Barakaldoko udalerrian babes ofizialeko 144 etxebizitza eraiki behar ditu jabetzan RESIDENCIAL HENAO SM. 

2012ko urriaren 15eko Aginduko IV Kapituluari jarraiki Bizkaiko Lurralde Ordezkaritzak sustapen horren esleipenean parte hartzeko izena eman duten erosketako etxebizitza eskatzaileen zerrenda bat helaraziko dio sustatzaileari. 

Hori dela eta, Etxebiden Bilbao Metropolitanoko Eskualde Egituran etxebizitza erosteko eskaria egin baduzu eta etxebizitza horietako esleipen prozeduran parte hartu nahi baduzu espresuki adierazi beharko duzu, 2019ko maiatzaren 6a eta 2019ko ekainaren 3a bitarteko epean (biak barne) aurkeztu beharreko idatzi baten bidez. Soilik parte hartu ahal izango dute eskaerak aurkezteko epea hasten denean Etxebideko erregistroan alta egoeran daudenak. 

2019ko ekainaren 12an web gune honetan, Eusko Jaurlaritzako taula elektronikoan eta Bizkaiko Zuzenean Zerbitzuko iragarki-taulan (Kale Nagusia, 85 – 48011 Bilbao) argitaratuko dira sustatzaileak notario aurrean egingo duen zozketan parte hartuko duten pertsonen zerrenda, eta baita parte hartuko ez duten pertsonen eta horrela gertatzeko arrazoien zerrenda ere. Halaber, zerrendei erreklamazioak aurkezteko epea zein izango den zehaztuko da.

• Eskuratze erregimena: Erosketa – Jabetza
• Araubidea: Araubide orokorreko babes ofizialeko etxebizitzak
• Sustatzailea: Pribatua – RESIDENCIAL HENAO SM.
• Etxebizitza kopurua: 144 (garaje eta trastelekua barne)
• Kokapena: V2 R8P LURSAILA -SEFANITRO- BARAKALDO (BIZKAIA)
• Etxebizitzen prezioa: 141.489,28€ eta 176.086,04€ bitartekoa (BEZik gabe)

Esleipen prozeduran parte hartzea eskatzen baduzu eta etxebizitza bat esleitzen bazaizu, esleipenari uko eginez gero Etxebideko Erregistroan baja izango zara eta urtebetez inskribatzeko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.

Informazio gehiago eskuratzeko:
RESIDENCIAL HENAO, SM
Henao kalea 28, 1. ezk. 48009 BILBAO
Tfno: 946 450 080
imartinez @aureahomes.es