Beatriz Artolazabal´ek Eduardo Ávila Kolonbiako Enbaxadore berria hartu du

2022-12-20

Vitoria-Gasteiz, 2022 12 20

Beatriz Artolazabal Berdintasun, Justizia eta Gizarte Politiketako sailburuak bilera bat izan du gaur goizean, Eusko Jaurlaritzak Gasteizen duen egoitzan, Eduardo Avila Kolonbiako enbaxadorearekin, Gizarte Politikekin, Migrazioekin eta Justiziarekin lotutako hainbat gai jorratzeko.

Pilar Gómez Valderrama Kolonbiak Bilbon duen kontsul-ordezkariak, Andrés Dordóniz kontsul laguntzaileak, Lide Amilibia sailburuordeak eta Xabier Legarreta Migrazioen zuzendariak lagunduta, bi ordezkaritzek Euskadin bizi den kolonbiar komunitatearen jarduerari buruzko hainbat alderdi azaldu dituzte.

Era berean, enbaxadorea eta ordezkaritza eLankidetza-Garapenerako Lankidetzako Euskal Agentzian bildu dira José Antonio Rodriguez Ranz Giza Eskubide, Memoria eta Lankidetzako sailburuordearekin eta Paul Ortega, eLankidetzaren zuzendariarekin.