Udalerriak eta Lehia proiektua
Merkatuen eta Lehiaren Batzorde Nazionalak (MLBN) lehiaren agintaritza autonomikoekin lankidetzan hasitako Udalerriak eta Lehia proiektuaren oinarria da udalen erregulazioaren eta esku-hartzearen kalitatea hobetzea. Horretarako, udalerrien jardunak eragin litzakeen lehiarako oztoporik ohikoenak aztertu dira.
Udalerriek herritarren egunerokotasunetik oso gertu dauden jarduerak arautu eta horietan esku hartzen dute. Hala, udal-jarduketek oso eragin handia dute merkatuetako lehian. Horregatik, toki-eremuan lehiaren sustapena bereziki garrantzitsua da.
2021az geroztik, honako gai hauekin lotutako dokumentuak argitaratu dira: kontratu txikiekin, partekatutako hiri-mugikortasunarekin, emakidak luzatzearekin, hileta-zerbitzuekin, energia berriztagarriekin, emakiden lizitazioarekin, komunikazio elektronikoen sareekin eta espazio publikoaren lehiaren aldeko kudeaketarekin.
Interesdunak
Kontsulta hau zuzenduta dago administrazio publikoei —lehiaren agintaritzak barne—, enpresei, kontsumitzaileen eta erabiltzaileen elkarteei, mundu akademikoko adituei eta toki-esparruko jarduerak gauzatzearekin edo lehia-politikarekin lotutako eremukoei.
LEA/AVCk kontsulta honen xede den dokumentuari ekarpenak bidaltzeko gonbita egin die interesdunei. Ekarpenak dokumentuan landutako alderdiei buruzkoak izan daitezke, bai eta toki-erakundeen jarduerak merkatuan duen eraginari buruzkoak ere, kontsulta publikorako aurkeztu den dokumentuan landu ez arren.
Ekarpenak publiko egingo dira eta LEA/AVCk kontuan hartuko ditu Toki-erakundeek jarduera ekonomikoan duten eragina dokumentuaren azken bertsioa argitaratzeko.
Kontsultaren xede den dokumentua
LEA/AVCk, tokiko erakundeen jarduerek jarduera ekonomikoen garapenari eragin diezaioketela jakinda, bermatu nahi du jarduera horiek ez dutela disfuntziorik sortuko merkatuan, edo, sortuz gero, beharrizanen, proportzionaltasunaren eta lehiarekiko distortsio minimoaren parametroak betetzen dituztela. Hala, beharrezkotzat jo du lehiaren ikuspegitik aztertzea toki-erakundeen jarduerak errespetatu behar dituen mugak, horiek merkatuan esku hartzen dutenean.
Kontsulta publikoaren helburua da interesdunek kontsultaren xede den dokumentua sortzeko prozesuan parte har dezaten ahalbidetzea. Helburu horrekin, interesdunei gonbidapena egiten zaie beren ekarpenak bidal ditzaten, dokumentuaren alderdi hauei dagokienez:
a) Toki-erakundeek merkatuan eskaintzaile gisa esku hartzea.
b) Toki-erakundeek merkatuan esku hartzea ondasunak eta zerbitzuak hornitzeko.
c) Toki-erakundeek merkatuan esku hartzea, administrazio-ahalak baliatuz.
d) Toki-erakunde batek bere jarduerarekin desleialtasunik izan ez dezan aztertzea.
Jasotako ekarpenak LEA/AVCren eta MLBNren webguneen bidez jakinaraziko dira.
Parte hartzeko baldintzak
Ekarpenak aurkezteko epea 2024ko abenduaren 16tik 2025eko otsailaren 16ren (biak barne) artekoa da.
Kontribuzio guztiak argitaratu ahal izango dira.
Errespetuz egiten ez diren ekarpenak, kontsultaren xedean oinarritzen ez direnak edo behar bezala arrazoituta edo oinarrituta ez daudenak, ez dira kontuan hartuko, eta ez dira argitaratuko.
Nahitaezko gutxieneko informazioa eman behar da.
Ekarpenak bidaltzeko bidea formulario hau izango da.