Dantzan Bilaka '07

Dantzan Bilaka: Aurkezpena | Lanak | Egutegia

Beatriz Gazquez
AUTORRETRATOS

AUTORRETRATOS

Ideia, Zuzendaria: Beatriz Gazquez
Koreografia: Beatriz Gazquez & Nelida Ranedo; Tonatiuh Diaz
Interpreteak: Nelida Ranedo; Tonatiuh Diaz
Argiztapena: Gabo Punzo
Eszenografia: Beatriz Gazquez
Argazkia: Amaia Alonso & Iņigo Gazkez
Jantziak: Beatriz Gazquez
Diseinu grafikoa: Iņigo Gazkez
Iraupena: 30'

Beatriz Gazquez

Filologia hispanikoko lizentziatura eta aisialdi eta giza potentzialeko masterra atera ondoren, nire prestakuntzari ekin nion dantza klasikoan.

Luque Tagua-ren eskutik ezagutu nuen datza garaikidea, garai bateko Fundiciķn-en (1986-1993).

Ondoren nire prestakuntzarekin jarraitu nuen, eta Matxalen Bilbaoren, Cristina Quijera-ren eta Tonatiuh Diaz-en eskolak jaso nituen, baita contact-eskolak ere Olaff Kelher-ekin eta Leticia Morales-ekin ere, eta jazz-eskolak ere bai Maitane Zalduegirekin.

Gaur egun nire prestakuntzarekin aurrera jarraitzen dut, zenbait ikastaro, tailer eta master class direla medio (Cia.BJM Danse 2006).

Autorretratos da nire lehen lana.

Bizitzaz pintaturiko trazuak jolasean dabiltza espazioan eta denboran.

Ohea koordenatuen ardatz, desegin gabeko maindireak edo mihisearen gainean nahasita.

Istorio eta keinuetan bilduriko erretratuak, intimitate biluziak, geldiak edo mugimenduan daudenak.

Koadroak koadroen barruan, ihesean edo elkartzeko bidean


Sorkuntza prozesuak

Istorio bat, bizipen bat kontatzeko nahiarekin hasten da prozesua, mugimendua lengoaia narratzaile gisa erabilita.

Ohea, bizitza bezala, espazio- eta denbora-koordenatuen ardatz bihurtzen da, eta bertan kokatuko ditugu gure istorioaren eszenak.

Testu idatzi bat oinarri hartuta, pieza osoaren ardatz nagusia bilatzen dugu, eta horretarako Picassoren, Schiele-ren eta Klimt-en pinturak baliatu ditugu, batez ere haien erretratuak. Koadro (irudi) horiek oinarri hartuta, eszenak sortzen ditugu. Eszena bakoitzak mugimendu bat du esleituta. Inprobisazioen lan batetik sortzen da mugimendua, betiere kontatu nahi denaren lagungarri. Eszena bakoitzaren mugimendua modu independentean sortzen da. Honako puntu hau ikertu nahi dugu: zer gertatuko da zoriak espazioko eta denborako koordenatu desberdinetan pentsaturiko mezuak elkartzen baditu? Horrela, eta bost koadro baliatuta (eszenak, mugimenduak), hainbat eta hainbat istorio konta ditzaket, eta pintatu nahi dugun collagearen menpe baino ez nago.

Autorretratos lanean, adierazlea, egitura, kontatzeko modua, adierazia bezain garrantzitsua da eszenetan.

Une eta espazio desberdinetan pentsaturiko adierazleak uztartu eta eraldatu egiten dira aurrekoenaz bestelako esanahi batean.

Jarraitzeko aukera zabaltzen duen proposamen bat, ez dago amaierarik, konbinazioek jarraitu egiten baitute