Gaikako eremua
- Gaia: Ekonomi jarduerak; Gizarte gaiak eta emplegua; Administrazioaren antolamendua
- Azpigaia: Industria; Lana eta enplegua; Gobernua eta Administrazio Publikoa; Funtzio publikoa
Testu legala
Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko.
Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:
Sukaldaritzako kategorian sartzeko merezimendu-lehiaketa.
Garbiketako langileen kategorian sartzeko merezimendu-lehiaketa.
Hezkuntza Saileko Langileriaren Kudeaketako zuzendariaren 2025eko martxoaren 12ko Ebazpenak prozesu horietan hautatutako pertsonen eta esleituko diren plazen behin betiko zerrenda argitaratu zuen, eta, era berean, hogei egun balioduneko epea ezarri zuen Hezkuntza sailburuaren 2022ko abenduaren 20ko Aginduaren 2. oinarrian adierazitako parte hartzeko baldintza orokorrak eta espezifikoak betetzen direla egiaztatzen duten agiriak aurkezteko.
Behin dokumentazioa aurkezteko epea amaituta eta hura aztertuta, oinarri orokorren 12. apartatuan xedatutakoaren arabera, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu beharko dituzten pertsonen zerrenda, eskatutako dokumentazioa ezarritako epearen barruan aurkezteagatik, bai eta, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egiteke duten pertsonen zerrenda ere.
Bestalde, ohartarazi da zenbait pertsonak prozesua bertan behera utzi dutela hautaketa-prozeduratik eratorritako eskubideei uko egiteagatik, Langileak Kudeatzeko Zuzendaritzan aurkeztutakoak, eskatutako dokumentazioa ez aurkezteagatik, eskatutako baldintzaren bat ez betetzeagatik edo eska daitekeen gaitasun fisiko eta psikikoa ez izateagatik. Hautatutako ordezkoen zerrenda erabiltzea eragin dute kasu horiek, oinarri orokorren 10.7 apartatuan xedatutakoaren arabera.
Horrenbestez, hau
Lehenengoa. Argitara ematea enplegua egonkortzeko salbuespenezko prozesuetan hautatu diren Hezkuntza Sailari atxikitako sukaldeko eta garbiketako lan-kategorietako izangaien zerrenda, deialdian eskatutako baldintzak betetzen dituztelako. Deialdi hori Hezkuntzako sailburuaren 2022ko abenduaren 20ko Aginduaren bidez egin zen, deitutako lanpostuak modu finkoan betetzeko. Horrekin batera, ebazten dut Euskal Autonomia Erkidegoko Hezkuntza Administrazioaren zerbitzuko lan-kontratuak formalizatzeko epea ezartzea. Pertsonen zerrenda hori ebazpen honen I. eranskinean dago.
Bigarrena. Hautatutako pertsonek (I. eranskinean zerrendatuta daude) 2025eko uztailetik aurrera sinatu beharko dituzte dagozkien lan-kontratuak.
Kontratu horiek 2025eko irailaren 1etik aurrera izango dituzte ondorioak.
Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko Hezkuntza Administrazioko lan-kontratudun finko izateko eskubide guztiak, deialditik eratortzen direnak.
Hirugarrena. Arrazoi justifikatuengatik aipatutako Aginduaren 11.4 oinarrian aurreikusitako azterketa medikoan ebaluatu ezin izan diren pertsona hautatuen kasuan, Euskal Autonomia Erkidegoko Hezkuntza Administrazioaren zerbitzurako lan-kontratuen formalizazioa atzeratzea, eta kontratu horiek formalizatzeko baldintza izango da aintzatespen horretan gai izatea. Ebazpen honen II. eranskinean daude zerrendatuta pertsona horiek.
Laugarrena. III. eranskinean argitaratzea hautaketa-prozeduratik eratorritako eskubideei uko egin dieten hautatuen zerrenda.
Bosgarrena. IV. eranskinean argitaratzea Hezkuntzako sailburuaren 2022ko abenduaren 20ko aginduaren 2 oinarrian eskatutako betekizunen bat ez betetzeagatik Euskal Autonomia Erkidegoko Hezkuntza Sailari atxikitako sukaldeko eta garbiketako lan-kategorietako lan-kontratudun finko izateko eskubide guztiak galtzen dituzten hautatutako pertsonen zerrenda.
Seigarrena. Ordezkoen zerrendan ageri den puntuazio-hurrenkeraren arabera hautatutako pertsonen zerrenda osagarria argitaratzea, eta Hezkuntza Sailari atxikitako sukaldeko eta garbiketako lan-kategorietako plazak modu finkoan betetzeko enplegua egonkortzeko salbuespenezko prozesuan hautatutzat jotzea, esleitutako lanpostua adierazita. Ebazpen honen V. eranskinean daude zerrendatuta.
Zazpigarrena. Hamar egun naturaleko epea irekitzea, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera, ebazpen honen V. eranskinean ageri diren izangai hautatuek parte hartzeko baldintza orokorrak eta espezifikoak betetzen dituztela egiaztatzen duten dokumentuak aurkez ditzaten. Baldintza horiek Hezkuntzako sailburuaren 2022ko abenduaren 20ko Aginduaren 2 oinarrian daude adierazita.
Dokumentazioa hemen aurkeztuko da: Hezigunea (https://hezigunea.euskadi.eus) («Erabiltzailea» eta «Pasahitza» sartuz) «Langileen eremua» «Izapideak langileen eremuarekin» «Tramitagune-Administrazio-espedienteak» «Ireki espediente berria» «Gainerako izapideak». Gaia dioen lekuan, hauxe jarri behar da: «EPE 2022. Sukaldea eta Garbiketa. Dokumentazioa entregatzea».
Ebazpen honen VI. eranskinean, zinpeko adierazpenaren eredua argitaratzen da, bai eta «Hautatuek agiriak entregatzeko» eredua ere. Eredu hori ere bete eta adierazitako helbidean aurkeztu beharko da.
Zortzigarrena. Aipatutako epearen barruan, ezinbesteko kasuetan izan ezik, agiriak aurkezten ez dituztenek, edo agiri horiek aztertuta ikusten bada deialdiaren 2. oinarrian eskatutako baldintzaren bat betetzen ez dutela, edo dagozkien zereginak betetzeko eskatzen den gaitasun fisiko edo psikikoa ez dutela, ezin izango dute lan kontratuko langile finko bihurtu, eta beren jardun guztiak baliogabetuta geratuko dira, eskaera faltsutzeagatik izan dezaketen erantzukizunari kalterik egin.
Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.
Vitoria-Gasteiz, 2025eko ekainaren 30a.
Langileriaren kudeaketa zuzendaria,
UNAI NIETO MARIJUAN.
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
Gaiarekin lotutako edukiak
Arauaren historia (4)
- Ikus: EBAZPENA, 2025eko azaroaren 21ekoa, Langileriaren kudeaketa zuzendariarena, zeinaren bidez argitaratzen baita Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen hirugarren zerrenda osagarria, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.
- Ikus: EBAZPENA, 2025eko urriaren 17koa, Langileriaren kudeaketako zuzendariarena, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen bigarren zerrenda osagarria argitaratzen duena, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.
- Ikus: EBAZPENA, 2025eko irailaren 9koa, Langileriaren Kudeaketako zuzendariarena, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako pertsonen zerrenda osagarria argitaratzen duena, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.
- Ikus: AGINDUA, 2022ko abenduaren 20koa, Hezkuntzako sailburuarena, enplegua egonkortzeko salbuespenezko prozesuetarako deialdia egiten duena, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko.
