Paisaiari buruzko sekuentzia didaktikoa
Sekuentzia didaktiko honek gure bizitzako paisaia arruntak paisaia ezagutzea proposatzen digu. Horretarako, gure eguneroko paisaietan murgilduko gara, ezagun ditugun gure inguruko paisaietan, tresna batzuen eta behatzeko dugun gaitasunaren laguntzarekin. Gainera, zeharo eraldatutako paisaiak ezagutuko ditugu, baita hamarkadetan zehar ia aldatu ez direnak ere.
AURREKO EZAGUTZAK: Ez da beharrezkoa paisaiaren inguruko aurreko ezagutza berezirik.
HELBURUAK: Eguneroko paisaiaren ezaugarriak zehaztea, ikuspegi desberdinak aplikatuz eta metodo desberdinekin arakatuz, maila pertsonalean eta sozialean sentsibilizazioa bultzatzearren, eta paisaiak gehiago gozatu eta baloratzearren. Paisaiaren eraldaketaren aldaketak eta eragileak identifikatzea, hainbat iturri eta tresna erabiliz (bai bakarka bai taldean), era horretan paisaiaren eboluzioaren atzean dauden faktoreei eta bere eraldaketan giza jarduerak duen eraginari buruz gogoeta egiteko. Paisaien etorkizunari buruz nork berak dituen nahiak proiektatzea, horri buruz beste pertsona batzuek izan ditzaketen ikuspegiak ulertuz eta errespetatuz, paisaien etorkizuneko eboluzioari buruzko eztabaida batean modu konstruktibo eta arduratsu batean parte hartzearren. Paisaiaren eraldaketaren eta etorkizunaren analisi baten emaitzak laburbiltzea, informazioaren eta komunikazioaren teknologiak erabiliz edukiak komunikatu eta adierazteko, paisaiaren funtzioen eta balioen inguruan gizarteak kontzientzia hartzera bultzatzearren.
