ZuEKIN Berpiztu. Zumarraga 2019

Documentazio orokorra: a) Laguntza eskaera, Udalak prestatutako eskaera-eredu ofizialaren araberakoa. b) Nortasun juridikoa egiaztatzeko dokumentuak: Norbanakoen kasuan, NANaren kopia. Pertsona juridikoen kasuan, eskrituraren edo erakundearen edo entitatearen eraketa jasotzen duen dokumentuaren eta estatutuen fotokopia, hots, Merkataritza Erregistroan edo dagokion erregistroan behar bezala inskribatuena. c) Legezko ordezkaritzen kasuan, ordezkariaren NANaren edo balio bereko dokumentu baten fotokopia, ordezkaritzaren dokumentu bidezko egiaztapenarekin batera. Egiaztapen hori zuzenbidean baliozkoa den edozein bitartekoren bidez egin ahal izango da (notario-ahalordez, eskritura bitartez...). d) Eskatzailearen bankuko kontuaren titularitatearen egiaztagiria; titulartasun horrek bat etorri behar du eskatzailearen identitatearekin. Egiaztagiritzat balio dutenak honakoak dira: bankuko kontu laburpena; banku erakundeak emandako ziurtagiria edo diru-laguntza eskaeraren inprimakian «Kontu zenbakia» atalean banku erakundeak jarritako zigilua). e) Zerga betebeharrak eta Gizarte Segurantzarekiko betebeharrak egunean daudela egiaztatzen duten ziurtagiriak, Gizarte Segurantzaren Diruzaintza Nagusiak eta eskumena duen Ogasunak eginak. Edota, horren ordez, pertsona eskatzaileek izenpetutako aitorpena, espresuki adierazten duena baimena ematen dutela ziurtagiriak eman behar dituzten erakundeek zuzenean eman diezazkioten Udalari beharrezko diren datuak. f) Ekonomia Jardueren gaineko Zergako altaren fotokopia, edo ordaindutako azken erreziboarena. g) Identifikazio Fiskaleko Kodearen fotokopia. h) Zumarragako Udalaren zergen ordainketa egunean izateari buruzko egiaztagiria. i) Laguntzak xede izango duen proiektu, programa edo jarduerari buruzko azalpen memoria. j) Diru-laguntzaren xede den jarduerarako beste diru-laguntzaren bat eskatu edo eskuratu baldin bada, beste diru-laguntza horiei buruzko erantzukizunpeko adierazpena. Horrelakorik eskatu ez bada, horrixe buruzko erantzukizunpeko adierazpena. k) Onuraduna izateko aukera eragozten duten zertze¬ladetako baten beraren eraginpean ez egoteari buruzko erantzukizunpeko adierazpena. Dokumentazio espezifikoa: 1 Lokalen erabilera udalari lagatzeko interesa duten jabeek egiten duten eskaeran, lokalaren identifikazioa eta dagoen egoera jaso beharko dira. 2 Erakusleihoko espazioa erabiltzeko interesa duten dendari, ekintzaile edo eskulangileek egiten duten eskaeran identifikazioa eta establezimenduaren jarduera edo erakusleihoari eman nahi zaion erabilera jaso beharko dira.