AREPO Adierazpen Geografikoen eta Jatorri Deituren alorrean diharduen eskualde-gobernu eta ekoizle-elkarteen sarea da. Webgunea: http://www.arepoquality.eu

Egun, Europako 27 eskualde eta 400 ekoizle-talde ordezkatzen ditu, hots, Europako Adierazpen Geografikoen % 40 baino gehiago.

AREPOren xede nagusiak honako hauek dira:

• Eskualdeei dagokienez:
• Adierazpen geografikoak eta kalitate handiko produktuak garatzea, lurraldeko plangintzarako eta garapenerako tresna gisa.
• Europako politika indartzea, Adierazpen Geografikoei eta jatorrizko produktuei dagokienez.
• Ekoizleei dagokienez:
• Ekoizleentzako diru-sarrera egokiak bermatzea.
• Lobbying ekintzak burutzea, kalitatezko produktuek behar bezalako babesa izan dezaten Europako merkatuan, baita hirugarren herrietan ere.
• Lobbying ekintzak burutzea, kalitateak merezi duen lekua izan dezan sustapen-politiketan.
• Kontsumitzaileei dagokienez:
• Komunikazio eta informazio egokia ziurtatzea.

Euskadi Administrazio Kontseiluko kidea da. Euskadiri dagokionez, Eusko Jaurlaritzako Ekonomiaren Garapen eta Lehiakortasun Sailak eta HAZIk hartzen dute parte sarean.

Webgunea: http://www.arepoquality.eu