Berariazko lekualdatze-lehiaketa, Amurrio, Azpeitia, Balmaseda, Bergara, Durango, Gernika-Lumo, Getxo, Irun eta Tolosako barruti judizialetan bulego judizialak, erregistro zibilaren bulego orokorrak, eta udalerriko justizia bulegoak nahiz beren elkarteak ezartzearen ondoriozko lanpostu bereiziak betetzeko
Deskribapena
Prozeduraren xedea
Prozeduraren xedea da, lekualdatze-lehiaketaren bitartez, honako hauek hornitzea:
- Hizkuntza dela-eta bereizirik dauden Kudeaketa Prozesal eta Administratiboaren Kidegoko lanpostuak, Izapidetze Prozesal eta Administratiboaren Kidegoko lanpostuak eta Laguntza Judizialaren Kidegokoak. Eta kudeatzaile arduradunaren lanpostu bereiziak.
- Eta kudeatzaile arduradunaren lanpostu bereziak.
INFORMAZIO OSAGARRIA:
Zerbitzu Orokor Nagusiko kudeatzaile arduradunen postuen eginkizunen edukia. (PDF, 77 KB)
Izapideen Zerbitzu Orokorreko kudeatzaile arduradunen postuen eginkizunen edukia. (PDF, 38 KB)
Eskaintzen diren lanpostuak
Lehiaketa honen bidez beteko diren lanpostuak, Amurrio, Azpeitia, Balmaseda, Bergara, Durango, Gernika-Lumo, Getxo, Irun eta Tolosako barruti judizialei dagokienez, bulego judizialetako, erregistro zibileko bulego orokorretako eta udalerriko justizia bulegoetako nahiz horien elkarteetako lanpostu-zerrendetan berezitu gisa agertzen direnak dira.
LPZen kontsulta
Faseak eta baremoa
Berariazko lekualdatze-lehiaketak honako fase hauek ditu:
- Eskaerak aurkeztea.
- Merezimendu orokorrak nahiz antzinatasuna kidegoan eta hizkuntza-eskakizuna egiaztatu eta baloratzea.
- Eskatzen den lanposturako eskatzen diren trebetasun zehatzak egiaztatzen dituzten merezimendu espezifikoen balorazioa.
Justizia eta Giza ezkubideen sailburuak izendatuko du Balorazio Batzorde bat Agindu bidez eta bera arduratuko da merituak baloratzeaz.
Behin-behineko ebazpena
Deialdia behin-behinean ebazten da, Justizia Administrazioko zuzendariaren ebazpen bidez. Behin-behineko ebazpenaren aurka, alegazioak aurkeztu ahal izango dira, 3 egun balioduneko epean, ebazpena argitaratu eta hurrengo egunetik aurrera.
Behin betiko ebazpena
Lehiaketa behin betiko ebatziko da Justizia eta Giza Eskubideen sailburuaren agindu bidez.
Nori dago zuzenduta
Lekualdatze-lehiaketa honetan, esklusiboki eta behin bakarrik parte hartu ahal izango dute Kudeaketa Prozesal eta Administratiboaren Kidegoko, Izapidetza Prozesal eta Administratiboaren Kidegoko eta Laguntza Judizialaren Kidegoko karrerako funtzionarioek, zerbitzu aktiboan badaude behin betiko destinoarekin edo lanpostua gordeta udalerrian, eta deialdian zehaztutako baldintzak eta betekizunak betetzen badituzte.
Aplikatu beharreko araudia
Kontaktu-informazioa
Harremanetarako datuak
HARREMANETARAKO
Harremanetarako datuak
Telefonoa: 945 01 91 42
e-helbidea: personal_jus_provision@euskadi.eus
Zuzenean: Herritarrentzako arreta zerbitzua
Kodea(k)
- Justizia arloko Lehiaketak: 1084407
Eskabidea eta dokumentazioa aurkeztea
DOKUMENTAZIOA AURKEZTEA
PARTE HARTZEN DUTEN LANGILE GUZTIENTZAT:
- Euskararen ezagutza-titulua.
Ezagutza-titulu hori ofizioz egiaztatuko da, eta ez da beharrezkoa izango aurkeztea, salbu eta parte-hartzailea ofizioz egiaztatzearen aurka badago.
- Antzinatasuna kidegoan.
Alegatuz gero, ofizioz egiaztatuko da.
DERRIGORREZKO HEa DUTEN LANPOSTUETARAKO LEHIATZEN DIREN LANGILEENTZAT
- Derrigorrezko HEa duen lanpostuan aritu izana, zeregin eta eginkizun berberekin eta, hala balegokio, orain lehiatzen ari den jurisdikzio edo espezializazio berberekoa.
Ofizioz egiaztatuko da, hala alegatuz gero.
KUDEATZAILE ARDURADUNAREN LANPOSTUETARAKO LEHIATZEN DIREN LANGILEENTZAT
- Unibertsitateko lizentziatura edo gradua:
- Zuzenbidean.
- Bestelakoak.
Alegatzen bada, ofizioz egiaztatuko da, eta ez da aurkeztu beharko, salbu eta interesdunak Administrazioak ofizioz egiaztatzearen aurka egiten badu.
- Kudeatzaile lanpostuan aritu izana, zeregin eta eginkizun berberekin, eta, hala balegokio, orain lehiatzen ari den jurisdikzio edo espezializazio berberekoa.
Alegatzen bada, EAEko lanpostua bada, ofizioz egiaztatuko da. EAEtik kanpoko lanpostuen kasuan, dagokion egiaztagiria aurkeztu beharko da.
- Kudeatzaile arduradunaren lanpostuetan emandako zerbitzuak.
Alegatzen bada, ofizioz egiaztatuko da.
ADI: Alegatutako merezimenduak baino ez dira baloratuko.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu online inprimakian botoi honen bidez eta bete eskabidearen datuak.
Hasi aurretik:
- Identifikazio elektronikorako bitarteko bat izan behar duzu.
- Beharrezko dokumentuak formatu digitalean.
Ondoren, zerbitzu elektronikora sartu zaitez eta 4 urrats hauek jarraitu:
- Eskabidea bete.
- Aurretik prestatutako dokumentuak erantsi.
- Eskabidea sinatu.
- Eskabidea eta erantsitako dokumentuak bidali.
* Ez duzu formularioa saio bakar batean bete, sinatu eta bidali behar. Nahi baduzu, Administrazioaren sistema informatikoan gorde dezakezu, eta hurrengo saioetan prozesua jarraitu. - Jarraian, hartu izanaren agiria erakutsiko da pantailan (hartu-agiria).
Ondoren, espedientearen egoeraren jarraipena Nire karpeta aplikazioan egin dezakezu.
Ebazpena eta errekurtsoak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Gora jotzeko errekurtsoa administrazio-errekurtsoa da. Honen bidez, administrazio-organo bati eskatzen zaio hierarkikoki haren mende dagoen beste organo batek emandako egintza berrikusteko eta zuzentzeko.
Zer egintzaren aurka jartzen da?
- Administrazio-bideari bukaera ematen ez dioten egintzen aurka.
- Zuzenean edo zeharka auziaren muina erabakitzen duten edo prozedurak aurrera egitea eragozten duten izapidezko egintzen aurka.
Zer organori jartzen zaio?
- Errekurritutako egintza ematen duen organoari edo haren goragokoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- 3 hilabete, presuntziozko egintza bat errekurritzen baduzu.
Zer epe dauka Administrazioak ebazteko?
- 3 hilabete.
Epe horretan Administrazioak ez badizu ebazpena jakinarazten:
- Errekurtsoa baietsitzat joko da, baldin eta presuntziozko egintza errekurritu baduzu.
- Errekurtsoa ezetsitzat joko da, baldin eta egintza espresu bat errekurritu baduzu.
Zer errekurtso jar dezakezu gero?
- Administrazioarekiko auzi-errekurtsoa, bide judizialetik.
- Berrikusteko errekurtso berezia, salbuespenez.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua, Administrazio-errekurtsoak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Aukerako berraztertzeko errekurtsoa administrazio-errekurtsoa da. Honen bidez, administrazio-organo bati eskatzen zaio berak emandako egintza berrikusteko eta zuzentzeko.
Aukerako errekurtsoa denez, interesatuek errekurtso hau jartzeko aukera dute ala, nahiago badute, Administrazioarekiko auzi-errekurtsoa jar dezakete zuzenean.
Zer egintzaren aurka jartzen da?
- Administrazio-bideari bukaera ematen dioten egintzen aurka.
Zer organori jartzen zaio?
- Errekurritutako egintza ematen duen organoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- Noiznahi, presuntziozko egintza gertatu eta biharamunetik aurrera.
Zer epe dauka administrazioak ebazteko?
- Hilabete: Epe horretan ez bazaizu ebazpena jakinarazten, errekurtsoa ezetsitzat joko da.
Zer errekurtso jar dezakezu gero?
Aukerako berraztertzeko errekurtsoa jartzen bada, Administrazioarekiko auzi-errekurtsoa jar daiteke gero, bide judizialetik.
Dena dela, aukerako errekurtsoa denez, interesatuek Administrazioarekiko auzi-errekurtsoa jar dezakete zuzenean.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua. Administrazio-errekurtsoak.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Zer egintzen aurka jartzen da?
Erreklamazio ekonomiko-administratiboen ebazpen irmoen aurka, hauetako egoeraren bat gertatzen denean:
- Espedientean sartutako dokumentuen eraginez, egitezko errakuntza gertatzea ebazpena ematerakoan.
- Gaia ebazteko funtsezko balioa duten agiriak agertzea, eta, agiri horiek, ebazpena eman ondoren agertu arren, agerian uztea errakuntza dagoela errekurritutako ebazpenean.
- Ebazpenean funtsezko eragina izatea ebazpenaren aurretik edo ondoren epai irmo baten bidez faltsutzat jotako dokumentu edo lekukotzek.
- Prebarikazio, funtzionario-eroskeria, indarkeria, iruzurrezko azpikeria edo bestelako jokabide zigorgarri baten ondorioz ematea ebazpena, eta epai irmo batek hala aitortzea.
Zer organotan jartzen da?
Euskadiko Ekonomia Arduralaritzako Epaitegian.
Zer epe daukazu errekurtsoa jartzeko?
1. kasuan, lau urte, aurkaratutako ebazpena jakinarazten zaizun egunetik hasita.
Gainerako kasuetan, epea hiru hilabetekoa izango da, dokumentuak ezagutzen direnetik edo epaia irmo bihurtzen denetik hasita.
Zer epe dauka Epaitegiak ebazteko?
Epe horretan ez bazaizu ebazpena jakinarazten, errekurtsoa ezetsitzat joko da.
Beste tramite batzuk
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Ebazpena eman baino lehen, eskabidean atzera egiteko aukera dago.
Atzera egin arren, babesten zaituzten eskubideak mantenduko dira, eta beste prozedura baten erabiltzeko aukera izango da.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa bada, organo eskudunak 10 eguneko epea emango dizu dokumentazio berria aurkezteko. Ezer aurkezten ez baduzu, Administrazioak komunikazio edo eskaeraren tramitazioarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Noiz egin diezaioket uko laguntza bati?
Ebazpena eman ondoren, edozein momentutan.
Zer gertatzen da nire eskubideekin?
Uko egiten baduzu, galdu egingo dituzu prozedura honetan babesten zaituzten eskubideak
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak deialdiko arauan ezarritako betekizunak betetzen ez baditu, organo eskudunak 10 eguneko epea emango dizu akatsak zuzentzeko. Zuzentzen ez badituzu, Administrazioak eskaeran atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 68. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa badu, organo eskudunak 15 eguneko epea emango dizu informazioa gehitzeko. Gehitzen ez baduzu, Administrazioak komunikazio edo eskaerarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta dokumentazio gehitzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Beharrezkoak iruditzen zaizkizun dokumentuak aurkeztu ditzakezu, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Une oro alegatu ahal izango dituzu izapidetze-akatsak eta, bereziki, geldiaraztea, aginduzko epeak haustea edo gaiaren behin betiko ebazpena eman aurretik konpon daitezkeen izapideak ez egitea dakartenak.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 76. artikulua