Ingurumen-ebaluazioa

Deskribapena


Ingurumenean ondore esanguratsuak izan ditzaketen plan, programa eta proiektuei ingurumen-ebaluazioaren prozedura bat egin behar zaie.

Planak eta programak

Ingurumen-ebaluazioaren bi prozedura mota egin dakizkieke:

  • Ohiko ingurumen-ebaluazio estrategikoa1
  • Ingurumen-ebaluazio estrategiko sinplifikatua

Ingurumen-ebaluazio estrategikoa planak eta programak onartzeko eta martxan jartzeko egin beharreko administrazio-prozedura bat da. Haren bidez planek edo programek ingurumenean izan litzaketen efektuak aztertzen dira.

Ingurumen-adierazpen estrategikoa nahitaezko txosten erabakigarria izango da eta gertaeren azalpena ere barnean hartuko du, prozeduraren une nagusiak laburbildu eta honako informazio hauek ere kontuan hartuta: informazio publikoaren emaitzak; kontsulten emaitzak, halakorik balego; mugaz gaineko kontsulten emaitzak; eta azkenean onetsiko den edo abian jarriko den plan edo programan kontuan hartu beharreko azken erabaki, neurri edo baldintzak.

Proiektuak

Ingurumen-ebaluazioaren bi prozedura mota egin dakizkieke:

  • Ohiko ingurumen-inpaktuaren ebaluazioa2
  • Ingurumen-inpaktuaren ebaluazio sinplifikatua

Ingurumen-inpaktuaren ebaluazioari buruzko prozedura izapide-egintza bat da, eta proiektu bati aplikaturiko prozedura substantiboaren barne dago (proiektuaren baimen-, onarpen-, edo, hala badagokio, kontrol-prozeduraren barne), betiere ingurumen-araudiak hala eskatzen badu. Ingurumen-inpaktuaren ebaluazioa amaitzen duen ingurumen-erabakiak erabaki loteslearen izaera juridikoa du, eta erabaki horrek zehaztuko du, ingurumen ondorioetarako, proiektua gauzatu daitekeen ala ez. Halaber, egitekotan, zer baldintzatan egin daitekeen, zer neurri zuzentzaile beharko diren eta zer konpentsazio-neurri hartuko diren erabakiko du.

Soilik bi kasutan aurreikusten da ingurumen-organoak erabakiko duela ingurumen-ebaluazioaren prozedura bat egingo den ala ez: ingurumen-ebaluazio estrategiko sinplifikatuaren prozeduraren kasuan eta ingurumen-inpaktuaren ebaluazio sinplifikatuaren kasuan.

Bestalde, sustatzaileak hauta dezake plan, programa edo proiektu bati ohiko ingurumen-ebaluazioa bat egitea, Legeak ezartzen badu, gutxienez, prozedura sinplifikatua aplikatu behar zaiola. Plan eta programen kasuan, ebaluazioa egitea ingurumen-organoak onartu behar du berariaz; aldiz, proiektuen kasuan, nahikoa da sustatzaileak eskatzea.

OHARRAK

1 Ingurumen-inpaktuaren baterako ebaluazio-prozedura ohiko ingurumen-ebaluazio estrategikoaren prozeduraren baliokidea da.

2 Ingurumen-inpaktuaren banakako ebaluazio-prozedura ohiko ingurumen-ebaluazioaren prozeduraren baliokidea da.

 

Erakundeak


Kudeatzen duen erakundea

  • Ingurumena, Lurralde Plangintza eta Etxebizitza / Ingurumen Sailburuordetza > Ingurumen Administrazioaren Zuzendaritza

Ebazten duen erakundea

  • Ingurumena, Lurralde Plangintza eta Etxebizitza > Ingurumen Sailburuordetza

Kontaktu-informazioa


Harremanetarako datuak

Zuzenean: Herritarrentzako arreta zerbitzua

Maiatzaren 21etik aurrera, Gasteizko, Donostiako eta Bilboko bulegoek berriz ekingo diote aurrez aurreko arretari, aurretiko hitzorduaren bidez. Zuzenean zerbitzuko hitzordua

Tramitazio elektronikoan arazorik baduzu, erabiltzaileentzako arreta zentroaren telefonoa erabili dezakezu: 945 01 68 38

Kodea(k)

  • EAED - Ohiko ingurumen-ebaluazio estrategikoa-Irismen dokumentua: 0120801
  • EAES - Ingurumen-ebaluazio estrategiko sinplifikatua: 0120802
  • EIAS - Ingurumen-inpaktuaren ebaluazio sinplifikatua: 0120807

Eskabidea eta dokumentazioa aurkeztea


  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.

Ebazpena eta errekurtsoak


Beste tramite batzuk


Eskabidea eta dokumentazioa aurkeztea


  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.

Ebazpena eta errekurtsoak


Beste tramite batzuk


Eskabidea eta dokumentatzioa aurkeztea


  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.

Ebazpena eta errekurtsoak


Beste tramite batzuk