Araudia

Arautegia

Inprimatu

AGINDUA, 2025eko azaroaren 5ekoa, Hezkuntzako sailburuarena, zeinaren bidez argitara ematen baitira, batetik, Hezkuntzako sailburuaren 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan hautatutako pertsonen hirugarren zerrenda osagarria eta, bestetik, deialdian eskatutako baldintzak ez betetzeagatik karrerako funtzionario izendatzeko eskubideak galtzen dituzten hautatuen hirugarren zerrenda.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Hezkuntza Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 223
  • Hurrenkera-zk.: 4919
  • Xedapen-zk.: ---
  • Xedapen-data: 2025/11/05
  • Argitaratze-data: 2025/11/19

Gaikako eremua

  • Gaia: Administrazioaren antolamendua
  • Azpigaia: Gobernua eta Administrazio Publikoa; Funtzio publikoa
Deskribapenak

Testu legala

Aurkibidea erakutsiAurkibidea ezkutatu

Hezkuntzako sailburuaren 2022ko irailaren 22ko Aginduaren 7.5 oinarrian eta sailburu beraren 2022ko azaroaren 30eko Aginduaren 7.6 oinarrian ezarritakoarekin bat etorriz, ordezko hautatutakoen zerrenda bat egin zen, aldez aurretik hautatutako izangaiek honako arrazoi hauengatik izaera hori galtzen badute ere erabili ahal izateko: (2022ko irailaren 22ko eta 2022ko azaroaren 30eko aginduen bidez, aldi baterako enplegua egonkortzeko salbuespenezko prozesurako deialdia egin zen kidego hauetan: Bigarren Hezkuntzako Irakasleak, Hizkuntza Eskola Ofizialak, Musika eta Arte Eszenikoak, Arte Plastikoak eta Diseinua, Maisu-maistrak, desagertzear dagoen Lanbide Heziketako Irakasle Teknikoen Kidegoa eta Lanbide Heziketako Sektore Berezietako Irakasle Espezialistak).

Deialdiaren 8. oinarrian eskatutako dokumentazioa ez aurkeztea, edo aurkeztutakotik ondorioztatzea 2. oinarrian eskatutako betekizunen bat ez duela betetzen, edo eginkizunak betetzeko eskatzen den gaitasun fisiko edo psikikoa ez izatea.

Era berean, aipatutako aginduen 8.4 oinarriaren arabera, eskatutako dokumentazioa ezarritako epearen barruan aurkezten ez dutenek ezinbesteko kasuetan izan ezik, edo dokumentazio hori aztertu eta 2.1 eta 2.2 oinarrietan adierazitako baldintzaren bat betetzen ez dutela ondorioztatu den pertsonek, eskubide guztiak galduko dituzte karrerako funtzionario izendatuak izateko, alde batera utzi gabe hasierako eskabidea faltsutu balute horregatik luketen erantzukizuna. Era berean, eskubide guztiak galduko dituzte osasun-azterketan ezgaitzat jotzen direnek. Kasu horietan, Langileak Kudeatzeko Zuzendaritzak dagokion ebazpena emango du karrerako funtzionario izendatuak izateko eskubideak galdu direla deklaratzeko.

Bestalde, Hezkuntzako sailburuaren 2023ko azaroaren 21eko Aginduaren hirugarren artikuluan, honako hau erabaki zen (Hezkuntzako sailburuaren 2023ko azaroaren 21eko Aginduaren bidez, karrerako funtzionario izendatzen dira 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaiak):

Ezinbesteko arrazoiengatik aipatutako aginduen 8.3 eta 8.4 oinarrietan aurreikusitako azterketa medikoan ebaluatu ezin izan diren pertsonak karrerako funtzionario izendatzea atzeratzea, eta izendapena azterketa horretan gaitzat jotzearen baldintzapean uztea. III. eranskinean daude zerrendatuta pertsona horiek.

Ondorioz, eranskin horretan hautatutakotzat agertzen diren pertsona batzuek deialdian eskatutako betekizunak betetzen ez dituztenez, agindu honen bidez ordezko hautatuen zerrenda osagarri bat egiten da.

Horiek horrela, eta Hezkuntzako sailburuaren 2022ko irailaren 22ko Aginduaren 7.5 eta 8.4 oinarrietan eta sailburu beraren 2022ko azaroaren 30eko Aginduaren 7.6 eta 8.4 oinarrietan xedatutakoarekin bat etorriz, honako hau

EBAZTEN DUT :

Lehenengoa. Argitara ematea, I. eranskinean, ordezkoen zerrendan ageri den puntuazio-hurrenkeraren arabera hautatutakoen hirugarren zerrenda osagarria, eta pertsona horiek hautatutzat jotzea Hezkuntzako sailburuaren 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan.

Bigarrena. Argitara ematea, II. eranskinean, Hezkuntzako sailburuaren 2022ko irailaren 22ko eta azaroaren 30eko aginduen 2.1 eta 2.2 oinarrietan eskatutako betekizunen bat ez betetzeagatik karrerako funtzionario izendatzeko eskubide guztiak galtzen dituzten hautatutako pertsonen hirugarren zerrenda.

Hirugarrena. Hezkuntzako sailburuaren 2023ko azaroaren 21eko Aginduaren III. eranskina aldatzea, zeinaren bidez argitaratu baitzen hautaketa-prozesu horretan hautatu ziren baina ezinbesteko arrazoiengatik karrerako funtzionario izendapena atzeratu zitzaien pertsonen zerrenda, honako pertsona hau kanpoan uzteko helburuarekin, karrerako funtzionario izendatzeko eskubidea galdu baitu, deialdi horretan ezarritako betekizunak betetzen ez dituelako:

(Ikus .PDF)

Laugarrena. Hogei egun balioduneko epea irekitzea, agindu hau Euskal Herriko Agintaritzaren Aldizkarian argitaratu eta hurrengo egunetik aurrera, lehen apartatuan sartutako hautatutako izangaiak Hezkuntzako sailburuaren 2022ko azaroaren 30eko Aginduaren 8.1 oinarrian adierazitako dokumentuak aurkez ditzan.

Dokumentazioa online aurkeztu behar da, https://hezigunea.euskadi.eus/ gunearen bidez («Erabiltzailea (NAN/AIZ)» eta «Pasahitza» sartuz) Tramitagune «Administrazio-espedienteak: eskabideak, erreklamazio formalak, errekurtsoak» Gainerako izapideak

Agindu honen III. eranskinean, zinpeko aitorpenaren eredua argitaratzen da, bai eta «Hautatuek dokumentazioa entregatzea» eredua ere. Hura ere adierazitako helbidean aurkeztu beharko da, beteta.

Bosgarrena. Eskatutako dokumentazioa aurkezten ez badu, edo dokumentazio hori aztertu eta ondorioztatzen bada deialdiaren 2. oinarrian adierazitako baldintzaren bat ez duela betetzen, eskubide guztiak galduko ditu karrerako funtzionario izendatua izateko, alde batera utzi gabe hasierako eskabidea faltsutu balu horregatik lukeen erantzukizuna. Halaber, eskubide guztiak galduko ditu, osasun-azterketan ezgai kalifikatua bada.

Seigarrena. Agindu honen bidez karrerako funtzionario izendatzeak eta lanpostuaz jabetzeak osasun-azterketa gainditu eta hurrengo hilabeteko lehen egunetik aurrera izango ditu ondorioak.

Zazpigarrena. Agindu honen aurka, berraztertzeko errekurtsoa aurkeztu ahal izango diote interesdunek Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2025eko azaroaren 5a.

Hezkuntzako sailburua,

MARÍA BEGOŃA PEDROSA LOBATO.

I. ERANSKINA

(Ikus .PDF)

II. ERANSKINA

(Ikus .PDF)

(Ikus .PDF)

Gaiarekin lotutako edukiak


Arauaren historia (2)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.