Biomasa energetikoki ustiatzeko instalazioetan inbertsioak sustatzeko laguntzen programa. 2019

a. I.1 eranskina. 2016ko diru laguntza eskabidea. Eskatzailearen datuak, behar bezala adierazita. b. I.2 eranskina. 2016ko diru laguntza eskabidea. Dokumentazio teknikoa eta administratiboa, eta bertan honako dokumentuak: c. II. eranskina. Aurkezten duen proiektu bera egiteko, beste administrazio edo erakunde publiko edo pribatu bati eskatutako edota emandako beste diru laguntzei buruzko adierazpena. Beste diru laguntza osagarririk jaso ez bada ere, dokumentu hau aurkeztu beharko da. d. III. eranskina. Onuraduna izateko bateraezintasuna dakarren zigor edo debeku administratibo edo penalik ez izateari buruzko adierazpena. e. IV. eranskina. Enpresatzat hartzeko adierazpena, 651/2014 Araudiaren ondorioetarako, eta enpresa handia edo ertaina bada. f. V. eranskina. Eskatzailea enpresa bat denean, erantzukizun-adierazpena: Herrialde Pobretuekiko Justizia eta Elkartasunerako Gutunaren abenduaren 28ko 14/2007 Legea beteta, enpresak ez duela helburu sozialik eta ez dela aritzen armagintzaren ekoizpen, merkaturatze eta finantzaketan ere. g. VI. eranskina. Enpresan 250 langile baino gehiago izanez gero, zinpeko adierazpena aurkeztu beharko da, enpresan emakume eta gizonen arteko Berdintasun Plana dutela egiaztatzeko martxoaren 22ko 3/2007 Legearen arabera. h. 651/2014 Araudiaren menpeko enpresen kasuan, eta enpresa handitzat hartzeko eskakizunak betetzen badituzte, eragin sustatzailearen edo efektu pizgarriaren justifikazioa, araudi horren 6.2 artikuluaren arabera. i. VII. eranskina. Energia berriztagarrien alorreko dokumentazio teknikoa, eta bertan honako dokumentu hauek azaldu behar dira: ¿ VII. eranskina. Behar bezala beteta. ¿ Memoria tekniko-ekonomikoa, diruz lagunduko den proiektu bakoitzeko, eta bertan hauxe adierazi beharko da: proiektuaren deskribapena eta inplementatzeko epea, instalazio edo hasiera eskemak eta kalkuluen laburpena. Ezinbestekoa da memorian honako datu hau agertzea: diruz lagunduko den instalazioak ase edo bete behar duen energia eskariari lotutako atala; kalkulatutako energia eskaria zehaztu beharko da bero premiei begira, eta hala badagokio, hotz premiei begira ere bai. Kasuan kasu, eskatzen diren gehieneko bero potentzia edota gehieneko hotz potentzia azaldu beharko dira. Ildo horretatik, laguntzen programa honetaz baliatu nahi den klimatizazio aplikazio guztiek (familia bakarreko etxebizitzak etxejabeen elkarteak, zerbitzu edo industria sektoreko saltokiek, eta abar) hauxe azaldu beharko dute: azalera klimatizatu (bero edota hotza) unitateko eskatzen den kalkulu potentziaren ratioa. Alde horretatik, gogoan izan beharko da, jakina, ratio hori toki edo eskualde mailan indarrean dauden balio estatistikoetan oinarritu beharko dela, aplikazio mota bakoitzaren arabera. Energia instalazio mistoen kasu partikularretarako, esate baterako, biomasa-galdara eta gas natural-galdararekin konbinatzen denean, edo biomasa-galdara bero ponpa geotermikoarekin konbinatzen denean, bero edota hotz eskariaren gehieneko potentziak honako honen arabera zehaztuko dira: kasuan kasuko instalazio mistoa osatzen duen ekipo bakoitzari kalkulatuko zaion ekarpen espezifikoa. Laguntzen programa honen arabera eta kasu hauetarako, diru laguntza kalkulatzeko potentzia biomasa-galdarei dagokiena izango da, eta aurreko paragrafoan adierazitako moduan. ¿ Aurrekontu zehaztua, eta diru laguntzaren eskatzaileak onartua eta sinatua. Dokumentu hau zehatza izango da sail ekonomiko ezberdinei dagokienez, eta diru laguntzaren eskatzaileak sinatu beharko du, dokumentua onartzen duen froga gisa. Ez da inolako aurrekonturik onartuko, baldin eta sail ekonomiko gehituak baditu, energia instalazioaren sail ekonomiko garrantzitsuenak bereiztea galaraztea ekar dezaketenak. ¿ Energia sortzeko ekipoaren fabrikatzailearen zehaztapen teknikoak (fabrikatzaileak emandako dokumentazio teknikoaren kopia).