Berrikuntza eta Ikerkuntza Sanitariorako Euskal Fundazioaren (BIOEF) Medtech ekimena garatu, baliozkotu eta erakusteko proiektuetarako laguntzen deialdia onartzeko Osasuneko sailburuaren 2024ko irailaren 24ko Aginduaren bidez, (2024-10-15eko EHAA), Medtech ekimena garatzeko, baliozkotzeko eta frogatzeko proiektuetarako laguntzen deialdia egin zen. Berrikuntza eta Ikerkuntza Sanitariorako Euskal Fundazioaren (BIOEF) Medtech ekimena garatu, baliozkotu eta frogatzeko proiektuetarako laguntzen deialdia egiten duen Osasuneko sailburuaren 2024ko irailaren 24ko Aginduaren huts-zuzenketaren bidez (2024ko urriaren 28ko EHAA), 2024ko irailaren 24ko Agindua zuzendu zen, laguntzen oinarri arautzaileak jasotzen dituen eranskina falta zela ohartuta.

Laguntzen oinarri arautzaileen 11 artikuluan ezartzen denez, balorazio-batzordeak ebaluatu, lehenetsi eta hautatuko ditu behar bezala aurkeztutako edo epean zuzendutako eskabideak. Hauek osatuko dute balorazio-batzordea:

1. Batzordeburua: Osasun Sailaren Ikerketa eta Berrikuntza Sanitarioko zuzendaria.

2. Bokalak:

   Osakidetza-Euskal osasun zerbitzuan Asistentzia Sanitarioaren eskumena duen zuzendaritzako pertsona bat.

   Berrikuntza eta Ikerkuntza Sanitariorako Euskal Fundazioaren (BIOEF) ordezkari bat.

   SPRI Industriaren Sustapen eta Eraldaketarako Baltzuaren ordezkari bat.

3. Idazkaria: BIOEFeko talde teknikoko pertsona bat.

   Aginduaren huts-zuzenketaren 11.2 artikuluak ezartzen duenez, balorazio-batzordearen osaera izenduna argitaratu egingo da Euskal Autonomia Erkidegoko Administrazio Publikoaren egoitza elektronikoan, 10.3 artikuluan adierazitako helbideetan; izan ere, interesdunei bermatu behar zaie batzordeko kideak errekusatzeko eskubidea, eta eskubide hori eraginkortasunez baliatzeko aukera, betiere Sektore Publikoaren Araubide Juridikoaren urriaren 1eko 40/2015 Legearen 23. eta 24. artikuluekin bat etorriz.

   Horregatik guztiagatik, eta Dirulaguntzen Araubidea arautzen duen abenduaren 21eko 20/2023 Legean ezarritakoarekin bat etorriz, honako hau