Osasun Sailak eta Osakidetzak ESK sindikatuari erantzuten diote

2017.eko martxoak 03

ESK sindikatuari erantzunez, kasu honetan, Osasun Sailetik eta Osakidetzatik:

 

1)    Deitoratzea Euskadin osasun-azpiegitura berri bat zabalduko dela eta, ESK eta beste sindikatu batzuk egunero eztabaida bat elikatzen aritzea, gizartean ez dagoena eta Osakidetzaren eta haren langileen izen ona zikindu besterik egiten ez duena. Ildo horretan, iritzi publikoari gogoratu behar zaio Eusko Jaurlaritzak 60 milioi euroko inbertsio bat egin ondoren, Alfredo Espinosa de Urduliz Ospitaleak, 175.000 pertsonarentzat osasun-arreta publikoa hobetzeaz gain, 425 lanpostu berri baino gehiago sortuko dituela laguntza-kategoria guztietan, hala nola medikuntzan, erizaintzan, zeladore, erizaintzako laguntzaile eta administrazioko laguntzaileen artean, etab. Kalitatezko enplegua, Osakidetzako profesional guztien lan-eskubideak errespetatzen eta defendatzen dituena. 

2)    Plantillari, sindikatuei eta iritzi publikoari jakinarazi zitzaien bezala, ikuztegiko, garbiketako eta sukaldeko zerbitzuak esternalizatu egingo dira Osakidetzako ospitale gehienetan bezala,  Alfredo Espinosa de Urduliz Ospitaleak Euskal Osasun Zerbitzuko gainerako ospitale publikoen kudeaketa-eredu berari jarraituko diolako. Zerbitzu horiek kalitatezkoak izango dira eta ziur aski pazienteak urtez urte Mendaron, Zumarragan eta beste ospitale batzuetan egiten ari diren balorazio ona ere izango dute. Izan ere, ospitale horiek ere badituzte ikuztegiko, garbiketako eta sukaldeko zerbitzu horiek esternalizatuta. 

3)    Azkenik, kasu honetan ESK sindikatua berriz gonbidatzen dugu Osakidetzaren eta haren langileen aurka ospea etengabe galarazteko eramaten ari diren estrategia uztera. 

 

 

                                                                       Vitoria-Gasteizen, 2017ko martxoaren 3an.