Etxebizitza babestuaren finantzaketaren joerak EBean

Renove Planaren Ebaluazioa
2013-2016: 1.152,3 milioi euro birgaitzera bideratuak

EEBk Europar Batasuneko etxebizitza politiken inguruko joera nagusien analisi eguneratua aurkeztu du, politika hauen finantzatzeko tresnetan eta mekanismoetan arreta berezia jarriz. Alemania, Frantzia, Herbehereak eta Erresuma Batua dira azterturiko herrialdeak.

2014-2020 programazio-denboraldi berrirako, EGEF-en aurreikusten diren eta etxebizitzaren finantzaketari loturiko neurriekin lotutako Programa Operatiboetan agertzen den aurrekontuetako inbertsioa 7.000 milioi eurokoa da (horietatik 2.000 milioi euro 2007-2013 denboraldian).

2013-2016 denboraldian emandako birgaitzerako laguntzen zenbatekoa 74,9 milioitara iritsi da; aldi berean, hauek beste 1.077,4 milioi euro mobilizatu dituzte, ekintza pribatuaren eskutik (inbertsio induzitua). Honek suposatu du birgaitzera bideratu diren baliabide ekonomikoak (laguntzak +inbertsio induzitua) 152,3 milioi eurokoak izan direla. Laguntzen %70a energia-eraginkortasunera zuzendu da.

Berankortasun maila jaitsi da Jabekideen Erkidegoetan

Euskal Etxebizitzen Zerbitzuaren-Etxebideren – Ebaluazioa

Berankortasun tasa (erkidegoaren kuoten ordainketan berankortasuna dagoen erkidegoen proportzioa) %25,8koa da EAEn, 2015eko kontabilitate-ekitaldia itxi orduko. Aurreko bi urtekin alderatuz, jaitsiera nabarmena ikus daiteke tasa honetan (zein %28,5 inguruan kokatzen baitzen).

Finantza-entitate berankorrak dituzten Jabekideen Erkidegoek berankortasuna ematen den Jabekideen Erkidegoen %6,7a biltzen dute (%8,8a 2015ean), eta EAEko Jabekideen Erkidego guztien %1,7a (%2,5a 2015ean).

2015eko abenduan, 65.792 pertsona zeuden Etxebiden izena emanda. 2013an Etxebideren arautze sisteman txertaturiko aldaketez geroztik eskari babestuan jaitsiera handia eman zen (-%37). Gaur egun, etxebizitza babestua eskatzen duten hamarretik ia 8k (%78,7k) alokairua hautatzen dute.

Inkesten emaitzek erakusten dute Etxebiderekiko asebetetze-maila esanguratsua dela: etxebizitza babestua eskatzen duten gizataldeek 59,3 punturekin baloratu dute zerbitzua (0tik 100era bitarteko eskalan). Inkestatutako pertsonen gehiengoak (%50ak) balorazio ona edo oso ona egozten dio Etxebideri. 2013arekin alderatuz balorazioa 1,4 puntutan hobetu da aurreko urteetan erregistraturiko joerarekin bat etorriz.