Administrazio Elektronikoaren antolakuntza

Ondoko taulan, Administrazio Elektronikorako Azpiegitura kudeatzean identifikatu diren erakundeen osaera eta funtzionamendua daude jasota:

Erakundea	Osaera	Eginkizunak
Batzorde Gorena	Administrazio eta Zerbitzu Sailburuordetza (Ogasun eta Herri Administrazio Saila) Lehendakariordetzako Idazkaritza Nagusia	Administrazio Elektronikoaren bultzada politikoa.
Zuzendaritza Batzordea	ITZren Zuzendaritza AEBren Zuzendaritza EJIEren Zuzendaritza	Administrazio Elektronikoaren bultzada estrategikoa. Administrazio Elektronikoaren Ekintza Planaren eta Plan Estrategikoaren betearazpenaren plangintza eta kontrola. Beste administrazio eta erakunde batzuekiko lankidetza bultzatzea.
Koordinazioa eta Betearazpena	ITZren Zuzendaritza Teknikoa AEBren Zuzendaritza Teknikoa EJIEren Zuzendaritza Teknikoa Sailen eta erakunde autonomoen zerbitzu informatikoetako buruak	Administrazio Elektronikoaren betearazpena. Baliabide teknikoen eta giza baliabideen hornidura. Zerikusia duten proiektuak abian jartzea eta haien jarraipena egitea. Administrazio Elektronikoaren esparruan sailetan egin diren ekimenak eta baliabide teknikoak koordinatzea.

Administrazio Elektronikoaren kudeaketan identifikatutako erakundeen osaera eta eginkizunak

Zuzendaritza Batzordeari eta Administrazio Elektronikoaren Koordinazioari eta Betearazpenari eusteko, Programako Bulegoa eratu behar da. Bulego horrek honako lan hauek hartuko ditu: agiriak eta betearazpen-planak prestatzea, ekintzako estrategia, lizitazioko pleguak, Zuzendaritza Batzordearen agiriak, baliabideen, kostuen eta kalitatearen kontrola, arriskuen azterlana, proiektu nagusien monotorizazioa eta jarraipena, eta beste alderdi batzuk barne hartuta.

Administrazio Elektronikoaren koordinazioaren eta betearazpenaren barruan, Garapena eta mantentze-lana izeneko arloan, honako lan-taldeak hartzen dira aintzat:

Lan-taldea	Osaera	Eginkizun nagusiak
Aldaketa kudeatzea	AEB Sailak eta erakunde autonomoak	Aldaketa kudeatzeari lotutako eginkizun erabakigarriak identifikatzea, modelizatzea eta ezartzea. Arriskuen kudeaketa / funtsezko erabakiak / inpaktuaren ebaluazioa / komunikazioa. Ekoizpenean jartzeko planifikazioa: behar diren baliabide materialak eta giza baliabideak, komunikazioko kanpainak, e.a. Prestakuntza-arloan dauden beharren plana egitea eta betetzea.
Plataforma / Modulu komunak	TZ/EJIE AEB	Azpiegitura teknologikoa garatzea eta ezartzea –plataforma. edukien kudeatzailea, CRM, e.a. Administrazio Elektronikorako elementu komunak garatzea eta ezartzea. Garapeneko eta korporazio-ikuspegi integratuko proiektuak koordinatzea.
Zerbitzuak	AEB Sailak eta erakunde autonomoak ITZ/EJIE	Tartean dauden sailak eta erakunde autonomoak koordinatzea: Zerbitzuen Katalogoa, lehenespena, pilotuak, e.a. Zerbitzu berriak, erraztasunak eta interakzioko kanalak abian jartzeko prozesua kudeatzea. Ustiakuntzarako Zerbitzu Mailaren / Kalitate Kontrolaren metrikak definitzea. Sailek eta erakunde autonomoek tresna komunari jarritako edukiak (informazio- edo argitalpen-zerbitzuak) kudeatzea. Kanaletan izapideak eta zerbitzuak abian jartzeko baliabideak esleitzea / koordinatzea. ITZ/EJIEk arduratu behar du identifikatutako zerbitzuak abian jarri diren egiaztatzeaz aurretiaz zehaztutako arauei eta prozedurei jarraiki.

Garapeneko eta mantentze-lanetako lan-taldeak

Administrazio Elektronikoa koordinatzeko eta betearazteko, honako lan-talde hauek definitu dira Ekoizpen arloan:

Lan-taldea	Osaera	Eginkizun nagusiak
Atariak eta edukien kudeatzaileak	AEB Sailak eta erakunde autonomoak. ITZ/EJIE	AEB, sailak eta erakunde autonomoak: atarietako edukien eta zerbitzuen kudeaketa funtzionala atari bakarraren barruan (Internet) edo Jakina barruan (Intranet). AEB: webmaster-a, atarien kudeaketa orokorra egiteko –irudia, oinarrizko nabigazioa, egitura, e.a.–, atari bakoitzaren kudeaketa egiteko, edukiontzi korporatibo bakar baten barruan; edukiontzi horrek aukera eman behar du elementuak ikuspegi eta aurkezpen desberdinetan (norberaren URLetan) partekatzeko atari bakarraren barruan (Internet) edo Jakina (Intranet) barruan. ITZ/EJIE: Ustiakuntzaren kudeaketa –azpiegiturak, ekoizpenean zerbitzu berriak sartzea, gaurkotze-lanak, e.a. Estatistika teknikoak eta funtzionalak ustiatzea (definitutako zerbitzu-mailaren adierazleen arabera).
CRM/ «Contact Center»-a	Herritarrei Laguntzeko Unitatea Sailak eta erakunde autonomoak ITZ/EJIE	Kanal telefonikoaren bidez zerbitzua egiteko behar diren baliabide teknikoak eta giza baliabideak kudeatzea. Zerbitzu berriak sartzea –argumentarioak, lehen eta bigarren mailako «Contact Center»-eko agenteen prestakuntza. Telefonoz laguntzeko bigarren maila abian jartzea sailen eta erakunde autonomoen ardura da. ITZ/EJIEk arduratu behar du ustiakuntzan behar diren azpiegiturak jartzeaz.