Arautegia
InprimatuEBAZPENA, 2024ko ekainaren 21ekoa, Lanbide-Euskal Enplegu Zerbitzuko zuzendari nagusiarena, honako ebazpen honen huts-zuzenketa egiten duena: «Ebazpena, 2024ko martxoaren 4koa, Lanbide-Euskal Enplegu Zerbitzuko zuzendari nagusiarena, zeinaren bidez argitara ematen baita Lanbide-Euskal Enplegu Zerbitzuak eta Hezkuntza Sailak sinatutako kudeaketa-gomendioari buruzko akordioa, Euskal Autonomia Erkidegoko langile langabeei eta landunei zuzendutako 2024-2025eko prestakuntza-programazioa egiteko».
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Lanbide-Euskal Enplegu Zerbitzua; Lan eta Enplegu Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 133
- Hurrenkera-zk.: 3302
- Xedapen-zk.: ---
- Xedapen-data: 2024/06/21
- Argitaratze-data: 2024/07/08
Gaikako eremua
- Gaia: Kultura eta Kirola; Gizarte gaiak eta emplegua; Administrazioaren antolamendua; Hezkuntza
- Azpigaia: Lana eta enplegua; Gobernua eta Administrazio Publikoa
Testu legala
Euskal Herriko Agintaritzaren Aldizkaria arautzen duen abenduaren 23ko 217/2008 Dekretuak 18.2.c) artikuluan xedatzen duenez, aldizkarian egindako hutsak edo omisioak maila bereko xedapen edo ekintza batez zuzenduko dira, baldin eta nabarmenak ez badira eta, horiek zuzentzearen ondorioz, agiriaren edukia edo esanahia benetan edo itxuraz aldatzen bada.
Era horretako hutsak aurkitu dira Lanbide-Euskal Enplegu Zerbitzuko zuzendari nagusiaren 2024ko martxoaren 4ko Ebazpenean, zeinaren bidez argitaratzen baita Lanbide-Euskal Enplegu Zerbitzuak eta Hezkuntza Sailak sinatutako kudeaketa-gomendioari buruzko akordioa, 2024-2025 aldiko prestakuntza-programazioa egiteko, Euskal Autonomia Erkidegoko langile langabeei eta landunei zuzenduta. Ebazpen hori 2024ko martxoaren 14ko Euskal Herriko Agintaritzaren Aldizkarian argitaratu zen, 54. zenbakian. Horrenbestez, dagokion zuzenketa egiten da hemen:
2024/1327 (43/26) eta 2024/1327 (43/28) orrialdeetan, I. eranskinean, «Zer baliabide ekonomiko esleitzen zaien lanbide-heziketako ikastetxeei langabeei zuzendutako prestakuntza emateko (2024-2025)», zenbait huts atzeman dira «Lanbide-arloak» zutabean, eta zuzendu egiten dira. Argiagoa izan dadin, I. eranskina kendu eta berria erantsi zaio Ebazpenari.
2024/1327 (43/39) orrialdean, III. eranskinean, A).1.a), hau dio:
Lehentasunez langabeei zuzendutako prestakuntza-ekintzetako parte-hartzaileen kopurua gehienez hogei eta gutxienez hamar bada, modulu hau hamabost ikasleko kopuru finkoari aplikatuko zaio. Horrenbestez, moduluaren baremo estandarrak balio finkoa izango du prestakuntza-talde bakoitzeko: 70,83 euro orduko.
Baina hau esan behar du:
Lehentasunez langabeei zuzendutako prestakuntza-ekintzetako parte-hartzaileen kopurua gehienez hogei eta gutxienez hamar bada, modulu hau hamabost ikasleko kopuru finkoari aplikatuko zaio. Horrenbestez, moduluaren baremo estandarrak balio finkoa izango du prestakuntza-talde bakoitzeko: 70,80 euro orduko.
Vitoria-Gasteiz, 2024ko ekainaren 21a.
Lanbide-Euskal Enplegu Zerbitzuko zuzendari nagusia,
FRANCISCO PEDRAZA MORENO.
(Ikus .PDF)