Euskal Autonomia Erkidegoko erakunde edo pertsona autonomoentzako laguntza ekonomikoak, bizitza pertsonala, familia eta lana uztartzearen arloko egoeraren diagnostikoa eta ekintza-plana egiteko. 2025
- Egoera:
Deskribapena
Xedea
EAEn lantokiak dituzten erakundeentzako (enpresak, elkarteak, fundazioak...) edo pertsona autonomoentzako laguntza ekonomikoa, aholkularitza-enpresa baten zerbitzuak kontrata ditzaten, norberaren bizitza, familia eta lana bateragarri egiteko diagnostikoa eta plana egiteko.
Laguntza mota: norgehiagoka
Aholkularitza-enpresak erakunde edo pertsona autonomo eskatzailearentzat proposatu duen proiektu teknikoak lortutako puntuazioaren araberakoa izango da laguntza ematea, deialdiaren 12. oinarrian jasotako balorazio-irizpideekin bat datorren baloratu ondoren. Erakunde edo pertsona autonomo bat onuradun izateko, aurkeztutako proiektu teknikoak gutxienez 50 puntu lortu behar ditu. Puntuazio hori lortzen ez duten proposamenak ezetsi egingo dira. Lehenengo erakunde edo pertsona autonomo onuraduna izango da bere proiektuan puntuaziorik handiena lortu duena. Gainerako erakundeek eta pertsona autonomoek jarraituko diote, lortutako puntuen arabera, aurrekontua agortu arte, edo erabilgarri dagoen aurrekontuak hurrengo erakundeari legokiokeen zenbateko osoa diruz laguntzen uzten ez duen arte.
Proiektua baloratzeko irizpide teknikoak (PDF, 142 KB)
Diagnostikoak bete beharreko baldintzak:
Diagnostikoak, gutxienez, honako sei azterketa-eremu hauek izan beharko ditu ( 4.4 Ordena):
- Erakundearen hasierako egoera: erakundearen azterketa zehatza eta espezifikoa eta haren inguruabarrak (erakunde mota; lanpostu mota; plantillaren profila; ezaugarriak eta muga espezifikoak produkzio-sektorearen, garatzen duen jardueraren edo bezeroaren beharren arabera; komunikatzeko eta erabakitzeko modua; sindikatuen presentzia; plantillaren beharrak, etab.).
- Uztartzearen presentzia-maila erakundearen barne-politikan.
- Erakundeak aitortu eta errazten dituen kontziliazio-neurriak (nahitaez bete beharreko neurriak, hitzarmenak bere gain hartutako neurriak, neurri propioak, hobekuntzak); erakundeak neurri horiek eskaintzeko duen jarrera eta motibazioa.
- Langileen bizitza pertsonala, familia eta lana bateratzea hobetzen duten beste laguntza-baliabide batzuen presentzia/eskaintza.
- Bateragarritasun-neurriak plantillari jakinarazteko prozedurak ezarrita egotea, bai eta horiek eskatzeko modua ere. Ezagutza-, onarpen- eta erabilera-maila. Proposamenak egiteko aukera.
- Kontziliazio-neurriak ebaluatzeko, horien jarraipena egiteko eta hobetzeko adierazleak edo prozedurak egotea.
Planak bete beharreko baldintzak:
Proposatzen den ekintza-planak honako hauek bete beharko ditu:
- EAEn kokatuta dauden eta eskabide-formularioan adierazten diren establezimenduetan berariaz aplikatzeko formulatzea;
- erakunde kontratatzailearentzat berariaz diseinatzea eta EAEko establezimenduen ezaugarrietara egokituta egotea;
- aurretiazko diagnostikoaren emaitzetan oinarrituta egin behar dira. Emaitza horietatik, ildo estrategikoak, helburuak eta neurri zehatzak planteatuko dituzte, eta erabakitzen diren lehentasunen arabera egutegian sartu beharko dira;
- agente arduradunak identifikatzea;
- neurri bakoitzerako erabiliko den aurrekontua zenbatestea;
- emaitzak neurtzeko jarraipen-formulak sartzea.
Aurrekontuko zuzkidura
420.000 eurosPrestazio ekonomikoa
Laguntza-lerroak 420.000 €-ko aurrekontua du:
210.000 €, 2025eko ekitaldiko ordainketa-kredituaren kargura
210.000 €, 2026 urterako konpromiso-kredituaren kargura
Aholkularitza-enpresak proposatutako proiektuaren kostuaren (BEZik gabe) % 70ekoa izango da laguntza.
Langileen kopurua
Proiektuaren gehieneko kostua (BEZik gabe)
Laguntzaren zenbatekoa (% 70)
20 pertsona arte
7.000 €
4.900 €
21-50 pertsona artean
8.000 €
5.600 €
51-100 pertsona artean
10.000 €
7.000 €
100 pertsona baino gehiago
15.000 €
10.500€
* Erakunde eskatzailea BEZa aitortzetik salbuetsita badago eta ezin badu jasanarazi, bere laguntzaren zenbatekoa proiektuaren kostuaren gainean kalkulatuko da, BEZa barne. Salbuespena egiaztatzen duen ziurtagiria aurkeztu beharko du.
* Aurkeztutako proiektuaren kostua plantilla-kopuruaren arabera bere mailari esleitutako gehieneko zenbatekoa baino handiagoa bada, dirulaguntza bere mailan onartutako gehieneko kopuruaren arabera kalkulatuko da.
Ordainketa-modua:
Laguntza bi epetan ordainduko da:
- % 50 2025an, dirulaguntza emateko ebazpenaren ondoren.
- % 50 2026an, proiektua gauzatu eta justifikatu ondoren. Justifikatzeko azken eguna: ekainaren 30a.
Proiektua gauzatzeko denbora: 2025eko urtarrilaren 1etik 2026ko maiatzaren 31ra.
Bankuko datuak: hirugarrenen alta
Laguntza banku-transferentzia bidez ordaintzen da.
Administrazioak ordainketa egin ahal izateko, beharrezkoa da Eusko Jaurlaritzako Ogasun eta Finantza Saileko Kontrol Ekonomikoko Bulegoaren Hirugarrenen Erregistroan alta emanda egotea.
Erakundea alta emanda ez badago edo bankuko datuak aldatu nahi baditu, esteka honetan sar daiteke: https://www.euskadi.eus/eusko-jaurlaritza/-/hirugarrenaren-datuen-aldaketa/
Laguntza-lerroak 420.000 €-ko aurrekontua du:
210.000 €, 2025eko ekitaldiko ordainketa-kredituaren kargura
210.000 €, 2026 urterako konpromiso-kredituaren kargura
Aholkularitza-enpresak proposatutako proiektuaren kostuaren (BEZik gabe) % 70ekoa izango da laguntza.
Langileen kopurua | Proiektuaren gehieneko kostua (BEZik gabe) | Laguntzaren zenbatekoa (% 70) |
20 pertsona arte | 7.000 € | 4.900 € |
21-50 pertsona artean | 8.000 € | 5.600 € |
51-100 pertsona artean | 10.000 € | 7.000 € |
100 pertsona baino gehiago | 15.000 € | 10.500€ |
* Erakunde eskatzailea BEZa aitortzetik salbuetsita badago eta ezin badu jasanarazi, bere laguntzaren zenbatekoa proiektuaren kostuaren gainean kalkulatuko da, BEZa barne. Salbuespena egiaztatzen duen ziurtagiria aurkeztu beharko du.
* Aurkeztutako proiektuaren kostua plantilla-kopuruaren arabera bere mailari esleitutako gehieneko zenbatekoa baino handiagoa bada, dirulaguntza bere mailan onartutako gehieneko kopuruaren arabera kalkulatuko da.
Laguntza bi epetan ordainduko da:
- % 50 2025an, dirulaguntza emateko ebazpenaren ondoren.
- % 50 2026an, proiektua gauzatu eta justifikatu ondoren. Justifikatzeko azken eguna: ekainaren 30a.
Proiektua gauzatzeko denbora: 2025eko urtarrilaren 1etik 2026ko maiatzaren 31ra.
Bankuko datuak: hirugarrenen alta
Laguntza banku-transferentzia bidez ordaintzen da.
Administrazioak ordainketa egin ahal izateko, beharrezkoa da Eusko Jaurlaritzako Ogasun eta Finantza Saileko Kontrol Ekonomikoko Bulegoaren Hirugarrenen Erregistroan alta emanda egotea.
Erakundea alta emanda ez badago edo bankuko datuak aldatu nahi baditu, esteka honetan sar daiteke: https://www.euskadi.eus/eusko-jaurlaritza/-/hirugarrenaren-datuen-aldaketa/
Nori dago zuzenduta
Erakunde edo enpresak
Erakundeei (enpresak, elkarteak, fundazioak...) edo pertsona autonomoei, baldin eta EAEko establezimenduetan kontziliaziorako diagnostikoa eta lehen ekintza-plana egin nahi badute eta horretarako aholkularitza-enpresa baten zerbitzuak behar badituzte.
Eskakizunak:
-
Dirulaguntzen Araubidea arautzen duen abenduaren 21eko 20/2023 Legearen 11. artikuluan xedatutako betekizunez gain, eskabidea aurkezteko egunean, honako hauek bete beharko dituzte:
- Nortasun juridiko propioa eta independentea izatea, eta dagokion erregistroan inskribatuta egotea. Erregistroko ziurtagiri eguneratuaren bidez egiaztatu beharko du inskripzioa.
- *Salbuespena: Enpresaburu gisa jarduten duten autonomoek Langile Autonomoen Araubide Berezian (LAAB) alta ematearen ebazpena aurkeztuko dute.
- Oharra: pertsona juridiko desberdinez osatutako taldeetako entitateek modu independentean aurkeztu beharko dituzte eskabideak.
- EAEn lantokiren bat izatea.
- EAEko establezimenduetan soilik ezarriko den diagnostiko bat eta kontziliaziorako ekintza-plan bat kontratatzeko laguntza-eskaera aurkeztea.
- Ezingo dira laguntza honen onuradun izan Euskal Sektore Publikoari buruzko maiatzaren 12ko 3/2022 Legearen 4. artikuluaren 1. eta 2. puntuetan jasotako erakundeak.
- Aurretiazko kontziliazio-planik ez izatea.
- Lantoki bererako laguntza-lerro honetako 2022 edo 2023 deialdietan dirulaguntzarik jaso ez izana.
- *Salbuespena: onuradunak izanik, laguntzari berariaz uko egiten diotenak eta ordaindutako zenbatekoa itzultzen dutenak, uko egiteko egunean ordainketaren bat egin bada.
- Zerga-betebeharrak eta Gizarte Segurantzarekikoak egunean izatea.
- *Beharrezkoa da prozesu osoan egotea (eskaera egiten denetik bigarren ordainketa likidatu arte).
- Dirulaguntzak itzultzeko betebeharrak egunean izatea.
- Laguntza edo dirulaguntza publikoak eskuratzea eragozten duen zehapen administratibo edo penalik ez izatea, eta horretarako ezgaitzen duen legezko debekurik ez izatea.
- Epai irmo baten bidez, dirulaguntza edo laguntza publikoak lortzeko aukera galtzera kondenatua ez izatea, edo prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legez kanpoko ordainarazpenak edo hirigintza-delituak egitea.
- Borondatezko konkurtsoaren deklarazioa eskatu ez izana, edozein prozeduratan kaudimengabetzat jo izana, konkurtsoan deklaratuta egotea, salbu eta horretan eraginkortasuna hartu badu hitzarmen batek, esku-hartze judizialaren mende egotea eta Konkurtsoari buruzko uztailaren 9ko 22/2003 Legearen arabera desgaitua izatea, konkurtsoa kalifikatzeko epaian ezarritako desgaitze-aldia amaitu gabe.
- Erruduntzat jo diren arrazoiengatik, Administrazioarekin egindako edozein kontraturen suntsiarazpen irmoa eragin ez izana.
- Pertsona fisikoa, merkataritza-sozietateetako administratzaileak edo beste pertsona juridiko batzuen legezko ordezkaritza dutenak ez egotea Administrazio Publikoen Zerbitzuko Langileen Bateraezintasunei buruzko abenduaren 26ko 53/1984 Legean eta Kargu Publikodunen Jokabide Kodea eta Haien Interes Gatazkak Arautzen dituen ekainaren 26ko 1/2014 Legean aurreikusitako bateraezintasun-araubideko kasuren batean, eta ez izatea Hauteskunde Araubide Orokorrari buruzko ekainaren 19ko 5/1985 Lege Organikoan araututako hautapenezko karguren bat, lege horretan bertan edo gai horiek arautzen dituen autonomia-erkidegoko araudian ezarritakoaren arabera.
- Erregelamenduz zerga-paradisu gisa kalifikatutako herrialde edo lurralde batean ez izatea zerga-egoitza. Ogasunari eskatutako zerga-egoitzaren ziurtagiriaren bidez egiaztatuko da puntu hori.
- Sexu-diskriminazioa egiteagatik edo emakumeen eta gizonen berdintasunaren arloko araudia ez betetzeagatik zigor administratibo edo penalik ez izatea, dagokion zehapenean ezarritako aldian.
- Plantillan 50 pertsona baino gehiago dituzten enpresek honako betebehar hauek izango dituzte:
- Berdintasun-plan bat indarrean izatea eta neurriak ezartzea sexu-jazarpena edo sexuan oinarritutako jazarpena prebenitzeko eta horri aurre egiteko, Estatuko legeriak emakumeen eta gizonen berdintasunaren arloan ezarritako baldintzetan.
- *Beren berdintasun-planaren erregistro-ziurtagiria edo indarrean dagoen planaren dokumentua aurkeztu beharko dute. Beren plana indarrean ez badago, berritzeko, berrikusteko edo negoziatzeko fasean daudelako, aurreko berdintasun-plana aurkeztu beharko dute, bai eta erantzukizunpeko adierazpen bat ere, honako hauek zehaztuko dituena: alde batetik, une horretan indarrean dagoen planik zergatik ez duten, eta, bestetik, plana prestatzen ari direla, lehenengo plana edo hurrengoak izan. Baldintza hori betetzen ez dutela ulertuko da, plana izatera behartuta egonik, eskaera egiten den egunean planik ez dutenek.
- Ekonomia zirkular baterako hondakin eta lurzoru kutsatuei buruzko apirilaren 8ko 7/2022 Legean edo Euskadiko Ingurumen Administrazioari buruzko abenduaren 9ko 10/2021 Legean aurreikusitako arau-hauste larri edo oso larriengatik zehapenik ez jasotzea, administrazio-bidean ebazpen irmo bidez, dagozkion neurri zuzentzaileak gauzatu eta zehapena ordaindu arte.
- Desgaitasuna duten pertsonen alde lanpostuak erreserbatzeko legez ezarritako kuota bete izana, edo, bestela, hori betetzeko neurri alternatiboak martxan jarri direla egiaztatu izana.
- Ez egotea Dirulaguntzen Araubidea arautzen duen abenduaren 21eko 20/2023 Legearen 13. artikuluan aurreikusitako gainerako egoeraren batean.
Araudia
Erakundeak
Deitzen duen erakundea
- Ongizatea, Gazteria eta Erronka Demografikoa / Gazteria eta Erronka Demografikoaren Sailburuordetza > Haur, Nerabe eta Familia Zuzendaritza
Ebazten duen erakundea
- Ongizatea, Gazteria eta Erronka Demografikoa > Gazteria eta Erronka Demografikoaren Sailburuordetza
Eskabidea eta dokumentazioa aurkeztea
Agindua EHAAn argitaratu eta hurrengo egunean hasiko da epea, eta 2025eko irailaren 30era arte egongo da zabalik.
Entregatu beharreko dokumentazioa:
Oinarrizko dokumentazioa
- Eskabide-inprimakia erakundeak (edo haren ordezkariak) beteta eta digitalki sinatuta.
- Aholkularitza-erakundeak planteatutako proposamen teknikoa, aholkularitza-enpresak digitalki beteta eta sinatuta (Proposamen teknikoa (PDF, 4 MB)).
- Dagokion erregistroko inskripzioaren ziurtagiri eguneratua.
- * Enpresaburu gisa jarduten duten autonomoen kasuan, LAABean alta emateko ebazpena.
- Eskaera egin aurreko hileko Langileen Izenen Zerrenda (TC2 eredu zaharra).
- * Proiektua ez bada planteatzen EAEko plantilla osorako, edo erakundeak EAEtik kanpo plantilla badu, proiektua EAEko lantokian edo lantokian zenbat langilerentzat aurkeztu den egiaztatzen duen dokumentazioa aurkeztu beharko da.
- Aurrekari penalen ziurtagiria.
- Egoitza fiskalaren ziurtagiria.
Dokumentazio espezifikoa:
- BEZa aitortzetik salbuetsita dauden erakundeak: Salbuespena egiaztatzen duen ziurtagiria, administrazio eskudunak emana.
- Plantillan 50 pertsona baino gehiago dituzten enpresak: Emakumeen eta gizonen berdintasunaren arloko Estatuko araudia betetzen dela egiaztatzen duen dokumentazioa: berdintasun-planaren erregistroa, berdintasun-plana eta sexu-jazarpenari edo sexuan oinarritutako jazarpenari aurre egiteko neurriak aktibatu direla ziurtatzen duen dokumentazioa.
Izapidea
Tramitazioa telematikoa izango da. Izapide guztiak Euskadiko Administrazio Publikoaren egoitza elektronikoan (https://www.euskadi.eus/micarpeta) dagoen «Nire karpeta» gunean dagoen espediente digitalaren bidez egingo dira.
Prozedura
Organo kudeatzaileak dokumentazioa berrikusi eta erkatuko du,laguntza eskuratzea.
Balorazio Batzordeak deialdiaren 12. oinarrian adierazitako irizpideen arabera puntuatuko ditu proiektu teknikoak, eta txosten bat egingo du balorazioaren emaitza zehazteko. Txosten horretan, eskatzaileei laguntza emateko ordena jasoko da, lortutako puntuazioaren arabera handienetik txikienera ordenatuta. Hainbatek puntu berdina izanez gero, berdinketa deialdiko 12. oinarriko c) irizpidean puntuazio handiena dutenen alde desegingo da.
Haur, Nerabe eta Familia zuzendariak ebazpen-proposamen arrazoitua egingo du. Behin betikoa izango da, eta honako hauek adieraziko ditu: laguntza ematea proposatzen den erakundeen edo pertsona autonomoen zerrenda, zenbatekoa, lortutako puntuazioa eta kontuan hartutako balorazio-irizpideak. Ebazpen-proposamena onuradun izateko proposatutako erakundeei edo pertsona autonomoei jakinaraziko die, eta horiek 10 egun balioduneko epe luzaezina izango dute laguntza onartzen duten jakinarazteko. Ez badute berariaz jakinarazten eskaera onartu dutela, eskabideari uko egiten diotela ulertuko da.
Erakunderen edo pertsona autonomoren batek uko egiteagatik sortutako kreditua lehenengo erakundeari edo pertsona autonomoari eta hurrengoei proposatuko zaie laguntza emateko, puntuazioaren arabera ordenatuta, baldin eta beharrezko puntuazioa lortu badute eta aurrekontua agortzeagatik dirulaguntzarik gabe geratu badira. Onuradun berri bat proposatuko da, baldin eta uko egiteek sortutako kreditu erabilgarria nahikoa bada dagokion zenbateko osoaren ordainketa bere gain hartu ahal izateko.
Gazteria eta Erronka Demografikoaren sailburuordeak dirulaguntzak emateko eta ukatzeko ebazpen bakarra emango du, eta ebazpen hori Euskal Autonomia Erkidegoko Administrazio Publikoaren egoitza elektronikoaren iragarki-taulan argitaratuz jakinaraziko da (https://www.euskadi.eus/iragarki-taula-elektronikoa/) eta argitaratu eta hurrengo egunetik aurrera izango ditu jakinarazpen-ondorioak.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean (dokumentuak digitalizatzeko laguntza).
- Sartu online inprimaki honetara.
Eskaera egin aurretik:
- Identifikazio elektronikorako bitarteko bat izan behar duzu.
- Beharrezko dokumentuak formatu digitalean prestatu (PDF formatua edo onartutako beste formatua).
Ondoren, zerbitzu elektronikora sartu zaitez eta 4 urrats hauek jarraitu:
- Eskabidea bete.
- Aurretik prestatutako dokumentuak erantsi.
- Eskabidea sinatu.
- Eskabidea eta erantsitako dokumentuak bidali.
Jarraian, hartu izanaren agiria erakutsiko da pantailan (hartu-agiria).
Ondoren, espedientearen egoeraren jarraipena Nire karpeta aplikazioan egin dezakezu.
Ebazpena eta errekurtsoak
Ebazteko epea
Ebazteko eta jakinarazteko gehienezko epea: sei hilabete, agindua EHAAn argitaratu eta hurrengo egunetik aurrera. Epea jakinarazpenik gabe igarotzen bada, erakunde interesdunek ezetsitzat jo ahal izango dute dirulaguntzaren eskaera. Ebazpenaren aurka gora jotzeko errekurtsoa aurkeztu ahal izango zaio Ongizate, Gazteria eta Erronka Demografikoko sailburuari, hilabeteko epean, ebazpena jakinarazi eta hurrengo egunetik aurrera.
Diru-laguntza emateko modua
Lehiaketa
Isilbidearen ondorioak
Gaitzetsiak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Gora jotzeko errekurtsoa administrazio-errekurtsoa da. Honen bidez, administrazio-organo bati eskatzen zaio hierarkikoki haren mende dagoen beste organo batek emandako egintza berrikusteko eta zuzentzeko.
Zer egintzaren aurka jartzen da?
- Administrazio-bideari bukaera ematen ez dioten egintzen aurka.
- Zuzenean edo zeharka auziaren muina erabakitzen duten edo prozedurak aurrera egitea eragozten duten izapidezko egintzen aurka.
Zer organori jartzen zaio?
- Errekurritutako egintza ematen duen organoari edo haren goragokoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- 3 hilabete, presuntziozko egintza bat errekurritzen baduzu.
Zer epe dauka Administrazioak ebazteko?
- 3 hilabete.
Epe horretan Administrazioak ez badizu ebazpena jakinarazten:
- Errekurtsoa baietsitzat joko da, baldin eta presuntziozko egintza errekurritu baduzu.
- Errekurtsoa ezetsitzat joko da, baldin eta egintza espresu bat errekurritu baduzu.
Zer errekurtso jar dezakezu gero?
- Administrazioarekiko auzi-errekurtsoa, bide judizialetik.
- Berrikusteko errekurtso berezia, salbuespenez.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua, Administrazio-errekurtsoak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Zer egintzen aurka jartzen da?
Erreklamazio ekonomiko-administratiboen ebazpen irmoen aurka, hauetako egoeraren bat gertatzen denean:
- Espedientean sartutako dokumentuen eraginez, egitezko errakuntza gertatzea ebazpena ematerakoan.
- Gaia ebazteko funtsezko balioa duten agiriak agertzea, eta, agiri horiek, ebazpena eman ondoren agertu arren, agerian uztea errakuntza dagoela errekurritutako ebazpenean.
- Ebazpenean funtsezko eragina izatea ebazpenaren aurretik edo ondoren epai irmo baten bidez faltsutzat jotako dokumentu edo lekukotzek.
- Prebarikazio, funtzionario-eroskeria, indarkeria, iruzurrezko azpikeria edo bestelako jokabide zigorgarri baten ondorioz ematea ebazpena, eta epai irmo batek hala aitortzea.
Zer organotan jartzen da?
Euskadiko Ekonomia Arduralaritzako Epaitegian.
Zer epe daukazu errekurtsoa jartzeko?
1. kasuan, lau urte, aurkaratutako ebazpena jakinarazten zaizun egunetik hasita.
Gainerako kasuetan, epea hiru hilabetekoa izango da, dokumentuak ezagutzen direnetik edo epaia irmo bihurtzen denetik hasita.
Zer epe dauka Epaitegiak ebazteko?
Epe horretan ez bazaizu ebazpena jakinarazten, errekurtsoa ezetsitzat joko da.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Aukerako berraztertzeko errekurtsoa administrazio-errekurtsoa da. Honen bidez, administrazio-organo bati eskatzen zaio berak emandako egintza berrikusteko eta zuzentzeko.
Aukerako errekurtsoa denez, interesatuek errekurtso hau jartzeko aukera dute ala, nahiago badute, Administrazioarekiko auzi-errekurtsoa jar dezakete zuzenean.
Zer egintzaren aurka jartzen da?
- Administrazio-bideari bukaera ematen dioten egintzen aurka.
Zer organori jartzen zaio?
- Errekurritutako egintza ematen duen organoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- Noiznahi, presuntziozko egintza gertatu eta biharamunetik aurrera.
Zer epe dauka administrazioak ebazteko?
- Hilabete: Epe horretan ez bazaizu ebazpena jakinarazten, errekurtsoa ezetsitzat joko da.
Zer errekurtso jar dezakezu gero?
Aukerako berraztertzeko errekurtsoa jartzen bada, Administrazioarekiko auzi-errekurtsoa jar daiteke gero, bide judizialetik.
Dena dela, aukerako errekurtsoa denez, interesatuek Administrazioarekiko auzi-errekurtsoa jar dezakete zuzenean.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua. Administrazio-errekurtsoak.
Justifikazioa
Erakunde onuradunak honako agiri hauek aurkeztu beharko ditu espediente elektronikoan (Nire Karpeta), 2026ko ekainaren 30a baino lehen:
- Egindako diagnostiko osoa, dirulaguntza esleitzeko aurkeztutako proposamen teknikoaren arabera.
- Erakundearen kontziliaziorako ekintza-plana, aurkeztutako proposamen teknikoaren arabera.
- Jasotako funts publikoei emandako aplikazioaren justifikazio-memoria.
- Aholkularitza-enpresak emandako zerbitzuen kostua egiaztatzen duen faktura, behar bezala banakatuta.
- Faktura ordaindu izanaren egiaztagiria.
- GARRANTZITSUA: Gogoratu bai fakturek eta baita faktura horien ordainketek ere 2026ko ekainaren 30a baina lehenagoko data izan behar dutela.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
-
Administrazioak ofizioz kontsultatuko du betekizun hau betetzen duzun ala ez.
Zergak Nafarroako Foru Komunitatean ordaintzen badituzu, dokumentu hauek aurkeztu behar dituzu:
- Zerga-betebeharrak betetzen dituzulako Foru Ogasunak egindako ziurtagiriaren kopia eskaneatua (PDF formatuan).
-
Administrazioak ofizioz kontsultatuko du betekizun hau betetzen duzun ala ez.
-
Zerga betebeharrak betetzen direla
Laguntza hau eskuratzeko, zerga betebeharrak betetzen dituzula ziurtatu behar duzu.
Oharra: Azaroaren 11ko 1/1997 Legegintza Dekretuan dago ezarrita nor izan daitekeen diru-laguntza eta laguntza publikoen onuraduna (50. artikuluko 30. idatz-zatian).
-
Gizarte Segurantzarekiko betebeharrak betetzen direla egiaztatzeko
Laguntza hau eskuratzeko, Gizarte Segurantzarekiko betebeharrak betetzen dituzula egiaztatu behar duzu.
Oharra: 1/1997 Legegintzako Dekretuan dago ezarrita nor izan daitekeen diru-laguntza eta laguntza publikoen onuraduna (50. artikuluko 30. idatz-zatian).
-
Erakunde onuradunak honako agiri hauek aurkeztu beharko ditu espediente elektronikoan (Nire Karpeta), 2025eko ekainaren 30a baino lehen:
- Egindako diagnostiko osoa, dirulaguntza esleitzeko aurkeztutako proposamen teknikoaren arabera.
- Erakundearen kontziliaziorako ekintza-plana, aurkeztutako proposamen teknikoaren arabera.
- Jasotako funts publikoei emandako aplikazioaren justifikazio-memoria.
- Aholkularitza-enpresak emandako zerbitzuen kostua egiaztatzen duen faktura, behar bezala banakatuta.
- Faktura ordaindu izanaren egiaztagiria.
Beste tramite batzuk
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Ebazpena eman baino lehen, eskabidean atzera egiteko aukera dago.
Atzera egin arren, babesten zaituzten eskubideak mantenduko dira, eta beste prozedura baten erabiltzeko aukera izango da.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak deialdiko arauan ezarritako betekizunak betetzen ez baditu, organo eskudunak 10 eguneko epea emango dizu akatsak zuzentzeko. Zuzentzen ez badituzu, Administrazioak eskaeran atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 68. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa bada, organo eskudunak 10 eguneko epea emango dizu dokumentazio berria aurkezteko. Ezer aurkezten ez baduzu, Administrazioak komunikazio edo eskaeraren tramitazioarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Noiz egin diezaioket uko laguntza bati?
Ebazpena eman ondoren, edozein momentutan.
Zer gertatzen da nire eskubideekin?
Uko egiten baduzu, galdu egingo dituzu prozedura honetan babesten zaituzten eskubideak
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa badu, organo eskudunak 15 eguneko epea emango dizu informazioa gehitzeko. Gehitzen ez baduzu, Administrazioak komunikazio edo eskaerarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta dokumentazio gehitzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Une oro alegatu ahal izango dituzu izapidetze-akatsak eta, bereziki, geldiaraztea, aginduzko epeak haustea edo gaiaren behin betiko ebazpena eman aurretik konpon daitezkeen izapideak ez egitea dakartenak.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 76. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Beharrezkoak iruditzen zaizkizun dokumentuak aurkeztu ditzakezu, nahiz eta Administrazioak ez eskatu.
