1. ATALA

XEDEA, ZENTROAK ETA FINANTZAKETA

1. oinarria. Xedea.

1. Programaren helburua da ikertzaileen prestakuntza sustatzea doktore titulua lor dezaten eta doktorego-programa bateko kalitatezko ikerketa zientifikoarekin lotutako gaitasunak eta trebetasunak eskura ditzaten, martxoaren 1eko 103/2019 Errege Dekretuak (Doktoratu aurretik prestakuntza jasotzen ari diren langile ikertzaileen estatutua onartzen duena) deskribatutako arloan.

2. Halaber, prestakuntza-programa honen bitartez, doktore titulua lortu ondoren doktoratu osteko orientazioko aldi bat finantzatuko da, hamabi hilabetez gehienez, ikertzaileen lanbide-hobekuntza eta -espezializaziorako, baldin eta titulua laguntza gauzatzeko aldian eskuratzen bada. Edonola ere, kontratua ezingo da lau urtetik gorakoa izan.

2. oinarria. Ezarpen-zentroak.

1. Ezarpen-zentroak izango dira irabazi-asmorik gabeko unibertsitate edo ikerketa-erakunde publiko edo pribatuak; I+G+b-ko ahalmen eta jarduera izango dute, eta egoitza soziala izango dute deitutako modalitate bakoitzean zehaztutakoarekin bat datorren lurralderen batean. Euskal Autonomia Erkidegoan nahiz Estatuan dauden ezarpen-zentroak erakunde kontratatzaile ere izango dira. Interesduna matrikulatuta dagoen doktorego-programako unibertsitatearen autonomia-erkidego berean egon behar da ezarpen-zentroaren egoitza soziala.

2. Laguntzaren onuradun direnek eta ezarpen-zentroa atzerrian dutenek doktoratu aurreko kontratua sinatu beharko dute Zientziaren Euskal Fundazioarekin (aurrerantzean, Ikerbasque). Fundazio horrek zentro kontratatzaile gisa jardungo du kasu horietan.

3. oinarria. Jarduteko lerroak, modalitateak eta ezagutza-arloak.

1. Programan, jarduteko lerro hauek biltzen dira:

   1. Laguntza berrien lerroa, zeinaren bidez finantzatuko baitira ikerketa orokorrean prestakuntzako ikertzaileen kontratuak.

   2. Laguntza-berritzeen lerroa, zeinaren bidez berritzen baitira 2024-2025 aldian emandako laguntzak ikerketa orokorrean.

   3. Laguntza berrien lerroa, zeinaren bidez finantzatzen baitira ikerketa-arlo espezifikoetan prestakuntzako ikertzaileen kontratuak.

   4. Laguntza-berritzeen lerroa; zeinaren bidez berrituko baitira 2024-2025 aldian ikerketa espezifikoaren barruan emandako laguntzak.

      Lehiakide bakoitzak laguntza berrien lerro bakar batean orokorra ala espezifikoa aurkeztu beharko du eskabidea.

2. Lehen deskribatutako lerroek modalitate hauek barne hartzen dituzte:

   (Ikus .PDF)

3. Agindu honen I. eranskinean daude zerrendatuta ikerketa orokorreko laguntza berriak eskatzeko aukera ematen duten ezagutza-arloak.

4. Ikerketa-arlo espezifiko hauetarako eska daitezke laguntzak:

   1. Neutronika.

      Polimeroen eta sistema makromolekularren ikerketari aplikatutako neutroien teknikak.

      Energiarako materialen ikerketari aplikatutako neutroien teknikak.

      Material funtzionalen ikerketari aplikatutako neutroien teknikak.

      Sistema biologikoen eta material bio-inspiratuen ikerketari aplikatutako neutroien teknikak.

   2. Hezkuntza.

      Digitalizazioa: Metodologia eta gaitasun tekno-pedagogikoak eta, ingurune digitalaren eta ingurune presentzialaren integrazioa.

      STEAM proiektuak: gaitasun zientifiko-teknologikoak eskuratzea eta ikasleen STEM arloekiko jarrera aldatzea.

      Kulturartekotasuna eta eskola-arrakasta: metodologiak eta hizkuntza-gaitasunak ingurune inklusiboetan.

      Lehiakide bakoitzak arlo bakar batean aurkeztu beharko du eskabidea, eta arlo horretan aztertuko da eskabidea.

5. Zientzia Politikako Zuzendaritzak, interesdunak hala onartu ondoren, hautatutako arloa eta lerroa aldatu ahal izango ditu, betiere, eskabidearen ezaugarriak direla-eta hala komeni bada, edo kasuan kasuko aholku-batzorde espezifikoak horrelakorik gomendatzen badu.

4. oinarria. Baliabide ekonomikoak.

1. Programaren zenbateko osoa, deialdi honetan, 12.491.108,00 eurokoa da, aurrekontu-ekitalditan eta jarduera-lerrotan banatuta taula honetan jasotakoaren arabera:

   (Ikus .PDF)

2. Gehienez 110 laguntza berri emango dira; horietako 106 ikerketa orokorreko arloetako laguntzak izango dira, eta 3 plaza gordeko dira % 33ko desgaitasuna edo handiagoa duten pertsonentzat, 2 neutroi-ikerketa espezifikoko arlokoak eta 2 hezkuntzako ikerketa espezifikokoak. Hautatzeko moduko behar adina eskabide ez balego arlo espezifikoetan edo desgaitasuna duten pertsonentzat gordetako kupoan, adjudikatu gabeko laguntzak ikerketa orokorrei gehituko zaizkie eta 31.4 oinarrian xedatutakoaren arabera adjudikatuko dira.

   I. modalitatekoak izango dira Ikerketa Orokorrerako ematen diren laguntzetatik gehienez 3; ikerketa-lerro espezifikoetako laguntzak edo desgaitasuna dutenentzako erreserbatuak, aldiz, dauden hiru modalitateetako edozeinetakoak izan daitezke.

4. Gehienez 296 berrikuntza emango dira ikerketa orokorraren lerroan eta 8 ikerketa espezifikoarenean.

5. Bigarren edo hirugarren berritzean, gehienez 19 kontratu finantzatuko dira doktoratu ondoko orientazio-aldian, Ikerketa Orokorreko lerroan, eta kontratu bat doktoratu ondoko orientazio-aldian, Ikerketa Espezifikoko lerroan. Fase honetan, kontratu gehiago finantzatu ahal izango dira, egungo deialdia gauzatzean agortu gabe geratu diren aurrekontu-baliabideen arabera.

   2. ATALA

   ONURADUNAK, EZAUGARRIAK, ZUZENDARITZA ETA TESI-PROIEKTUA

5. oinarria. Onuradunak.

1. Laguntzen onuradunak doktorego-tesiaren proiektu bat gauzatzen ari diren pertsona fisikoak izango dira; eta, aldi berean, laguntzaren eskatzaile ere badira.

2. Ezin izango dira deialdi honetako dirulaguntzen onuradun izan Dirulaguntzen Araubidea arautzen duen abenduaren 21eko 20/2023 Legearen 13. artikuluan xedatutako egoeraren batean dauden hautagaiak. Arrazoi beragatik, erakunde kontratatzaileak ere ezingo dira erakunde kolaboratzaile izan. Besteak beste, hauek dira egoera horiek:

   Ordaindu gabe izatea zerga-betebeharrak eta Gizarte Segurantzari lotutakoak.

   Ordaindu gabe izatea dirulaguntzak itzultzeko betebeharrak.

   Dirulaguntza edo laguntza publikoak eskuratzea galarazten duen zigor penal edo administratiboren bat izatea edo horretarako desgaitzen duen legezko debeku baten pean egotea.

   Betekizun horiek dirulaguntza-eskabidea aurkeztu eta ematen den dirulaguntza likidatu arte bete behar dira.

6. oinarria. Ezaugarriak.

1. Kontratua: diruz lagundutako jarduketek doktoratu aurreko kontratu baten ezaugarriak izango dituzte laguntzak baliatzeko aldi osoan. Kontratuaren xedea izango da proiektu espezifiko eta erabat berrietan ikerketa-lanak egitea, lanaldi osoko dedikazio-erregimenean. Doktoratu aurreko kontratu hori duten ikertzaileen kotizazioan, 115 euroko murrizketa izango da Gizarte Segurantzari ordaindu beharreko enpresa-kuotan, Doktoratu aurreko ikertzaileen estatutua onartzen duen, martxoaren 1eko, 103/2019 Errege Dekretuaren (PLIE) xedapen gehigarri bakarrean ezarritakoaren arabera.

   A eta B modalitateetan, kontratua idatziz egingo da ezarpen-zentroaren (enplegatzaile gisa) eta prestakuntzako ikertzailearen artean (langile gisa).

   1. modalitatean, kontratua idatziz egingo da Ikerbasqueren (enplegatzaile gisa) eta prestakuntzako ikertzailearen artean (langile gisa).

      Kontratu horiek ZTBLren 21. artikuluan, PLIEren eta indarreko lan-araudian ezarritakoaren babesean egingo dira.

      Enplegatzailearen eta prestakuntzako ikertzailearen arteko harremana ZTBLn, PLIEren eta Langileen Estatutuan ezarritakotik ondorioztatzen dena izango da.

2. Iraupena: kontratuak urtebeteko iraupena izango du, laguntza hasten den egunetik aurrera, agindu honen 10. oinarrian ezarritakoaren arabera. Kontratu hori beste hiru urtez luzatu ahal izango da gehienez, laguntza berritu ondoren. Nolanahi ere, aitortzen zaien ekitaldiko deialdian ezartzen diren baldintzen arabera arautuko dira.

   Doktoratu ondoko orientazio-aldiak hamabi hilabete iraungo du gehienez. Edonola ere, kontratua ezingo da guztira lau urtetik gorakoa izan.

   Halaber, Desgaitasuna duten pertsonen eskubideen eta haien gizarteratzearen Lege Orokorraren testu bateginak (azaroaren 29ko 1/2013 LED) ezarritako baldintzak betetzen dituen pertsona batekin sinatzen denean kontratua, 5 urte gehiagoz luzatu ahal izango da.

   Baldin eta kontratuei aurreko puntuetan xedatutako gehieneko luzapenak egiten bazaizkie, kontratuak indarrean egongo diren 4 urteak (edo 6 urteak, desgaitasuna duten pertsonen kasuan) jarraituak izan beharko dira. Edonola ere, berritzeak egiteko, ezinbestekoa izango da programa honetarako kreditu nahiko eta egokia egotea urtez urteko deialdietan.

   Halaber, hasierako kontratua nahiz luzapen posibleak egiteko, ezinbestekoa izango da ZTBLn doktoratu aurreko kontratuei buruz ezarritakoa betetzea.

   Desgaitasunen ondorioz hezkuntza-beharrizan bereziak dituzten ikasleentzat, unibertsitateek laguntza eta aholkularitza emateko zerbitzu egokiak eduki behar dituzte, eta zerbitzu horiek ebaluatuko dute curriculuma egokitzearen edo ibilbide edo ikasketa alternatiboen beharra.

   Egoera hauetakoren bat jazoz gero, ikertzaileen kontratuaren iraupena eten egingo da: aldi baterako ezintasuna; haurdunaldiko arriskua; amatasuna, adopzioa edo harrera; edoskitzaroko arriskua, eta aitatasuna, baita mendetasun-egoeran dauden pertsonen zaintza ere. Kasu horietan, etendako denbora berreskuratu ahal izango da interesdunak hala eskatzen badu, betiere laguntzari uko egin ez badio eta errebokatu ez bada. Eskabide hori Zientzia Politikako Zuzendaritzak baimendu beharko du, baldin eta aurrekontu-baliabideek hori ahalbidetzen badute.

3. Zuzkidura: laguntza ikertzaileen ordainsari gordina eta zentro enplegatzaileak Gizarte Segurantzari ordaindu beharreko enpresa-kuota ordaintzera bideratuko da.

   Hauek izango dira 2025-2026 ikasturterako zuzkidurak modalitate bakoitzean:

   (Ikus .PDF)

   Enplegatuak jaso behar dituen zenbatekoak hamabi edo hamalau hilekotan banatuko dira, zentro enplegatzailearen araudiak ezartzen duenaren arabera.

   Erakunde kontratatzailearekin izenpetutako doktoratu aurreko kontratuak jasoko ditu kopuru horiek gutxieneko ordainsari gisa, hargatik eragotzi gabe horiek erakunde kontratatzailearen kontura osatu ahal izatea, hala behar izanez gero PLIEren 7. artikuluan adierazitakoa betetzeko; hala bada, gehikuntza horri dagokion enpresa-kuotaren zati proportzionala ordaindu beharko du erakunde kontratatzaileak.

4. Asegurua: hargatik eragotzi gabe onuradunei dagokien Gizarte Segurantzaren estaldura, laguntzek erantzukizun zibilaren eta istripuen aseguru bat barne hartuko dute, zeina EAEko Administrazio Orokorrak kudeatuko baitu. Horrez gain, I. modalitateko ikertzaileak bidaiako asistentzia-aseguruaren onuradun izango dira. Aseguru horren estaldurak aldaezinak dira. Bidaiako laguntza-asegurua interesdunaren ezkontideari eta 25 urtetik beherako seme-alabei ere aplika dakieke, baldin eta interesdunak hala eskatzen badu eta interesdunarekin batera egongo badira atzerrian egonaldi osoan edo aldi luzeetan. Luzapentzat hartuko da onuradunarekin bizitzen egindako aldia, ez bada bisitaldi edo oporraldi batengatik, hilabetetik gorakoa. Aseguru hori, era berean, antolamendu juridikoak onartzen dituen edozein frogagiriren bitartez egiaztatutako izatezko bikoteentzat ere baliagarria izango da.

5. Bidaia-gastuak eta bisa. I. modalitatearen onuradunak diren ikertzaileentzat osagarri bat ezarriko da lekualdatutako zentrora joan-etorriko bidaia bat finantzatzeko urtean. Taula hau kontuan hartuta ezarriko da bidaia horren zenbatekoa:

   (Ikus .PDF)

   Agindu honen ondorioetarako, eskatzailea Euskal Autonomia Erkidegoan erroldatuta dagoen probintziako hiriburua hartuko da jatorri-hiritzat, eta lerro zuzeneko distantzia https://es.distance.to/tresna erabiliz neurtuko da.

   Halaber, joan-etorriak egiteko bisa izapidetu behar izanez gero, 200 euroko diru-osagarri bat emango da.

6. Matrikula-gastuak. Gehigarri bat ezarriko da doktorego-ikasketetan matrikula formalizatzearen ondoriozko gastuak estaltzeko. Gehigarri horrek ezin izango ditu gainditu Euskal Herriko Unibertsitateko goi-mailako hezkuntza-zerbitzu publikoen prezioak finkatzen dituen Zientzia, Unibertsitate eta Berrikuntzako sailburuaren aginduan unibertsitateko ikasketa-zerbitzuengatik ezarritako prezio publikoen gehieneko zenbatekoak. Hauek izango dira finantzatu beharreko kontzeptuak: dedikazio osoko doktoregaiaren prestakuntza eta jarraipena, doktorego-programetako tutoretza-matrikula eta matrikula-gastu finkoak, istripu-aseguru oinarrizkoa eta eskola-asegurua barne. Gehienez 273,17 euro ordainduko dira matrikulagatik.

7. Kalte-ordaina. Osagarri bat finkatu da jardunari uztearen ondoriozko kalte-ordaina estaltzeko, kontratua amaitzean indarrean den araudiaren arabera, baldin eta onuraduna laguntzaren laugarren urtean badago.

   Lan egindako urte bakoitzeko hamabi eguni dagokien kopurua estaliko du gehienez osagarri horrek, programaren laugarren urtea amaitu arte. Gehienez 3.364 euro ordainduko dira kontratu bakoitzeko kalte-ordain gisa, beti programako laugarren urteko azkenengo ordainketan.

8. Doktoratu ondoko orientazio-aldia. Doktoratu ondoko orientazio-aldia betetzeko gehigarri bat ezarri da. Gutxienez 6 hilabetez finantzatuko da, eta gehienez ere 12 hilabetez luzatu ahal izango da, deialdi honetan horretarako dagoen zuzkiduraren arabera.

9. Ordaintzeko modua.

   1. Ordainsaria. Ordainsaria zatika ordainduko zaie erakunde kontratatzaileei: laguntzaren bi hilekori dagokion ordainsaria (lehenengo ordainketa) ebazpen bidez esleitutako laguntza onartzean ordainduko da, edo, hala badagokio, aginduaren 11.1 oinarrian adierazitako epea igaro eta gero, onuradunak laguntzari espresuki uko egin ez badio. Gainerakoa, hiru alditan ordainduko da: bat 2026ko martxoan (lau hileko), beste bat 2026ko maiatzean (hiru hileko), eta hirugarren bat 2026ko urrian (hiru hileko).

      Bigarren ordainketa egiteko, kontratuaren kopia aurkeztu beharko dute onuradunek, edo, hala badagokio, haren luzapenak, informatika-aplikazioaren bidez, agindu honen 9. oinarriko 4. puntuan xedatzen den bezala.

      Prestakuntzako ikertzaileei egindako ordainketengatik, ezarpen-zentroek eta Ikerbasquek dagozkien konturako atxikipenak eta diru-sarrerak egingo dituzte.

   2. 2025-2026 ikasturteko matrikula. Matrikularen zenbatekoa lehenengo ordainketan ordainduko zaio erakunde kontratatzaileari. Erakunde kontratatzaileak ordainketa bakar batean ordainduko dio onuradunari zenbateko hori, hirugarren hileroko ordainsarian.

   3. Bidaiak eta bisa. Bidaia-gastuetatik eta bisatik eratorritako gastuak erakunde kontratatzaileari ordainduko zaizkio bigarren ordainketan. Erakunde kontratatzaileak ordainketa bakar batean ordainduko dizkio onuradunari zenbateko horiek, hirugarren hileroko ordainsarian.

   4. Kalte-ordaina. Jarduera uzteagatik kalte-ordainari dagokion zenbatekoa erakunde kontratatzaileari ordainduko zaio, programako laugarren urteko azkenengo ordainketan.

      Dena dela, ez da ordainketarik egingo baldin eta onuradunak ez baditu ordaindu zerga-betebeharrak eta Gizarte Segurantzarekikoak, eta, orobat, itzulketa-ebazpen bat dela medio, zorduna bada.

      7. oinarria. Doktorego-tesien zuzendarien betekizunak.

      1. Laguntzaren onuraduna atxikita dagoen unibertsitatearekin edo ikerketa-zentroarekin kontratu- eta lan-lotura iraunkorra izan eta zerbitzu aktiboan dagoen doktore batek zuzendu ahal izango du doktorego-tesiaren proiektua.

         Ondorio horietarako, iraunkortzat joko da Ikerbasquek «Research Professor» edo o «Research Associate» kategorietan kontratatutako ikertzaileen eta haiek atxikita dauden erakundeen arteko lotura.

         Ikerketa espezifikoko laguntzen lerroan, hala neutronikan nola hezkuntzan, eta B eta I. modalitateetan, nahitaezko betekizuna izango da doktorego-tesian zuzendarikidea den Zientzia eta Teknologiarako Euskal Sistemako ikertzaile batek zuzentzea.

         Gainera, unibertsitateen kasuan, tesiaren zuzendariak (edo, bestela, tesiaren zuzendarikideak) eskatzailea atxikita dagoen departamentuko kide izan behar du.

      2. Tesiaren zuzendariak kontratu-lotura ez-iraunkorra baldin badauka laguntzaren onuraduna atxikita dagoen unibertsitatearekin edo ikerketa-zentroarekin, eskatutako proiektuak beste edo gehiago iraun beharko du kontratu horrek. Proiektuaren zuzendariak ez badu betekizun hori betetzen, nahitaezkoa izango da zuzendarikide baten lankidetza izatea, laguntzaren onuraduna atxikita dagoen unibertsitatearekin edo ikerketa-zentroarekin laguntzaren aldi osorako kontratu bidezko harremana duena.

      3. Eskabide bakoitzean, tesi-proiektuaren bi zuzendari agertuko dira gehienez, zuzendari eta zuzendarikide modura; eskubide eta betebehar berak izango dituzte biek.

         Zuzendarikide bat baldin badago, hark ere sinatu beharko ditu agiri guztiak, alegia, deialdi honen arabera proiektuaren zuzendariak sinatu behar dituen agiri guztiak.

      4. Doktorego-tesiaren proiektu baten zuzendariak edo zuzendarikideak ezingo du eskabide batean baino gehiagotan azaldu deialdi honetako modalitateetan, ez zuzendari gisa ez zuzendarikide gisa.

      5. Doktorego-tesiaren proiektu baten zuzendaritza edo zuzendarikidetza bere gain hartzen duenak, eskatzaileak hautatutako doktorego-programak ezarritako betekizunak ere bete beharko ditu doktorego-tesien zuzendaritza eta zuzendarikidetzari dagokionez.

      6. Tesiaren zuzendariek eskabidea aurkezten den unean bete beharko dituzte oinarri honetan xedatutako betekizunak, eta berauek betetzen jarraitu beharko dute laguntza amaitu arte.

         3. ATALA

         ESKUBIDEAK ETA BETEBEHARRAK

      8. oinarria. Ikertzaile onuradunen eskubideak.

      1. Ikerketa-proiektua gauzatzeko behar duten lankidetza eta laguntza jasotzea ezarpen-zentrotik, zentro horrek ahal duen neurrian.

      2. Dagozkion departamentuetan eta institutuetan integratuta egotea, eta horietan parte hartzea, bere ezarpen-zentroko estatutuak adierazten duen moduan.

      3. Ezarpen-zentroko estatutuak ematen dizkion opor-erregimena, lizentziak eta baimenak baliatzea.

      4. Dagokion laguntza ekonomikoa jasotzea deialdi honetan adierazitako moduan.

      5. Atzerrian ikerketa-egonaldi bat egiteko laguntza ekonomikoa eskatzea, Zientzia, Unibertsitate eta Berrikuntzako sailburuaren urteroko aginduan aurreikusitako baldintzetan, zeinaren bidez egiten baita Zientzia, Unibertsitate eta Berrikuntza Sailak finantzatutako ikertzaileen prestakuntzarako doktoratu aurreko programako laguntzen ezarpen-zentroez bestelakoetan egonaldiak egiteko laguntza-deialdia.

      6. Norberaren ekarpenarekin bat etorriz, ikerketan egindako prestakuntza-jardueratik eratorritako jabetza intelektualaren eskubideak baliatzea, apirilaren 12ko 1/1996 Legegintzako Errege Dekretuak onartutako Jabetza Intelektualaren Legearen testu bateginak ezarritakoari jarraikiz. Eskubide horiek ez dute mendekotasunik izango egindako ikerketak eragin ditzakeen beste eskubide batzuekiko, eta horiekin osagarri eta metagarri izango dira. Horrek ez du eraginik izango lan kolektibotik eratorritako baldintzatzaileetan, prestakuntzako ikertzailea ikerketa-proiektu kolektibo batean parte hartzen ari denean edo horri lotuta dagoenean.

      7. Industria-jabetzaren gaineko eskubideei dagokienez, deialdi bakoitzak xedatutakoa hartuko da kontuan, Patenteei buruzko uztailaren 14ko 24/2015 Legearen esparruan. Horrez gain, urtarrilaren 18ko 55/2002 Errege Dekretuak ikerkuntza-erakunde publikoetan egindako asmaketak ustiatzeari eta lagatzeari buruzkoak xedatutakoa ere hartuko da kontuan, hala dagokionean. Aipatutako eskubide horiek ez dute, inola ere, soldata-izaera izango.

      8. ZTBLk 14. artikuluan ikertzaileentzat onartutako guztiak.

      9. Ezarpen-zentroak aitortutakoak diren eta deialdi honetan ezarritakoarekin bateraezinak ez diren eskubide guztiak.

      10. PLIEk aitortzen dizkien beste guztiak.

      9. oinarria. Ikertzaile onuradunen betebeharrak.

         Agindu honetan iragarritako laguntzen onuradunek Dirulaguntzen Araubidea arautzen duen abenduaren 21eko 20/2023 Legearen 14, 27 eta 42. artikuluetan araututako betebeharren araubidea bete beharko dute, eta, zehazki, honako hauek bete beharko dituzte:

      1. Jarraian adierazten diren egunetan hastea ezarpen-zentroan:

         1. Laguntza berri baten onuraduna, kontratua formalizatu, eta 2026ko urtarrilean hasiko da lanean bere ezarpen-zentroan. 2026ko otsailaren 1a baino lehen hasi beharko du aldiak, bai ondorio ekonomikoetarako, bai denbora zenbatzeko, baita Gizarte Segurantzan alta emateko ere.

            Onuraduna 2026ko urtarrilaren 31 baino geroago hasten bada lanean, emandako laguntza baliogabetu egingo da Zientzia eta Berrikuntzako sailburuordearen ebazpen baten bidez.

         2. Laguntza berritzea lortzen duten ikertzaileek prestakuntza-jarduerarekin jarraitu beharko dute, etenaldirik egin gabe, eta dagokien ezarpen-zentroaren lan-egutegia bete beharko dute.

         3. Onuradun berriak eta berrituen onuradunak ezarpen-zentroan sartu direla egiaztatu beharko da, zentroko atxikipen-departamentuaren zuzendariak eta ikerketa-proiektuaren zuzendariak sinatutako agiri baten bidez. Agiriak atxikipenerako aurreikusitako data berbera izan beharko du. Idazki hori Zientzia Politikako Zuzendaritzara bidaliko da, 2026ko otsailaren 14a baino lehen, onuradunak laguntza-eskabidea egiteko erabili duen informatika-aplikazioaren bidez.

      2. Ikerketa-jarduera dedikazio esklusiboko erregimenean gauzatu beharko da, agindu honetako 13. oinarrian ezarritakoa bazter utzi gabe.

      3. Atzerrian 4 eta 6 hilabete arteko egonaldi jarraitua egitea ezarpen-zentroa ez den beste batean. Egonaldi hori doktoratu aurreko laguntzaren hirugarren berritzea ebatzi aurretik hasita izan beharko da, eta modu jarraituan egin beharko da. Betebehar hori ez betetzeak laguntza ekonomikoa ez berritzea ekarriko du azken urtean.

      4. Ezarpen-zentroarekin edo Ikerbasquerekin sinatutako kontratuaren benetako kopia igortzea, berria edo luzapena izan, informatika-aplikazioaren bidez, Zientzia Politikako Zuzendaritzara, kontratua sinatzen den egunetik hasita 21 egun naturaleko epean beranduenez.

      5. Zientzia Politikako Zuzendaritzara igortzea, informatika-aplikazioaren bidez eta 2026ko martxoaren 15a baino lehen, 2025-2026 ikasturteko doktoregoko matrikularen zenbatekoa ordaindu izanaren frogagiria. Ez da beharrezkoa izango matrikula aplikazio zentroan egin baldin bada.

      6. Zientzia Politikako Zuzendaritzari jakinaraztea, informatika-aplikazioaren bidez, ikerketa-premiek eragindako irteerak, bi aste baino denbora gutxiagorako direnean eta Espainiara egiten direnean. Ezarpen-zentroaren ikerketa-premiengatik aldi baterako irteerak Espainiatik kanpora egin behar badira edo bi aste baino gehiago iraungo badute, baimena eskatu beharko zaio Zientzia Politikako Zuzendaritzari, eta hark baimendu beharko ditu.

         Baimena eskatzeko, azalpen-idazki bat aurkeztu beharko da, informatika-aplikazioaren bidez, gutxienez, aurreikusitako irteera-data baino hamar egun lehenago, eta departamentuko zuzendariak, proiektuko zuzendariak eta prestakuntzako ikertzaileak sinatu beharko dute.

         Baldin eta laguntzaren onuraduna aldi berean bada agindu honen 8.5 oinarrian zerrendatutako aldi baterako egonaldi baten onuraduna eta egonaldi horrek deialdiaren emate-ebazpenean ezarritako epea gainditzen badu, baimena eskatu beharko du aldi baterako irteera bat egiteko gehituko zaien epean atzerrian.

      7. Laguntza ematea ekarri zuten hasierako baldintzetan izandako aldaketa oro (proiektua, proiektuaren zuzendaritza, ezarpen-zentroa, eta abar) jakinaraztea bai Zientzia Politikako Zuzendaritzari eta bai ezarpen-zentroari, informatika-aplikazioaren bidez kasu honetan.

         Baldintzetan aldaketaren bat egiteko Zientzia Politikako Zuzendaritzaren baimena beharko da. Aldaketa-eskabidea idazki arrazoitu bidez egingo da, eskatzaileak sinatu beharko du, eta aldaketa horretan zerikusia duten guztien oniritzia beharko da.

         Dena dela, baimentzen diren aldaketek bermatu beharko dute laguntza ematea eta orduko kalifikazioak lortzea eragin zuen kalitatearen antzekoa izango dela kalitatea, eta ez da aldaketarik egongo emandako laguntza ekonomikoaren zenbatekoan.

      8. Laguntzari edo doktoratu ondoko orientazio-aldiari uko egiten zaiola jakinaraztea, bai ezarpen-zentroari eta bai Zientzia Politikako Zuzendaritzari, kasu honetan informatika-aplikazioaren bidez, 12. oinarrian xedatutako termino eta baldintzei jarraikiz.

      9. Ezarpen-zentroari eta Zientzia Politikako Zuzendaritzari kasu honetan, aplikazio informatikoaren bidez hilabete lehenago jakinaraztea tesia irakurtzeko aurreikusitako data bai eta doktoratu ondoko orientazio-aldiari atxikitzeko asmoa ere.

      10. Doktore-titulua lortu izana jakinaraztea, bai Zientzia Politikako Zuzendaritzari eta bai ezarpen-zentroari, kasu honetan informatika-aplikazioaren bidez, titulua lortzen den egunetik aurrera gehienez 10 egun naturaleko epean.

          Doktore-titulua laguntza betearazi bitartean eskuratzen bada, Zientzia Politikako Zuzendaritzari aurkeztu beharko zaio, informatika-aplikazioaren bidez, doktoratu aurreko kontratuaren eranskina, doktoratu ondoko orientazio-aldira atxikitzen bada, formalizatzen den egunetik gehienez 10 egun naturaleko epean. Halaber, doktorego-tesiaren defentsa- eta onarpen-egintzaren ziurtagiria aurkeztu beharko da, bai eta lan- eta jarduera-programa bat ere doktoratu ondoko orientazio-aldirako; azken horretan, aldi horretarako tutorea zein den jaso beharko da. Programa hori laguntzaren informatika-aplikazioan eskuragarri dagoen formatu normalizatuan aurkeztu beharko da.

      11. Laguntza baliatzeko epe osoa amaitu eta hurrengo hilabetean, hala badagokio doktoratu ondoko orientazio-aldia barne, egindako ikerketa-jarduera guztiei eta haien emaitzei buruzko amaierako txostena aurkeztea (10 orrialde, gehienez) Zientzia Politikako Zuzendaritzari, informatika-aplikazioaren bidez, informatika-aplikazioan eskuragarri dagoen formatuan. Txostenak proiektuaren zuzendariaren bermea izan beharko du. Halaber, txosten hori aurkeztu beharko dute doktore-titulua eskuratu dutelako laguntzaren onuradun izateari utzi diotenek eta aurreikusitako epea igaro baino lehen laguntzari uko egin diotenek.

      12. Laguntza baliatzen duen bitartean egiten diren argitalpen guztietan eta doktorego-tesian azaltzea Eusko Jaurlaritzako Zientzia, Unibertsitate eta Berrikuntza Sailak doktore ez diren ikertzaileak prestatzeko duen doktoratu aurreko programaren onuradun dela.

      13. Aprobetxamenduz gauzatzea ikerketa-proiektuko lan-planean eta doktorego-programan aurreikusitako jarduerak.

      14. Ezarpen-zentroaren funtzionamenduko, segurtasuneko eta lan-osasuneko arauak onartzea, ezagutzea eta betetzea.

      15. Erakunde batzuentzat diharduela kontuan hartuta, ikerketa-jarduera gauzatzeko orduan erakunde horien izenak erabiltzea, barne-araudien eta erakundeek sinatutako akordio eta hitzarmenen arabera.

      16. Zientzia hedatzeko kanpainetan parte hartzea, ezarpen-zentroko komunikazio-politikaren esparruan.

      17. Zientzia-alorreko prestakuntza eta esperientzia-trukea sustatzeko politikaren esparruan Zientzia Politikako Zuzendaritzak antolatutako jardueretan parte hartzea.

      18. Dirulaguntza jasotako jardueren xedea edo izaera asko aldatzen duen edozein gorabeheraren berri ematea; era berean, Zientzia, Unibertsitate eta Berrikuntza Sailari laguntzea jarduera horien egiaztapen-, ikuskapen-, jarraipen- eta kontrol-prozeduretan.

      19. Laguntzen zertarakoa fiskalizatzeko dituzten zereginak betez, Kontrol Ekonomikoko Bulegoak eta Herri Kontuen Euskal Epaitegiak eskatzen dieten informazio oro ematea.

          Edonola ere, prestakuntza-aldiko ikertzailearen betebeharren mende daude zuzkidura ekonomikoak jasotzea eta laguntza berritzea. Betebehar horiek ez badira egiten, laguntza ezeztatzeko dagokion prozedura bideratu ahal izango da, baita, hala badagokio, laguntza itzultzeko prozedura ere.

10. oinarria. Ezarpen-zentroaren eta erakunde kontratatzaileen betebeharrak.

1. Ezarpen-zentroak betebehar hauek izango ditu, kontratu-aldian ikertzailearekiko kontratu-harremanetik sortzen direnez gainera:

   1. Laguntzaren onuradun den ikertzaileari lan-kontratua egitea ZTBLn helburu horretarako ezarritakoaren arabera, betiere indarrean dagoen lan-arloko legeriari jarraikiz, eta agindu honetan ezarritako iraupen, ordainsari eta gainerako ezaugarriak kontuan hartuta.

   2. Kontratuari eranskin bat egitea doktoratu ondoko orientazio-aldia garatzeko laguntza amaitu aurretik doktore-titulua lortzen duten kontratudunekin; aldi horrek 12 hilabete iraungo du gehienez, doktore-titulua eskuratzen den egunaren biharamunetik aurrera zenbatzen hasita. Ondore horietarako, kontuan hartu da doktore-titulua doktorego-tesiaren defentsa- eta onarpen-egintzaren datan lortu dela.

   3. Zientzia Politikako Zuzendaritzari jakinaraztea laguntza emateko hasierako egoerari uko egin zaiola, egoera hori eten egin dela, aldatu egin dela, eta gertatzen den bateraezintasun-arrazoi oro, baita laguntzaren xedea normaltasunez betetzea eragotz lezakeen gainerako gorabeherak ere, 21 egun naturaleko epean gehienez, gertatzen diren egunetik aurrera.

   4. Onuradunei behar duten laguntza ematea, eta beren jarduera ongi gauzatzeko behar dituzten bitartekoak, tresnak edo ekipoak erabiltzeko aukera ematea.

   5. Programa behar bezala garatzen dela zaintzea; onuradunari ezin zaio eskatu bere ikerketaren garapenarekin lotuta ez dagoen beste jarduerarik egitea.

   6. Prestakuntzako ikertzaileari aukera ematea, ikertzen ari den departamentuetan, institutuetan eta erakunde publiko edo pribatuetan integratzeko.

   7. Laguntza-programa honen barruan ezarpen-zentroaren eta ikertzailearen artean egindako kontratuek adierazi beharko dute Eusko Jaurlaritzako Zientzia, Unibertsitate eta Berrikuntza Saileko finantza-laguntza dutela Doktore ez diren ikertzaileak prestatzeko Programaren bitartez.

   8. Kontrol Ekonomikorako Bulegoak eta Herri Kontuen Euskal Epaitegiak eskatutako informazio guztia ematea, laguntzen xedearen fiskalizazio-eginkizunak betetze aldera.

   9. Ezarpen-zentroak 2027ko lehen hiruhilekoan justifikatu beharko du zertan erabili dituen agindu honen xede diren laguntzak garatzearen ondorioz jasotako funtsak. Helburua da erregularizatzea zentro horiei ikertzaileen ordainsari gordinetarako ordaindutako zenbatekoen eta, agindu honetan jasotako egoera guztiak aplikatuta, azkenean ematen direnen arteko aldea. Era berean, bidaia-gastuetan egindako ordainketak justifikatu beharko dira.

      Horretarako, ezarpen-zentroak ziurtagiri bat bidali beharko du Zientzia Politikako Zuzendaritzara, Erregistro elektroniko orokorraren laguntzailearen bidez Izapidetze-formularioa (euskadi.eus). Ziurtagiri horretan, honako hauek jasoko dira: laguntzaren onuradun bakoitzari emandako urteko soldata gordina, Gizarte Segurantzari egindako ekarpenak, kontratua amaitzean kontratu bakoitzari dagokion kalte-ordainari dagozkion zenbatekoak eta doktorego-programako matrikularen kostua. Ezarpen-zentroak jasotako zenbatekoak benetan aplikatutakoak baino handiagoak badira, aldea likidatuko da, Zientzia eta Berrikuntzako sailburuordearen ebazpen baten bidez.

      Hala ere, onuradunak bere kontratua amaitu baino lehenago amaitzen badu laguntzaren aldia, une horretan bertan justifikatu ahalko du ezarpen-zentroak, aurreko paragrafoan aipatzen den moduan.

   10. Diruz lagundutako jardueraren xedea edo izaera funtsean aldatzen duen gorabehera ororen berri ematea, baita Zientzia, Unibertsitate eta Berrikuntza Sailarekin lankidetzan aritzea ere, jarduera horien egiaztapen-, ikuskapen-, jarraipen- eta kontrol-prozeduretan.

       I. modalitateko onuradunen ezarpen-zentroek 1.c, 1.d eta 1.e apartatuetan adierazitakoa soilik hartuko dute kontuan.

       3. Entitate kontratatzailea, erakunde laguntzaile gisa, Euskal Autonomia Erkidegoko Administrazio Publikoaren laguntzen eta dirulaguntzen araubideari buruzko abenduaren 21eko 20/2023 Legearen 12. artikuluan xedatutakoaren mende egongo da.

          4. ATALA

          LAGUNTZA ONARTZEA, UKO EGITEA ETA BATERAEZINTASUNAK

       11. oinarria. Laguntza onartzea.

       1. Agindu honetan araututako doktoratu aurreko laguntza berriaren onuradunak 10 egun balioduneko epea izango du laguntzari beren-beregi uko egiteko, emate-ebazpena https://www.euskadi.eus/iragarki-taula-elektronikoa/ egoitza elektronikoaren iragarki-taulan jakinarazten denetik aurrera. Uko egiten bada, laguntza baliatzen hasi baino lehen izango ditu ondorioak uko-egite horrek. Uko-egitea informatika-aplikazioaren bidez egingo da, eta Zientzia eta Berrikuntzako sailburuordearen ebazpen bidez onartuko da. Puntu honetan ezarritako moduan eta epean aurkezten bada uko-egitea, 32.7 oinarrian ezarritakoaren arabera adjudikatuko da berriro hutsik dagoen laguntza. Horrelakorik egin ezean, laguntza onartutzat hartuko da.

       2. Prestakuntzan ari diren ikertzaileek laguntza onartzen badute, ulertuko da 8. eta 9. oinarrietan jasotako eskubideak eta betebeharrak aitortzen dituztela.

       12. oinarria. Laguntzari uko egitea.

       1. Kontratua formalizatuta, eta laguntza baliatzeko aldiaren barruan, onuradunak laguntzari uko egiteko aukera izango du, horretarako arrazoiak adierazita. Uko-egitea informatika-aplikazioaren bidez jakinarazi beharko da, eta, horretarako, Ikerketako zuzendariari idatzi bat helarazi beharko zaio. Idatzi hori ikertzaileak berak eta ezarpen-zentroko legezko ordezkariak sinatu beharko dute, eta bertan adierazita egon beharko dira laguntzari uko egiteko arrazoiak eta uko-egite horrek zein egunetatik aurrera izango dituen ondorioak. Ondorioak hasteko eguntzat hartuko da gertatu den eguna. Uko-egitearen ondorioak hasteko eguna baino 10 egun baliodun lehenago egingo da jakinarazpen hori, beranduenez. Laguntzari uko egiten dion onuradunaren ezarpen-zentroa EHU bada, justifikazio-idatzia Ikerketako errektoreordeak sinatu beharko du.

       2. Onuradunak alegatutako arrazoiak justifikazio nahikotzat jotzen badira, Zientzia eta Berrikuntzako sailburuordearen ebazpen baten bidez onartuko da uko-egitea.

       3. Ikertzaileak uko egiten badu, zentro enplegatzaileak itzuli egin beharko ditu kontratua finantzatzeko erabili gabeko zenbatekoak. Uko-egitearen ondorio ekonomikoak uko-egite hori gauzatzen den egun berean hasiko dira, hargatik eragotzi gabe bidegabeko ordainketak gauzatu badira egin beharko diren itzultzeak. Laguntza berrien kasuan, uko egin arte jasotako diru guztia itzuli egin beharko du onuradunak, baldin eta laguntza baliatzeko lehen hiruhilekoan uko egiten bada.

       13. oinarria. Bateraezintasunen araubidea.

       1. Agindu honetako laguntzak bateraezinak dira, oro har, funts publikoekin edo pribatuekin finantzatutako bestelako laguntzekin xede bera baldin badu, ez eta soldatak jasotzearekin ere.

       2. Zientzia Politikako Zuzendaritzak baimendu ahal izango du laguntza bateragarria izan dadin prestakuntza-helburuko irakaskuntza-zereginetan lankidetzan aritzearekin, urtean 60 orduz gehienez; 180 ordukoa izango da laguntzen aldi osorako gehieneko muga, inola ere indargabetu gabe laguntzaren ikerketa-helburua.

          Eskatzailea doktorego-programa egiteko matrikulatuta dagoen gradu-irakaskuntzan eta unibertsitatean egingo da lankidetza hori. Gainera, ez du inola ere murriztuko lankidetza esleitzen duen sailaren irakaskuntza-zama, ezta ordezkapenik egingo irakasgaiaren ardura duen irakasleen irakaskuntzan, eta irakasgaiaren ardura duen irakasleekin batera egingo da, talde txikitan (mintegietan, laborategi edo ordenagailuko praktiketan, edo antzekoetan). Prestakuntzako ikertzailea ezin da inolaz ere aipatutako ikasgaiaren arduraduna edo koordinatzailea izan. Halaber, ez da lan-kontraturik egingo.

          Lankidetzaren baimen-eskabidea egiteko erabili den informatika-aplikazio beraren bidez eskatuko da lankidetza-baimena. Horretarako, aplikazio horretan dagoen txantiloia bete beharko da; irakaskuntzan laguntzen hasteko aurreikusitako eguna baino hamabost egun lehenago gutxienez eskatu beharko da baimen hori, eta, ikerketa-arloan eskumena duen errektoreordearen onarpena izateaz gain, atxikipen-saileko zuzendariak, doktorego-tesiaren proiektuaren zuzendariak eta zuzendarikideak, hala badagokio, eta ikertzaileak sinatu beharko dute eskabidea.

       3. Agindu honen babesean jasotako laguntzak bateraezinak dira bestelako ikasketa arautuekin, izan urrutiko modalitatean, izan aurrez aurrekoan.

       4. Zientzia Politikako Zuzendaritzak baimena eman dezake hizkuntzen ikasketak egiteko, baldin eta ezarpen-zentroko lanaldi normalizatutik kanpoko ordutegien izaera eta garapenak ez badakar onuradunaren ikerketa-jarduera garatzeko inolako kalterik.

          Ikasketak egiteko baimen-eskabidea informatika-aplikazioaren bidez egingo da eta doktorego-tesiaren proiektuko zuzendariak eta zuzendarikideak eta ikertzaileak sinatu beharko dute.

       5. Zientzia Politikako Zuzendaritzak beste irakaskuntza-zeregin batzuetatik datozen hartzekoak baimendu ahal izango ditu onuradunak berak gauzatzen duen ikerketarekin zuzenean lotutako irakaskuntza-zereginengatik (ikastaroak, hitzaldiak edo txostenak) edo ikerketa-lanengatik (liburuak, artikuluak edo erakusketak), baldin eta horiek guztiak aldizkakoak eta ezohikoak badira. Ordainsari horiek ezin izango dute laguntzaren urteko zenbateko gordinaren % 30 gainditu. Ez da baimenduko adierazitako parametroekin bat ez datorren beste jarduerarik.

          Baimen-eskabidea informatika-aplikazioaren bidez egingo da, eta lana hasteko aurreikusitako eguna baino hamabost egun lehenago, gutxienez. Baimen hori atxikipen-departamentuko zuzendariak, doktorego-tesiaren proiektuaren zuzendariak eta zuzendarikideak, hala badagokio, eta ikertzaileak berak sinatu beharko dute.

       6. Agindu honen babesean jasotako laguntzak bateraezinak dira ZTBLren 21. artikuluan xedatutakoaren babesean egindako doktoratu aurreko kontratu bat sinatu izanarekin, agindu honen ebazpena baino lehen.

       14. oinarria. Laguntzaren baldintzak aldatzea.

           Laguntza emateko kontuan izandako baldintzak aldatzen badira, edo, hala dagokionean, administrazio honek edo beste administrazio publiko batzuek emandako beste laguntza batzuk aldi berean lortzen badira, dirulaguntza emateko ebazpena aldatu ahal izango da, betiere agindu honetan ezarritako gutxieneko baldintzak betetzen badira. Ondorio horietarako, Zientzia eta Berrikuntzako sailburuordeak dagokion likidazio-ebazpena emango du, zeinetan emandako zenbatekoak berriz doituko baitira, eta laguntza horiek emateko ezarritako irizpideak eta mugak aplikatuko. Hartzaileek, beraz, sobera jasotako zenbatekoak itzuli beharko dituzte. Baldintzak aldatzeak emandako dirulaguntza osoa edo haren zati bat itzuli beharra baldin badakar, 18. oinarrian araututako itzultze-espedientea hasiko da.

       15. oinarria. Jarraipena.

           Zientzia Politikako Zuzendaritzak egin beharko du prestakuntzako ikertzaileek gauzatutako lanaren jarraipen zientifikoa eta teknologikoa. Horretarako, prozedura egokiak ezarriko ditu, eta egoki irizten dituen organo, batzorde edo adituak izendatu ahal izango ditu, laguntzaren aplikazioaren beharrezko jarraipen- eta egiaztapen-jarduerak gauzatzeko, eta, agindu honetan kasu bakoitzerako berariaz ezartzen den informazioaz gain beharrezkotzat jotzen duen informazio osagarria aurkez dadila eskatzeko.

       16. oinarria. Ikuskapena eta kontrola.

           Zientzia, Unibertsitate eta Berrikuntza Sailak behar diren ikuskapen- eta kontrol-lanak egin ahal izango ditu agindu honetako betekizunak eta baldintzak betetzen direla bermatzeko, hargatik eragotzi gabe Ekonomia eta Ogasun Saileko Kontrol Ekonomikoko Bulegoari esleitutako egitekoak.

       17. oinarria. Ez-betetzea.

           Onuradunak eta/edo ezarpen-zentroak edo erakunde kontratatzaileak Dirulaguntzen Araubidea arautzen duen abenduaren 21eko 20/2023 Legearen 36. artikuluan jasotako kasuetako batean badaude, edo agindu honetan eta bete beharreko gainerako arauetan aipatutako baldintzak edo betebeharrak betetzen ez badituzte, edo dirulaguntza emateko kontuan hartu ziren baldintzetako edo eskakizunetako bat edo batzuk betetzen ez dituztela egiaztatzen bada Dirulaguntzen Araubidea arautzen duen abenduaren 21eko 20/2023 Legearen 36. artikuluan eta dirulaguntza emateko ebazpenean ezarritakoaren arabera, laguntza jasotzeko eskubidea galtzeko eta, hala badagokio, jasotako zenbatekoak itzultzeko prozedurari ekingo zaio, dirulaguntzen arloan aplikatzekoak diren berandutze-interesekin batera (Dirulaguntzen Araubidea arautzen duen abenduaren 21eko 20/2023 Legearen 36.1 artikuluan jasotakoa aplikatuz).

       18. oinarria. Laguntza jasotzeko eskubidea galdu dela deklaratzeko eta, hala badagokio, laguntza itzultzeko prozedura.

           Agindu honetan xedatutakoa betetzen ez den kasuetan, hau izango da prozedura:

       1. Prozedura abiatzeko eta jakinarazteko ardura Ikerketako zuzendariarena izango da.

       2. Prozedura hasteko idatzian, prozedura bera hastearen arrazoiak jasoko dira, eta 10 eguneko epea emango da onuradunak egoki iritzitako alegazioak aurkezteko.

       3. Alegazioak jaso ondoren, edo, horretarako epean, alegaziorik jaso ez bada, amaiera emango zaio prozedurari, Zientzia eta Berrikuntzako sailburuordearen ebazpen baten bidez.

          Hamabi hilabetekoa izango da prozedura ebazteko eta jakinarazteko gehieneko epea.

          Ebazpenak ulertzen badu Dirulaguntzen Araubidea arautzen duen Legearen 36.1 artikuluan jasotako ez-betetzeak gertatu direla, laguntza jasotzeko eskubidea galdu dela adieraziko du, eta, hala badagokio, EAEko Diruzaintza Nagusiari itzuli behar zaizkiola behar diren kopuruak eta dirulaguntzen arloko berandutze-interes aplikagarriak Dirulaguntzen Araubidea arautzen duen Legearen 40. artikuluaren arabera.

       19. oinarria. Datuen babesari buruzko oinarrizko informazioa.

           Eskatzaileen datu pertsonalak tratatu egingo dira, eta tratamendu-jarduera honetan sartuko: Laguntzak eta dirulaguntzak (ikerketa sustatzekoak). Informazio hau barne hartuko du:

           Arduraduna: Zientzia politikako zuzendaritza, Zientzia, Unibertsitate eta Berrikuntza Saila.

           Helburua: Ikerketa finantzatzea eta bultzatzea.

           Legitimazioa:

           Tratamendua beharrezkoa da interes publikoaren izenean edo tratamenduaren arduradunari esleitutako botere publikoak egikaritzean egin behar den eginkizun bat betetzeko.

           38/2003 Lege Orokorra, azaroaren 17koa, Dirulaguntzei buruzkoa.

           20/2023 Legea, abenduaren 21ekoa, Dirulaguntzen Araubidea arautzen duena.

           3/2004 Legea, otsailaren 25ekoa, Euskal Unibertsitate Sistemarena.

           Hartzaileak:

           Autonomia-erkidegoko beste organo batzuk.

           Ekonomia eta Ogasun Saila.

           Patente eta Marken Espainiako Bulegoa.

           Eskubideak: Eskatzaileak eskubidea du datuak eskura izateko, datuak zuzentzeko eta ezerezteko, bai eta informazio gehigarrian adierazitako beste eskubide batzuk ere.

           Informazio gehigarria: Datuen babesari buruzko informazio gehigarri eta xehea gure web-orrian dago: https://www.euskadi.eus/informazio-klausulak/web01-sedepd/eu/gardentasuna/054300-capa2-eu.shtml

           Araudia:

           Datuak Babesteko Erregelamendu Orokorra (https://eur-lex.europa.eu/legal-content/ES/TXT/ HTML/?uri=CELEX:32016R0679&from=ES).

           3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa (https://www.boe.es/buscar/doc.php?lang=eu&id=BOE-A-2018-16673).

20. oinarria. Organo kudeatzailea.

    Zientzia Politikako Zuzendaritzari dagokio deialdi honetan aurreikusitako laguntzak kudeatzea.

21. oinarria. Eskabideak formalizatzea eta aurkezteko epeak.

1. Eusko Jaurlaritzaren egoitza elektronikoan telematikoki eskuragarri egongo den inprimakiaren bitartez baizik ezingo da egin eskabidea. Zehazki, helbide honetan aurki daiteke: https://www.euskadi.eus/zerbitzu_elkartzea/2025/predoc/web01-tramite/eu/

   Helbide horretatik, ikerketako informatika-aplikazioan sartuko da izangaia, eta bertan alta hartu beharko du erabiltzaile moduan, eta aplikazioan zehaztutako jarraibideak bete. Eskatzailearen identitatea egiaztatuko da, pertsona horren esanbidezko baimenarekin, datuak egiaztatzeko zerbitzuaren bitartez. Zerbitzu hori Administrazio Elektronikoari buruzko 21/2012 Dekretuaren bigarren xedapen gehigarrian jasota dago.

   Eskabidearekin batera aurkeztu beharreko dokumentazioa bide elektronikoz baino ez da aurkeztuko, urtarrilaren 11ko 4/2022 Dekretuaren arabera (Ikerketarako laguntza eta sariak eskatzeko eskabideetan eta gainerako izapideetan bitarteko elektronikoak erabiltzeko betebeharra arautzen duena), eta deialdi honetako 27. oinarrian laguntza berrietarako adierazitakoa izango da eta 35. oinarrian laguntza berritzeetarako adierazitakoa. Elkarreragingarritasun-eskema nazionala onartzen duen 4/2010 Errege Dekretuan eta hura garatzen duen araudian erregulatzen diren formatuetara egokituko da dokumentazio hori.

2. Eskabide telematikoa osorik betetakoan, eskatzailea identifikatu egin beharko da egoitza elektronikoak onartzen duen sinadura elektronikoko edozein sistemaren bidez. Horren ondoren, eskabidearen erregistro-prozesu elektronikoa osatzeko moduan izango da, alegia, sinadura elektronikoaren bidez eskabide bati balioa emateko, erregistratu dela jasota geratu beharko du. Hori ziurtatzeko, eskatzaileak agirien erregistro-elektronikoa/aurkezpen-erregistroa eskura dezake, «Ikusi egiaztagiria E/E» aukerarekin. Ez da onartuko erabat modu elektronikoan bete eta erregistratu ez den eskabiderik.

3. Helbide honetan ageri dira onartutako identifikazio-sistema elektronikoak: https://www.euskadi.eus/identifikazio-elektronikorako-onartutako-bitartekoak/web01-sede/eu/

4. Eskabideak berriak zein berritzeenak aurkezteko epea agindu hau EHAAn argitaratu eta hurrengo egunetik 2025eko irailaren 8ra arte, hori barne, izango da.

5. Izangai bakoitzak eskabide bakar batekin parte hartu ahal izango du deialdi honetan. Informatika-aplikazioak ez die beste eskabiderik egiten utziko aurretik eskabide bat eginda duten hautagaiei.

6. Eskabideak aurkezteko epea amaitu ondoren, ezingo da eskabiderik aldatu, Zientzia Politikako Zuzendaritzak behar bezala baimendutako salbuespeneko kasuetan izan ezik.

7. Agindu honen III., IV. eta V. eranskinetan azaltzen dira eskabide-ereduak.

22. oinarria. Eskaera aurkeztearen inplikazioa.

    Laguntzaren eskaera aurkezteak berekin dakar:

1. Deialdiaren oinarriak onartzea.

2. Interesdunaren baimena, eskaeran jasotako datuak Eusko Jaurlaritzaren Zientzia, Unibertsitate eta Berrikuntza Saileko fitxategi informatizatuetan sartzeko.

3. Eusko Jaurlaritzaren Zientzia, Unibertsitate eta Berrikuntza Sailari baimena ematea beste administrazio batzuekin elkarreragingarritasun-zerbitzuen bitartez era automatizatuan kontsultatzeko eta eskuratzeko laguntza izapidetzeko behar-beharrezkoak diren datuak.

23. oinarria. Eskabideetako akatsak zuzentzea.

    Laguntzen eskabideak oso-osorik beteta etorri ezean, edo manuzko agiri guztiekin batera aurkezten ez badira, Administrazio Publikoen Administrazio Prozedura Erkidearen 39/2015 Legearen 68.1 artikuluaren arabera, interesdunari eskatuko zaio akats hori zuzentzeko edo nahitaezko agiriak telematikoki aurkezteko hamar egun balioduneko epe luzaezinean. Zuzentze-prozedura hori egiteko, 21. oinarriaren 2. eta 3. apartatuetan ezarritako prozedurari jarraituko zaio. Eskatzaileak hala egiten ez badu, eskabideari uko egin diola ulertuko da; hala ere, Administrazioak uko-egite edo atzera-egite hori adierazten duen berariazko ebazpena eman beharko du. Administrazio Publikoen Administrazio Prozedura Erkidearen 39/2015 Legearen 21.1 artikuluan arautzen den moduan jakinarazi beharko da ebazpen hori.

    Zuzentzeko errekerimendua jakinarazteko, zuzendu beharreko eskabideen zerrenda argitaratuko da egoitza elektronikoko iragarki-taulan: https://www.euskadi.eus/iragarki-taula-elektronikoa/. Era berean, jakinarazpen elektroniko bat bidaliko da Euskal Autonomia Erkidegoko Administrazio Publikoaren egoitza elektronikoko «Nire karpeta» atalera (https://www.euskadi.eus/nire-karpeta/web01-sede/eu/). Ziurtagiri elektronikoaren bidez sartuko da bertara.

24. oinarria. Laguntzak emateko prozedurak.

1. Deialdi honetan aurreikusitako laguntza berriak lehiaketa bidez emango dira, modu independentean ikerketa orokorrerako eta berariazko ikerketarako, publizitateari, gardentasunari, objektibotasunari, berdintasunari eta bereizkeriarik ezari buruzko printzipioen arabera.

   Horretarako, aurkeztutako eskabideak alderatuz emango dira laguntzak, laguntzen artean hautapen-irizpideen araberako hurrenkera bat ezartzeko. 65 puntu lortzen dutenei soilik emango zaie laguntza, hurrengo kapituluetan jasotzen diren baldintzetan.

2. Laguntzak era independentean berrituko dira, izan ikerketa orokorreko modalitatean zein ikerketa espezifikoko modalitatean, baldin eta eskabidea garaiz eta forma egokian aurkezten bada eta 33. oinarrian ezarritako baldintzak betetzen direla agiri bidez egiaztatzen bada, betiere.

   1 oinarrian aurreikusitako zenbatekoa kalkulatzeko, oinarritzat hartu da programa honetan legez jardunean diren gaitutako onuradun guztiek berritzea eskatuko dutela.

   Doktoratu ondoko orientazio-aldia betetzeko finantzaketaren ondorioetarako, tesiak irakurtzeko ordenaren arabera emango dira laguntzak. Doktoratu ondoko orientazio-aldiari atxikitzeko eskabideak 9.9 oinarrian ezarritako moduan onartuko dira. Oinarri horretan aurreikusitako laguntza Zientzia eta Berrikuntzako sailburuordearen ebazpen bidez emango da. Aurkeztutako eta izapidetzen ari diren eskaerei ezin izan bazaie erantzun esleitutako aurrekontu-zuzkidura agortu delako, horregatik ukatuko zaie Zientzia eta Berrikuntzako sailburuordearen ebazpen bidez.

1. ATALA

BETEKIZUNAK ETA AGIRIAK

25. oinarria. Eskatzaileen betekizunak.

1. EAEko udalerriren batean erroldatuta egotea eskabidea aurkezteko unean; 2025eko urtarrilaren 1etik aurrera A modalitatean aurkeztuz gero, edo 2023ko urtarrilaren 1etik aurrera B edo I. modalitateetan aurkeztuz gero.

   Hala ere, onartu egingo dira Euskal Autonomia Erkidegoan erroldatuta egon ohi diren pertsonen eskabideak, baldin eta betekizun hori betetzen ez badute deialdi honen xedearekin lotutako graduko edo graduondoko unibertsitate-ikasketak Euskal Autonomia Erkidegotik kanpo egin dituztelako.

2. Erkidegotik kanpoko atzerritarren kasuan, bizileku-baimena edukitzea.

3. Doktorego-programa ofizial batean matrikulatuta edo onartuta dagoela egiaztatzea.

   Hala ere, deialdian parte hartzeko eskabidea onartuko zaie 2025eko azaroaren 15erako doktorego-programan onartuak izatea espero duten pertsona guztiei. Eskabide hori behin-behinean ebaluatuko da, eta, behin betiko onartzeko, eskatzaileak Zientzia Politikako Zuzendaritzara programan onartu dutela egiaztatzen duten agiriak igorri beharko ditu informatika-aplikazioaren bidez, hartarako ezarritako epean.

4. Titulazio hauetakoren bat duela egiaztatzea:

   1. Graduko eta unibertsitate-masterreko Espainiako titulu ofiziala, baldin eta gutxienez 300 ECTS kreditu gainditu badira (horietatik, gutxienez, 60 kredituk master-mailakoak izan behar dute) bi irakaskuntza horietan. Ezinbesteko betekizuna da unibertsitate-masterra amaituta izatea.

   2. Espainiako unibertsitate-titulu ofiziala (Lizentzia, Arkitektura, Ingeniaritza, Arkitektura teknikoa, Ingeniaritza teknikoa, Diplomatura), edo Europako Goi-mailako Hezkuntzaren Esparrua osatzen duen beste herrialde batekoa, masterrerako sarbidea lortzeko gaitzen duena, urriaren 18ko 889/2022 Errege Dekretuan ezarritakoaren arabera (atzerriko hezkuntza-sistemako unibertsitate-irakaskuntzak homologatzeko, baliokidetzat jotzeko eta baliozkotzeko baldintzak eta prozedurak ezartzen dituena eta aurreko antolamendu akademikoetako unibertsitate-titulu ofizialak goi mailako hezkuntza kualifikazioen Espainiako esparruan duten baliokidetasuna ezartzeko prozedura arautzen duena), eta unibertsitate-ikasketa ofizial guztietan gutxienez 300 ECTS kreditu gainditu izana, eta horietatik, gutxienez 60 master-mailakoak izatea. Ezinbesteko betekizuna da unibertsitate-masterra amaituta izatea.

      Nolanahi ere, kautelaz onartuko dira, a) eta b) puntuetan deskribatutako kasuetan, eskabidea egiten den unean, master-amaierako lanaren kalifikazioaren zain daudelako soilik, masterreko ikasketak bukatu ez dituzten eta doktorego-programan sartzeko master-titulua 2025eko urriaren 31rako lortzea espero duten pertsonen eskabideak. Eskabidea behin betiko onartuko da horretarako ezarritako epean, hots, 2025eko urriaren 31 baino lehen masterra amaitu duela egiaztatzen duten agiri ofizialak Zientzia Politikako Zuzendaritzara igortzen dituenean eskatzaileak.

   1. eta b) puntuetan deskribatutako kasuetan, unibertsitate-master ofizialak izango dira baliozkoak, baina ez berezko masterrak.

   2. Goi-mailako hezkuntzarako kualifikazioen espainiar esparruko 3. mailari dagokion baliokidetasuna eskuratu duen unibertsitate-titulu ofiziala, urriaren 18ko 889/2022 Errege Dekretuan ezarritakoaren arabera (atzerriko hezkuntza-sistemako unibertsitate-irakaskuntzak homologatzeko, baliokidetzat jotzeko eta baliozkotzeko baldintzak eta prozedurak ezartzen dituena eta aurreko antolamendu akademikoetako unibertsitate-titulu ofizialak goi mailako hezkuntza kualifikazioen Espainiako esparruan duten baliokidetasuna ezartzeko prozedura arautzen duena).

      Kasu honetan, c) puntukoan, baliozkotzat joko da unibertsitateak emandako ziurtagiria, titulua lortzeko ECTS kreditu guztiak gainditu direla egiaztatzen badu.

      Aurreko kasu guztietan, unibertsitate-graduko titulu bat baino gehiago izanez gero, espediente akademikoa eta titulazioa eskuratzeko data kalkulatzeko, hautatutako doktorego-programarekin zerikusirik handiena duena, soilik, hartuko da kontuan. Gainerako titulazioak ere kontuan hartu ahal izango dira curriculum vitaea balioesteko.

5. Gradu, lizentzia, arkitektura, ingeniaritza, arkitektura tekniko, ingeniaritza tekniko edo diplomaturako ikasketen amaiera-data 2021eko ekaina izango da, edo geroagoko data, salbuespen hauekin:

   1. Amaiera-data 2020ko ekaina edo geroagoko data izan daiteke 2019ko ekainetik 2021eko ekainera bitarte, gutxienez 3 hilabetez, 3 urtetik beherako seme-alabak artatzen eta zaintzen aritu diren eskatzaileen kasuan.

   2. Ikasketak amaitzeko data 2017ko ekaina edo geroagoko data izan daiteke Medikuntza, Farmazia, Biologia, Kimika edo Psikologia lizentziadunentzat, baldin eta laguntza eskatzen dutenean Medikuntzako Espezialitateko titulu ofiziala (BABE) edo Farmaziako Espezialitatekoa (BAFE) badute, edo Biologia, Kimika edo Psikologiako espezialitateetako ziurtagiri ofiziala (BABE, BAKE edo BAPE, hurrenez hurren).

   3. Ikasketak amaitzeko data 2019ko ekaina edo geroagoko data izan daiteke eskatzaileek % 33ko desgaitasuna edo handiagoa izanik, egiaztatzen badute bateragarria dela proposatutako ikerketa-proiektua gauzatzearekin.

6. Batez besteko nota hau izatea, edo hortik gorakoa:

   1. 6 puntu, 10., 11. eta 12. arloak egiteko.

   2. 6,5 puntu, 1., 2., 3., 8., 9., 13., 15. eta 16. arloak egiteko.

   3. 7 puntu, 4., 5., 6., 7., 14., 17., eta 18. arloak egiteko.

   4. 6,5 puntu, ikerketa espezifikoko arloetan parte hartzeko, neutronikan zein hezkuntzan.

      Ikasketen espedienteak ez badu jasotzen batez besteko nota 1etik 10era bitarteko eskalan, honela kalkulatuko da: ikasgai bakoitzean lortutako zenbakizko kalifikazioa bider ikasgai horretako kreditu-kopurua, zati kalifikazioarekin guztira lortutako kreditu guztien batura. Berritu ez diren planen kasuan, batez besteko nota izango da lortutako kalifikazioen batuketa zati gainditutako ikasgai guztien kopurua.

      Espedientearen batez bestekoa kalkulatu ahal izateko, baliozkotu edo egokitu dituen unibertsitateak kalifikatu ez dituen baliozkotutako edo egokitutako ikasgaien edo kredituen kasuan, jatorrizko ikastetxean edo ikasketetan lortutako kalifikazioak zenbatuko dira, agiri bidez egiaztatuta baldin badaude, betiere. Agiri bidez egiaztatu ezean, gainditutzat joko dira.

      Era berean, espedienteko batez besteko nota kalkulatzeko, ez dira kontuan hartuko beste espezialitate batzuetako ikasgaietan lortutako notak, ezta master-ikasketen notak ere.

      Ikasketak atzerrian egin dituzten eskatzaileen kasuan, Espainiako Gobernuko Hezkuntzako eta Lanbide Heziketako Ministerioak emandako «Batez besteko notaren baliokidetasun-adierazpena» delakoan edo ANECAren ziurtagiri ofizialean ageri den espediente akademikoko batez besteko nota hartuko da aintzat.

      26. oinarria. Betekizunak betetzea.

      1. Eskatzaileek laguntza-eskabidea aurkezten dutenean egiaztatu beharko dute baldintzak betetzen dituztela, berariaz aipatutako salbuespenetan izan ezik.

      2. Betekizun horiek betetzen ez dituztenak edo eskatutako epean eta moduan egiaztatzen ez dituztenak hautaketa-prozesutik kanpo geratuko dira; ildo horretan, 28.2 oinarrian ezarritakoa hartu beharko da aintzat.

      27. oinarria. Laguntza berrietarako nahitaezko agiriak.

          Ondoren adierazten diren agiriak informatika-aplikazio bidez aurkeztu beharko dira eskabide-orriarekin batera, 21. oinarriaren 1., 2. eta 3. apartatuetan adierazitakoaren arabera.

      1. Eskatzailea, egun, EAEko udalerriren batean erroldatuta dagoela egiaztatzen duen ziurtagiria. 2025eko urtarrilaren 1etik, gutxienez, erroldatuta egon behar du A modalitatean aurkeztuz gero, eta, 2023kotik, B edo I. modalitatean aurkeztuz gero. Ziurtagiria eskaerak aurkezteko epean emana izan beharko da.

         Deialdi honen xedearekin lotutako unibertsitate-ikasketak direla-eta, betekizun hori betetzen ez duenak, 25.1 oinarrian aurreikusten den bezala, ikasketa horien matrikula edo beste edozein egiaztagiri ofizial aurkeztu beharko du; halaber, ziurtagiriak aurkeztu beharko ditu egiaztatzeko aurrez Euskal Autonomia Erkidegoan erroldatuta egon dela, eta, justifikatu beharreko aldi horretan guztian beste autonomia-erkidego batean edo atzerrian erroldatuta egon dela (atzerrian egon bada, enbaxadako erregistroa aurkeztu beharko du).

      2. Bizileku-baimena indarrean, hala badagokio.

         25.4 oinarrian eskatzen den titulua edo titulua emateko eskubideak ordaindu direla egiaztatzen duen agiria. Egiaztapenak egingo dira, eta, horretarako, kontsulta egingo zaie Euskal Autonomia Erkidegoko Administrazio Orokorreko eta haren organismo autonomoetako erregistroei, administrazio publikoen datu-bitartekaritzarako plataformari, edo ziurtagiriak ematen dituen erakundeari, kasuaren arabera. Kontsulta hori kasu guztietan egingo da, salbu eta eskatzailea aurka agertzen bada arrazoiak adierazita. Modu arrazoituan aurka agertuz gero, nahitaez aurkeztu beharko da kontsultaren xede den dokumentua. Informatika-aplikazioak dagokion titulua kargatzen ez badu, eskatzaileak ziurtagiria igo beharko du aplikaziora.

      4. Gradu-ikasketen ziurtagiri akademiko ofiziala, 25.4 oinarrian ezartzen den bezala, unitate arduradunak emana. Ikasketen ziurtagirian, datu hauek jasoko dira: ikasketen izena, titulazioaren programako ikasgai guztiak, gainditutako ikasgaiak eta lortutako kalifikazioak eta kalifikazio horiek noiz eskuratu diren. Espedienteak 1etik 10era bitarteko batez besteko nota adierazi behar du.

         Ikasketak atzerrian egin badira, ziurtagiri akademiko ofiziala aurkeztuko da, baita ziurtagiri horren zinpeko itzulpena ere, baldin eta ziurtagiria EAEko bi hizkuntza ofizialetako batean edo ingelesez ez badago. Edonola ere, espediente akademikoaren ziurtagirian edo espedienteari atxikitako beste agiri batean jaso beharko da zein diren dagokion ebaluazio-sistemako gehieneko eta gutxieneko kalifikazioak, eta zein den ikasgai bakoitza gainditzeko behar den gutxieneko kalifikazioa. Gainera, Kalitatea Ebaluatu eta Egiaztatzeko Estatuko Agentziaren «Batez besteko notaren baliokidetasun-adierazpena» edo ANECAren ziurtagiri ofiziala aurkeztu beharko du, eta adierazi zein den espediente akademikoaren batez besteko kalifikazioa Espainiako ebaluazio-sistemaren barruan.

         Unibertsitate-graduko titulu bat baino gehiago izanez gero, espediente akademikoa eta titulazioa eskuratzeko data kalkulatzeko, hautatutako doktorego-programarekin zerikusirik handiena duena soilik hartuko da kontuan. Gainerako titulazioak ere kontuan hartu ahal izango dira curriculum vitaea balioesteko.

      5. Unibertsitateen kasuan, eskatzailea ezarpen-zentroari atxikitako sailean onartu dutela adierazten duen idazkia, saileko zuzendariak sinatuta. Sail hori bat etorriko da proiektuko zuzendariaren edo zuzendarikidearen sailarekin.

      6. Ezarpen-zentroaren konpromiso idatzia, formatu normalizatuan, bertako legezko ordezkariak izenpetua (Ikerketako errektoreordeak edo haren baliokideak unibertsitateen kasuan), laguntza lortzen duen doktore ez den ikertzailearen doktoratu aurreko kontratua formalizatzeko.

         Idazki horretan beren-beregi jasoko da bete egingo direla agindu honen 10. oinarrian xedatutako betebeharrak. Horretarako, informatika-aplikazioan eskuragarri dagoen txantiloia erabiliko da.

         Ezarpen-zentroa EHU duten eskabideei dagokienez, Zientzia Politikako Zuzendaritzak ofizioz eskatuko du konpromiso hori.

      7. Doktorego-programa baterako matrikula ofiziala edo onarpena, 25.3 oinarrian ezarritako eran, formatu normalizatuan, programa horren arduradunak sinatua.

         Onarpena 2025eko azarorako lortzea espero denean, eskatzaileak behin betiko onarpenaren ziurtagiria bidali beharko dio zientzia Politikako Zuzendaritzari 2025eko azaroaren 14rako, egun hori barne dela.

      8. Eskatzailea onartu duten edo eskatzaileak onartua izatea espero duen doktorego-programaren ezaugarri adierazgarrienak bilduko dituen memoria, formatu normalizatuan, eta doktorego-tesiak proiektuarekin duen lotura. Ezaugarri horien artean, espresuki nabarmenduko dira eskatzailearen ikerketa-prestakuntzarako hautatutako doktorego-programaren oinarri direnak (3 orrialde, gehienez).

      9. Eskatzailea hartuko duen ikerketa-taldeari buruzko memoria formatu normalizatuan, eskatzailearen zientzia-kalitatea, prestakuntza-ahalmena eta finantzaketa lehiakorra eskuratzeko gaitasuna adierazita (5 orrialde, gehienez).

         Horretarako, I+G+b proiektu batean edo ikerketa-lerro jakin batean, egindako edo egiten ari diren lankidetzen bidez egiaztatuta, ikertzaile gisa lankidetzan diharduten eta hautagaiaren prestakuntza-programaren garapenean parte hartzeko hitzeman duten pertsona edo pertsonak joko dira ikertzaile-taldetzat formalki edo informalki eratutako taldea izan.

      10. Doktorego-tesiaren proiektuaren memoria zientifiko-teknikoa formatu normalizatuan, proiektuaren zuzendariak sinatua, eta zuzendarikideak, halakorik balego. Hau izango da memoria horren edukia: proiektuaren izenburua, laburpena, aurrekariak, helburuak, metodologia eta lan-plana, interes zientifikoa edo soziala, eta bibliografia nabarmenena (5 orrialde, gehienez). Eduki horrez gain, hau jaso beharko du memoriak berariaz:

          1. Espero daitekeen ala ez eskatzaileak doktorego-tesiaren proiektuaren eta haren defentsaren helburuak lortzea laguntza jasoko duen lanaldi osoko 4 urteetan.

      11. Laguntzaren lehenengo 3 urteetan, atzerrian egingo den ikerketa-egonaldiaren plangintza, formatu normalizatuan, lankidetza egingo den ikerketa-taldearen eta zentroaren garrantzia esplizituki adierazita (orrialde 1, gehienez).

      12. Eskatzailearen curriculum vitae normalizatua. Euskal Autonomia Erkidegoko hizkuntza ofizialetako edozeinetan nahiz ingelesez aurkeztu ahalko da curriculuma.

      13. Curriculumean alegatutako merezimendu akademiko eta zientifikoen egiaztagiriak. Argitalpenak egin badira, lehen orrialdea aurkeztu beharko da. Beste laguntza batzuk eskuratu badira, aldiz, emate-ebazpena.

      14. Sinatutako doktorego-tesiaren proiektuaren zuzendariaren (eta, hala badagokio, zuzendarikidearen) curriculum vitae laburtua (azken 6 urteak). EAEko hizkuntza ofizialetako edozeinetan edo ingelesez aurkeztu ahalko da curriculuma. 6 urteko muga horrek txantiloiko C atalari (merezimendu garrantzitsuenak) baino ez dio eragiten.

          Ziurtatutako etenaldiarekiko proportzionalki luzatuko da aintzat hartzeko ikerketa-jardueraren aldia, baldin eta ikerketa-lanetan etenaldiren bat gertatu bada egoera hauetakoren baten ondorioz: iraupen luzeko aldi baterako lanerako ezintasuna; amatasuna; aitatasuna; edoskitze-aldiko arriskua; adopzioa edo harrera, edo liberazioa, kargu hauetakoren bat betetzeko bada: unibertsitateko pertsona bakarreko kudeaketa-karguak, Zientzia, Teknologia eta Berrikuntzarako Euskal Sareko zuzendaritza-karguak eta administrazio publikoetako karguak. Salbuespena izango da 10 astetik gorako amatasun edo aitatasunagatiko etenaldietan, horietan seme edo alaba bakoitzeko urtebete luzatuko baita ebaluatzeko aldia.

      15. Eskabideari erantsitako erantzukizunpeko adierazpenean jasotakoa egia dela egiaztatzen duten ziurtagiriak, hala badagokio. Erantzukizunpeko adierazpenean bertan dago adierazita zein kasutan egin behar den hori.

      16. Master-titulua edo master-eskubideak ordaindu direla egiaztatzen duen agiria, eta masterraren espediente akademikoa, masterraren ezaugarri orokorrak, titulua, iraupena kreditutan eta denboran adierazita. Egiaztapenak egingo dira, eta, horretarako, kontsulta egingo zaie Euskal Autonomia Erkidegoko Administrazio Orokorreko eta haren organismo autonomoetako erregistroei, administrazio publikoen datu-bitartekaritzarako plataformari, edo ziurtagiriak ematen dituen erakundeari, kasuaren arabera. Kontsulta hori kasu guztietan egingo da, salbu eta eskatzailea aurka agertzen bada arrazoiak adierazita. Modu arrazoituan aurka agertuz gero, nahitaez aurkeztu beharko dira kontsultaren xede diren dokumentuak. Informatika-aplikazioak dagokion titulua kargatzen ez badu, eskatzaileak ziurtagiria igo beharko du aplikaziora.

          Onarpena 2025eko urrirako lortzea espero denean, eskatzaileak behin betiko onarpenaren ziurtagiria bidali beharko du 2025eko urriaren 31rako, egun hori barne dela.

      17. B eta I. modalitateetarako soilik, eta hala badagokio, agiri ofiziala edo Euskal unibertsitate-sistemako (EUS) unibertsitateekin egindako hitzarmena, non berariaz jasoko baita hautatutako doktorego-programarako lankidetza.

      18. Ziurtagiria, % 33ko desgaitasuna edo handiagoa duela dioena, foru-aldundietako organo eskudunek, IMSERSOk edo parekideak aitortuta. Gainera, desgaitasuna dutenen txandan parte hartzen dutenek eskabide-inprimakian adierazi beharko dute.

          25.5 oinarrian bildutako salbuespenak egiaztatzen dituen agiri ofizialak, halakorik behar izanez gero.

          Aplikazioan, horretarako dauden txantiloien bidez aurkeztu beharko dira 6., 7., 8., 9., 10., 11., 12. eta 14. puntuetan eskatutako agiriak. Ez badira txantiloi horiek erabiltzen, edo kasuan kasuan aipatu den luzera gainditzen bada, edo memoria zientifiko-teknikoa eta zuzendariaren (eta hala badagokio, zuzendarikidearen) curriculuma sinatu gabe badago, eskabidea zuzendu beharko da.

          Euskal Autonomia Erkidegoko hizkuntza ofizialetako edozeinetan edo ingelesez aurkeztu ahal izango dira 8., 9., 10. eta 11. puntuetan adierazitako memoriak.

          Bidezkoa den kasuan, eskatzaileak hautaketa-prozesutik kanpo geratuko dira eskabidea zuzendu bada, baina agiria sinatu gabe badago, denbora-muga gainditu bada edo ezarritako formatuan ez badago.

          2. ATALA

          HAUTAPEN- ETA ADJUDIKAZIO-PROZESUA

      28. oinarria. Hautapen-prozesuko onarpen-prozedura.

      1. Eskabideak zuzentzeko epea igaro eta aurkeztutako agiriak aztertu ostean, Zientzia eta Berrikuntzako sailburuordeak ebazpena emango du, hautapen-prozesuan onartutako eta baztertutako pertsonen gainean. Era berean, ebazpen horretan adieraziko da noiz egingo dituzten elkarrizketa pertsonalak, arlo bakoitzeko aholku-batzorde espezifikoek balioetsi beharrekoak.

         Egoitza elektronikoko iragarki-taulan argitaratuz jakinaraziko da aipatutako ebazpena: https://www.euskadi.eus/iragarki-taula-elektronikoa/. Era berean, jakinarazpen elektroniko bat bidaliko da Euskal Autonomia Erkidegoko Administrazio Publikoaren egoitza elektronikoko «Nire karpeta» atalera (https://www.euskadi.eus/nire-karpeta/web01-sede/eu/). Ziurtagiri elektronikoaren bidez sartuko da bertara.

      2. Aurreko apartatuan adierazitako ebazpenean baztertutako pertsonak elkarrizketa pertsonaletara joan ahal izango dira, eta arlo bakoitzeko aholku-batzorde espezifikoek balioetsi ahal izango dituzte, kautelaz, betiere, baldin eta baztertzearen aurkako errekurtsoa aurkezten badute edo dagokion ataleko elkarrizketak egiteko ezarritako epea baino lehen egiaztatzen badute errekurtsoa aurkeztu nahi dutela. Errekurtso hori ezesten bada edo azkenean aurkezten ez bada, elkarrizketa pertsonalak ez du baliorik izango, eta aholku-batzorde espezifikoak ematen duen balorazioak ere ez.

      29. oinarria. Aholku-batzorde espezifikoak, ebaluazio-irizpideak eta baremoa.

      1. Hautapen-prozesurako onartutako pertsonak I. eranskinean definitutako arlo bakoitzari dagokion aholku-batzorde espezifikoak balioetsiko ditu.

      2. Aholku-batzorde espezifikoetako kideak sona handiko pertsonak izango dira ikasketa- eta ikerketa-eremuan, eta Zientzia, Unibertsitate eta Berrikuntzako sailburuak izendatuko ditu.

      3. Aholku-batzorde espezifikoek ebaluatuko dituzte onartutako eskabideak, eta txosten zientifiko-tekniko bat emango dute, irizpide hauen arabera hautagai bakoitzari emandako puntuazioekin:

         1. Espediente akademikoa: puntuazioa kalkulatzeko, espedientearen batez bestekoa hartuko da oinarritzat, 25.6 oinarrian adierazitakoari jarraikiz, eta zenbaki hori bider 3 kalkulatuko da. 30 puntu, gehienez. Kalkulu hori Zientzia Politikako Zuzendaritzak egingo du ofizioz.

         2. Eskatzailearen curriculum vitaea. 5 puntu, gehienez. Atal honetan, puntu 1 eskuratu ahal izango da Ikasiker programaren lankidetza-beka bat edo batzuk lortzeagatik.

         3. Doktorego-programa: a) eskatzailearen ikerketa-prestakuntzarako kalitatea eta egokitasuna (3 puntu, gehienez), eta b) zenbateraino datorren bat EAEko I+G+b estrategiarekin (7 puntu, gehienez). Horren harira, eta 2.1 oinarrian xedatutakoa aintzat hartuta, ezarpen-zentroaren egoitza soziala interesduna matrikulatuta dagoen doktorego-programako unibertsitatearen autonomia-erkidego berean egon behar da.

            Euskal unibertsitate-sistemako (EUS) doktorego-programak eta, sistema horretakoak ez izanagatik ere, EUSeko unibertsitateekin egindako hitzarmenetan jasota dauden programak, EAEko I+G+b estrategiarekin % 100 bat datozela iritziko zaio (7 puntu).

            Ulertuko da EUSetik kanpoko gainerako doktorego-programen bat-etortze maila baliogabea dela, salbu eta egiaztatzen bada Zientzia eta Teknologiarako Euskal Sistema osatzen duten ikertzaileak inplikatuta daudela proposatutako tesi-proiektuaren zuzendaritza bateratuan (2 puntu), edo zuzendarikide horiek zuzenean parte hartzen dutela doktorego-programa horietan (4 puntu).

         4. Doktorego-tesiaren proiektua: kalitate zientifiko-teknikoa, aurkeztutako proiektuaren eta ikerketa-planaren interesa eta bideragarritasuna. Atzerriko ikerketa-egonaldiaren plangintzarekin batera ebaluatuko da, eta atzerriko ikerketa-egonaldia doktore-tesiaren proiektua garatzeko egokia den baloratuko da. 10 puntu, gehienez.

         5. Zientzia Zuzendaritza: ikerketa-proiektuaren zuzendariaren eta zuzendarikidearen historia zientifikoa, eta eskatzailea sartuko den ikerketa-taldearen prestakuntza-ahalmena eta kalitate zientifikoa. 20 puntu, gehienez.

         6. Elkarrizketa pertsonala: aurrez aurrekoa izango da, eta eskatzailearen prestakuntzari eta curriculumari, ikerketa-proiektuari edo egoki irizten zaion beste edozein arlori buruz hitz egingo da. 25 puntu, gehienez.

      4. Laguntza ukatzeko arrazoi izango da eskatzaileak elkarrizketa ez egitea Zientzia Politikako Zuzendaritzak ezarritako modalitatean, edo 65 puntu baino gutxiago lortzea.

      30. oinarria. Nola jokatu elkarrizketetan.

      1. Aholku-batzorde espezifikoetako kideak ez badira ondo moldatzen ebaluatu behar duten pertsonak aukeratzen duen EAEko hizkuntza ofizialen batean, Zientzia Politikako Zuzendaritzak bermatu beharko du, batetik, aurkeztutako agiriak itzuliko direla, eta, bestetik, aldibereko itzulpen-zerbitzua egongo dela interpretazio zerbitzu baten bidez, ebaluazio-batzordeko elkarrizketa pertsonalerako.

      2. Zientzia Politikako Zuzendaritzak desgaitasuna duten pertsonei emango dizkie giza baliabide eta baliabide material osagarriak, egingo dituzten elkarrizketetan aukera berak izango dituztela bermatuko dizkieten baliabideak, hain zuzen ere.

      3. Zientzia Politikako Zuzendaritzak, hautapen-probetan aukera- eta tratu-berdintasuna bermatzeko xedez, deialdiaren baldintzak egokitu ahal izango ditu, proba egingo den lekura iristeko ezintasuna duten pertsonak daudenean osasun-eragozpen larriak tarteko. Zientzia Politikako Zuzendaritzari egoera horren berri eman ahal izango zaio proba egin baino lehen, eta mediku-ziurtagiri bidez egiaztatu beharko da. Elkarrizketara joan ezina dakarren eragozpena aurreikusteko modukoa denean, astebete lehenago jakinarazi eta egiaztatu beharko da.

      31. oinarria. Laguntza berriak adjudikatzeko prozedura.

      1. Lehiaketa izango da agindu honetan araututako laguntza berriak esleitzeko prozedura.

      2. Ebaluazioaren emaitzak Zientzia Politikako Zuzendaritzari helaraziko zaizkio.

      3. Zientzia Politikako Zuzendaritzak deialdiaren oinarriak zuzen aplikatzen direla gainbegiratuko du, eta, prozedura bakoitzean ikerketa orokorra eta ikerketa espezifikoa baliabideak esleituko ditu, eta dagokion ebazpen-proposamena helaraziko dio Zientzia eta Berrikuntzako sailburuordeari.

      4. Hau izango da laguntzok esleitzeko prozedura:

         1. Lehenengo, desgaitasuna duten pertsonen kupoari dagozkion laguntzak adjudikatuko dira. Hautatzeko moduko behar adina eskabide ez balego, adjudikatu gabeko laguntzak ikerketa orokorrei gehituko zaizkie eta hurrengo apartatuan xedatuaren arabera adjudikatuko dira.

         2. Laguntza berriak ikerketa orokorrean: arlo guztietan onuradunak izateko gisan eta arlo bakoitzean emandako laguntza-kopurua portzentualki uniformea izateko gisan egingo da adjudikazioa, arlo bakoitzean eskabide hautagarrien kopuruak hala ahalbidetzen badu, betiere. Honela egingo da esleipena:

            1. Aholku-batzordeak egindako balorazioaren ordenari jarraituz ordenatuko dira arlo bakoitzeko eskabide hautagarriak, eta ehuneko hau emango zaie puntuazio handiena erdietsi duten baina gainditu ez duten eskabideei: laguntza berrien kopurua/eskabide hautagarrien kopurua.

            1. Aurreko prozedura egin eta gero, laguntza guztia adjudikatu ez bada, emandako laguntzen azken ehunekoa a) puntuan zehaztutako ehunekora gehien hurbiltzen den arloetan emango dira laguntzak.

         3. Laguntza berriak ikerketa espezifikoan: honela egingo da adjudikazioa:

            1. Eskabide hautagarriak puntuazio handienetik txikienera ordenatuko dira arlo bietan. Puntuazio handiena eskuratu duten bi eskabideei emango zaie laguntza arlo bietan (neutronika eta hezkuntza).

            1. Arlo espezifikoren batean ezin badira aurreikusitako laguntzak eman, ez dagoelako eskabide hautagarri nahikorik, esleitu ez diren laguntzak beste arlo espezifikoan eskuragarri dauden laguntzei gehituko zaizkie.

            1. Aurreko urratsa egin eta gero, ez bada posible arlo espezifikoetarako aurreikusitako lau laguntzak ematea, eman ez diren laguntzak ikerketa orokorrean eskuragarri dauden laguntzei gehituko zaizkie, aurreikusitako 110 laguntza berrien guztizkoa eman arte.

      5. Puntuazio-berdinketak ebazteko, oinarritzat hartuko da eskabideak betetzeko aplikazioak txikitik handira ematen duen ausazko zenbaki bat. Zenbaki hori aplikazio telematikoan sortzen den eskabide-inprimakian agertuko da.

      6. Hauek jasoko dituzte ebazpen-proposamenek: onuradunen zerrenda eta dagokien zenbateko ekonomiko xehatua, eskuragarri dagoen kreditu-mugara arte; erreserben zerrenda (halakorik balego), berariazko aholku-batzordeek 65 puntu edo gehiago eman arren laguntza-proposamenik jaso ez duten eskabide guztiena, arlokako beheranzko puntuazioaren arabera; ukatutako eskabideen zerrenda, baztertzeko arrazoiak zehaztuta; eta, baztertutako eskabideen zerrenda, baztertzeko arrazoiak zehaztuta.

      32. oinarria. Ebazpena, ebazteko epea, jakinarazpena, errekurtsoak eta uko-egiteen ondoriozko postu hutsen adjudikazio-prozedura.

      1. Zientzia eta Berrikuntzako sailburuordearen esanbidezko ebazpen bakarraren bidez eman edo ukatuko dira laguntza berriak, dagokion prozedura bakoitzean, Zientzia Politikako zuzendaritzak emandako ebazpen-proposamena aintzat hartuta.

      2. Ebazpen hori arrazoitu egin beharko da, eta hauek jasoko ditu: onuradunen zerrenda eta dagozkien zenbateko ekonomiko xehatuak; erreserben zerrenda (halakorik bada), 65 puntu edo gehiago lortu arren laguntza-proposamenik jaso ez duten eskabide guztiena, arlokako beheranzko puntuazioaren arabera ukatutako eskabideen zerrenda, ukatzeko arrazoiak adierazita; eta baztertutako eskabideen zerrenda, baztertzeko arrazoiak zehaztuta.

      3. Agindu hau EHAAn argitaratu eta hurrengo egunetik aurrera sei hilabeteko epean eman eta jakinarazi beharko da ebazpena, beranduenez. Adierazitako epe horretan ebazpena jakinarazten ez bada, ulertuko da eskabideak ez direla onartu, Administrazio Publikoen Administrazio Prozedura Erkidearen urriaren 1eko 39/2015 Legearen 24. artikuluan xedatutakoaren ondorioetarako.

      4. Emandako laguntzak egoitza elektronikoko iragarki-taulan argitaratuz egingo da jakinarazpena: https://www.euskadi.eus/iragarki-taula-elektronikoa/. Era berean, jakinarazpen elektroniko bat igorriko da Euskal Autonomia Erkidegoko administrazio publikoaren egoitza elektronikoko «Nire karpeta» atalera (https://www.euskadi.eus/nire-karpeta/web01-sede/eu/), eta ziurtagiri elektronikoarekin sartu beharko da bertara. Horrez gain, publikotasun-ondorioetarako, Euskal Herriko Agintaritzaren Aldizkarian zerrenda bat argitaratuko da, adierazteko nortzuk diren onuradunak eta zenbateko dirulaguntza ematen zaien, iragarki-taulan argitaratu eta hurrengo sei hilabeteetan.

      5. Alde batera utzi gabe aurreko 4. apartatuan ezarritakoa, Zientzia Politikako Zuzendaritzak argitalpenen berri bidali ahal izango die interesdunei, SMS edo posta elektroniko bidez. Abisu horiek ez dute inolaz ere egindako jakinarazpenaren ondoriorik izango.

      6. Ebazpen horren aurka, interesdunek Zientzia, Unibertsitate eta Berrikuntzako sailburuari gora jotzeko errekurtsoa aurkeztu ahal izango diote informatika-aplikazioaren bidez; horretarako, hilabeteko epea izango dute, ebazpen hau www.euskadi.eus egoitza elektronikoko iragarki-taulan argitaratu eta hurrengo egunetik aurrera.

      7. Zientzia eta Berrikuntzako sailburuordearen ebazpen baten bidez, laguntzak emango zaizkie erreserben zerrendetan azaltzen diren eskatzaileei, baldin eta laguntzak emateko ebazpena argitaratu eta hurrengo 15 egunetan uko egiten bazaie.

         Hutsik geratutako plazari dagokion arloan emandako azken laguntzaren ondorengo lekuan dauden pertsonei emango zaizkie laguntza horiek. Ikerketa orokorraren kasuan ez badago erreserben zerrendarik, laguntza eman ahalko zaio baldintza hau betetzen duen eskatzaileari: lehenengoa izatea emandako laguntzen azken ehunekoa 31.4.1.a puntuan ezarritako ehunekoari gehien hurbiltzen zaion arloko erreserben zerrendan.

         Ondorio horietarako, laguntzak emateko proposamena jakinaraziko die laguntzak emango dituen organoak interesdunei, onar dezaten. Proposatutako ordezkoak ez badu onartzen, prozesu hori errepikatu egin daiteke laguntza eman arte. Ordezkoak gehienez 5 orduko epea izango du laguntza onartzeko. Hori egiteko, aplikazio informatikora idatzi bat igo beharko du eta egin ezik, ez duela laguntza onartzen ulertuko da. Behin proposamena onartutakoan, emate-ebazpena emango da, eta interesdunei jakinaraziko zaie.

1. ATALA

BETEKIZUNAK ETA AGIRIAK

33. oinarria. Betekizunak.

1. Agindu honek ondorioak dituen egunean, 2024-2025 ikasturtean emandako doktoratu aurreko laguntza baliatzen aritzea, Zientzia eta Berrikuntzako sailburuordearen ebazpenaren arabera.

2. Doktorego-programan, jarraitutasuna eta ikerketa-proiektuko lanerako planean aurreikusitako jardueren aprobetxamendua egiaztatzea. Hori egiaztatzeko, 35. oinarrian adierazitako agiriak aurkeztuko dira.

3. Hirugarren aldiz berritzen bada, atzerrian 4 eta 6 hilabete arteko egonaldi jarraitua egin dela egiaztatzea; aplikazio zentroa ez den zentro batean.

34. oinarria. Betekizunak betetzea.

1. Onuradunek laguntza-eskabidea aurkezten dutenean egiaztatu beharko dute betekizunak betetzen dituztela, berariaz aipatutako salbuespenetan izan ezik.

2. Hautapen-prozesutik kanpo geldituko dira eskatutako betekizunak betetzen ez dituzten edo betetzen dituztela garaiz eta forma egokian frogatzen ez dutenak.

35. oinarria. Laguntzak berritzeko aurkeztu beharreko nahitaezko dokumentazioa.

    Ondoren zerrendatutako agiriak informatika-aplikazio bidez bakarrik aurkeztu beharko dira, eskabide-orriarekin batera, 21. oinarrietako 1., 2. eta 3. apartatuetan adierazitakoaren arabera.

1. Laguntzaren azken berritzetik, edo, lehenengo berritzearen kasuan, laguntza eman zenetik, egindako jarduera akademiko eta ikertzaileen orri bateko memoria, kalifikazio akademikoak sartuta, halakorik balego, eta tesiaren zuzendariak sinatua, eta zuzendarikideak sinatua, halakorik balego (lehenengo, bigarren eta hirugarren berritze-kasuetan aurkeztu behar da).

   Memoria EAEko hizkuntza ofizialetako edozeinetan edo gure ingurune kulturalean luze-zabal ulertzen den hizkuntza batean egon beharko da idatzita. Informatika-aplikazioan eskuragarri dagoen txantiloi eguneratua erabili behar da. Ez bada txantiloi hori erabiltzen, edo aipatu den luzera gainditzen bada, edo sinatu gabe badago, eskabidea zuzendu beharko da.

   I. modalitatean, ikerketa-proiektuaren zuzendariak sinatutako aldeko txostena, eskatzaileak egindako ikasketa- edo ikerketa-jarduerei buruzkoa eta pertsona horren errendimenduari buruzkoa (lehenengo, bigarren edo hirugarren berritzeetan aurkeztu behar da).

3. Ezarpen-zentroaren konpromisoa bertako legezko ordezkariak sinatua (Ikerketako errektoreordeak edo haren baliokideak, unibertsitateen kasuan), egungo lan-kontratua hamabi hilabete gehiagoz luzatzeko (lehenengo, bigarren eta hirugarren berritzeetan aurkeztu behar da). Ezarpen-zentroa EHU duten eskabideei dagokienez, zientzia Politikako Zuzendaritzak ofizioz eskatuko du konpromiso hori.

   Gainera, lehenengo berritzearen kasuan, honako hauek ere aurkeztu beharko dituzte:

1. A eta B modalitateetan, lehenengo berritzerako, onuradunak eta programa garatzen den unibertsitateak sinatutako konpromiso-agiria aurkeztu beharko da doktorego-programa hastean.

   Bigarren berritzearen kasuan, honako hauek aurkeztu beharko dituzte:

1. A eta B modalitateetan, bigarren berritzerako, eskabidea aurkezteko unean dagoen azken ebaluazio positiboaren akta.

   Hirugarren aldiz berritzea eskatzen dutenek honako hauek ere aurkeztu beharko dituzte:

1. A eta B modalitateetan, hirugarren aldiz berritzeko, laguntzaren onuradunak tesia inskribatua duen doktoratu programaren ardura duen batzorde akademikoaren baimena, doktorego ikasketak beste urte batez luzatu ahal izateko, 99/2011 Errege Dekretuaren 3.2 artikuluan ezarritakoari jarraikiz (doktorego ikasketa ofizialak arautzen dituena, urtarrilaren 28koa).

2. A eta B modalitateetan, hirugarren berritzerako, EGONLABUR deialdiaren onuradun izan ez bada, atzerrian egindako egonaldiaren egiaztagiria. Eskaera egiterakoan egonaldia amaitu ez bada, egonaldia hasi izanaren egiaztagiria edo horren planifikazioa.

   Dena dela, egonaldia hirugarren berritzea ebatzi aurretik hasi beharko da eta eskatzaileak egonaldia hasi izanaren agiria 2025eko urriaren 17rako, egun hori barne, igo beharko du aplikazio informatikora. Betebehar hori ez betetzeak laguntza ez berritzea eragingo du.

3. Doktorego-tesiaren defentsaren plangintza, tesiaren zuzendariak eta, halakorik badago, zuzendarikideak sinatua.

   2. ATALA

   EBAZPENA

36. oinarria. Ebazpena, ebazteko epea, jakinarazpena, errekurtsoak eta publikotasun-prozedura.

1. Zientzia eta Berrikuntzako sailburuordearen esanbidezko ebazpen bakarraren bidez eman edo baztertuko dira berritze-eskabideak, Zientzia Politikako zuzendaritzak emandako ebazpen-proposamena aintzat hartuta.

2. Ebazpen hori arrazoitu egin beharko da, eta onuradunen zerrenda eta dagozkien zenbateko ekonomiko xehatuak jasoko ditu; halaber, baztertutako eskabideen zerrenda jasoko du, baztertzeko arrazoiak azalduta.

3. Ebazpena sei hilabeteko epean eman eta jakinarazi beharko da beranduenez, agindu hau argitaratu eta hurrengo egunetik aurrera. Eskabideak ukatutzat jo daitezke adierazitako epe horretan jakinarazpenik egiten ez bada, Dirulaguntzen Araubideari buruzko abenduaren 21eko 20/2023 Legearen 22. artikuluaren 5. apartatuaren arabera.

4. Emandako laguntzak egoitza elektronikoko iragarki-taulan argitaratuz egingo da jakinarazpena: https://www.euskadi.eus/iragarki-taula-elektronikoa/. Era berean, jakinarazpen elektroniko bat igorriko da Euskal Autonomia Erkidegoko administrazio publikoaren egoitza elektronikoko «Nire karpeta» atalera (https://www.euskadi.eus/nire-karpeta/web01-sede/eu/), eta ziurtagiri elektronikoarekin sartu beharko da bertara. Horrez gain, publikotasun-ondorioetarako, Euskal Herriko Agintaritzaren Aldizkarian zerrenda bat argitaratuko da, adierazteko nortzuk diren onuradunak eta zenbateko dirulaguntza ematen zaien, iragarki-taulan argitaratu eta hurrengo sei hilabeteetan.

5. Alde batera utzi gabe aurreko 4. apartatuan ezarritakoa, Zientzia Politikako Zuzendaritzak argitalpenen berri bidali ahal izango die interesdunei, SMS edo posta elektroniko bidez. Abisu horiek ez dute inolaz ere egindako jakinarazpenaren ondoriorik izango.

6. Ebazpen horren aurka, gora jotzeko errekurtsoa jarri ahal izango diote interesdunek Zientzia, Unibertsitate eta Berrikuntzako sailburuari hilabeteko epean, www.euskadi.eus egoitza elektronikoko iragarki-taulan argitaratu eta hurrengo egunetik aurrera.