3i Programa: Berrikuntzari, nazioartekotzeari eta inbertsioari laguntza integrala emateko. 2019

a) Enpresaren itxura juridikoa eta berezko nortasun juridikoa edukitzea. b) Gutxienez ekoizpen-zentro bat edo balio erantsi handiko zentro bat Bizkaiko Lurralde Historikoan edukitzea, bertan laguntzaren xedeko proiektua garatzen delarik, eta gutxienez 10 pertsonako plantilla bat edukitzea, lanaldi osoko urteko baliokideetan. c) 10 eta 249 pertsona arteko plantilla bat izatea lanaldi osoan, baina betiere urteko kopuru baliokideetan. Plantilla zenbatzeko, honako hauek hartu behar dira kontuan: gutxieneko pertsona kopuruari dagokionez, erakunde eskatzaileari soilik dagozkion datuak; gehieneko pertsona kopuruari dagokionez, enpresa eskatzaileari lotutako eta elkartutako enpresetatik plantillan sartu diren langileen kopuruaren datuak, salbuespenari buruzko 651/2014 Araudi Orokorraren aipatutako I. Eranskineko 4, 5 eta 6. artikuluetan xedatutakoaren arabera. d) Honako bi muga hauetako bat, gutxienez, ez gainditzea, eskabidearen aurreko zerga-ekitaldian sozietateen gaineko zerga dela-eta eginiko azken aurkezpenaern arabera. • Urteko negozio kopurua: 50.000.000 euro. • Balantze orokorra: 43.000.000 euro. Enpresa eskatzailearen plantilla, negozio-kopurua eta balantzearen zenbaketa egitean kontuan hartuko da elkartu edo loturiko enpresen baliagarrien batuketa, salbuespenari buruzko 651/2014 Araudi Orokorraren aipatutako I. Eranskineko 4, 5 eta 6. artikuluetan xedatutakoaren arabera. a), b) eta c) baldintzak (pertsonen gutxieneko kopuruari dagokionez) eskabidea aurkeztean egiaztatu beharko dira, eta erabakia eman arte eta ordainketa egin arte mantendu. Pertsonen gehieneko kopuruari buruzko c) baldintza eta d) baldintza eskabidea aurkezten denean egiaztatu behar dira. e) Egunean edukitzea zerga betebeharrak, Gizarte Segurantzarekikoak eta diru-laguntzak itzultzeari dagozkionak. Baldintza hori ebazpenaren eta ordainketaren unean bete behar da. f) Berdintasunerako eskubidea eta sexu-diskriminaziorik eza urratzeagatik zehapen irmorik ez izatea administrazio-bidean, edo lan-arloan edo zigor-arloan, eta ez izatea berdintasun-printzipioaren kontrakoak, enpresen helburuetan, onartze-sisteman, funtzionamenduan, ibilbidean edo jardueran sexua dela-eta edo beste edozein egoera zein inguruabar dela-eta diskriminaziorik egiten ez delako. g) Foru Administrazioak ematen dituen diru-laguntzen araubide juridiko orokorra arautzen duen 5/2005 Foru Arauaren 12. artikuluak diru-laguntzei buruzko ezarritako ezein egoeratan sartuta ez egotea (aurrerantzean, Diru-laguntzei buruzko 5/2005 Foru Araua).