Agindu honen xedea oinarri arautzaileak zehaztea eta ikertzaile doktore bat kontratatzeko laguntzaren deialdia egitea da, lehiakortasun konkurrentzia baldintzan, publizitate, gardentasun, objektibotasun, berdintasun eta ez baztertze printzipioetan oinarrituta, ikerketa proiektu bat egiteko medikuntza pertsonalizatuaren edo terapia aurreratuen eremuan sartu beharko da, Euskadiko Autonomia Erkidegoan kokatutako osasun arloko ikerketarako zentroaren kategorian.

Deialdi honetarako, ikerketa eta garapena ordaingabeko jardueratzat hartuko dira eta Europar Komisioak ezarritako baldintzak bete beharko dira Ikerketako eta Garapen eta Berrikuntzako Estatuko Laguntzei buruzko Erkidegoko Esparruan (EBren Egunkari Ofiziala, C 198, 2014.06.27koa); guzti hori Agindu honen 2.3 eta 2.4 ataletan aurreikusitakoari jarraiki.

• 1.- Laguntzaren xedea lan-kontratuaren kostuak ordaintzea izango da, edozein motatako kontratua bada ere, indarrean dagoen araudiaren arabera. Aipaturiko kontratua sinatuz, ikertzaile doktoreak Osasun Sailburuordearen Ebazpen bidez eman zaion laguntzari dagokion ikerketa proiektua soilik egiteko konpromisoa hartuko du.
• 2.- Iraupena: Kontratuak hiru urte iraungo ditu, laguntzaren hasierako egunetik hasita zenbatu behar dena.
• 3.- Zenbatekoa: Lan-kontraturako laguntzaren zenbatekoa 50.000€-ekoa izango da urtean, eta enpresaren urteko ordainsari gordina eta gizarte-segurantzaren kostua beteko ditu, bai eta kontratuaren amaierako kalte-ordaina ere, kalte-ordainsari legez aurreikusita badago.
• 4.- Programa horren barruan laguntzarik ezin da jaso, oro har, ez funts publikoenak ez pribatukoak, ezta inolako soldatarik ere.
• 5.- Kasu bakunen batean, irakaskuntza atazekin bateratu ahal izango da, erakunde berean edo beste batean (gehienez 80 ordura arte), interesdunak hala eskatzen badu eta bere erakundeak baimena ematen badio, eta Herri Administrazioko zerbitzurako langileen bateraezintasunen indarrean dauden arauak jarraitu beharko dira, baina irakaste ataza horiek ezingo dute ekintza honen xedea eragotzi. 24 orduko edo zatiko guardiekin batu ahal izango da, hilean 96 ordura arte.

• 1.- Laguntza kudeatzen duen organoak berehala transferituko dio erakunde onuradunari laguntzaren lehen urtean emandako diru-laguntza. Gainerako urtekoetako bakoitzaren ordainketa osasun-ikerketaren arloan eskumena duen Zuzendaritzak memoria zientifikoa eta proiektuak sortutako gastuen justifikazio dokumentala onartu ondoren ordainduko da.
• 2.- Erakunde onuradunak, arrazoi sendoengatik, finantzatutako ikerketa proiektua bukatzerik ez badu, berehala jakinaraziko dio organo kudeatzaileari eta proiektuaren garapen zientifikoaren eta balantze ekonomikoaren egoerari buruzko txostena ere bidaliko dio. Organo kudeatzaileak espedientea aztertuko du eta Osasun Sailburuordeari proposatuko dio laguntza kitatzeko ebazpena onartzea, eta itzuli beharreko kantitateak zehaztuko ditu, itzuli beharrekoak daudenean.