Arautegia
InprimatuEBAZPENA, 2023ko otsailaren 27koa, Lanbide Heziketako sailburuordearena, zeinaren bidez aldatzen baita honako xede honekin dirulaguntzak emango dituen balorazio-batzordearen osaera: Lanbide Heziketako Euskal Kontseiluan ordezkaritza duten gizarte-eragileek, beren jarduera-eremuan, 2023ko ekitaldian konpetentzia profesionalak ebaluatu eta egiaztatzeko prozedura sustatu eta bultzatzeko jarduerak garatzea.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 48
- Hurrenkera-zk.: 1259
- Xedapen-zk.: ---
- Xedapen-data: 2023/02/27
- Argitaratze-data: 2023/03/09
Gaikako eremua
- Gaia: Gizarte gaiak eta emplegua; Administrazioaren antolamendua; Ogasun eta Ekonomía
- Azpigaia: Lana eta enplegua; Gobernua eta herri administrazioa; Ekonomia; Sailak
Testu legala
Hezkuntzako sailburuaren 2022ko abenduaren 27ko Aginduaren bidez (2023ko urtarrilaren 11ko EHAA, 7. zk.), Lanbide Heziketako Euskal Kontseiluan ordezkaritza duten gizarte-eragileek 2023ko ekitaldian konpetentzia profesionalak ebaluatu eta egiaztatzeko prozedura sustatu eta bultzatzeko jarduerak beren jarduera-eremuan garatzeko dirulaguntzen deialdia egin zen.
Agindu horren 11.1 artikuluak eskabideak baloratzeko batzordearen osaera ezartzen du. Bat-batean balorazio-batzordearen osaera aldatzeko beharra sortu denez, honako hau
Lehenengoa. Argiñe Lopez Poblacion, Gipuzkoako Lurralde Ordezkaritzako Plangintza eta Antolaketa Zuzendaritzako teknikaria, edo haren ordezkoa, balorazio-batzordeko kide izendatzea, Maite Lizartza Urrestarazuren ordez.
Bigarrena. Ebazpen hau Euskal Herriko Agintaritzaren Aldizkarian argitaratzeko agintzea, Sektore Publikoaren Araubide Juridikoaren urriaren 1eko 40/2015 Legearen 23. eta 24. artikuluetan aurreikusitako ondorioak izan ditzan eta jende guztia jakinaren gainean egon dadin.
Vitoria-Gasteiz, 2023ko otsailaren 27koa.
Lanbide Heziketako sailburuordea,
JORGE ARÉVALO TURRILLAS.
