22. Larrialdiak Kudeatzeko Legea aldatzeko Legea.
Legearen proiektua legebiltzarrari bidalita
IDENTIFIKAZIOA
Saila
Segurtasuna
Helburuak eta Sektoreak
Babes zibilerako eta larrialdietarako EAEko sistemaren zenbait alderdi eguneratzea; besteak beste: erakundeen eta zerbitzuen jardueren arteko hitzarmena eta erlazioa sendotzea, gizarte-ekimenaren rola sustatzea, maila publikoarekin duen osagarritasuna aitortuta...
Indarrean dagoen erregulazioak dituen hutsuneak betetzea; besteak beste, aurreikuspenaren eta alertaren antolamenduan, herritarren eskubide eta betebeharretan, norberaren babeserako betebeharretan eta zigor-erregimenean.
Lege honetan proposatutako aldaketaren xedea ez da larrialdiak kudeatzeko sistemaren funtsezko oinarriak aldatzea, finkatzea baizik.
Beste helburu batzuk
- Herritarrek arriskuei eta haien aurka babesteko neurriei buruzko prestakuntzaren eta informazioaren inguruan dituzten eskubide eta betebeharrak arautzea; aldi berean, herritarrak larrialdiei aurre egiteko bitartekoetan inplikatzen saiatzea.
- Norberaren babeserako eskubide eta betebeharrak erregulatzea, bai eta betebehar horiek betetzea sustatzeko bitartekoak eta, hala egokituz gero, arriskuak areagotzen dituzten pertsona edo enpresek arrisku horiek eragindako karga publikoei egiten dieten ekarpena erregulatzea ere.
- Larrialdien kudeaketarekin eta babes zibilarekin lotzea elementu ahulak dituztelako edo arriskutsuak izan daitezkeelako segurtasunerako garrantzitsuak diren erakunde publiko eta pribatu guztiak.
- Aurreikuspen- eta prebentzio-mekanismoak indartzea, alerta-sarea sortuz.
- Larrialdietarako eta babes zibilerako egiturak eta zerbitzuak legez indartzea. “Babes zibila eta larrialdiak” eskala sortzea eta agintari publikoaren maila ematea larrialdietako operatiboak koordinatzen dituzten larrialdietako eta babes zibileko langileei.
- Sarien eta aintzatespenen araubidea erregulatzea babes zibilaren eta larrialdien esparruan.
- Tipikotasun-printzipioarekin bat datorren zehapen-araubide bat arautzea, norberaren burua babesteko betebeharrak ez betetzeagatik, asmo txarreko alarmengatik eta abarrengatik zehapenak ezarriko dituena.
Eraginpeko gizarte-sektoreak
- Enpresak eta herritarrak oro har.
- Sektoreko profesionalak.
- Suhiltzaile-kidegoak.
- Babes zibileko boluntarioak.
- Funtzionarioak.
Noiz bidaliko zaion, gutxi gorabehera, lege-proiektua Jaurlaritzaren Kontseiluari, onar dezan
2014ko lehen seihilekoan.
ELABORAZIO FASEAK
Lortutako faseak
Documentuak | Fase | Hasiera data | Amaiera data | Egoera |
---|---|---|---|---|
Ikusi | 1.1 fasea: Sailburuaren agindua, prozedura has dadin. | 2013/09/15 | 2013/12/13 | Amaituta |
Ikusi | 2.1 fasea: Sailburuak testu idatzia onartzea. | 2013/12/13 | 2013/12/23 | Amaituta |
Ikusi | 2.2 fasea: Negoziazioa, entzunaldi edota kontsulta izapidea | 2013/12/23 | 2014/01/23 | Amaituta |
Ikusi | 2.3 fasea: Aginduzko txostenak eta irizpenak | 2014/01/24 | 2014/06/30 | Amaituta |
Ikusi | 2.4 fasea: Jarraitutako prozeduraren memoria laburra | 2014/07/01 | 2014/07/07 | Amaituta |
Ikusi | 3.1 fasea: Gobernu Kontseiluaren onarpena | 2014/07/08 | 2014/07/11 | Amaituta |
--- | 4.1 fasea: Parlamentura bidaltzea | 2014/07/12 | 2014/07/30 | Amaituta |
Legebiltzarrean tramitazioaren egoera
Azken aldaketa: 2016/04/27