11. Euskal Autonomia Erkidegoko Lanbide Heziketaren sistema integratua (Lanbide Gaitasuna Egiaztatzeko Egitura)
Helburuak
- Pertsonen lanbide-gaitasuna areagotzea.
- Lanbide Heziketako azpisistemak elkarren artean erlazionatzea.
- Lan-merkatuaren eskariei eraginkortasunez erantzutea.
- Pertsonen behar eta interesetara hobeki egokitzen duten ibilbideak ahalbidetzea.
- Lan-eskarmentua eta prestakuntza ez-formala aitortzea.
- Kudeaketa operatiboa eraldatzea, lanbide gaitasuna ebaluatu eta aitortzeko aukera egon dadin; horretarako, koordinazioa eta eraginkortasuna areagotuko dira.
Aurrekariak
Lanbide Heziketako Kalitaterako eta Gaitasuna Ebaluatzeko Euskal Agentziaren jarduerak. Agentzia Hezkuntza, Unibertsitate eta Ikerketa Sailaren mendekoa da.
Hain zuzen ere, Hezkuntza, Unibertsitate eta Ikerketa sailburuak iragarri zuen Eusko Legebiltzarreko Hezkuntza Batzordearen aurrean, Legegintzaldian garatuko zen politika eta jardueren berri emateko 2009ko ekainaren 10ean egindako agerraldian, jarduera hau abiaraziko zela.
Saila
Esku hartzen duten Sailak
- Hezkuntza, Unibertsitate eta Ikerketa Saila.
- Enplegu eta Gizarte Gaietako Saila.
Gizarte-eragileek Partizipazioa
Gizarte-eragileen partaidetza antolatuko da Lanbide Heziketaren Euskal Kontseiluaren bitartez, Kontseilua lanbide-keziketaren arloan erakunde- eta gizarte- partaidetzarako organoa den heinean. Kontseiluaren esku egongo da, halaber, Sistema Integratutik eratorritako ekintzen jarraipena.
Foro egonkor eta formal horrek ez du baztertuko beste talde profesional batzuek, gizarteak eta herritarrek, oro har, proposamenak egiteko bideak irekitzeko aukera, proposamen horiek Lanbide Heziketaren Euskal Kontseiluan nahiz EAEko Administrazioko organo eskudunetan aintzat har daitezen.
Eraginak
Alderdi hauek arautu beharko direla uste da:
- Laneko esperientziaren bidez edo ikaskuntza ez-formalen bidez lortutako lanbide-gaitasunak ebaluatzeko, aitortzeko, ziurtatzeko eta erregistratzeko Egitura.
- Lanbide Gaitasunen Aitorpenaren arduraduntzat esleitutako Sailen Arteko Batzordea arautzea (egungo Lanbide Heziketako Kalitaterako eta Gaitasuna Ebaluatzeko Euskal Agentzia ordeztuz).
Sailen Arteko Batzorde bat sortzeko aukera dago (hezkuntza- eta lan-gaietan eskumenak dituzten Sailek osatua), lanbide-heziketako sistema integratua abiarazi dezan eta, sistema horren barruan, Lanbide Gaitasuna Egiaztatzeko Egitura. Entitate honi esleituko zaio laneko eskarmentuaren bitartez edo ikaskuntza bateratuko bide ez-formalen bitartez lortutako lanbide-gaitasunak ebaluatzeko eta egiaztatzeko ardura, eta egungo Lanbide Heziketako Kalitaterako eta Gaitasuna Ebaluatzeko Euskal Agentzia ordeztuko du.
Hainbat formula ezarriko dira entitate horrek harremana eduki dezan Hezkuntza, Unibertsitate eta Ikerketa Sailarekin eta Enplegu eta Gizarte Gaietako Sailarekin.
Jarduera ohiko aurrekontuarekin gauzatu beharko da.
Lanbide Heziketaren Euskal Kontseilutik abiatuta, lehen harreman-maila bat ezarriko da organo hau osatzen duten sail guztiekin nahiz foru-erakundeekin eta ordezkaridun eragileekin.
Eusko Jaurlaritza osoko sailen artean ere harreman-esparru bat sortuko da, deskribatutako helburuetan eragina izan dezaketen abiarazitako edo aurreikusitako jarduerak ezagutarazteko. Baliteke harreman horretatik bi aldeko harreman baten beharra sortzea sail jakin batzuekin (oraindik zehaztu gabe dago zeinekin).
Edonola ere, Enplegu eta Gizarte Gaietako Sailarekiko alde biko harremana etengabekoa izango da jarduera egituratzeko arauak izapidetzen diren bitartean.
Jarraipen iraunkorra aurreikusita dago Estatuko Administrazioko organo eskudunen jardueraren gainean, baita, hala badagokio, harremanak ezartzea ere.
Jarduera burutzeko aurreikusi den epea
Lortutako faseak
| Faseak | Hasiera data | Amaiera data | Egoera |
|---|---|---|---|
| Diseinu-aldia | 2010/01/01 | 2011/06/30 | Bukatuta |
| Garapen-aldia | 2011/06/30 | 2013/05/01 | Bukatuta |
| Burututako ekintza | 2013/05/01 | 2013/05/15 | Bukatuta |
Azken ebaluazioa
Ex post ebaluazioaz gainera, egitura etengabe ebaluatzea aurreikusi da. Egituraren aurrerapen orokorra ez ezik, egingo diren deialdi guztiak ebaluatuko dira.
