Kultura eta Hizkuntza Politika Saila

Epaimahia:

Gerardo Markuleta Gutiérrez jauna, epaimahaiburu.
Manu López Gaseni jauna, epaimahaikide.
Asun Agiriano Altuna andrea, epaimahaikide,
Mila Maguregi Jauregi andrea, epaimahaikide.
Román Berriozabal Azpitarte jauna, epaimahaiko idazkari

Epaimahiaren erabakia:

Animalien Inauteria liburuan, alegoria baten bitartez, basapiztien eta gizakien arteko lehia planteatzen da; azken batean, naturaren eta zibilizazioaren artekoa.

Liburuak, ezpairik gabe, gogoeta eta irakurketa anitzetarako bidea ematen du.

Ikuspuntua naturarena eta animalia zaharrena da, eskarmentua eta esperientzia duten animaliena.

Juaristik prosa landua darabil, lirikotasun zantzuak ageri dituelarik. Hizkera zaindu eta landua, naturaren deskribapenean garrantzi berezikoa.

Narrazioaren egitura bera ere, sendoa eta ongi bideratua da, erritmo pausatu eta ondo neurtuan emana.

Liburuan adiskidetasuna ageri da balore nagusi gisa eta elkarbizitza bideratzeko jendetasunaren garrantzia azpimarratzen du, norberaren izate moduari uko egin gabe.