Minimis araubidearen barruan, EAEko esnetarako behi-azienden eta untxi-hazkuntzako ustiategietarako laguntzak 2016
[Esnetarako behi-azienden ustiategietarako eta untxi-hazkuntzako ustiategietarako minimis laguntzak]
- Erakundea:
- Ekonomiaren Garapena eta Azpiegiturak
- Egoera:
Deskribapena
Xedea
Minimis araubidearen barruan, EAEko esnetarako behi-azienden eta untxihazkuntzako ustiategietarako laguntzen onuradunen zerrenda 2016
Europar Batasunean, esnegintzako sektorearen azken hiletako egoera ahula da. Egoera areago konplikatu da esne-kuotak kendu zirenetik aurrera; hori dela eta, esnetarako behi-azienden abeltzainek dituzten prezioak sistematikoki apaldu dira; horrez gain, industriek abeltzainei murrizketak ezarri dizkiete entregetan, eta ustiategietako esnea ez biltzeraino ere heldu dira.
Halaber, untxi-hazkuntzako ustiategiek errentagarritasunean dute krisi latz bat aspaldidanik; desagertzeko arriskua eragin die horrek.
Diru laguntzen hauen helburua esnetarako behi-azienden eta untxi-hazkuntzako ekoizpen-ustiategiak babestea eta egungo egoera gainditzeko egoki irizten diren laguntzak ematea abeltzaintzako jarduerari eutsi dakion; horrela, ustiategi horiei laguntzeko eta azken aldi honetan ustiategiek dituzten zailtasunak leuntzeko.
Aurrekontuko zuzkidura
500.000 €1. Laguntza hauek zenbateko hauek izango dituzte:
a) Aurreko artikuluaren 2. zenbakiko a) letran adierazitako laguntzetarako, 37,5 euro lehen 100 bururako; laguntza izateko eskubidea emango da hogeigarren burutik aurrera.
Kobratzeko eskubidea eragiten duten abereak zehazteko, egiaztatu egingo da zenbat abere dagoen eskatzailearen ustiategian 2016ko urtarrilaren 1ean.
b) Aurreko artikuluaren 2. zenbakiko b) letran adierazitako laguntzetarako, 5 euro umetarako lehen 750 emerako; ehungarren burutik aurrera.
Kobratzeko eskubidea eragiten duten abereak zehazteko, egiaztatu egingo da zenbat abere dagoen eskatzailearen ustiategian 2016ko urtarrilaren 1ean.
2. Beste herri-administrazio batzuek helburu bererako emandako laguntzekin bateratu daitezke laguntza hauek. Hala ere, 2013ko abenduaren 18ko Batzordearen 1408/2013 (EB) Erregelamenduan ezarritako minimus araubidearekin bat, onuradun batek jaso dezakeen zenbatekoa ez da izango 15.000 eurotik gorakoa hiru urteko epealdi baten; edozein delarik, bai laguntzaren helburua, bai laguntza ematen duen organo administratiboa. Era berean, ez da diru-laguntzarik emango jaso beharreko zenbatekoak ez badu 100 euroko gutxienekoa gainditzen.
Laguntzok emateko prozedura hainbanaketa izango da. Beraz, emateko laguntzen guztizko zenbatekoa laguntzotarako izendatu den gehieneko kopurua baino handiagoa bada, gehieneko kopuru hori hainbanatu egingo da agindu honen arabera laguntzarako eskubidea dutenen artean, eta, ondorioz, dagozkion kopuru-murrizketak egingo dira.
Nori dago zuzenduta
Betekizunak
-
| Baldintza orokorrak
a) Euskal Autonomia Erkidegoko lurralde eremuan kokaturiko ustiategi baten titularra izatea.
b) Ustiategia inskribatuta egotea Euskal Autonomia Erkidegoko Nekazaritzako Ustiategien Erregistro Orokorrean eta Abeltzaintza Ustiategien Erregistroan, behar den sailkapenean.
c) Lanbidez nekazariak izatea, abenduaren 23ko 7/2008 Legearen 4. artikuluan emandako definizioaren arabera.
d) Abereen osasunari, higieneari, ongizateari eta trazabilitateari buruzko indarreko arauak betetzea, eta zigorrik jaso ez izana arlo horietan beraietan deialdi honen aurretiko azken hiru urteetan.
e) Egunean izatea foru-ogasunekiko zerga-betebeharrak eta Gizarte Segurantzarekikoak.
f) Minimis araubideko laguntzetan 15.000 euro jaso gabekoa izatea, kontzeptua edozein dela ere, deialdi honen aurretiko bi ekitaldi fiskaletan eta indarrean dagoen ekitaldi fiskalean.
g) Ez izatea diru-laguntza edo laguntza publikoak jasotzea eragozten dion zehapen penalik zein administrazio-zehapenik, eta ez izatea horretarako legezko inolako debekurik, Diru-laguntzei buruzko azaroaren 17ko 38/2003 Lege Orokorreko 13.2. artikuluan xedatutakoarekin bat; sexu-bereizkeriagatiko debekuak barnean direla, Emakumeen eta Gizonen Berdintasunerako otsailaren 18ko 4/2005 Legearen azken xedapenetatik seigarrenean xedatutakoarekin bat.
-
Betebehar espezifikoak
a) Esnetarako behi-azienden abeltzaintza-ustiategi baten titularra izatea, baldin eta ustiategiak esnetarako bi urtetik gorako 20 behi baditu 2016ko urtarrilaren 1ean, Q letraren informazio-sisteman inskribatuta badago, eta esne-entrega deklaratuak baditu deialdi honen aurreko sei hiletan (lehen erosle bati saltzen dioten ekoizleen kasuan) edo deialdiaren ekitaldiko urteko ekoizpenaren deklarazioa egin badute (salmenta zuzeneko ekoizleen kasuan), eta jardunean segitzen badu laguntzen deialdia argitaratzen den egunean.
b) Untxi-hazkuntzako ustiategiaren titularra izatea, baldin eta ustiategiak umetarako 100 untxi-ama edo gehiago baditu 2016ko urtarrilaren 1ean.
Araudia
Erakundeak
Deitzen duen erakundea
- Ekonomiaren Garapena eta Azpiegiturak / Nekazaritzako, Arrantzako eta Elikagai Politikako Sailburuordetza > Nekazaritza eta Abeltzaintza Zuzendaritza
Ebazten duen erakundea
- Ekonomiaren Garapena eta Azpiegiturak / Nekazaritzako, Arrantzako eta Elikagai Politikako Sailburuordetza > Nekazaritza eta Abeltzaintza Zuzendaritza
Kontaktu-informazioa
Eusko Jaurlaritzaren Ekonomiaren Garapen eta Lehiakortasun Saileko Nekazaritza eta Abeltzaintza Zuzendaritza
Jesus Saez de Heredia
Telefonoa: 945 01 96 57
Posta elektronikoa: j-saez@euskadi.eus
Zuzenean: Herritarrentzako arreta zerbitzua
Kodea
10364Eskabidea eta dokumentazioa aurkeztea
Ebazpena eta errekurtsoak
Ebazteko epea
Aurkeztutako dokumentazioa aztertu ondoren bi hileko epean.
Diru-laguntza emateko modua
Lehiaketarik gabe
Isilbidearen ondorioak
Gaitzetsiak