Arautegia
Inprimatu2385/2023 EBAZPENA, abenduaren 19koa, Osakidetza-Euskal osasun zerbitzuko zuzendari nagusiarena, zeinaren bidez argitara ematen diren onartutakoen eta baztertutakoen zerrendak eta behin betiko esleitzen diren Osakidetza-Euskal osasun zerbitzuko zerbitzu sanitarioetako erakundeetan destinoa duten Fakultatibo Mediko eta Teknikoen A1 lanbide-taldeko Erradioterapia Onkologikoko Fakultatibo Espezialista Medikoa kategoria/lanpostu funtzionaleko lekualdatze-lehiaketa ireki eta iraunkorraren 2023ko martxoko zikloan eskainitako destinoak.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 21
- Hurrenkera-zk.: 464
- Xedapen-zk.: 2385
- Xedapen-data: 2023/12/19
- Argitaratze-data: 2024/01/29
Gaikako eremua
- Gaia: Administrazioaren antolamendua
- Azpigaia: Gobernua eta herri administrazioa; Sailak; Funtzio publikoa
Testu legala
Osakidetza-Euskal osasun zerbitzuko zuzendari nagusiaren urriaren 21eko 1307/2021 Ebazpenaren bidez, lekualdatze-lehiaketa ireki eta iraunkorrerako deialdia egin zen Fakultatibo Mediko eta Teknikoen A1 lanbide-taldeko I. eranskinean zerrendatutako kategoria/lanpostu funtzionaletarako. Ebazpen horretan, Erradioterapia Onkologikoko Fakultatibo Espezialista Medikoa kategoria/lanpostu funtzionala ere sartzen da (azaroaren 8ko EHAA, 221. zk.), eta Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren eranskinean jasotako oinarrien arabera arautuko da.
Osakidetza-Euskal osasun zerbitzuko Giza Baliabideetako zuzendariaren apirilaren 26ko 345/2023 Ebazpenaren bidez (maiatzaren 16ko EHAA, 91. zk.), zeina abuztuaren 9ko 1085/2023 Ebazpenaren bidez aldatu baitzen (irailaren 7ko EHAA, 171. zk.), 2023ko martxoko zikloko destinoen eskaintza argitaratu zen, Fakultatibo Mediko eta Teknikoen A1 lanbide-taldeko Erradioterapia Onkologikoko Fakultatibo Espezialista Medikoa kategoriako/lanpostu funtzionaleko lekualdatze-lehiaketa ireki eta iraunkorrean.
Osakidetza-Euskal osasun zerbitzuko Giza Baliabideetako zuzendariaren azaroaren 29ko 1592/2023 Ebazpenaren bidez, lekualdatze-lehiaketa ireki eta iraunkorrean onartutako eta baztertutako pertsonen zerrendak argitaratu ziren eta destinoak behin-behinean esleitu ziren Osakidetza-Euskal osasun zerbitzuko zerbitzu sanitarioetako erakundeetan destinoa duten Fakultatibo Mediko eta Teknikoen A1 lanbide-taldeko Erradioterapia Onkologikoko Fakultatibo Espezialista Medikoa kategoria/lanpostu funtzionaleko lekualdatze-lehiaketa ireki eta iraunkorraren 2023ko martxoko zikloan eskainitako destinoak.
Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren bidez, lekualdatze-lehiaketa ireki eta iraunkorraren prozeduraren oinarriak onartu ziren Osakidetza-Euskal osasun zerbitzua Ente Publikoan oinarrizko destinoak betetzeko. Bada, erabaki horren eranskinaren 9.8 oinarrian ezarritakoarekin bat etorriz, epaimahaiak Osakidetza-Euskal osasun zerbitzuko Zuzendaritza Nagusiari bidali dio Osakidetza-Euskal osasun zerbitzuko zerbitzu-erakundeetan destinoa duten urriaren 21eko 1307/2021 Ebazpenaren I. eranskineko Fakultatibo Mediko eta Teknikoen A1 lanbide-taldearen kategorien / lanpostu funtzionalen zerrendan dagoen Erradioterapia Onkologikoko Fakultatibo Espezialista Medikoa kategoria/lanpostu funtzionaleko destinoen esleipenari dagokion behin betiko zerrenda. Hortaz, indarrean dagoen legediak langileen arloan ematen dizkidan ahalmenez baliatuta,
Lehenengoa. Onartzea, ebazpen honekin batera doan I. eranskinaren bidez, Osakidetza-Euskal osasun zerbitzuko Giza Baliabideetako zuzendariaren apirilaren 26ko 345/2023 Ebazpenean jasotako Fakultatibo Mediko eta Teknikoen A1 lanbide-taldeko Erradioterapia Onkologikoko Fakultatibo Espezialista Medikoa kategoriako destinoak betetzeko lekualdatze-lehiaketa ireki eta iraunkorreko 2023ko martxoko zikloan onartutako langileen behin betiko zerrenda, lortutako guztizko puntuazioaren arabera.
Bigarrena. Onartzea, ebazpen honekin batera doan II. eranskinaren bidez, baztertutako langileen behin betiko zerrenda, baztertzeko arrazoiak adierazita, Fakultatibo Mediko eta Teknikoen A1 lanbide-taldeko Erradioterapia Onkologikoko Fakultatibo Espezialista Medikoa kategoriako destinoak betetzeko lekualdatze-lehiaketa ireki eta iraunkorreko 2023ko martxoko ziklorako. Hain zuzen, destino horiek Osakidetza-Euskal osasun zerbitzuko Giza Baliabideen zuzendariaren apirilaren 26ko 345/2023 Ebazpenean daude jasota.
Hirugarrena. Osakidetza-Euskal osasun zerbitzuko Giza Baliabideetako zuzendariaren apirilaren 26ko 345/2023 Ebazpenaren eranskinean eskainitako lanpostu funtzionalei dagozkien destinoak esleitu zaizkien langileen behin betiko zerrenda argitaratzeko agintzea, lortutako puntuazio-ordenaren arabera, ebazpen honekin batera doan III. eranskinaren bidez.
Laugarrena. Behin betiko esleitutako destinoei ezin izango zaie uko egin, salbu eta uko egiteko arrazoia edozein administrazio publikok edo osasun-zerbitzuk deitutako behin betiko borondatezko mugikortasuneko beste prozedura baten ebazpena bada, osasun-zerbitzuetako estatutupeko langileen Estatutu Markoari buruzko abenduaren 16ko 55/2003 Legearen 37.4 artikuluan ezarritakoaren arabera, edo izendapen askeko izendapen baten bitartez.
Bosgarrena. Destinoa lortzen dutenek betetzen ari diren destinoa utzi beharko dute, destinoen behin betiko esleipenaren ebazpena Euskal Herriko Agintaritzaren Aldizkarian argitaratu eta hurrengo hiru egun baliodunen barruan.
Lanpostuaz jabetzeko, oro har, esleitutako destinora itzuli beharko da kargua utzi eta hurrengo hiru egunen barruan, baldin eta plazak herri berekoak badira; Euskal Autonomia Erkidegoko beste herri batekoak badira, bost egunen barruan; eta osasun-zerbitzua aldatzen bada, hilabeteko epean. Esleipenaren ondorioz jarduneko zerbitzura itzultzen bada, lanpostuaz jabetzeko epea hilabetekoa izango da, destinoen behin betiko esleipenaren ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Lanpostuaz jabetzeko unean Osakidetzan zerbitzu-eginkizunetan, aldi baterako barne-sustapenean edo behin-behineko atxikipenean destino bat betetzen ari den adjudikaziodunak 2019ko azaroaren 27ko Erabakiaren 9.9.3 apartatuan aurreikusitako lanpostuaz jabetzeko epea izango du, baina epe hori zenbatzeko kontuan hartu beharko da betetzen duen destinoa, azken hori esleitzen ez bazaio; kasu horretan, destinoen behin betiko esleipenaren ebazpena EHAAn argitaratu eta hurrengo egunean jabetu beharko du lanpostuaz, behin-behineko atxikipenaren kasuan, edo zerbitzu-eginkizunen eta aldi baterako barne-sustapenaren kasuetan kargua utzi eta hurrengo egunean.
Seigarrena. Ebazpen hau Euskal Herriko Agintaritzaren Aldizkarian argitaratzeko agintzea.
Zazpigarrena. Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren 9.8 oinarrian ezarritakoaren babesean, ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari, hilabeteko epean, ebazpena EHAAn argitaratu eta hurrengo egunetik aurrera.
Vitoria-Gasteiz, 2023ko abenduaren 19a.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
(Ikus .PDF)
(Ikus .PDF)
(Ikus .PDF)
Gaiarekin lotutako edukiak
Arauaren historia (4)
- Ikus: 1085/2023 EBAZPENA, abuztuaren 9koa, Osakidetza-Euskal osasun zerbitzuko Giza Baliabideen zuzendariarena, zeinaren bidez zuzentzen baitira ebazpen hauetako hutsak: 319tik 358rako, 398tik 438rako, 569tik 574rako, 577tik 586rako eta 588tik 597rako ebazpenak, guztiak 2023koak, Osakidetza-Euskal osasun zerbitzuko Giza Baliabideen zuzendariarenak (2023ko apirilaren 14ko, maiatzaren 16ko eta 31ko, ekainaren 22ko, uztailaren 6ko eta abuztuaren 11ko EHAA), zeinen bidez argitaratzen baita lekualdatze-lehiaketa ireki eta iraunkorraren 2023ko martxoko zikloko destinoen eskaintza, Osakidetza-Euskal osasun zerbitzuko zerbitzu sanitarioetako erakundeetan destinoa duten zenbait kategoria eta lanpostu funtzionaletan.
- Ikus: 345/2023 EBAZPENA, apirilaren 26koa, Osakidetza-Euskal osasun zerbitzuko Giza Baliabideen zuzendariarena, zeinaren bidez argitaratu egiten den Osakidetza-Euskal osasun zerbitzuko zerbitzu-erakundeetan destinoa duen Lekualdatze Lehiaketa Ireki eta Iraunkorreko 2023ko martxoko zikloaren destinoen eskaintza, A1 Fakultatibo Mediko eta Teknikoen lanbide-taldeko Onkologia Erradioterapikoko Fakultatibo Espezialista Medikoa kategoriarako / lanpostu funtzionalerako.
- Ikus: 387/2023 EBAZPENA, apirilaren 20koa, Osakidetza-Euskal osasun zerbitzuko Giza Baliabideen zuzendariarena, zeinaren bidez aldatzen baita 2023ko martxoaren Zikloko Lekualdatze-lehiaketa ireki eta iraunkorrean parte hartzeko eskabidea egiteko erreferentzia-data (Lehiaketa horri dagozkion Osakidetza-Euskal osasun zerbitzuko giza baliabideen zuzendariaren ebazpenetan, apirilaren 14ko Euskal Herriko Agintaritzaren Aldizkariaren 71. zenbakian argitaratutakoak, Osakidetza-Euskal osasun zerbitzuko zerbitzu-erakundeetako destinoen eskaintza argitaratu zen A1 lanbide-taldeko Fakultatibo Espezialista Medikoen hogeita hamar Kategoriatan/Lanpostu Funtzionaletan).
- Ikus: 1307/2021 EBAZPENA, urriaren 21ekoa, Osakidetza-Euskal osasun zerbitzuko zuzendari nagusiarena, zeinaren bidez Osakidetzako zerbitzu-erakundeetan destinoa duen lekualdatze-lehiaketa ireki eta iraunkorraren deialdia egiten den, I. eranskinean A1. Fakultatibo Mediku eta Teknikarien lanbide-taldeari dagokionez jasotako kategorietarako / lanpostu funtzionaletarako.
