1. Dekretu honen xedea da zehaztea gastu mota bakoitzeko zer zenbateko unitario gainditu behar diren aldez aurretiko fiskalizazioa nahitaezkoa izan dadin. Euskal Autonomia Erkidegoko Ekonomia Kontrolari eta Kontabilitateari buruzko Legearen testu bateginaren, urriaren 19ko 2/2017 Legegintzako Dekretuaren bidez onetsitakoaren, 22.1.a.3 artikuluan aipatzen da fiskalizazio mota hori.

2. Honako gastu hauek ez dira dekretu honen mende egongo, eta, beraz, aldez aurretiko fiskalizazioa egin beharko zaie beti, zenbatekoa edozein dela ere:

   1. Zuzenean nahiz zeharka eduki ekonomikoa duten erabaki-proposamenak, haiek baimentzea eta onartzea Gobernu Kontseiluari badagokio edo haien berri jakitea berari badagokio.

   2. Aurrekontu-aldaketak.

   3. Ondare-eragiketak, kontratu txikitzat jotzen direnak izan ezik.

   4. Bermeak Euskal Autonomia Erkidegoko Diruzaintza Nagusiaren kargura ematea.

   5. Zehaztu gabeko kopuruko gastuak sorraraz ditzaketen ekonomia-egitateak edo -eragiketak eta ondoz ondoko hiru aurrekontu-ekitalditarako edo gehiagotarako sarrera- nahiz gastu-konpromisoak dakartzatenak.

3. Aitzitik, eragiketa hauek aldez aurretiko fiskalizaziotik salbuetsita egongo dira beti, zenbatekoa edozein dela ere:

   1. Kontratu txikiak; nolanahi ere, 3.2 artikuluan xedatutakoa aplikatuko da, hala badagokio.

   2. Langileen kontratuak.

   3. Segidako traktuko kontratuak eta aldizkakoak, haiek datozen egintza edo hasierako aldia edo haien aldaketak kontrolatu ondoren.

   4. Euskal Autonomia Erkidegoko Aurrekontu Orokorretan izendapen bidez emandako dirulaguntzak.

   5. Transferentzia arruntak eta kapital-transferentziak.

   6. Kontratu-luzapenak.

Aurreko artikuluan xedatutakoari jarraikiz, gastu mota hauek aldez aurretiko fiskalizazioaren mende egongo dira, baldin eta jarraian aipatzen diren zenbateko unitarioak gainditzen badituzte:

1. 300.000 eurotik gorako oinarrizko lizitazio-aurrekontua edo 600.000 eurotik gorako balio zenbatetsia duten obrak kontratatzeko eta obra-emakidarako espedienteak. Kontzeptu honen barnean daude obrak egitea helburu duten esparru-akordioak eta eskuratze-sistema dinamikoak.

2. Aurreko letran adierazitakoez bestelako edozein administrazio-kontratu esleitzeko espedienteak, baldin eta 100.000 eurotik gorako oinarrizko lizitazio-aurrekontua edo 200.000 eurotik gorako balio zenbatetsia badute. Kontzeptu honen barnean daude aurreko letran jasotakoez bestelako esparru-akordioak eta eskuratze-sistema dinamikoak.

3. Ordainsaririk gabeko konpentsaziodun kudeaketa-gomendioak eta bitarteko propio pertsonifikatuei egindako enkarguak, 300.000 eurotik gorakoak obrekin zerikusia badute, edo 100.000 eurotik gorakoak gainerako kasuetan.

4. Prezioen berrikuspenak eta kontratuen, esparru-akordioen, eskuratze-sistema dinamikoen, ordainsaririk gabeko konpentsazioak dituzten kudeaketa-gomendioen edo bitarteko propio pertsonifikatuei egindako enkarguen aldaketak, baldin eta, aurreko letretan adierazitakoa aplikatuz, aldez aurretiko fiskalizazioaren mende egon badira eta haien aldaketak hasierako espedientearen adjudikazio-zenbatekoaren % 25etik gorako ehunekoa badakar, gora edo behera, bai berez, bai aurreko beste aldaketa batzuekin batera zenbatuta.

5. Kontratu-ebazpenak eta -lagapenak, baldin eta kontratuaren aurrekontuak aurreko a) eta b) letretan adierazitako zenbatekoak gainditzen baditu.

6. Kontratu pribatuak egitea edo haien nobazioa, espedientearen zenbatekoa 50.000 eurotik gorakoa izanez gero.

7. Lehiaketa bidezko nahiz lehiaketa ez den beste prozedura baten bidezko norgehiagoka erabiliz eman beharreko laguntzak eta dirulaguntzak, baldin eta prozedura horretako azken zuzkidura ekonomikoa 300.000 eurotik gorakoa bada. Dirulaguntzen Araubidea Erregulatzeko abenduaren 21eko 20/2023 Legearen 19.1 eta 19.2 artikuluetan daude zehaztuta bi prozedura horiek.

8. Segidako lehiaketaren prozeduraren bidez eman beharreko laguntzak eta dirulaguntzak, baldin eta haien zenbatekoa, banaka hartuta, 100.000 eurotik gorakoa bada. Dirulaguntzen Araubidea Erregulatzeko 20/2023 Legearen 19.3 artikuluan dago zehaztuta prozedura hori.

   50.000 eurotik gorako orotariko kalte-ordainak. Epigrafe honetan sartzen dira asistentzia sanitario, farmazeutiko eta ortoprotesikoko gastuen itzulketa gisa izapidetzen diren espedienteak.

   50.000 eurotik gorako orotariko mailegu eta aurrerakinak.

10. Administrazio-errekurtsoak, ofiziozko berrikuspen-prozedurak edo kide anitzeko organoen edo berariazko batzordeen aurreko aurkaratze-, erreklamazio-, adiskidetze-, bitartekaritza- eta arbitraje-prozedurak ebazten dituzten egintzak, baldin eta haien xedea aldez aurretiko fiskalizazioaren mende badago.

11. Aurreko epigrafeetan sartu ez diren beste gastu batzuk, baldin eta 50.000 eurotik gorakoak badira, dekretu honen 3.1 artikuluan transkribatutako irizpidearen arabera.

1. Aurreko artikuluan adierazitako zenbatekoak kalkulatzeko, bildu egingo dira, ekitaldi ekonomiko bati dagokionez, unitate funtzional edo operatibo bat osatzen dutelako batera konprometi daitezkeen prestazio, egitate, eragiketa edo egintza guztiak, eta ezin izango dira zatitu aldez aurretiko fiskalizazioa saihesteko.

2. Zenbatekoak banaka hartuta aldez aurretiko fiskalizazioa beharko ez luketen baina aurreko apartatuko irizpidea aplikatuz behar duten gastu-konpromiso gehiago onartuz gero, Euskal Autonomia Erkidegoko Ekonomia Kontrolari eta Kontabilitateari buruzko Legearen testu bateginaren 24.4 artikuluan zehazten den txostena aurkeztu beharko da.