Deialdi honen xedea da kultura-sorkuntza artistikoa sustatu eta babesten duten kultura-espazio independenteak kudeatzen dituzten pertsona fisiko eta juridiko pribatuei laguntzeko laguntzak arautzea eta deitzea, bai titulartasun pribatukoak (titulartasun pribatuko pertsona fisiko edo juridiko baten titulartasunekoak), bai publikoak, betiere kudeaketa edo ustiapena eskatzaileari badagokio, sorkuntza-jardueran autonomia bermatzen duen kudeaketa-, lagapen- edo alokairu-kontratu baten bidez.

Espazio horiek kulturarako eta arte-adierazpenerako azpiegitura, egitura eta zuzkidura egokiak izan behar dituzte, sortzaileek beren sorkuntza- eta ekoizpen-prozesuak garatu ahal izateko espazioak, baliabideak eta laguntza emango dituzten proiektu espezifikoak antolatzeko. Batez ere, pertsona sortzaileen eta gizartearen arteko topaketa- eta elkarrizketa-guneak sustatu beharko dituzte. Gainera, gutxienez, sorkuntza-espazioak izan beharko dituzte, talentua hautemateko eta babesteko lanak garatu beharko dituzte, berrikuntzarako orientazioa eskaini beharko dute eta tokiko inguruneari lotutako kudeaketa parte-hartzailea gauzatu beharko dute.

1. Dirulaguntza horietarako, guztira, 990.000 euro erabiliko dira.

2. Hautatutako proiektu bakoitzari emandako gehieneko zenbatekoak ezin izango ditu muga hauek gainditu, sorkuntza-espazioen tipologia hauen arabera:

   1. Espazio pribatuak. Kultura-espazio independenteak dira, eta kultura-sorkuntza artistikoa sustatzen eta babesten dute; jabetza pribatukoak dira (jabetza juridikoa pertsona fisiko edo juridiko pribatu bati dagozkionak). Espazio mota horretarako gehieneko zenbatekoa 195.000 eurokoa izango da, eta inola ere ez da onartutako aurrekontuaren % 70 baino handiagoa izango.

   2. Espazio publiko-pribatuak. Kultura-espazio independenteak dira, eta kultura-sorkuntza artistikoa sustatzen eta babesten dute. Titulartasun publikokoak dira, betiere kudeaketa edo ustiapena eskatzaileari badagokio, sorkuntza-jardueran autonomia bermatuko duen kudeaketa-, lagapen- edo alokairu-kontratu baten bidez. Espazio-mota horretarako gehieneko zenbatekoa 105.000 eurokoa izango da, eta inola ere ez da izango onartutako aurrekontuaren % 70 baino handiagoa.

3. Espazio horiek hartzen dituzten proiektuek honako kultura- edo arte-jarduera-eremu hauetan egon beharko dute: Arte plastikoak eta bisualak, Ikus-entzunezkoak, Arte eszenikoak, Literatura, Musika eta Bertsolaritza.

4. Proiektuak Euskal Autonomia Erkidegoan garatuko dira. Exekuzioa urte anitzekoa izango da (2026-2028) 2026ko urtarrilaren 1etik 2028ko urriaren 30era bitartean, eta mugarri/justifikazio partzialetan egituratuko da, Aginduaren 17. eta 18. artikuluetan agertu bezala. Proiektuak 2026an hasi beharko dira.

5. Onartutako aurrekontu osoaren % 20ko autofinantzaketako gutxieneko ehunekoa izan beharko dute proiektuek. Deialdi honen ondorioetarako, autofinantzaketatzat joko da iturri publikoetatik ez datozen diru-sarreren zatikia, eta onartutako aurrekontu osotzat, berriz, 5. artikuluan aurreikusitakoaren arabera araztutako aurrekontua. Iturri publikoko diru-sarreratzat hartzen dira sektore publikoko administrazio edo erakundeetatik (Estatua, autonomia-erkidegoak, aldundiak, udalak, erakunde publikoak, fundazioak edo sozietate publikoak) datozenak, bai eta haiek emandako dirulaguntzak, laguntzak, hitzarmenak, kontratuak, ekarpenak edo sari ekonomikoak ere. Ez dira diru-sarrera publikotzat hartzen jarduera pribatuetatik (sarrerak, zerbitzuak, alokairuak, salmentak), dohaintza edo babes pribatuetatik edo bazkide edo erabiltzaileen kuotetatik eratorritakoak.

Sorkuntza eta sormena sustatzeko xedea duten espazioak hartzen dira kultura-sorkuntzarako espaziotzat, bai eta nagusiki kulturara eta arte-adierazpenetara bideratutako ikerketa eta esperimentaziorako espazioak ere (> = % 80). Hori guztia beste zentro batzuekiko sareko testuinguru batean kokatu beharko da, ingurunearekiko harremanean eta sortzaileen hazkunde artistikoan laguntzeko.

Espazioek honako ezaugarri hauek bete beharko dituzte:

Euskal Autonomia Erkidegoko higiezinak izatea.

Kultura artistikoko sorkuntza-, ikerketa- eta esperimentazio-proiektuak egiteko gaitasuna eta egokitasuna egiaztatzea; beraz, proiektu horiek gauzatzeko behar diren espazio eta baliabide teknikoak izan beharko dituzte.

Kudeaketaren edo ustiapenaren titulartasuna eskatzaileak izatea.

Oinarri hauen xedetik kanpo geratzen dira:

Plataforma digitalak, nahiz eta plataforma horiek jarduerak egiteko espazioak izan eskura.

Nagusiki prestakuntzara bideratutako jarduera duten eskolak edo zentroak.

Nagusiki helburu turistikoa edo komertziala duten espazioak.

Gizarteratzera bideratutako espazioak, eremu artistikoa osagarria edo instrumentala denean.

Kultura-bitartekaritzara bideratutako espazioak.

1. Berezko nortasun juridikoa duten pertsona fisiko edo juridiko pribatuek eskatu ahal izango dituzte dirulaguntza horiek, baldin eta jarduteko gaitasun osoa badute eta beren forma juridikoa edozein dela ere, agindu hau argitaratzen den unean eta proiektua amaitu arte honako baldintza hauek betetzen badituzte:

   1. Agindu honen 3. artikuluan ezarritakoa betetzen duen kultura-sorkuntzarako gune baten kudeaketaren edo ustiapenaren titularrak badira, eta honako baldintza hauetakoren bat agiri bidez egiaztatu beharko dute:

      Higiezinaren jabetza-titulua izatea.

      Higiezinaren errentaria izatea, horretarako formalizatutako errentamendu-kontratuaren arabera. Kontratu horren iraupena bateragarria izango da proiektua osorik gauzatzearekin.

      Higiezinaren kudeaketa edo ustiapena bere alde lagata izatea, edozein tituluren bidez. Lagapen horren iraupena bateragarria izango da proiektua osorik gauzatzearekin.

   2. Kultura-sorkuntzarako espazioa sorkuntzarako, ikerketarako eta kultura-esperimentaziorako gune gisa erabiltzea.

2. Eskabidea aurkezteko unean eta proiektua amaitu arte, Jarduera Ekonomikoen gaineko Zergan alta emanda egon beharko dute eskatzaileek, kultura-gunean egin beharreko jarduera nagusiei buruzko epigrafean.

3. Agindu honetan aurreikusitako dirulaguntzak eskuratzeko, ezinbestekoa da zerga-betebeharrak eta Gizarte Segurantzarekiko betebeharrak egunean izatea, eta itzulketagatiko betebeharrak ordaintzeko, Dirulaguntzen Araubidea arautzen duen abenduaren 21eko 20/2023 Legean eta Ekonomia eta Ogasuneko sailburuaren 2023ko otsailaren 13ko Aginduaren 4. eta 7. artikuluetan aurreikusitakoa bete beharko da.

   Agindu honen bidez ematen diren dirulaguntzak jasotzeko, zerga-betebeharrak eta Gizarte Segurantzarekikoak bete beharko dira, bai eta itzultzeagatiko betebeharrak ere, Dirulaguntzen Araubidea arautzen duen abenduaren 21eko 20/2023 Legean eta Ekonomia eta Ogasuneko sailburuaren 2023ko otsailaren 13ko Aginduaren 4. eta 7. artikuluetan ezarritakoaren arabera.

   Dirulaguntzen eskatzaileek zerga-betebeharrak eta Gizarte Segurantzarekikoak egunean dituztela automatikoki egiaztatuko du deialdi honen organo kudeatzaileak, dirulaguntzen baimenik behar izan gabe. Hala ere, eskatzaileak egiaztapen hori egitearen aurka egin ahal izango du; kasu horretan, dagokion ziurtagiria aurkeztuko du.

4. Eskatutako dirulaguntzaren onuradun izanez gero, enpresa-deslokalizaziorik ez egiteko konpromisoa, Dirulaguntzen Araubidea arautzen duen abenduaren 21eko 20/2023 Legearen 49. artikuluan ezarritakoaren arabera.

5. Honako hauek ezin izango dute agindu honetan aurreikusitako dirulaguntzarik eskuratu:

   1. Lege honen edo hala ezartzen duten beste lege batzuen arabera dirulaguntzak lortzeko aukera galtzearekin ebazpen irmo baten bidez zehatu diren erakundeak. Zehazki, ezin izango dira dirulaguntzen onuradun edo erakunde laguntzaile izan sexu-diskriminazioagatik edo emakumeen eta gizonen berdintasunaren arloko araudia ez betetzeagatik zigor administratibo edo penala jaso duten pertsona fisiko eta juridikoak, dagokion zehapenean ezarritako aldian. Era berean, ezingo dute laguntzarik edo dirulaguntzarik jaso Estatuko araudiaren arabera berdintasun-plan bat indarrean izan behar duten enpresek, ez eta 50 langiletik gorako enpresek ere, baldin eta sexu-arrazoiengatiko jazarpena prebenitzeko eta horri aurre egiteko neurririk ezarri dutela Estatuko legerian ezarritako baldintzetan egiaztatzen ez badute.

   2. Erakundearen kapital sozialean, fundazio-ondarean edo gobernu-, administrazio- edo zuzendaritza-organoetan partaidetza nagusia edozein administrazio publiko, sektore publikoko erakunde, finantza- edo kreditu-erakunderi dagokion erakundeak.

   3. Titulartasun publikoko sorkuntza-gune kultural batean zerbitzu-kontratu baten edo zerbitzu publikoak kudeatzeko kontratu baten esleipendun gisa eskaera egiten duten pertsonak.

   4. Europako Batzordeak aldez aurretik erabaki badu laguntza bat legez kanpokoa eta merkatu bateratuarekin bateraezina dela, berreskuratzeko agindu baten mende dauden pertsonak.

   5. Krisian dauden enpresak, krisian dauden enpresa ez-finantzarioak salbatzeko eta berregituratzeko estatu-dirulaguntzei buruzko zuzentarauen definizioaren arabera (EBAO, C249, 2014-07-31). Termino hori Batzordearen 2014ko ekainaren 17ko 651/2014 (EB) Erregelamenduaren 2. artikuluko 18. paragrafoan definituta dago.

   6. Dirulaguntzen araubidea arautzen duen abenduaren 21eko 20/2023 Legearen 13. artikuluan aurreikusitako egoeraren batean dauden pertsonak edo erakundeak.

   7. Transen berdintasun erreal eta eraginkorrerako eta LGTBI pertsonen eskubideak bermatzeko otsailaren 28ko 4/2023 Legearen 82. artikulua betetzen ez duen eskatzailea.

   8. Dirulaguntzaren onuraduna enpresa bat denean, merkataritza-eragiketetatik eratorritako gastu diruz lagungarriak enpresari aplika dakiokeen araudi sektorialean aurreikusitako ordainketa-epeetan ordaindu beharko dira, edo, bestela, merkataritza-eragiketetan berankortasunaren aurkako neurriak ezartzen dituen abenduaren 29ko 3/2004 Legean aurreikusitako epeetan, 20/2023 Legearen 30.2 artikuluan aurreikusitakoaren arabera.

      Kontabilitate-araudiaren arabera galdu-irabazien kontu laburtua aurkeztu ezin duten sozietateentzat, ordaintzeko legezko epeak betetzen direla egiaztatu behar da, Kontu Auditoreen Erregistro Ofizialean inskribatutako auditore batek emandako ziurtagiriaren bidez. Ziurtagiri horrek kontuan hartuko du enpresa bezeroaren ordainketen benetako epea, enpresa hornitzaileak aldez aurretik kobratzearen finantzaketa alde batera utzita.

1. Agindu honen ondorioetarako, diruz lagundu daitezkeen gastutzat hartuko dira diruz lagundutako jarduera motari erantzuten diotenak, baldin eta ezinbestekoak badira eta deialdi honetan ezarritako epean egiten badira, dirulaguntza emateko ebazpena eta horren aldaketak. Diruz lagundu daitezkeen gastuen kostuak ezin izango du, inola ere, merkatuko balioa gainditu. Halaber, diruz lagundu daitezkeen gastuek Batzordearen 2014ko ekainaren 17ko 651/2014 (EB) Erregelamenduaren 53. artikuluan eta Dirulaguntzen Araubidea arautzen duen 20/2023 Legearen 30. artikuluan xedatutakoa bete beharko dute.

   1. Zuzeneko gastuak: kudeaketako, zuzendaritzako, langile teknikoetako, administrazioko, garbiketako, mantentze-lanetako edo antzeko langileen gastuak.

   2. Zeharkako gastuak:

      Norberarenak ez diren espazioak alokatzeak, barruko eta/edo kanpoko espazioak erabiltzeak eta ekipamenduak, makineria eta altzariak alokatzeak eragindako gastuak, betiere eskatzailearen ohiko jarduerarako ez badira.

      Kultura-espazioaren mantentze-gastuak, baldin eta kontzeptu horiengatiko guztizko zenbatekoak ez badu gainditzen onartutako aurrekontu osoaren % 10, eta, betiere, justifikatzen bada sartzen diren gastuak behar-beharrezkoak direla proiektua garatzeko.

      Argiaren, uraren, telefonoaren, gasaren eta Interneten kontsumoak.

      Material eta ondasun suntsikorrak.

      Zeharkako beste gastu batzuk.

   3. Jarduera-gastuak.

      Kultura-sorkuntzako espazioaren jarduera-gastuak (egoitzak, ostatuak).

      Prestakuntzako, ezagutza transmititzeko eta ikerketa/esperimentazioko jardueren gastuak.

      Europako Erkidegoko edo sareko lurraldeari lotutako lankidetza-proiektuen gastuak.

2. Onuradunak hirugarrenekin hitzartu ahal izango du diruz lagundutako jarduera gauzatzea, haren zenbatekoaren % 80ra arte, azpikontratu guztien prezioak batuta. Nolanahi ere, muga % 60koa izango da exekuzio hori diruz lagundutako jarduerari buruzko epigrafean Jarduera Ekonomikoen gaineko Zergan alta emanda dauden pertsona fisiko edo juridikoekin azpikontratatzen bada.

   Kanpoan geratzen da onuradunak diruz lagundutako jarduera bere kabuz garatzeko egiten dituen gastuak kontratatzea.

3. Nolanahi ere, onuradunari eta kontratistei Dirulaguntzen Araubidea arautzen duen abenduaren 21eko 20/2023 Legearen 31. artikuluan ezarritako mugak eta betebeharrak aplikatuko zaizkie.

4. Pertsona edo erakunde onuraduna zerga horren aitorpena egitera behartuta badago, ezingo da diruz lagundu daitekeen gastutzat hartu BEZ kengarriaren zenbatekoa. Kasu horretan, gastu gisa egotz daitekeen zenbatekoa frogagirien zerga-oinarriari dagokiona izango da.

5. Sorkuntza-espazioan ostatatutako proiektuen produkzioari dagozkion kostuak eta inbertsio-gastuak ez dira diruz laguntzeko modukoak.

Deialdi honen kontura emango diren dirulaguntzak lehiaketa-prozeduraren bidez emango dira. Beraz, dirulaguntzaren gehieneko muga errespetatuta, hautatutako proiektuen kalitatea eta bideragarritasuna bermatuko duen onuradun-kopuru bat baino ez da hautatuko, Aginduaren 13. artikuluan ezarritako balorazio-irizpideen arabera eta proiektuen dimentsioaren arabera.

1. Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera.

2. Administrazio-prozedura bitarteko elektronikoen bidez izapidetuko da. Eskabide-eredua eskuragarri dago EAEko Administrazio Publikoaren egoitza elektronikoan, esteka honetan:

   https://www.euskadi.eus/zerbitzuak/1031716

   Halaber, artikulu horrek aukera ematen du interesdunek herri-administrazioetako organoei zuzentzen dizkieten dokumentuak «Administrazioaren edo organismoaren erregistro elektronikoan eta 2.1 artikuluan aipatzen diren subjektuetako edozeinen gainerako erregistro elektronikotan» aurkezteko.

   Eskaeraren osteko izapideak, jakinarazpenak barne, «Nire karpeta» delakoaren bidez egingo dira, EAEko Administrazio Publikoaren egoitza elektronikoan, helbide honetan: https://www.euskadi.eus/nirekarpeta

   EAEko Administrazio Publikoaren egoitza elektronikoan identifikaziorako eta sinadura elektronikorako onartutako bitartekoak helbide honetan daude eskuragarri: https//www.euskadi.eus/ziurtagiri-elektronikoak

3. Eskabidea eta ondorengo izapideak pertsona edo erakunde eskatzailearen ordezkari batek egin ahal izango ditu. Horretarako, ordezkaritza Ahalordetzeen Erregistro elektronikoan inskribatu beharko da, helbide honetan (https://www.euskadi.eus/ordezkariak). Nolanahi ere, izapideak bitarteko elektronikoen bidez egin beharko dira.

4. Eskabideak, erantzukizunpeko adierazpenak, justifikazioak eta gainerako ereduak izapidetzeko jarraibideak Euskal Autonomia Erkidegoko Administrazio Publikoaren egoitza elektronikoaren helbideetan daude eskuragarri, aurreko puntuetan jasotako esteketan.

5. Pertsona edo erakunde eskatzaileek Euskal Autonomia Erkidegoko edozein hizkuntza ofizialetan aurkeztu ahal izango dute eskabidea eta horrekin batera doazen egiaztagiriak. Halaber, eskabidearen ondoriozko jardueretan, eta prozedura osoan, pertsona edo erakunde eskatzaileak aukeratutako hizkuntza erabili ahal izango da, Euskararen Erabilera Normalizatzeko azaroaren 24ko 10/1982 Oinarrizko Legearen 5.2.a) eta 6.1 artikuluetan ezarritakoaren arabera.

1. Pertsona eskatzaileari buruzko agiriak.

   1. Pertsona juridikoak direnean:

      1. Administrazio honi dagozkion erregistroetan inskribatutako erakundeek eskabidean adieraziko dute zein erregistrotan inskribatuta dauden, eta ez da beharrezkoa izango inskripzio hori egiaztatzen duen ekarpenik egitea.

      2. Administrazio honetaz bestelako erregistroetan inskribatutako erakundeek erakundearen legezko eraketa egiaztatu beharko dute, izaera juridikoaren eta ordezkariaren nortasunaren arabera, bai eta ordezkaritza-ahalorde nahikoa justifikatu ere, honako hauen bidez:

      Eratze-eskritura eta estatutuak, bai eta dagozkion erregistro publikoetan inskribatuta dagoela egiaztatzen duen agiria ere.

      Pertsona juridikoaren legezko ordezkariaren nortasuna egiaztatzea, eta hark duen ordezkaritza-ahalmena egiaztatzea.

   2. Pertsona fisiko zein juridikoentzat:

      Kultura sortzeko gunearen kudeaketaren edo ustiapenaren titulartasuna egiaztatzen duen agiria, 5.1.a) artikuluan ezarritakoaren arabera.

2. Sorkuntza-espazioari eta proiektuari buruzko dokumentazioa.

   Kultura sortzeko espazioaren baliabideak eta azpiegiturak, 3. artikuluan ezarritakoaren arabera, eta 13.1.A), B) eta C) artikuluko irizpideak baloratzeko behar den informazioa.

   Azalpen-memoria, deskarga daitekeen formulario-ereduaren arabera.

   Proiektuaren aurrekontua, partidak banakatua eta xehatua, aurreikusitako gastu guztiak jasotzen dituena, bai eta diru-sarreren aurreikuspena ere, 13.A.c) artikuluan finkatutako irizpideak behar bezala baloratzeko, deskarga daitekeen formulario-ereduaren arabera.

   Hala badagokio, azalpen-memorian alegatutako eta 13. artikuluko hautaketa-irizpideak baloratzeko beharrezkotzat jotzen diren alderdiak egiaztatzeko agiriak aurkeztu ahal izango dira.

3. Aurkeztu beharreko dokumentuek ezaugarri hauek izan beharko dituzte:

   1. Deskarga daitezkeen inprimakien ereduak Euskal Autonomia Erkidegoko egoitza elektronikoan eta erregistro-arloko laguntza-bulegoetan egongo dira eskuragarri.

   2. Administrazio Publikoen Administrazio Prozedura Erkidearen urriaren 1eko 39/2015 Legearen 28.2 artikuluan ezarritakoaren arabera, interesdunek eskubidea dute Administrazio jardulearen esku dauden edo beste edozein administraziok egindako dokumentuak ez aurkezteko. Dokumentu horien bidez, Administrazioak dokumentu horiek kontsultatu edo eskatu ahal izango ditu, interesdunek berariaz aurka egin ezean.

Abenduaren 21eko 20/2023 Legearen 9.5 artikuluan xedatutakoaren arabera, eskabidearekin batera honako inguruabar hauek egiaztatu beharko dira erantzukizunpeko adierazpen bidez:

Edozein administrazio edo erakunde publiko nahiz pribatuk helburu bererako emandako dirulaguntzak, laguntzak, diru-sarrerak edo bestelako baliabideak eskatu eta, hala badagokio, jaso izana jakinaraztea.

Erakundeak ez duela dirulaguntza edo laguntza publikoak eskuratzea eragozten dion zehapen administratiborik edo penalik, ez eta horretarako legezko inolako debekurik ere, sexu-diskriminazioagatik gertatutakoak barne, Emakumeen eta Gizonen Berdintasunerako eta Emakumeen aurkako Indarkeria Matxistarik Gabeko Bizitzetarako Legearen testu bategina onartzen duen martxoaren 16ko 1/2023 Legegintzako Dekretuaren arabera.

Estatuko araudiaren arabera berdintasun-plan bat izatera behartuta dauden enpresek plan hori indarrean izatea. 50 langile baino gehiagoko enpresek sexu-jazarpenaren edo sexuan oinarritutako jazarpenaren aurkako prebentzio- eta borroka-neurriak ezarri izana.

Onuradun izateko proposatzen direnek dirulaguntza emateko prozedura ebatzi aurretik egiaztatu beharko dute erantzukizunpeko adierazpenean jasotako alderdiak egiazkoak direla.

Era berean, eskatzaileak adierazi beharko du egiazkoak direla eskabidean eta harekin batera aurkeztutako dokumentuetan jasotako datuak, eta betetzen dituela laguntza hauen onuradun izateko indarrean dagoen araudian ezarritako betekizunak, bereziki Dirulaguntzen Araubidea arautzen duen abenduaren 21eko 20/2023 Legearen 13.2 eta 13.3 artikuluetan ezarritakoak.

Kultura eta Hizkuntza Politika Saileko Kultura Sustatzeko eta Kultura eta Sormen Industrietako Zuzendaritzari dagokio deialdi honetan aurreikusitako dirulaguntzak kudeatzea, eta Kultura Sustatzeko eta Kultura eta Sormen Industrietako zuzendaria izango da laguntza kudeatzeko organo eskuduna.

Eskabidea izapidetzeko onartzeko eskatzen diren agiriak falta direla edo horietan formazko akatsak daudela ikusiz gero, edo baloratzeko alegatutako dokumentazioan akatsak daudela ikusiz gero, interesdunari hamar eguneko epea emango zaio akatsa zuzentzeko edo aurkeztu ez dituen nahitaezko agiriak aurkezteko. Halaber, jakinaraziko zaio, hala egin ezean, eskabidean atzera egin duela edo izapidetzeko eskubidea galdu duela ulertuko dela, ebazpena eman ondoren.

1. Aurkeztutako eskabideak aztertu eta ebaluatzeko, Balorazio Batzorde bat eratuko da. Honako hauek osatuko dute:

   Batzordeburua: Kultura Sustatzeko eta Kultura eta Sormen Industrietako zuzendaria. Ez badago, batzordekide zaharrenak ordezkatuko du.

   Bokalak: 3, 4 edo 5 bokal, Kulturako sailburuordeak Agindu honen xede den gaian adituak diren pertsonen artean izendatuak.

2. Batzordeko idazkari gisa jardungo du, baina batzordeko kide izan gabe, Kultura Sustatzeko eta Kultura eta Sormen Industrietako Zuzendaritzako teknikari batek, zuzendariak izendatuta. Hizpidea izango du, baina botorik ez.

   Era berean, Balorazio Batzordearen bileretara joan ahal izango dira gai espezifikoak aztertzeko, eta bertaratuen gehiengoak onartzen dituen pertsona guztiek parte hartu ahal izango dute, hitzarekin baina botorik gabe.

3. Izendatutako Balorazio Batzordeko aditu-profesionalek erantzukizunpeko adierazpena aurkeztu beharko dute, honako hauek adieraziz: Sektore Publikoaren Araubide Juridikoaren urriaren 1eko 40/2015 Legearen 23. artikuluan aurreikusitako abstentzio-kausetan sartuta ez daudela, konfidentzialtasuna bermatzen dutela, eskatzaileek aurkeztutako dokumentazioa deialdi honetan ezarritako irizpideen arabera proiektuak baloratzeko ez den beste helburu baterako erabiltzen ez dutela eta, balorazioa egin ondoren, espedienteen dokumentazio guztia deialdiaren organo kudeatzaileari itzultzen diotela.

4. Eratzen den balorazio-batzordeak emakumeen eta gizonen ordezkaritza orekatua izan beharko du, Emakumeen eta Gizonen Berdintasunerako eta Emakumeen aurkako Indarkeria Matxistarik Gabeko Bizitzetarako Legearen testu bategina onartzen duen martxoaren 16ko 1/2023 Legegintzako Dekretuaren 3.10 artikuluan ezarritakoaren arabera.

5. Balorazio Batzordearen osaera eraginkorra Kulturako sailburuordearen ebazpen baten bidez argitaratuko da Euskal Herriko Agintaritzaren Aldizkarian, eratu aurretik, edozein interesdunek errefusatzeko eskubidea erabil dezan, legez ezarritako kasuetan eta baldintzetan.

6. Kultura Sustatzeko eta Kultura eta Sormen Industrietako zuzendariari dagokio aurreko artikuluetan eskabideak onartzeko ezarritako baldintzak betetzen direla egiaztatzea.

7. Batzordeak, eskabideak balorazio-irizpideen arabera ebaluatu ondoren, txosten bat egingo du, egindako ebaluazioaren emaitzak azaltzeko, abenduaren 21eko 20/2023 Legearen 21. artikuluan ezarritakoaren arabera.

8. Balorazio Batzordeak, aurkeztutako eskabideak behar bezala ebaluatu ahal izateko beharrezkotzat jotzen duenean, egoki iritzitako argibide guztiak eskatu ahal izango dizkie eskatzaileei.

9. Kultura Sustatzeko eta Kultura eta Sormen Industrietako zuzendariak, espedientea eta Balorazio Batzordearen txostena ikusita, behin betiko ebazpen-proposamena egingo du.

1. Balorazio Batzordeak jasotako eskabideak aztertuko ditu, eta zehaztutako alderdi guztiak ebaluatuko ditu, irizpide eta baremoen arabera:

   1. Lehenengo fasea: espazioaren kalitatea eta interes publikoa, eta aurrekontuaren egokitzapena. 70 puntu, gehienez. Honako hauek baloratuko dira:

   1. Kultura-sorkuntzarako espazioaren eta proiektuen kalitatea. 30 puntu, gehienez. Kontuan hartuko dira:

      1. Espazioaren eta eskaintzen dituen zerbitzuen azpiegiturak eta baliabide teknikoak, giza baliabideak eta baliabide materialak (0-10 puntu).

      2. Bertan kokatutako sorkuntza-proiektuen kalitatea, baita diziplinarteko izaera ere (0-10 puntu).

      3. Euskadiko kultura-sorkuntzako sareen panoramaren barruan egindako ibilbidea eta berezitasuna, beste ezein espaziok aintzat hartu gabeko sorkuntza-premiei erantzuteagatik (0-10 puntu).

   2. Espazioaren interes publikoa. 20 puntu, gehienez. Kontuan hartuko dira:

      1. Guneak pertsona sortzaileentzat ezarritako sarbide- eta erabilera-baldintzak (deialdi irekia, gonbidapena, etab.) eta onuradunen kopurua eta dibertsitatea. Zenbat eta irekiagoa izan, orduan eta handiagoa izango da pertsona eta erakunde erabiltzaileen kopurua eta dibertsitatea (0-10 puntu).

      2. Sormen-espazio kulturalaren tokiko lotura. Positiboki balioetsiko dira ingurune hurbilarekin duen harremana, eskaintzen dituen zerbitzuak, garatzen dituen publikoak sortzeko politikak eta sortzen duen itzulkin sozialaren maila (kohesio soziala, prestakuntza, ezagutzaren transmisioa, parte-hartzea). (0-10 puntu).

   3. Aurrekontuaren egokitzapena. 20 puntu, gehienez. Kontuan hartuko dira:

      1. Esleitutako enpresa-baliabideak (0-5 puntu).

      2. Proiektuaren kalitate-kostu erlazio egokia (0-5 puntu).

      3. Beste finantzaketa-iturri batzuk erakartzeko gaitasuna (0-10 puntu).

      Lehenengo fase honetako balorazioan gutxienez 45 puntu lortzen ez dituzten eskabideak deialditik kanpo geratuko dira eta ez dira bigarren fasean baloratuko.

   1. Bigarren fasea: nazioartekotzeko ekarpena, euskararen erabilera, genero-politikak. 30 puntu, gehienez. Honako hauek baloratuko dira:

   1. Sortzaileak nazioartekotzeko ekarpena, sareetan integratzea eta trukea, nazioarteko proiektuetan parte hartzea, nazioarteko pertsona-adituekin lankidetzan aritzea (0-10 puntu).

   2. Euskararen erabilera. 10 puntu emango dira gehienez.

      1. Zentroak erabiltzaileei eskaintzen dizkien zerbitzuak (0-5 puntu). Puntuazioa proportzionala izango da euskaraz eskainitako zerbitzuen ehunekoarekiko.

      < % 15:0 puntu; % 15 eta < % 30 artean: puntu 1; % 30 eta < % 45 artean: 2 puntu; % 45 eta < % 60 artean: 3 puntu; % 60 eta < % 80 artean: 4 puntu eta % 80:5 puntu.

      2. Euskararen erabilera ostatu-proiektuetan (0-5 puntu). Euskara lan-hizkuntza duten proiektuen ehunekoa, proiektu guztiekiko. Baremo hau aplikatuko da:

      < % 15:0 puntu; % 15 eta < % 30 artean: puntu 1; % 30 eta < % 45 artean: 2 puntu; % 45 eta < % 60 artean: 3 puntu; % 60 eta < % 80 artean: 4 puntu eta % 80:5 puntu.

   3. Sortzaileen arteko genero-desberdintasunei erantzungo dieten politika espezifikoak garatzea. 10 puntu, gehienez.

      1. Sortzaileen arteko genero-desberdintasunak ezabatzeko diseinatutako prestakuntza-, mentoring- eta ahalduntze-programak (0-5 puntu).

      2. Genero-parekotasuna ostatatutako sorkuntza-proiektuetan (0-5 puntu).

      5 puntu emango zaizkie parte-hartzaileek guztira 0,6 ratiotik gorako sex ratioa aurkezten duten proiektuei.

      3 puntu emango zaizkie parte-hartzaileek, oro har, 0,4 eta 0,6 arteko ratioa duten proiektuei.

      0 puntu emango zaizkie parte-hartzaileek guztira 0,4 ratio baino gutxiagoko sex ratioa aurkezten duten proiektuei.

      Bi balorazio-faseetan ezarritako balorazio-baremoaren puntuazio osotik gutxienez 65 puntu lortzen ez dituzten eskabideak ezin izango dira kontuan hartu proposamenerako.

   2. Hirugarren fasea: Azkenik, berrikuntza-mailaren arabera 65 puntu edo gehiago lortu dituzten proiektuak baloratuko dira, gehienez 20 puntu. Sorkuntza-espazioa kudeatzeko barne-prozesuei aplikatutako berrikuntza (gehienez 10 puntu) eta aztertutako aldirako aurreikusitako eduki eta proiektu artistikoetan dagoen berrikuntza (gehienez 10 puntu) ebaluatuko dira. Azken kasu horretan, berrikuntza ez da sorkuntza artistikotik at dagoen baldintza bat berritasun-osagai bat barneratzen baitu , baizik eta proiektuak sormen-ikuspegi bereziak proposatzeko, hizkuntza berriak aztertzeko edo praktika artistikoak sorkuntza-espazioaren testuinguruan zabaltzen edo berritzen dituzten planteamenduak garatzeko duen gaitasuna.

   1. Kudeaketako barne-prozesuak. 10 puntu, gehienez.

      1. Berrikuntza kudeatzeko sistema ziurtatua dute: UNE 166.002, edo hori egiaztatzen duen kanpoko beste edozein ziurtagiri. 10 puntu.

      2. Berrikuntza erakundearen funtsezko faktorea da, nahiz eta sistematizatuta eta ziurtatuta ez egon: (7 puntu). Gutxienez hiru baldintza hauetako bi bete behar ditu:

      Barne-taldea: I+G+B proiektuetan parte hartu duten doktoregoko edo graduondoko profilak dituzten pertsonak sartzen dira (beste erakunde batzuetan parte hartu badute ere).

      Behin eta berriz parte hartzea (ez puntualki) berrikuntzarako laguntza publikoko programetan, europarretan (Creative Europe), estatukoetan, Eusko Jaurlaritzan (KSI Berritzaile, Hazitek, etab.), aldundietan eta/edo udaletan.

      Nazioarteko/Europako sareetan parte hartzea, kultura-sorkuntza artistikoaren berrikuntzan jarduteko ardatzetako bat dutenean.

      3. Berrikuntza unean-unean hasi da azken hiru ekitaldietan, aukeraren bat sortu denean. 4 puntu.

      4. Ez da berrikuntza aurreikusten. 0 puntu.

   2. Aurreikusitako edukiak eta proiektuak. 10 puntu, gehienez. Proiektu berritzailetzat hartzeko, honako hiru bloke hauetan lortu beharko dituzte puntuak:

      1. Lehendik dagoenaren gaineko berrikuntza edo hobekuntza nabarmena izatea (4 puntu):

      Berritasun disruptiboa: beste inon garatu gabeko proiektua edo Euskal Autonomia Erkidegoan oso berria dena (4 puntu).

      Berrikuntza nabarmena: aurretik espazioan garatutako proiektuekiko berrikuntza edo hobekuntza nabarmena duen proiektua (2 puntu).

      Berrikuntza ez esanguratsua: proiektuak ez dakar inolako berritasunik, ez eta hobekuntza esanguratsurik ere, espazioan garatutako proiektuen aldean (0 puntu). 0 puntu gainditzen ez dituen eskabideari ez zaizkio irizpide hauek baloratuko:

      2. Ezarrita edo erabiltzen egotea, edo ezarpen-plan bat aurreikusita izatea (2 puntu):

      Plana ezartzeko behar diren baliabideak argi eta garbi definituta eta aurreikusita daude, eta proiektuaren premiekin bat datoz (pertsonak, baliabide teknikoak, finantzaketa, epeak, espero den balio-ekarpena) (2 puntu).

      Ezartzeko behar diren baliabideak aurreikusita daude, baina definizioa hobetu behar dute (puntu 1).

      Ez dago hura ezartzeko baliabideen aurreikuspenik (0 puntu).

      3. Balio ekonomikoa, soziala edo ingurumenekoa ematea (4 puntu):

      Inpaktu esanguratsua, ebidentziekin froga daitekeena, gutxienez, horietako 2tan (4 puntu).

      Inpaktu esanguratsua, ebidentziekin froga daitekeena horietako batean (2 puntu).

      Ebidentzien bidez eragin esanguratsurik ez izatea hiru eremuetan (0 puntu).

2. Berrikuntzaren kontzeptuen balorazioa (C atala) A (1. fasea) eta B (2. fasea) ataletako balorazioei gehituko zaie.

3. Eskatzaileak aurkeztutako aurrekontuan 5. artikuluaren arabera diruz lagundu ezin diren gastuak sartzen badira, horiek araztu egingo dira, onartutako guztizko aurrekontua zehazteko. Aurrekontu hori dirulaguntzaren zenbatekoa zehazteko oinarria izango da.

4. Hautatutako proiektu bakoitzari dagokion dirulaguntzaren zenbatekoa zehazteko, banaketa-sistema bat aplikatuko da. Sistema horren arabera, 4.1 artikuluan aurreikusitako zuzkidura ekonomiko orokorra balorazio-irizpideen arabera lortutako puntuazioaren arabera banatuko da, eta dirulaguntzaren zenbatekoa ezin izango da inola ere eskatutako zenbatekoa baino handiagoa izan, ezta autofinantzaketaren gutxieneko ehunekoa edo 4.2 artikuluan ezarritako mugak urratu ere, eta, nolanahi ere, esleitzen zaien zenbatekoa 5. artikuluan ezarritakoarekin bat datorrela ziurtatuko da. Horretarako, formula hau erabiliko da:

   SP = PO* DO/SUM (POi)

   Izanik,

   SP = Proposatutako dirulaguntza.

   PO = Lortutako puntuazioa.

   DO = zuzkidura (3.1 artikuluan ezarritakoa).

   SUM (POi) = Onartutako proiektuek lortutako puntuazioen batura.

   Proposatutako dirulaguntzen baturak aurreikusitako zuzkidura osoa agortzen ez badu, soberakina gainerako proiektuen artean banatuko da, proiektu bakoitzerako ezarritako zuzkidura ekonomikoa edo mugak agortu arte. Prozesu hori honako formula honek zehaztuko luke:

   SO = SP + PO* DR/SUM (POi)

   Izanik,

   SO = proposatutako zenbatekoa.

   SP = proposatutako zenbateko guztien batura (zuzkidura gainditzen dute).

   PO = lortutako puntuazioa.

   DR = soberakin-zuzkidura (banatzeke).

   SUM (POi) = Balorazio-faseetan onartutako baina diruz lagundu daitekeen gehieneko puntuazioa lortu ez duten proiektuen puntuazioen batura.

1. Agindu honetan aurreikusitako dirulaguntzei buruzko ebazpena Kulturako sailburuordeak emango du, Kultura Sustatzeko eta Kultura eta Sormen Industrietako zuzendariaren proposamena aztertu ondoren; izan ere, Dirulaguntzen Araubidea arautzen duen 20/2023 Legearen 9.4.g) artikuluak eskatzen duen deialdiaren oinarrien gutxieneko edukiaren parte da.

2. Ebazpen hori banan-banan jakinaraziko zaie interesdunei, sei hilabeteko epean. Ebazpenak Euskal Autonomia Erkidegoko Administrazio Publikoaren egoitza elektronikoaren «Nire Karpeta» delakoaren bidez jakinaraziko dira (https://www.euskadi.eus/nirekarpeta). Jakinarazpen hori gorabehera, ebazpena Euskal Herriko Agintaritzaren Aldizkarian argitaratuko da. 39/2015 Legearen 41.7 artikuluan ezarritakoaren arabera lehenik egin den jakinarazpen-data hartuko da jakinarazpen-datatzat.

3. Paperezko jakinarazpenak 39/2015 Legearen 42.1 artikuluan ezarritakora egokituko dira. Artikulu horren arabera, jakinarazpen guztiak interesdunaren eskura jarri beharko dira administrazio edo organismo jardulearen egoitza elektronikoan, haren edukira borondatez sartu ahal izan dadin.

4. Epe hori igaro eta ebazpenik jakinarazi ez bada, interesdunek ezetsitzat jo ahal izango dituzte beren asmoak, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren ondorioetarako, hargatik eragotzi gabe Administrazioak esanbidez ebazteko duen betebeharra.

5. Ebazpenak ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Jaurlaritzako lehen lehendakariorde eta Kultura eta Hizkuntza Politikako sailburuari, hilabeteko epean, ebazpena jakinarazi eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoaren arabera.

1. Dirulaguntza horiek bateragarriak izango dira proiektu edo jarduera bererako emandako beste laguntza batzuekin, baldin eta laguntza-neurri horiek diruz lagun daitezkeen kostu desberdinei buruzkoak badira, edo laguntza-neurriak guztiz edo partzialki bat badatoz diruz lagun daitezkeen kostu berberekin, eta neurri horien metaketak ez badu gainditzen Batzordearen 651/2014 (EB) Erregelamenduan ezarritakoaren arabera aplikatu beharreko laguntzaren intentsitatea edo laguntzaren zenbateko handiena.

   Baldin eta Batasuneko instituzioek, agentziek, enpresa erkideek edo Batasuneko beste organo batzuek zentralki kudeatzen duten eta estatu kidearen kontrolpean zuzenean edo zeharka ez dagoen Batasunaren finantzaketa Estatuko laguntzekin konbinatzen bada, azken horiek soilik hartuko dira kontuan jakinarazpen-atalaseak eta laguntzaren gehieneko intentsitateak errespetatzen diren zehazteko, betiere diruz lagun daitezkeen kostu berberei dagokienez emandako finantzaketa publikoaren guztizko zenbatekoak ez baditu gainditzen Europako araudi aplikagarrian ezarritako gehieneko finantzaketa-ehunekoak.

   Nolanahi ere, proiektu berari emandako dirulaguntza publikoen baterako zenbatekoak ezin izango du gainditu guztizko diru-sarreren % 80, onartutako aurrekontu osoaren % 20ko gutxieneko autofinantzaketa-ehunekoa betetzeko. Nolanahi ere, agindu honen babesean emandako dirulaguntzak ezin izango du aurrekontuaren % 70 gainditu. Deialdi honen ondorioetarako, autofinantzaketatzat joko da iturri publikoetatik ez datozen diru-sarreren zatikia, eta onartutako aurrekontu osotzat 5. artikuluan oinarrituta araztutako aurrekontua, hala badagokio. Gainfinantzaketarik gertatuz gero, emandako dirulaguntzaren zenbatekoa dagokion mugaraino murriztuko da.

2. Hala ere, deialdi honetan aurreikusitako dirulaguntzak bateraezinak izango dira Eusko Jaurlaritzako Kultura eta Hizkuntza Politika Sailak proiektu bera edo haren zati bat edo batzuk egiteko ematen dituen beste dirulaguntza batzuekin.

Agindu honetan araututako dirulaguntzen onuradunak betebehar hauek izango ditu:

1. Emandako dirulaguntza onartzea. Alde horretatik, hamabost eguneko epean berariaz uko egiten ez badiote, onartu egin dutela ulertuko da.

2. Dirulaguntza zertarako eman den, horrexetarako erabiltzea.

3. Ogasun eta Finantza Saileko Kontrol Ekonomikoko Bulegoari eta Herri Kontuen Euskal Epaitegiari dirulaguntzen xedea fiskalizatzeko eskatzen duten informazio guztia ematea.

4. Diruz lagundutako proiektua deialdira aurkeztutako baldintzetan gauzatzea.

5. Estatuko edo nazioarteko beste edozein administrazio edo erakunde publiko edo pribatutatik helburu bererako beste laguntza edo dirulaguntza batzuk jaso badira, horren berri ematea laguntza eman duen organoari.

6. Onuradunak konpromisoa hartzen du enpresa ez deslokalizatzeko, Dirulaguntzen Araubidea arautzen duen 20/2023 Legearen 49. artikuluan ezarritakoaren arabera.

7. Onuradunak konpromisoa hartzen du Eusko Jaurlaritzako Kultura eta Hizkuntza Politika Sailaren lankidetzarekin egin diren diruz lagundutako proiektuen informazio, publizitate eta sustapen guztietan eta proiektu horiei buruz egiten den edozein motatako hedapenean jasota uzteko.

8. Agindu honetan ezarritakoak, bai eta Euskal Autonomia Erkidegoko Aurrekontu Orokorren kontura laguntzak eta dirulaguntzak jasotzearen ondorioz ezarritako beste betebehar eta eginbide batzuk ere. Halaber, pertsona eta erakunde onuradunen betebeharrak izango dira Dirulaguntzen Araubidea arautzen duen abenduaren 21eko 20/2023 Legearen 14., 27. eta 42. artikuluetan jasotakoak.

9. Onuradunak gainfinantzaketarik ez egiteko konpromisoa hartzen du, 15.1 artikuluaren arabera.

10. Dirulaguntzaren onuraduna enpresa bat denean, merkataritza-eragiketetan diruz lagun daitezkeen gastuak sektoreko araudi aplikagarrian edo merkataritza-eragiketetan berankortasunaren aurka borrokatzeko neurriak ezartzen dituen abenduaren 29ko 3/2004 Legean aurreikusitako ordainketa-epeetan ordaindu beharko dira, abenduaren 21eko 20/2023 Legearen 30.2 artikuluan xedatutakoaren arabera.

1. Hirugarrenen alta elektronikoki izapidetu ahal izango da (izapidetze elektronikora behartuta dauden pertsonek horrela egin beharko dute), egoitza elektronikoan eskuragarri dagoen zerbitzuaren bidez, helbide honetan: https://www.euskadi.eus/hirugarrenak

2. Agindu honen kargura emandako dirulaguntzak honela ordainduko dira:

   1. Dirulaguntzaren zenbatekoaren % 34 esleipen-ebazpena jakinarazi eta hamabost egun balioduneko epea igaro ondoren ordainduko da, tartean berariaz uko egin ez bazaio.

   2. Laguntzaren bigarren ordainketa (% 33) justifikatu ondoren egingo da, eta justifikatzeko azken eguna 2027ko urriaren 30a izango da. Proiektua gauzatu izanaren eta 2026-2027rako onartutako aurrekontuari dagozkion gastuen justifikazioa honela egingo da:

      2026-2027 ekitaldian diruz lagundutako jardueraren gauzatzeari, betetze-mailari eta ebaluazioari buruzko memoria xehatua, kudeaketaren berrikuntzan egindako aurrerapenak bereziki aipatuta.

      2026-2027 ekitaldian jasotako proiektuen zerrenda, bai eta proiektu horiek berrikuntzaren, nazioartekotzearen eta gizarte-itzulkinaren esparruan izandako lorpenak ere.

      2026-2027 urtean gauzatutako aurrekontua (gastuak eta sarrerak), onartutako aurrekontuaren araberakoa eta deskarga daitekeen formulario-ereduaren araberakoa.

      2026-2027 urteari dagokion diruz lagundutako proiektua gauzatzean egindako gastua justifikatzen duten agiri guztien zerrenda sailkatua, deskarga daitekeen inprimakiaren ereduaren arabera.

      Egindako gastuen egiaztagiriak eta fakturak, 2026-2027ari dagokion aurrekontu onartuaren guztizkoarekin, kasu bakoitzean hirugarren interesdunaren aldeko ordainketa egin izanaren egiaztagiriekin batera. Ez da onartuko txartelen bidezko justifikaziorik.

   3. % 33ko azken ordainketa proiektua erabat justifikatu ondoren egingo da, hurrengo artikuluan adierazitako baldintzetan.

Aurrekontua osorik gauzatu behar da azken justifikazioa egin aurretik. Dirulaguntza hauen onuradunak justifikazioa aurkeztu beharko du, eta justifikazio horretarako azken eguna 2028ko azaroaren 30a izango da, honela:

Diruz lagundutako proiektuaren gauzatzeari, betetze-mailari eta ebaluazioari buruzko memoria xehatua, kudeaketaren berrikuntzan egindako aurrerapenak bereziki aipatuta.

2026-2028 aldian ostatatutako proiektuen zerrenda, bai eta berrikuntzaren, nazioartekotzearen eta gizarte-itzuleraren arloan izan dituzten lorpenak ere.

Euskararen eta generoaren eremuetan egindako ekintzen zerrenda eta horien balorazioa.

Diruz lagundutako proiektuaren gauzatutako aurrekontua (gastuak eta diru-sarrerak), onartutako aurrekontuaren eta deskarga daitekeen inprimaki-ereduaren arabera.

Diruz lagundutako proiektua gauzatzeko aldi osoan egindako gastua justifikatzen duten dokumentu guztien zerrenda sailkatua eta biltzailea, deskarga daitekeen inprimaki-ereduaren arabera.

Egindako gastuen egiaztagiriak eta fakturak, proiektua gauzatzeko aldi osoari dagokion onartutako aurrekontu osoari dagozkionak, eta, horiekin batera, hirugarren interesdunaren aldeko ordainketaren igorpena egin dela egiaztatzen duten agiriak. Ez da onartuko tiket-bidezko justifikaziorik.

Azpikontratazioaren kasuan, hornitzaileen eskaintzak, eta kontratua proposamen ekonomiko abantailatsuenari esleitu ez zaionean, hautaketa hori berariaz justifikatzen duen memoria.

Katalogo, programa, iragarki-kartel, argazki eta gainerako material grafiko edo soinudunen hizkuntza-bertsio desberdinetako aleak, Kultura eta Hizkuntza Politika Sailaren babesa berariaz aipatzen dutenak.

Erantzukizunpeko adierazpena, xede eta helburu bereko beste administrazio edo erakunde publiko edo pribatu batzuek 2026, 2027 eta 2028an emandako laguntzei buruzkoa. Onuradunak Kultura eta Hizkuntza Politika Sailaren dirulaguntza besterik jaso ez badu, erantzukizunpeko adierazpen negatiboa emango zaio.

1. Honako hauek izango dira ez-betetzeak:

   1. Jasotako dirulaguntzak, osorik zein zatika, agindu honetan aurreikusitako jardueretarako erabili beharrean, beste zerbaitetarako erabiltzea.

   2. Agindu honetan ezarritako betebeharrak ez betetzea.

   3. Dirulaguntzaren likidazio-ebazpenean adierazitako zenbatekoa ez itzultzea, hala badagokio, horretarako ezarritako epean.

2. Ez-betetzeren bat gertatuz gero, Euskal Autonomia Erkidegoko Diruzaintza Nagusiari itzuli beharko zaizkio jasotako zenbatekoak eta dagozkien berandutze-interesak, Dirulaguntzen Araubidea Erregulatzeko abenduaren 21eko 20/2023 Legearen 36., 40. eta 41. artikuluetan ezarritakoaren arabera.

1. Onartutako dirulaguntza benetan garatutako neurrira egokitzeko eta behin betiko likidazioa egiteko, hasieran aurkeztutako gastu-aurrekontua baino gastu handiagoak justifikatzeak ez du inola ere eskubiderik emango hasieran onartutako dirulaguntza handitzeko.

2. Dirulaguntza justifikatzeko bidalitako dokumentazioa aztertu ondoren, eta behar bezala justifikatuta dagoela iritzita, ordaintzeke dagoen zenbatekoa ordainduko da.

3. Dirulaguntza emateko kontuan hartutako baldintzak aldatzen badira, betiere dirulaguntzaren xedea betetzat jotzen bada, eta benetako kostuak aurrekontuan jasotakoa baino txikiagoak izan badira edo beste erakunde publiko edo pribatu batek emandako beste dirulaguntza, laguntza edo diru-sarrera bat lortu bada eta, horren ondorioz, ezarritako mugak gainditzen badira, dirulaguntzak emateko ebazpena aldatu ahal izango da, Dirulaguntzen Araubidea Erregulatzeko 20/2023 Legearen 9.4, 16.4 eta 25. artikuluetan aurreikusitako kasuetan.

   Nolanahi ere, deialdian eskatutako gutxieneko autofinantzaketa-ehunekoa errespetatu beharko da, hau da, % 20.

4. Jarduera zati batean betetzea onartu ahal izango da, baldin eta argi eta garbi egiaztatzen bada diruz lagundutako jardueraren helburuak eta konpromisoak betetzeko jardun dela, eta jardueraren betetze-maila eskabidean aurkeztutako jarduera osoari dagokion aurrekontuaren % 85era iristen bada gutxienez. Horretarako, Kulturako sailburuordeak dagokion likidazio-ebazpena emango du, emandako laguntzaren zenbatekoa doitzeko. Laguntzaren justifikazioa iristen ez bada laguntza emateko kontuan hartutako aurrekontuaren % 85era, ez-betetzetzat hartuko da, eta dirulaguntza osorik itzuli beharko da.

5. Dirulaguntza emateko ebazpena aldatu egingo da, halaber, dirulaguntza osoa baliogabetu behar denean eta agindu honen 19. eta 20. artikuluetan eta Dirulaguntzen Araubidea Erregulatzeko abenduaren 21eko 20/2023 Legean aurreikusitako kasuetan.

6. Emandako dirulaguntzaren zenbatekoak aldatzeko edo doitzeko likidazio-ebazpena Kulturako sailburuordeak emango du, egiaztagiriak aurkezteko epea amaitu eta bi hilabeteko epean.

7. Dagoeneko jasotako guztia edo zati bat Euskal Autonomia Erkidegoko Diruzaintza Nagusiari itzuli behar bazaio, likidazio-ebazpenean bi hilabeteko epea emango da, hura jasotzen denetik aurrera, dagokion itzulketa egiteko, abenduaren 21eko 20/2023 Dirulaguntzen Araubidea Erregulatzeko Legean oinarrituta, onuradunari aldez aurretik jakinarazita itzulketa-prozedura hasi dela eta zergatik hasi den prozedura hori, eta, itzulketa justifikatzeko betebeharra ez betetzeagatik egin bada, 15 eguneko epea emango zaio egokitzat jotzen dituen alegazioak aurkez ditzan.

Arduraduna: Kultura Sustatzeko eta Kultura eta Sormen Industrietako Zuzendaritza, Kultura eta Hizkuntza Politika Saila.

Helburua: kultura- eta sormen-sektorearen laguntza ekonomikoak eta dirulaguntzak kudeatzea.

Lege-oinarria: tratamendua beharrezkoa da interes publikoaren izenean eta tratamenduaren arduradunari esleitutako ahal publikoak baliatuz egindako eginkizuna betetzeko (20/2023 Legea, abenduaren 21ekoa, Dirulaguntzen Araubidea Erregulatzekoa).

Hartzaileak: datu pertsonalak administrazioei komunika dakizkieke.

Eskubideak: eskubidea duzu zure datuak irispidean izateko, zuzentzeko eta ezerezteko, bai eta datuen tratamendua mugatzeko edo haren aurka egiteko ere, informazio gehigarrian adierazten den bezala.

Informazio gehigarria:

https://www.euskadi.eus/informazio-klausulak/web01-sedepd/eu/gardentasuna/024300-capa2-eu.shtml