Lehendakaritza

Pirinioetako Lan Elkartea (CTP)

Pirinioetako Lan Elkartea 1983an sortu zen, Europako Kontseiluaren laguntzarekin, zeinak Pirinioetako eremuan Europako beste muga batzuetan dauden mugaz gaindiko lankidetza egituraren antzekoa ezartzea duen helburu. 2005ean, PLEk Partzuergo bat izendatu du, Espainiako zuzenbide publikoaren mendeko erakunde juridikoa, esku-hartzeari beste bultzada bat emateko, bereziki funtsen eta programa europarren kudeaketaren eremuan. http://www.ctp.org

Helburua

Lau arlo nagusiren arazoak konpontzeko trukerako gunea da:

  • Komunikazio-azpiegiturak
  • Ikerketa eta prestakuntza
  • Kultura, gazteria eta kirolak (Euskadik koordinatuta)
  • Garapen iraunkorra

Kideak

  • Frantziako eskualdeak: Aquitaine, Midi-Pyrénées, Languedoc-Roussillon
  • Espainiako autonomia-erkidegoak: Katalunia, Aragoi, Nafarroa, Euskadi
  • Andorrako Printzerria

Gobernantza

Urtean behin egiten da Osoko Bilkuren Kontseilua, eta presidentea bi urtetik behin txandakatzen da, kontseilua osatzen duten kideen hurrenkera alfabetikoan. Batzorde Betearazlea idazkari nagusiak zuzenduko du, eta PLEko kide diren kolektibo guztien ordezkariz osatuta dago. Urtean hainbat alditan biltzen da, eta jarraitu beharreko ildo estrategikoak ezartzen ditu.

Egoitza

Jakan dago, eta PLEren Partzuergoko zuzendariak koordinatzen duen 10 pertsonako taldea du.

POCTEFA programa

Nabarmentzekoa da Pirinioetako Lan Elkarteak Espainiako, Frantziako eta Andorrako Lurralde Lankidetzako Programa Operatiboaren (POCTEFA) Kudeaketa Programa gisa duen eginkizuna. Programa honek 189 milioi euro ditu mugaz gaindiko lurraldeko 15 milioi biztanle ingururako, Espainia, Frantzia eta Andorrako Lurralde Lankidetzako Programa Operatiboaren bidez. Frantziako bost departamendu (Pirinio Atlantikoak, Pririnio Garaiak, Garona Garaia, Ariège, Ekialdeko Pirinioak), Espainiako bost autonomia-erkidego (Euskadi, Errioxa, Nafarroa, Aragoi –Zaragoza eta Huesca–) eta Katalunia eta Andorra barne hartzen duen lurraldeko biztanleen bizitza hobetzea du helburu.

2014-2020 epean, programak diruz lagunduko ditu hainbat esparrutan eskualdeko arazo orokorrei konponbidea bilatzea xede duten proiektuak; besteak beste, berrikuntza eta lehiakortasuna, ingurumena, I+G, mugikortasuna, prestakuntza eta klima aldaketa.

Azken aldaketako data: 2015/12/02