Diru-laguntzak eta bekak

Ikastetxeetako giroa euskalduntzeko 2025-2026 ikasturterako NOLEGA laguntza deialdia.

[NOLEGA]

Deskribapena

Xedea

2025-2026 ikasturtean, eskola eremuan, euskararen erabilera bultzatzeko asmoz dirulaguntza deialdia eta oinarri-arauak argitara ematea.

Laguntza deialdi honen bidez, ikasgela barruan zein kanpoan burutzekoak diren jarduera hauek lagunduko dira diruz:

a) Euskal kultura eta bere transmisioa.

1- Ikastetxeetan euskal kultura eta bere transmisioa bultzatzea ikasgela barruan zein kanpoan. Jarduera hauen bitartez, besteak beste, euskal herri kulturari eta kultura garaikideari lotzen zaizkion kultur eta komunikazio adierazpideak sustatuko dira, bereziki, ahoz emanak: antzerkigintza, bertsogintza, kantagintza, kontalaritza… eta horrez gainera, tradizioan oinarritutako edo egungo diziplinarteko kultur adierazpideak ere bai: dantza, zinema, film laburra, bideo-sorkuntza, podcasta, irratia edo telebista, literatura eta ilustrazio sorkuntza….

2- Ikastetxearen barruan edota arlo akademikotik kanpo, euskaraz bizitzeko eta euskal kulturaz jabetzeko helburuarekin prestatutako kultur adierazpideak  (jarduera bere osotasunean lagunduko da diruz: sortze eta garapen faseak, bibliografia, emanaldia edo jarduera, atrezzoa, jantziak, ikus-entzunezko baliabideak, euskarri digitalak…).

b) Euskararen erabilera edota atxikimendua sustatzeko ekintzak. Kontzientzia soziolinguistikoan eragiteko, ikasgelan zein ikasgelaz kanpo, hezkuntza komunitatearekin lankidetzan egiten diren jarduerak lagunduko dira. Izan ere, jarduerak antolatzerakoan hezkuntza-komunitateko ikasle, irakasle, hezitzaile, guraso etab. hartuko dira kontuan.

1- Euskararekiko atxikimendua eta erabilera indartzeko hitzaldiak, tailerrak, mintegiak ikastaro laburrak…

2- Soziolinguistikan oinarritutako praktika komunitarioak, Euskaraldia edo Korrikaren prestaketa prozesuak, ikasgelako edo handik kanpoko azterketa edo neurketa soziolinguistikoak…

Atal honen barruan ez dira sartuko, bestalde, berariazko laguntza bidea duten irakasleen prestakuntza edo berrikuntza-jarduerak: IRALE, PREST GARA…

c) Gazte- eta haur-trukeak IKABIL (Ikastetxeen arteko binakako loturak). Euskal kultura, hizkuntza zein gizarte-giro desberdinen arteko ezagutza eta hurbilketa areagotzea helburu duten ikastetxeen arteko truke-irteerak.

Kultura molde, euskal hizkera zein gizarte-giro desberdinen arteko ezagutza eta hurbilketa areagotzeko egiten diren ikastetxe-trukeak izango dira lagunduak. Truke orok 2 gaueko iraupena izan behar du gutxienez. Normalean bi egonaldi izango dira, truke-kide bakoitzaren lekuan bana, alegia. Halere, salbuespen bezala, egonaldi bakarra egin ahal izango da, adostutako aterpe batean edo ikastetxe bakar baten herrian, bi ikastetxeen arteko distantziagatik edo beste arrazoiren bat dela medio.

Trukea EAEko ikastetxeen artekoa denean, ikastetxe biek bete behar dute eskabidea. Trukea Nafarroako edo Iparraldeko ikastetxe batekin egin nahi bada, berriz, EAEkoak soilik egingo du eskabidea, eta dirulaguntza osoaren jasotzailea ere bera izango da.

Aurrekontuko zuzkidura

190.000,00 (euro)

Prestazio ekonomikoa

Ordainketa-modua:

Aurretiazko izaera duen ordainketa bakarrean gauzatuko da ordainketa eta Ebazpena argitaratu ondoren jarriko da tramitean. 

Nori dago zuzenduta

Euskal Autonomia Erkidegoko unibertsitateaz kanpoko itunpeko ikastetxe pribatuak

Betekizunak

  • Edozein administrazio edo erakunde publiko nahiz pribaturi helburu berbererako eskatutako diru-laguntza, laguntza, diru-sarrera edo bestelako baliabideen berri ematea. Halakoren bat lortuz gero, horren berri ere ematea.

  • Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo diru-laguntzen esparruan hasi eta oraindik izapidetzen ari den edozein itzultze- edo zigor-prozeduraren eraginpean ez egotea.

  • Pertsona edo erakunde eskatzaileak laguntza edo dirulaguntza publikoak eskuratzeko aukera galtzearekin zigortuta ez egotea, edo horretarako ezgaitzen dituen lege-debekuren bat ez izatea, ez eta sexu-bazterkeriagatik zigortuta egotea ere, Emakumeen eta Gizonen Berdintasunari buruzko otsailaren 18ko 4/2005 Legearen azken xedapenetatik seigarrena betez.

  • Erakunde eskatzaileak beti bete beharko ditu honako hauetan xedatutako baldintzak: azaroaren 11ko 1/1997 Legegintza Dekretu bidez onartutako Euskadiko Ogasun Nagusiaren Antolarauei buruzko Legearen Testu Bategina, Dirulaguntzei buruzko azaroaren 17ko 38/2003 Lege Orokorrean 13. artikulua eta haren erregelamendua onartzen duen uztailaren 21eko 887/2006 Errege Dekretuan jasotako oinarrizko araudia

Erakundeak

Deitzen duen erakundea

  • Hezkuntza > Hezkuntza Sailburua

Ebazten duen erakundea

  • Hezkuntza / Hezkuntza Politiketako Sailburuordetza > Ikaskuntza eta Berrikuntza Zuzendaritza

Kontaktu-informazioa

Zuzenean: Herritarrentzako arreta zerbitzua

Tramitazio elektronikoan arazorik baduzu, erabiltzaileentzako arreta zentroaren telefonoa erabili dezakezu: 945 01 68 38

Kodea

0101917

Eskabidea eta dokumentazioa aurkeztea

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Eskabidea

Ebazpena eta errekurtsoak

Ebazteko epea

Sei hilabeteko epean, deialdiaren Agindua argitara eman eta hurrengo egunetik kontatzen hasita. Autononomia-Erkideogaren Administrazio Publikoaren egoitza elektronikoaren iragarki-taulan argitaratuko da ebazpena, eta jakinarazpenaren balioa izango du, argitaratu eta hurrengo egunetik hasita.

Diru-laguntza emateko modua

Lehiaketa

Isilbidearen ondorioak

Gaitzetsiak

Justifikazioa

2025eko ekainaren 16a baino lehen (hau barne).

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Nire karpeta

Beste tramite batzuk