Joan den azaroaren 6an, asteazkenean, jardunaldi bat egin zen Gasteizen, "Kudeaketa Aurreratua Eusko Jaurlaritzan" izenburupean, Euskadin Euskalitek, Kudeaketa Aurreraturako Euskal Fundazioak, kudeatzen duen Kudeaketa Aurreratuko XXV. Europako Astearen esparruan.

Andres Zearreta Funtzio Publikoko sailburuordea buru izan zen jardunaldi honetan, aitorpen publikoa egin zitzaion Aurrerabide Klubeko kide direnen lanari, Eusko Jaurlaritzaren kudeaketa publiko aurreratuko programaren funtsezko zati bat, kudeaketa horren erdigunean herritarrak jartzean oinarritzen dena. Hala, azken urteotan zenbait erakundek Eusko Jaurlaritzan Kudeaketa Publiko Aurreratuko Eredua ezartzeko erakutsi duten konpromisoa aitortu nahi da. Aurten, konpromiso horren egiaztapen-bereizgarria jasoko dute IVAP  Herri Arduralaritzaren Euskal Erakundeak, Emakundek, Hizkuntza Politika Sailburuordetzak, Ertzaintzako Zuzendaritzak eta Bizkaiko Osasuneko Lurralde Ordezkaritzak .

Blog honen aurreko post batean, Aurrerabide Kluba aipatu zen ere 2019-2020 aldirako jarduera-ildo nagusiak barne hartzen dituen planaren "giltzarri" gisa,  EJKPAEren (Eusko Jaurlaritzaren Kudeaketa Publiko Aurreratuko Eredua) ezarpen-esparruan, honetan ere Euskaliten lankidetzaz. Orduan, gertu-gertutik ezagutu eta horren ongiaz konbentzituta dagoen pertsona talde bat izatea lehiatzeko abantaila garrantzitsua dela azpimarratu genuen. 

AK edo Aurrerabide Kluba Eusko Jaurlaritzaren konpromiso gisa sortu zen, eraldaketa bat eragiteko eta kudeatzeko modua hobetzeko. “2020ko Gobernamenduko eta Berrikuntza Publikoko Plan Estrategikoa”ren seigarren ardatza da; helburu du orokorrean Eusko Jaurlaritzan eta bere erakunde autonomoetan kudeaketa aurreratuko eredua ezartzea eta zerbitzu publikoak hobetzeko pertsonen trebetasun berriak garatzea. Helburua da administrazio hurbila, gardena, malgua, eraginkorra, berritzailea eta gizarte-balioekin konprometitua dagoena lortzea, herritarrek nahi duten administrazioa izan dezaten. Horrela, Eusko Jaurlaritzak berezko eredu bat gauzatzen du eta hura gure administrazio-errealitatera egokitzen da eta hura ezartzeko baldintza egokiak sustatzen ditu.

Aurrerabideri buruzko informazio guztia euskadi.eus-eko esteka honen bidez kontsulta daiteke.

Jardunaldi horretan, gainera, Eusko Jaurlaritzaren eta erakunde autonomoen unitateak kudeatzeko zenbait esperientzia eta jardunbide egoki aurkeztu ziren, hala nola Ertzaintzaren Zuzendaritza, Bizkaiko Osasun Ordezkaritza, Hizkuntza Politikarako Sailburuordetza, Ingurumen Saila edo IVAP. Bideo honetan, Hizkuntza Politikarako Sailburuordetzak Aurrerabiderekin izandako esperientzia ikus daiteke: