Behargintzak enplegu eta tokiko garapenerako zentroentzako diru-laguntzak arautzen dituzten oinarriak eta deialdia ezartzen dira; diru-laguntza enplegu-politikak eta tokiko garapena artikulatzea. Bizkaia 2019

a) Banku-helbideratzearen fitxa: Fitxan adierazitako kontu-zenbakiak eskabide orrian jarritako bera izan behar du. b) Plantillaren ziurtagiria, udaleko kontu-hartzaileak emana, baldin Behargintzak enplegu eta tokiko garapenerako zentroek ez badute dagozkien toki-erakundeetatik bereizitako nortasun juridiko propiorik, edo erakundearen ordezkaritza duen pertsonak emana, baldin eta merkataritzako enpresa edo irabazteko asmorik gabeko elkarte gisa eratutako enplegu eta tokiko garapenerako zentroak badira. Ziurtagirian, Behargintza zentroari atxikitako pertsonen zerrenda, lanpostua eta kontratu-mota adierazi beharko dira. c) Txostena, gutxienez ere alderdi hauek jasotzen dituena: 1) Proiektuaren memoria, alderdi hauek zehazten dituena: - Lortu nahi diren helburuak. - Egin beharreko jarduketak; atal honetan, zehatz-mehatz azalduko da jarduketa bakoitza, eta adieraziko da zein epetan egingo den eta nor arduratuko den egiteaz. - Proiektuan parte hartuko duten pertsonen zerrenda; adieraziko da pertsona bakoitzak zenbat ordu emango dituen eta orduko zenbateko kostua dakarren. - Eta, era berean, jarduketa bakoitzeko aurrez ikusitako pertsonal-gastuak, aurrez ikusitako sarrerekin batera. 2) Proposatutako ekintzaren egokitasuna justifikatzeko arrazoiak. 3) Behargintzaren jardun-eremua diren udalerrietan proposatutako proiektuaren lan- eta gizarte-eraginaren azterketa. 2. Diruz lagundutako jardueren azterketa eta ebaluazioa edozein unetan egin daitezke, jarduera hasten denetik, eta jarduera amaitu ostera arte. Erakunde onuradunak lankidetzan jardun beharko du Enplegua, Gizarte Inklusioa eta Berdintasuna Sustatzeko Sailarekin edota sailak izendatzen duen edozein erakunderekin; eskatzen zaizkion datuak eta agiriak aurkeztu beharko ditu, eta baimena eman beharko du datu horiek zuzenean prestakuntza-zentroei eta jardueran parte hartu dutenei eskatzeko.