Osalanen Analisi higienikoen laborategiak amianto-zuntzen analisiak (kontaketa) egiteko laborategi espezializatua izateko egiaztagiria lortu du

Amiantoarekiko edo amiantoa izan dezaketen materialekiko esposizioan egoteko arriskua duten jarduera guztietarako, arriskuen ebaluazioak lan-lekuko airean amianto-zuntzen zer kontzentrazio dagoen neurtu behar du, eta ezarritako muga-balioarekin konparatu behar da, nolakoa den eta langileek zer esposizio-maila duten neurtzeko.

Amiantoaren analisiak (zuntzen kontaketa) laborategi espezializatuek baino ezin dituzte egin, eta zeregin horretarako egokiak diren jakiteko, laborategiak dauden autonomia erkidegoko dagokion lurraldeko lan-agintaritzak onartu behar ditu formalki laborategiak.

Eusko Jaurlaritzaren Enplegu eta Gizarte Politiketako Sailaren Lan eta Gizarte Segurantzaren Zuzendaritzak 2015eko martxoaren 4ko ebazpenaren bidez amianto-zuntzen analisiak (kontaketa) egiteko laborategi espezializatu izateko egiaztagiria eman dio Osalanen analisi higienikoetako laborategiari, eta 1. zenbakidun PV-ALA kodea eman dio egiaztatze-pasahitz gisa. Egiaztagiri hori mugagabea da eta estatu osorako balio du.

B.O.E. Núm. 74, de 27 de marzo de 2015: Resolución de 4 de marzo de 2015, de la Dirección de Trabajo y Seguridad Social, del Departamento de Empleo y Políticas Sociales, por la que se acredita al Laboratorio de Análisis Higiénicos de Osalan como laboratorio especializado en el análisis (recuento) de fibras de amianto (pdf, 171 KB)

Osalanen laborategiak kanpora eskaintzen ditu analisi-zerbitzuak, langileen osasuna eta segurtasuna babesten inplikatuta dauden eragile guztiei.

Informazio gehiago: http://www.osalan.euskadi.eus/s94-osa0030/es/contenidos/informacion/servicios_b_laboratorio/es_laborato/laboratorio.html