Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA) oinarriak onartu zituen enplegua egonkortzeko salbuespenezko prozesua gauzatzeko, eta modu finkoan betetzeko Hezkuntza Sailari atxikitako sukaldeko eta garbiketako lan-kategorietako lanpostuak.

Hezkuntzako sailburuaren 2022ko abenduaren 20ko agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:

Sukaldaritzako kategorian sartzeko merezimendu-lehiaketa.

Garbiketako langileen kategorian sartzeko merezimendu-lehiaketa.

Hezkuntza Saileko Langileriaren Kudeaketa zuzendariaren 2025eko martxoaren 12ko Ebazpenak argitara eman zuen prozesu horietan hautatutako pertsonen eta esleituko diren plazen behin betiko zerrenda, eta, era berean, hogei egun balioduneko epea ezarri zuen agiriak aurkezteko eta egiaztatzeko bete egiten direla Hezkuntza sailburuaren 2022ko abenduaren 20ko Aginduaren 2. oinarrian adierazitako parte hartzeko baldintza orokorrak eta espezifikoak.

Behin dokumentazioa aurkezteko epea amaituta eta dokumentazioa aztertuta, oinarri orokorren 12. apartatuan xedatutakoaren arabera, Hezkuntza Saileko Langileriaren Kudeaketa zuzendariaren 2025eko ekainaren 30eko Ebazpenak argitara eman zuen zein zen Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar zituzten pertsonen zerrenda, eskatutako dokumentazioa ezarritako epearen barruan aurkezteagatik (aipatutako ebazpenaren I. eranskina); era berean, argitara eman zuen zein zen, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egin gabeko pertsonen zerrenda (ebazpen horren II. eranskina).

Ondoren, 2025eko irailaren 9ko Ebazpenaren bidez, argitara eman zen Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen lehen zerrenda osagarria, mediku-azterketa gainditzeagatik eta, beraz, deialdian eskatutako baldintzak betetzeagatik; era berean, epe bat ezarri zen Euskal Autonomia Erkidegoko hezkuntza-administrazioko lan-kontratuak formalizatzeko.

Halaber, 2025eko urriaren 17ko Ebazpenaren bidez, argitara eman zen Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen bigarren zerrenda osagarria, mediku-azterketa gainditzeagatik eta, beraz, deialdian eskatutako baldintzak betetzeagatik; era berean, epe bat ezarri zen Euskal Autonomia Erkidegoko hezkuntza-administrazioko lan-kontratuak formalizatzeko.

Agindu horren 11.4 oinarrian aurreikusitako osasun-azterketan beste pertsona batzuk (aipatutako II. eranskinean ere sartuta daudenak) ebaluatu ondoren, orain, argitara eman behar da Euskal Autonomia Erkidegoko hezkuntza-administrazioko lan-kontratuak formalizatu behar dituzten pertsonen hirugarren zerrenda osagarria, lortu nahi duten lanpostuko eginkizunak betetzeko gaitzat jo dituztelako.

Horrenbestez, hau