Biztanleria eta Etxebizitza Zentsua, Eustat.

Hau da familia-etxebizitza: eraikin bateko edo egitura aldetik horretatik bereizita dagoen gune bateko gelak edo gela-multzoa eta horren bulegoak. Eraiki, berreraiki, eraldatu edo egokitu den moduagatik pertsona bat edo batzuk bertan bizitzeko da, eta errolda egin den datan ez da beste helburu batzuetarako erabiltzen. Familia-etxebizitzak honela sailkatzen dira: nagusiak (urte osoan edo urteko zati batean pertsona baten edo gehiagoren ohiko bizileku gisa erabiltzen direnean), bigarren etxebizitzak, hutsik dauden etxebizitzak eta bestelakoak.

Erroldaren ondoreetarako, eraikin bat "aurri egoeran" dagoela jotzen da baldin eta zurkaiztuta badago, aurri-deklarazioa tramitatzen ari bada edo jada aurri-deklarazio ofiziala egon arren bertan oraindik norbait bizi bada. Bere egoera "txarra" izango da baldin eta bere fatxadetako batean pitzadura edo bizkar handiak badaude, sabai eta zoruak mailatuta eta okertuta badaude, edo eraikinaren sostenguak huts egin duela antzeman bada. Azkenik, eraikinaren egoera "eskasa" dela jotzen da ur-zorroten edo hustubideak egoera txarrean badauzka, teilatuetatik ura sartzen bada edo beheko aldean hezetasuna agertzen bada.