Eusko Jaurlaritzak 120 milioi euro sartu ditu 2 urtetarako zor publikoko jaulkipen batean, -% 0,03ko errentagarritasun negatiboarekin

2016.eko azaroak 15

Eusko Jaurlaritzak 120 milioi euro sartu ditu 2 urtetarako zor publikoko jaulkipen batean (bonuak), -% 0,03ko errentagarritasun negatiboarekin.

Errentagarritasun negatiboarekin (-% 0,03) egiten den autonomia-erkidegoko lehen zor publikoko jaulkipena da.

Jaulkipen hori minimo historikoa da finantzazio-kostuei dagokienez. Euskal Autonomia Erkidegoaren finantziazio-politikaren arrakastaren beste lekuko bat da, azken urte hauetan lortu diren finantziazio-baldintza bikainei batzen zaiena. Izan ere, kaudimen ekonomikoaren eta aldeko tasa-testuinguruaren emaitza da.

Ezaugarriak:

• Jaulkipen-data: 2016ko azaroa
• Bolumena: 120.000.000 euro
• Kupoia: % 0
• Epea: 2  urte
• Jaulkipen-tasa: -% 0,030
• Jaulkipen-prezioa: % 100,060
• Jaulkipena Norbolsaren bitartez gauzatu da