Arabako Erakunde Sanitario Integratuko Erradiodiagnostiko Zerbitzuaren Unitate Zentraleko Koordinatzaile lanpostua hutsik dago. Hori dela-eta, Euskadiko Antolamendu Sanitarioaren ekainaren 26ko 8/1997 Legearen 28. artikuluaren hirugarren arau komunean, Osakidetzako lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan ezartzen denaren arabera, Zuzendaritza Gerentzia honek erabaki du lanpostu hori izendapen askez betetzeko deialdi publikoa iragartzea, honako oinarrien arabera:

OINARRIAK

1. Parte hartzeko baldintzak.

   Deialdi honetan parte hartu ahal izango dute baldintza hauek betetzen dituztela egiaztatzen dutenek:

   1. Osakidetzako edozein zerbitzu-erakundetako langile finkoa izatea (estatutupekoa, funtzionarioa edo langile lan-kontratuduna) eta lanpostua jabetzan edukitzea B1 edo C1 lanbide-taldean.

   2. B1 lanbide-taldeko (Erizaintzako Diplomadun) edo C1 lanbide-taldeko (Diagnosi Irudiko Goi Mailako Teknikari) titulua izatea.

   3. Gutxienez lan-esperientzia hau edukitzea: 2 urte B1 (Erizaina Erizain Espezialista) edo C1 (Erradiodiagnostikoko Teknikari Espezialista) lanbide-taldean.

   4. Hizkuntza-eskakizuna: 2. hizkuntza-eskakizuna, derrigortasun-datarik gabe.

   5. Uztailaren 19ko 186/2005 Dekretuaren eta Osakidetzako Euskara Planaren gainerako betebeharrak betetzea.

2. Aintzat hartuko diren merezimenduak.

   1. Unitatearen kudeaketari buruzko memoria-proiektu bat egitea.

   2. Esperientzia eta/edo prestakuntza izatea Erizaintzako Unitateen kudeaketan.

   3. Esperientzia eta/edo prestakuntza izatea Erradiodiagnostikoko arlo funtzionalean.

   4. Esperientzia eta/edo prestakuntza izatea taldeen antolamendu eta kudeaketan.

   5. Ofimatikako ezagutzak izatea: Word, Excel.

   6. Bi egoitzak ezagutzea eta lan-esperientzia izatea bietan.

      Lanpostu hau betetzeko interesgarria izan daitekeen eta balioa erants dezakeen edozein merezimendu aurkeztu ahalko da.

3. Euskararen ezagutza.

   Osakidetza-Euskal osasun zerbitzuan Euskararen erabilera normalizatzeko martxoaren 18ko 67/2003 Dekretuak eta berau garatzen duten arauek xedatutakoaren arabera egingo da balorazioa.

4. Eskabideak aurkezteko epea eta modua.

   Interesdunek Osakidetza-Euskal osasun zerbitzuko Arabako Erakunde Sanitario Integratuko Langileen Zuzendaritzan aurkeztu beharko dituzte eskabideak (helbidea: Jose Atxotegi z.g., 01009 Vitoria-Gasteiz). Horretarako 15 egun balioduneko epea izango dute, ebazpen hau EHAAn argitaratu eta hurrengo egunetik aurrera. Halaber, Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan ezarritako eran aurkeztu ahal izango dira.

   Interesdunek Arabako Erakunde Sanitario Integratuko Langileen Zuzendaritzara bidali behar dute eskabidea (helbidea: Jose Atxotegi z.g., 01009 Vitoria-Gasteiz), beren datu pertsonal guztiekin eta curriculum vitae dokumentatuarekin batera.

   Dokumentazio hau aurkeztu beharko da:

   NANaren, pasaportearen edo gidabaimenaren fotokopia konpultsatua.

   Funtzionario edo estatutupeko langile izendapenaren fotokopia konpultsatua edo, hala badagokio, langile lan-kontratudun finkoa dela egiaztatzen duen agiriarena.

   Baldintzak betetzen dituela egiaztatzen duen dokumentazioaren fotokopia konpultsatua.

   Baloratu beharreko merezimendu guztien fotokopia konpultsatua.

   Kudeaketari buruzko memoria-proiektua.

   CV aplikazio informatiko korporatiboan behar bezala baliozkotuta dauden alderdiak ez dira ziurtatu behar izango aurreko paragrafoan ageri den moduan; hala ere, eskatzaileak horren berri eman behar du eskaeran.

5. Balorazio Batzordea.

   Batzorde bat eratuko da aurkezten diren eskabideak baloratzeko, eta izangaiei horren berri emango zaie.

   Batzordeak, eskabideak baloratu ondoren, eginbide osagarriak gauzatzea erabaki dezake; eta izangaiei horren berri emango die.

   Izangaien balorazioa egindakoan, eta berau kontuan hartuta, dagokion izendapena egiteko proposamena aurkeztuko da. Batzordeak lanpostua hutsik uztea proposa dezake epaimahaiak, betiere aurrez txosten arrazoitua eginez, baldin eta izangaiek betetzen ez badituzte bete beharreko baldintzak.

   Akta egingo da Batzordea biltzen den bakoitzean. Bertan, aurkeztutako izangaiak eta gauzatutako eginbide osagarriak (halakorik balego) zerrendatuko dira, eta lanpostua euretako bati esleitzeko edo deialdia bete gabe uzteko kontuan hartutako arrazoiak emango.

6. Hautaketa prozedura.

   Ezin izango dira baloratu, inolaz ere, deialdia EHAAn argitaratzen den egunean eskuratu gabe dauden merezimenduak, ez eta eskaerak aurkezteko epea amaitu aurretik behar bezala alegatu eta egiaztatu ez direnak ere.

7. Prozedura amaitzeko ebazpena.

   Osakidetza-Euskal osasun zerbitzuko Arabako Erakunde Sanitario Integratuko zuzendari-gerentearen ebazpenaren bidez amaituko da honen bidez hasitako prozedura (lanpostua esleitzea edo hutsik uztea). Euskal Herriko Agintaritzaren Aldizkarian eta Osakidetzaren intranetean eta web-orri korporatiboan argitaratuko da.

   Ebazpen horrek ondorioak izango ditu EHAAn argitaratzen den egunetik aurrera, bertan besterik xedatu ezean.

8. Ebazpen honen aurkako errekurtsoak.

   Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari. Horretarako hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

   Vitoria-Gasteiz, 2025eko urtarrilaren 7a.

   Arabako ESIko zuzendari-gerentea,

   ENRIQUE MANUEL BÁREZ HERNÁNDEZ.