Lehendakariak nabarmentzen du EAEko enpresek ingurumen-kudeaketan duten posizionamendua
Iturria: Irekia - Eusko Jaurlaritza
2013(e)ko Abenduak 18
Iñigo Urkullu Lehendariak nabarmendu du Eusko Jaurlaritzak baliabide naturalekin, berrikuntzarekin eta ingurumen-jasangarritasunarekin duen konpromisoa, eta uste du "baliabideak kontsumitzeko hazkunde intentsiboaren eredu batetik baliabideen eraginkortasunean oinarritzen den batera aldatu beharra dagoela". Gaur arratsaldean, Ana Oregi Sailburuarekin batera, Urkulluk EMAS ziurtagiriak banatzeko ekitaldian hartu du parte Donostiako Kursaal Jauregian; sari hori dagoeneko EAEko hirurogei enpresari eman zaie, ingurumenarekin hartu duten konpromisoarengatik.
Lehendakariak honako hau esanez animatu ditu Kursaalean zeuden eta ziurtagiria jaso duten enpresak ordezkatzen dituzten ehun eta hogei bertaratuak: "partekatu dezagun elkarrekin, ekimen publikoa eta pribatua, etorkizunean enplegu jasangarria sortzeko ereduak asmatu beharra. Gaur aitorpen hori jaso duten erakundeak bihurketa nagusitzen ari dira, konpromisoan eta jasangarritasunarekiko ikuspegian oinarrituta, EMAS ingurumen-kudeaketarako sistemarekin".
Era berean, Urkulluk URA zoriondu du, Uraren Euskal Agentzia, "Nazioarteko Gardentasuna Erakundearen aldetik jaso duen aitorpena dela-eta; izan ere, hark estatuko lehen ur-agentzia gisa kokatu du, egiten duen kudeaketa onagatik eta gardenagatik. Horregatik, ingurumen-kudeaketaren bikaintasuna baloratzen den ekitaldi honetan, nire esker ona helarazi nahiko nioke URA Agentziari, hark egiten duen kudeaketagatik eta gardentasunagatik".
Bere aldetik, lehendakariak honako hau adierazi du: "hazteko beste modu batek eragingo du susperraldia, horrela baino ez baitugu etorkizun oparo, inklusibo eta jasangarria bermatuko". Urkulluren arabera, "ekoindustria europarrak 1,2 milioi lanpostu sortu ahal izan ditu 2000. urtetik, eta 3,4 milioi pertsonentzako lanpostuak eskaintzen ditu gaur egun. Dirudienez, lanpostu berdeen kopuruak gora egingo du baliabideen eraginkortasunean oinarritutako hazkundea sendotzen goazen heinean".
Oregi
Oregik gogorarazi duen moduan, "EMAS kudeaketa-sistema eta ingurumen-ziurtagiri europarrak hainbat onura eskaintzen dizkie enpresei, hala nola, gertakari negatiboak murriztea, alderdi interesatuekin dituzten harremanak hobetzea, merkatuko aukerak areagotzea, ekoizpena handitzea (eragiketen kontrol handiagoa dela eta), finantza-aurrezkiak, eta langileen kontratazioari eta fidelizazioari dagozkion hobekuntzak".
"Gainera -zehaztu du Ana Oregik-, EMAS ziurtagiria eskuratzeak administrazio publikoekin harremanak hobetzea ahalbidetzen du, diru-laguntzak eta zerga-arintzeak erraztuz, edo kontratazio publikoari dagozkion hainbat onura eskainiz; izan ere, legealdi honetan Eusko Jaurlaritza gogor ari da lan egiten helburu hori lortzeko".
Oregik gogorarazi duen moduan, "EMAS Sisteman txertatzeak murriztu egiten ditu ingurumen arloko araudia urratzeko aukerak eta zigor ekonomikoak izateko arriskua; era berean, ingurumen-araudiak eskatzen dituen fidantzak eta aseguru-primak murrizten ditu; enpresen eta erakundeen irudia hobetzen du eta horiek beren bezeroekin, bazkideekin, akziodunekin eta kontsumitzaileekin duten konfiantza areagotzen du; langileen sentsibilizazioa eta motibazioa handitzen ditu; eta negozioa egiteko ikuspegi berriak eskaintzen ditu".
"Horrez gain -gaineratu du Oregik-, Estatuko nahiz autonomia erkidegoetako Administrazio Publikoek sekulako lana egiten dute EMAS Sisteman txertatuta dauden operadore guztiek -egiaztatzaileek, ingurumen-eskumenak dituzten administrazioek eta erregistratutako enpresek- EMAS III Erregelamenduak eskatzen dituen lege-eskakizunak betetzen dituztela bermatzeko; hori dela-eta, sistemak halako bermeak eta sinesgarritasuna bereganatzen ditu, gainerako ingurumen-kudeaketarako sistemengandik bereizten duena".
Josean Galera Ingurumen Sailburuordeak aurkeztutako ekitaldian ziurtagiriak eman zaizkie ziurtagiri europarrera egokitzeko prozesua gauzatu duten enpresei. Horien artean, Mercedes Benz degu, Autonomia Erkidegoan langile gehien dituen enpresetako bat.
2002. urtetik, Eusko Jaurlaritzako Ingurumen Sailak -ingurumen esparruko organoa den neurrian- EMAS sistemaren sinesgarritasuna eta gardentasuna bermatzen ditu, publikoak informazioa eskuratu ahal izan dezala bermatzen du, eta hura Euskal Autonomia Erkidegoan aplikatu eta hedatu dadila sustatzen du. 2002an, Euskal Herriko 6 enpresek baino ez zuten EMAS ziurtagiria, eta gaur egun 60 erakunde eta 80 zentro ditugu dagoeneko; izan ere, gaur egun Europan EMAS ziurtagiria duten 4.168 erakundeen eta 12.000 zentroen artean sartzen dira horiek.
Urkulluk euskal enpresak aipatuz eman dio amaiera topaketari, eta Eusko Jaurlaritzaren betebeharra gogorarazi du, hau da, "aldaketa posible egiten duten enpresak aitortzea, EMAS ziurtagiria jaso duten enpresak, adibidez. Izan ere, gure Gobernuaren konpromisoa da adostasunean eta konpromiso nahiz erantzukizun kolektiboan oinarritzea. Enpresa eta erakunde horien eguneroko konpromisoa guztiz eredugarria da gure Herrialdea pixkanaka eraikitzeko, garai zail hauetan adorea eta konfiantza transmititzeko".
Urkullu, Oregi eta ziurtagiria jaso duten enpresetako ordezkariez gain, ekitaldian izan dira Josean Galera sailburuordea, Javier Agirre Ihobeko zuzendaria, Alejandra Iturrioz eta Amaia Barredo Eusko Jaurlaritzako Ingurumenaren Kalitatearen eta Bioaniztasunaren zuzendariak, eta Iñigo Ansola URA Agentziako zuzendaria.
Ekitaldian izan diren eta EMAS ziurtagiria duten enpresak
- EATON INDUSTRIES (SPAIN), S.L. Derio-Bizkaia
- MUNKSJO PAPER, S.A. Berastegi-Gipuzkoa
- DEP. AGRICULTURA, GANADERRÍA, MONTES Y MEDIO AMBIENTE DEL AYTO. DE AMURRIO Amurrio-Araba
- DANOBAT Elgoibar-Gipuzkoa
- ITP - INDUSTRIA DE TURBO PROPULSORES, S.A. Zamudio-Bizkaia
- INTEMAN, S.A. Vitoria-Gasteiz, Araba
- OBE HETTICH - HETTICH IBERIA Aizarnazabal-Gipuzkoa
- ARCELOR MITTAL -ACERÍA COMPACTA DE BIZKAIA (ACB)- Sestao-Bizkaia
- SER. DE MEDIO AMBIENTE Y SERV. ESPECIALES DEL AYTO. DE DONOSTI- GESTIÓN INTEGRAL DE LAS PLAYA DE ZURRIOLA, LA CONCHA, ONDARRETA Y Sta. CLARA. Donostia-San Sebastián, Gipuzkoa
- PRECICAST BILBAO, S. L.
- BEFESA ALUMINIO BILBAO, S.L. Erandio, Bizkaia
- EUSKALTEL, S.A. Derio, Bizkaia
- LEMONA INDUSTRIAL S.A. Bilbao, Bizkaia
- FUNDACIÓN DIOCESANAS - JESÚS OBRERO FUNDAZIOA CAMPUS JESUS OBRERO Vitoria-Gasteiz, Araba
- FPK LIGHTWEIGHT TECHNOLOGIES, S. COOP. Zamudio, Bizkaia
- METRO BILBAO, S.A. Bilbao, Bizkaia
- FUNDACIÓN GAIKER Zamudio, Bizkaia
- PIERBURG, S.A. Abadiño, Bizkaia
- IES BEASAIN BHI (TXINDOKI EGOITZA) Beasain, Gipuzkoa
- TERMINAL PORTUARIA DE ESTACIONES DE SERVICIO DE GUIPÚZCOA, S.A. Donostia-San Sebastián, Gipuzkoa
- CENTRAL DE CICLO COMBINADO DE SANTURCE, GRUPO 4, Santurce Bizkaia
- TERMINALES PORTUARIAS, S.L. Zierbena, Bizkaia
- PAPRESA Errenteria, Gipuzkoa
- OSAKIDETZA-COMARCA BILBAO Bilbao, Bizkaia
- FACTOR CO2 INTEGRAL SERVICES, S.L. Bilbao, Bizkaia
- GRÁFICAS LANKORPE, S.L. Hernani, Gipuzkoa
- EUSKAL TRENBIDE SAREA-ETS Bilbao, Bizkaia
- NORBEGA, S.A. Galdakao, Bizkaia
- EKONOR, S.A. Getxo, Bizkaia
- NOATUM CONTAINER TERMINAL BILBAO S.A. Santurtzi, Bizkaia
- IKANKRONITEK, S.L. Bergara, Gipuzkoa
- IEFPS ELORRIETA-ERREKAMARI GLHBI Bilbao, Bizkaia
- ACLIMA (ASOCIACIÓN CLUSTER DE INDUSTRIAS DE MEDIO AMBIENTE DE EUSKADI) Bilbao, Bizkaia
- CESPA CONTENT S.A. Bilbao, Bizkaia
- TALLERES ARRECHE, S.A. Tolosa, Gipuzkoa
- MIRANDAOLA SERVICIOS MEDIOAMBIENTALES S.L. Legazpi, Gipuzkoa
- BAHIA DE BIZKAIA ELECTRICIDAD, S.L. Zierbena, Bizkaia
- HOSPITAL GALDAKAO - USANSOLO OSPITALEA Galdakao, Bizkaia
- UROLAKO INDUSTRIALDEA, S.A. Zumarraga, GIpuzkoa
- HOSPITAL DE ZUMARRAGA Zumarraga, Gipuzkoa
- ENERGIAS RENOVABLES IBISATE, S.L. Vitoria-Gasteiz, Araba
- COMPAÑÍA LOGÍSTICA DE HIDROCARBUROS CLH, S.A. AVIACIÓN INSTALACIÓN DE ALMACENAMIENTO DE SANTURCE Santurce, Bizkaia
- MERCEDES-BENZ ESPAÑA, S.A. Vitoria-Gasteiz, Araba
- JAUREGUIZAR PROMOCIÓN Y GESTIÓN INMOBILIARIA S.L. Bilbao, Bizkaia
- CLH INSTALACIÓN AEROPORTUARIA DE BILBAO Bilbao, Bizkaia
- PESA BIZKAIA, S.A. Lemoa, Bizkaia
- TEKNIMAP ENERGÍA Y MEDIO AMBIENTE, S.L. Eibar, GIpuzkoa