• Irabazi-asmorik gabeko erakundeak Informazio xehatua
  Eskakizunak:

  • Ordezkari izateko ahalmen nahikoa izatea

    Merkataritza-sozietateetan (SA eta SM), kooperatiba, elkarte eta fundazioen kasuetan legezko ordezkariak justifikatu egin behar du ordezkari izateko ahalmen nahikoa duela.

  • Zerga-betebeharrak egunean ordainduta izatea
  • Gizarte Segurantzarekiko betebeharrak egunean ordainduta izatea
  • Legez eratuta egotea

• Balio erantsiaren gaineko zerga-ren (BEZ), erregimena egiaztatzeko Informazio xehatua

  Balio erantsiaren gaineko zerga (BEZ), kontsumoari dagokion zeharkako zerga bat da; kontsumoa zergapetzen du.

  Honako hauen mende dago:

  • 37/1992 Legea, abenduaren 28koa, Balio Erantsiaren gaineko Zergari buruzkoa
  • kontzertu-erregimenak erregulatzeko indarrean dauden arauak (Euskal Autonomia Erkidegoko lurralde historikoetan) eta indarrean dagoen hitzarmen ekonomikoa (Nafarroako Foru Komunitatean)

  Erakundea zentzatuta dagoen Balio erantsiaren gaineko zergaren erregimena egiaztatzeko, agiri hau aurkeztu behar duzu:

  • BEZaren erregimenaren ziurtagiriaren kopia eskaneatua (PDF formatuan), dagokion zerga-administrazioak egina

  Oharra: Ziurtagiria, formatu elektronikoan, zerga-administrazioen egoitza elektronikoan eskura dezakezu. Onartutako ziurtagiri elektroniko batekin edo gabe sar zaitezke bertan, kasuaren arabera

• Aurkeztutako proiektuaren ezaugarriak egiaztatzea
• Aurkeztutako proiektuaren aurrekontua egiaztatzea
• Edozein administrazio edo erakunde publiko nahiz pribaturi helburu berbererako eskatutako diru-laguntza, laguntza, diru-sarrera edo bestelako baliabideen berri ematea. Halakoren bat lortuz gero, horren berri ere ematea. Informazio xehatua

  Eskabidean, dagokion erantzukizunpeko adierazpena markatu behar da. Beste laguntzarik jaso ez dela aitortuz gero, ez dago dokumentaziorik aurkeztu beharrik.

  Bestelako finantziazio-iturriren bat eduki edo eskatuz gero, "Beste finantziazio-iturriak" inprimakia aurkeztu behar da eskabidearekin batera.

• Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo diru-laguntzen esparruan hasi eta oraindik izapidetzen ari den edozein itzultze- edo zigor-prozeduraren eraginpean ez egotea. Informazio xehatua

  Ez dago agiririk aurkeztu beharrik baldintza hori betetzen dela egiaztatzeko.

• Pertsona edo erakunde eskatzaileak ez izatea diru-laguntza edo laguntza publikoak lortzeko aukera galtzea dakarren zigor- edo administrazio-arloko zehapenik; eta, ez egotea laguntza horiek jasotzeko ezgaitzen duten lege-debekuen eraginpean, beren beregiko erreferentzia egiten zaielarik Emakumeen eta Gizonen Berdintasunerako otsailaren 18ko 4/2005 Legeko azken xedapenetako seigarrenaren arabera sexu-diskriminazioa egin izanagatiko lege-debekuei. Informazio xehatua

  Ez dago agiririk aurkeztu beharrik baldintza hori betetzen dela egiaztatzeko.

Diru-laguntzaren zenbatekoa lagungarri den gastuaren % 100era iritsi daiteke eta proiektu bakoitzarentzat eskatutako diru-laguntzaren zenbatekoa ez da 20.000 eurotik gorakoa izango.

1.- Emandako diru-laguntzaren zenbatekoaren % 50a behin onartuz gero emango da, 19.1 artikuluan ezarritakoari jarraituta. Aldez aurretiko ordainketa hori eten egingo da baldin eta Euskadiko Autonomia Erkidegoko Administrazio Orokorrak jakingo balu onuradun erakundeak, epai-enbargugatik ala bestelako arrazoirengatik, erantzun beharreko zorren bat duela. Kasu horretan, diru-laguntzaren zenbateko osoa behin justifikazioa aurkeztuz gero egingo da, bidezkoa bada.

2.- Zenbatekoaren gainerako % 50a onuradun erakudeak, 19.2 artikuluan adierazten den epearen barruan, diru-laguntzaren justifikazioa behin aurkeztuz gero emango da.